AALAJANGIIVOQ

Ineqarnermut Naammagittaalliuuteqartarfik isumaqarpoq, ineqarnermut akiliutip qaffanneqarnissaa pillugu kalerriineq unioqqutitsinerusoq.
Taamaattumik piffissami oqaatigineqartumi ilinnut sunniuteqassanngilaq.
Tamanna isumaqarpoq, ineqarnermut akiliutip qaffanneqarnissaa pillugu nalunaaruteqarneq sioqqullugu ineqarnermut akiliutigisartakkat suli akiliutigisassavat.

Inissianik attartortitsisarneq pillugu Inatsisartut peqqussutaat nr. 2, 12. maaji 2005-imeersoq kingusinnerusukkut allannguuteqartoq naapertorlugu aaliangiisoqarpoq.

Nassuiarneqarnera:

Suliami atuarneqarsinnaavoq, najugaqatigiiffimmi ZZ pigineqartumi aamma XX-mit aqunneqartumi najugaqartuusutit.

Najugarisannut attartornermut isumaqatigiissutip pissarsiarinissaa iluatsissinnaasimanngilaq.
Ilisimatitsissutigineqarpoq, XX-iup ulloq 1. januaari 2016-imi ineqarnermut akiliutit 2.250,- kr.-nut aalajangersaaffigisimagaa.

Ulloq 25. juuni 2018-imi ineqarnermut akiliutip qaffaavigineqarnera pillugu nalunaarut malillugu ineqarnermut akiliutit ulloq 1. septembari 2018-imiit 4.017,- kr.-nut qaffanniarneqarpoq.

Ineqarnermut akiliutip qaffanneqarneranut tunngavilersuutigineqarpoq,  najugaqatigiiffinnut 28-nut aserfallatsaaliinermut aamma kiffartuussinermut ukiumut aningaasartuutit agguaqatigiissinnerat naapertorlugu allannguut pisimasoq.  

Ulloq 29. juuni Ineqarnermut Naammagittaalliuuteqartarfimmut naammagittaalliuutinni ilaatigut oqaatigaat, akileraarutit ilanngaatigereerlugit 7.000,- nik siusinaartumik utoqqalinersisarlutit.     Nerisaqarner-mut 2.000,- kr.-nik akiliuteqartarputit.   Ineqarnermut 4.017,- kr.-nik akiliuteqartassaguit, taamaallaat 983,- kr.-nit atugassarilissavatit, annikippallaarput.  

Inatsisitigut tunngaviit:
Peqqussummi § 28-mi, imm. 2 malillugu ineqarnermut akiliummik qaf-faanissamik kalerriinermi periutsimut tunngatillugu attartortunit naammagittaalliuutigineqartut Inissianik attartortitsisarneq pillugu Inatsisartut peqqussutaanni nr. 2-mi, 12. maaji 2005-imeersumi § 84-imi, imm. 1-imi, nr. 1 naapertorlugu Ineqarnermut Naammagittaalliuute-qartarfimmit suliarineqarsinnaapput.

Inatsisartut peqqussutaanni § 1 naapertorlugu atuuffigisaa tassaavoq il-lunik illunilu ineeqqanik inigisassanik attartortitsineq, attartukkanik at-tartortitseqqinneq ilanngullugu, tamatumani aningaasaanik allaanerusu-nik akiliuteqartarnersoq aamma inissiap ilaa inissiatuunngitsoq at-tartortinneqarnersoq apeqqutaatinnagu.

Peqqussummi § 28-mi, imm. 2 naapertorlugu ineqarnermut akiliutit ukiumoortumik attartortitsisup najugaqatigiiffiummi ingerlatsinermut missingersuutaa akuerisaalu tunngavigalugit ukiumut tulliuttumut anner-tussusilerneqartassapput. Imm. 1-imi piumasaqaatit naammassiniarlugit ineqarnermut akiliummik qaffaanissaq pisariaqassappat, tamanna at-tartortunut ataasiakkaanut qaammatinik 3-nik sioqqutsisumik kalerri-inikkut pisinnaavoq. Kalerriineq qaffaanermut tunngaviusut qaffaatis-sallu qaammammut oorinngorlugit annertussusissaat pillugu paasissutis-sanik imaqanngippat kalerriineq atorsinnaanngilaq. Ukiumut tul-liuttumut missingersuutit kalerriinermut ilanngunneqarsinnaapput, tas-sanilu qaffaanermut tunngaviusoq allassimassaaq.

Inuit annertuumik innarluutillit ikiorserneqartarnerat pillugu ZZ nalunaarutaanni no. 8-mi, 25. juuni 2014-imeersumi § 44 naapertorlugu nakkutigineqarluni najugaqarfik najugaqartut nammineq angerlarsimaffi-attut isigineqassaaq.
Inatsisitigut tunngavigisaq aalajangiinermut ilanngunneqarpoq. 

Naliliineq:
Ineqarnermut Naammagittaalliuuteqartarfik isumaqarpoq, akiliutip qaffanneqarnera atorsinnaanngitsoq.

Tamatumani tunngavilersuutigineqarpoq, kalerriinermi:

  1.  qaffaanerup angissusaa qaammammut oorinngorlugu ilisimatitsissutigineqarsimanngilaq.
  2. ineqarnermut akiliutip qaffannissaa pillugu nalunaarut attartornermut peqqussutip piumasaqaatitaanik naammassinnissimanngilaq, tassalu ineqarnermut akiliutip qaffannissaa sioqqullugu minnerpaamik qaammatinik 3-nik sioqqutsisumik kalerriinikkut pisinnaasoq.

Taamaasilluni kalerriineq 1. juuni 2018 nallertinnagu pisussaasimavoq aamma ineqarnermut akiliutip qaffaatissaa oorinngorlugu ilisimatitsissutigineqarluni.

Aalajangiineq isumaqarpoq, ineqarnermut akiliut 2.250,- kr.-nik annertussusilik suli akiliutigisassagakku, taanna ineqarnermut akiliutip qaffanneqarnissaa pillugu kalerriineq sioqqullugu ineqarnermut akiliutigisartakkat.

Ulloq 1. septembari 2018-ip kingorna qaffaat akilersimassagukku, maannamut ineqarnermut akiliutaasimasup qaffaatillu nikingassutaat kommunimit ilinnut tunniunneqassaaq.

Ineqarnermut akiliutip qaffaataa aatsaat atuutilissaaq, piffissaq eqqorlugu ineqarnermut akiliutip qaffannissaa pillugu kommunimiit kalerriinermik tigusaqarsimaguit, taanna qaffaanermut tunngavilersuutinik, qaffaanerup naatsorsorneqarneranik kiisalu qaffaanerup annertussutaata oorinngorlugit ilisimatitsissutigineqarneranik imaqassaaq.

Ineqarnermut akiliutivit naatsorsorneqarnerani Kommuni XX siunissami taamaallaat najugaqatigiiffimmi najugaqarfigisavit aningaasartuutai tunngavigalugit naatsorsuusiortassaaq.

Aammattaaq Inissianik attartortitsisarneq pillugu Inatsisartut peqqussutaanni nr. 2-mi, 12. maaji 2005-imeersumi kingusinnerusukkut allannguuteqartumi § 28-mi, imm. 2-p oqaaseqaatitai Ineqarnermut Naammagittaalliuuteqartarfimmit kommunimut erseqqissaatigineqassapput, tassani atuarneqarsinnaapput imaattut:

”Siunnersuutip imm. 2-p kingunerissavaa, ineqarnermut akiliutinik qaffaanerit inatsisinut naapertuutissappata attartortunut ataasiakkaanut qaammatinik 3-nik sioqqutsisumik kalerriisarnissaq. Kalerriinerit, ineqarnermut akiliutip qaffannissaanut pissutsit aamma annertussusaat pillugit

paasissutissanik imaqanngikkunik atorsinnaanngillat. Kalerriineq minnerpaamik ineqarnermut akiliutip qaffanneqarneranut pissutaasunik

pingaarnernik imaqartariaqarpoq. Pissutsit taaneqarsinnaasut tassaapput, allaffissornikkut aningaasartuutit qaffassimanerat, aningaasaliissutinit iluanaarutissat qaffakkiartuaarneqartarnerat, pingaarnertut ingerlatsinermut aningaasartuutit qaffassimanerat imaluunniit akiitsunik isumakkeerinninnermut aningaasartuutit qaffassimanerat. Attartortitsisup paasissutissiisussaatitaanini aamma kivissinnaavaa, ukiumi pineqartumi aamma ukiumut tulliuttumut missingersuut pingaarnertut susassaqarfinnut missingersuutinik kisitsisinngorlugit takutitsisup ilanngullugit nassiunneratigut.”

Taamaattumik Ineqarnermut Naammagittaalliuuteqartarfiup innersuussutigisinnaavaa, assersuutigalugu ingerlatsinermut missingersuut assigisaaluunniit kalerriinermut ilanngunneqarsinnaasoq, taamaasilluni ineqarnermut akiliutip qaffanneqarnissaanut pissutaasoq attartuisumit ilisimalerneqalissaaq.

Ilutigitillugu oqaatigineqassaaq, Ineqarnermut tapiissutit pillugit qinnuteqarnissamut periarfissaqaravit.

Kommuni XX najugarisannut tunngatillugu piaarnerpaamik attartornermut isumaqatigiissusiortariaqarpoq, taanna pigineqariinngippat.

Aalajangiineq: 
XX-iup ineqarnermut akiliutip qaffannissaa pillugu aalajangiinera atorsinnaanngilaq taamaattumillu inatsisitigut sunniuteqarsinnaanngilaq.

Naammagittaalliornissamut ilitsersuineq:
Ineqarnermut naammagittaalliuuteqartarfiup aalajangiinera ingerlatsinermut oqartussaqarfimmut allamut naammagittaalliuutigineqarsinnaanngilaq tak. § 86 imm. 7 Inissianik attartortitsisarneq pillugu Inatsisartut peqqussutaat nr. 2, 12. maaji 2005-imeersoq.

Ineqarnermut Naammagittaalliuteqartarfiup aalajangiinera eqqartuussisunut suliassanngortinneqarnissaa kissaatigineqarpat, attartortitsisumik sassaqqusissut, tassa ZZ imaluunniit kommuni Kalaallit Nunaata
Eqqartuussivianut tunniunneqassapput.

Inussiarnersumik
Innuttaasoq B
Siulittaasoq