AALAJANGIINEQ

Inissiaatileqatigiit XX-ip aalajangiinera allanngortinneqarpoq, imaalillugu, illit aammalu Innuttaasoq A akuerisaasumik inissiamik paarlaasinnaanngorlusi. Imatut isumaqarpoq, illit maalaaruteqarninni taperserneqartutit.

Suliassap uppernarsaatai:

  • Attartornermut isumaqatigiissut juni ulluisa 30-ianeersoq 2010
  • Inissinnik paarlaanniarlusi qinnuteqaatersi augustusip ulluisa 29-ianeersoq 2012
  • Illit aamma Inissiaatileqatigiit XX (tamatumap kingorna Inissiaatileqatigiinnik taaneqassaaq) akornassinni allaffeqatigiinnersi.

Suliassap nassuiataa:

Inissiamik attartuinermut isumaqatgiissut naapertorlugu junip ulluisa 30-iani 2010, inissiamut isertersimavutit, taannalu Najugaq B-XX. Nuussuarmi inissisimavoq, nuussimavutillu julip ulluisa aallaqqaataanni 2010.

Augustusip ulluisa 28-iani 2012 illit aamma Innuttaasoq A qinnuteqarpusi akuerisaaqqallusi, inissiassinnik paarlaassueqatigiinniarlusi. Qinnuteqaatip tunniunneranni Inissiaatileqatigiinnut nalunaarputit, Innuttaasoq A attartuinermini isumaqatigiissutini qaammatini qaninnerni taamaatinniarlugu siunertaqarluni.

Inissiaatileqatigiinnit septemberip ulluisa arfernanni 2012 nalunaarfigitipputit qinnuteqaatigisat itigartinneqartoq.

Inissiaatileqatigiit allakkamminni §59, imm. 3, Inatsisartut peqqussutaat nr. 2, majip 12-iani 2005-meersumi innersuussimavaat, tikkuartorlugulu, attartuisunut tamanut atuuttumik piumasaqaataasoq, inigisaminnik paarlaassuiniarlutik kissaateqarpata, attartornermut isumaqatigiissut unioqqutinneqarsimassanngitsoq.

Inissiaatileqatigiinniit ilanngullugu tikkuartorneqarpoq, oqarsimagavit, paarlaassueqatiginiakkat, inissiani tigummiunnaarniarlugu taamaatinniarlugu, taamaalillunilu illit qinnuteqaatit akuerineqarsinnaajunnaarluni.

E-mail-erlutit septemberip ulluisa 13-iani 2012-imi tiguneqartumi, Ineqarneq pillugu Maalaaruteqarfimmut Inissiaatileqatigiit aalajangiinera maalaarutigisimavat.

Maalaarummi tikkuartorsimavat, illuatungaani Innuttaasoq A attartuinermini isumaqatigiissutini suli taamaatiinnarsimanngikkaa, taamaalineranimi Inissiaatileqatigiinnit itigartitaagavit, illuatungaani imaakkami inissiamik paarlaassueqatigiinniarnersi ilinnut annertuumik peqqissutsikkut sunniuteqartussaammat, illuatungaanilu aamma imaakkami aalajangersagaq Inissiaatileqatigiinnit tunngavigineqarluni ilinnut innersuunneqartoq eqqortuunngimmat, illit aamma Innuttaasoq A attartuinermi isumaqatigiissutisi eqqortumik isumannaarsimagassigit, unioqqutinnagit.

Oktoberip ulluisa aappaanni 2012-imi Inissiaatileqatigiit allakkamminni tikkuartorpaat, illit paarlaassueqatigiinniarlusi qinnuteqarninni nalunaarutigisimagit, Innuttaasoq A siunniussimagini attartuinermi isumaqatigiissutini piffissap sivikitsup iluani taamaatiinnarniarlugu. Inissiaatileqatigiit ilanngullugu tikuartorpaa, aalajangiisimanertik allanngortikkumanagu, attartuisup aappaa siunniussimanngimmassuk sivisunerusumik attartuiniarluni.

Inissiaatileqatigiit ilanngullugu tikkuartorpaa, ataavartumik nuunneq - taakkua isumaat naapertorlugu – tassaasariaqarmat minnerpaamik qaammatinik arfinilinnik sivisussusilik.

Inissiaatileqatigiit ilanngullugu tikkuartorpaa Innuttaasoq A attartuinermini isumaqatigiissutini taamaatiinnarsimagini septemberip ulluisa arfineqa aappaani 2012, imatut paasillugu Innisiaatileqatigiit paarlaassuiniarnissinni itigigartitsissutaata ulluata aqaguani.

Suliamut tunngatillugu ilisimatitsissutigineqarpoq, attartukkannut isertersimasutit julip ulluisa aallaqqaataani 2010-imi.  Innuttaasoq A attartukkaminut isertersimavoq februarip ulluisa 15-iani 2011-imi, inunnillu nalunaarsuisarfik naapertorlugu suli tassani najugaqarpoq.

Inatsisitigut tunngavigineqartut:

§84 malillugu, imm. 1 nr. 5, inissianik attartuisarnermi tunngatillugu Inatsisartut peqqussutaanni nr. 2, majip 12-iani 2005 allassimavoq Ineqarneq pillugu Maalaaruteqarfik maalaarutinik suliaqarsinnaasoq attartuisut makkua pillugit maalaruteqarpata: 6) Atuisussaatitaanerup attartuisunut allanut (inissiamik paarlaassuineq, attartuisitsineq (fremleje) aammalu attartukkap ingerlaqqinnissaa), §§58-62 innersuullugit.

Peqqussutip §59-ia, imm. 4, nr. 1 naapertorlugu, Namminersornerullutik Oqartussani (Maanna Namminersornerusut) imaluunniit kommunip inissiaatai attartortittakkat eqqarsaatigalugit imaalillugu inissiaminnik paarlaassuisinnaatitaammata:

1) Isumaqatigiissuteqarnikkut attartukkaminnik paarlaallutik. Paarlaassineq taamaallaat pisinnaavoq, attartuisut pineqartut qinnuteqarnertik sioqqullugu qaammatini kingullerni 36-ini najugarisimappassuk. Attartuisut pisinnaatitaaffitik aammalu akisussaaffitik attartuinerminni isumaqatigiissummi allassimasut taamaalillutik paarlaattussaavaat. Iserternermi akiuliutaasimasut nikingassuteqarpata attartuisup tamanna susassarinngilaa. Attartuisitsisup attartuisunut ilitsersuissaaq, attartuisut inissiamik paarlaassuinerminni pisinnaatitaaffitik akisussaaffitillu iserterfigissammassuk taamaalilluni eqqartuussinnikkut inernerisinnaasai ilitsersuussutigineqassallutik.

2) Isumaqatigiittoqassaaq, inissiat paarlaassuinermi pineqartut taamani iserternermisut iluarsartuussimassammata paarlaannermi naliginnaasumik iluarsartuussimassallutik. Attartuisoq attartuinermut isumaqatigiissutinik nutaanik pilersitsissaaq sukkulluunniit attartuisarnermi peqqussutaasut naapertorlugit, tamatumani ilanngullugu attartuisut inissiami iserternermi aallarniutissaq inissiamut attartukkamut nutaamut akilissaavaat (depositum). Attartuisut allakkatigut uppernarsaallutik nalunaarutigisinnaavaat, inissiami naliginnaasumik iluarsartuussinissaq attartukkamut nutaamut iserternermi nammineq isumagissagaat. Tamanna pissutigerpiarlugu inissiat pineqartut naliginnarmik iluarsartuussimasutut nalilerneqarput paarlaassuereerlutik iserternerup nalaanni §§ 77 aamma 78 naapertorlugit.

Nalilersuineq:

Suliassap paasissutissartai naapertorlugit, takuneqarsinnaavoq illit aamma Innuttaasoq A attartuinermi isumaqatigiissut naapertorlugu qaammatini kingullernerni 36-ni attartuilersimagassi aammalu takuneqarsinnaalluni qinnuteqarnerup nalaanni arlassiluunniit Inissiaatileqatigiinnut unioqqutitsisimannginnassi. Tamanna pissutigalug §59, imm. 4 nr.1 naapertorlugu iliuuserisassatut nassuiaatigineqartut maliinnarsinnaavarsi: paarlaassueqatigiissinnaagassi attartuinermilu paarlaatiinnarlusi ingerlaqqiinnarlusi.

Peqqussutip §59-ia, imm. 4. nr. 1 pisinnaatitsinngilaq ima ersaritsigisumik allaat allaffissornikkut aalajangiititaasinnaalluni, Inissiaatileqatigiiffik pisinnaatitaaffigissagaa inatsit sinnerlugu – nassuiaassissalluni – paarlaassuinermi piumasarineqartussanik aalajangiisuusinnaalluni allaat imatut oqaasertalissallugu: ”inissiamik attartukkaminnik paarlaassuinermi ingerlaqqiinnarsinnaallutik” §59-imi, imm. 4, nr. 1. naggat.

Inissiaatileqatigiit taamaalilluni piumasaqarsinnaanngilaq, Innuttaasoq A inigisani piffisami aalajangersimasumi attartuinnartariaqaraa, attartukkap taamaatiinnarnissaata tungaanut, imaluunniit Inissiaatileqartigiit taamaassorisatik tunngavilersuinermini atorniarsarissanngilaat imatut isumaqartilerlugu allaat attartukkap taamaatiinnartariaanersoq piffisami paarlaassuinermi pineqartumi.

Ineqarneq pillugu Maalaaruteqarfik taamaalilluni takusinnaavaa, §59 naapertorlugu piumasaqaataasut §59-imi pineqartut naammatsissimagassigit.

Tamanna tunngavigalugu Ineqarneq pillugu Maalaaruteqarfik isumaqarpoq Inissiaatileqatigiit aalajangiussaat kukkusoq. Naaminnersornerullutik Oqartussat Nalunaarutaat nr. 12 aprilip ulluisa 23-aneersoq 2008 inissianik najugaqarfissatut attartuisarneq naapertorlugu, §56, imm. 2 malillugu akuerineqareertussaagaluarpoq qinnuteqaatip ullulernerneqarnera naapertorlugu kingusinnerpaammik ullut 14-it ingerlanerini nalunaarutigineqareersimasussaagaluarpoq.

Aalajangiussaq:

Inissiaatileqatigiit aalajangiussaat septemberip ulluisa arfernata 2012-imeersup imatut allanngortinneqassaaq, ilissi inissiamik paarlaassuiniarnersi akuerisaasumik pisinnaatitaaffigalugu pereersimasussaallugulu.

Tamanna pillugu maalaaruteqarninni taperserneqarputit.

Suliassap suliarinerani ukua peqataasimapput: Innuttaasoq B, Innuttaasoq C, Innuttaasoq D aamma Innuttaasoq E.

Aalajangiussaq ilaasortaasunit tamanit akuersissutigineqarpoq.

Maalaaruteqarnissamik ilitsersuut:

Ineqarneq Pillugu Maalaaruteqarfiup aalajangiussai allaffissornikkut aqutsisunut allanut oqartussaasunut maalarutigineqaqqissinnaanngillat, §86 imm.7 malillugu, Inatsisartut peqqussutaat nr. 2, majip 12-iani 2005-meersumi inissianik attartuisarneq pillugu kingusinnerusukkut allannguutitalimmik allanngortoq malillugu. Attartuisup attartortitsisullu akunnerminni isumaqatigiinngissutaat kissaatigineqassappat eqqartuussivinnut ingerlateqqinneqarsinnaapput, taamaattoqarniarpallu attartuisup eqqartuussivimmut aggeqqusissummik tunniussissaaq. Tamanna aamma atuutsinneqarpoq, allakkatigut attaveqaqatigiinneq il.il., attartuisup Inissiaatileqatigiiffianiit ingerlanneqarsimappat.

Ineqarneq Pillugu Maalaaruteqarfiup aalajangiussai namminersornerusunut kommuninullu ineqarnermut attartuisutut unioqqutinneqartussaanngitsumik atuutsinneqarpoq, § 86, imm. 6. najoqqutaralugu.

Nunatta Eqqartuusiviata ilitersuinermik immikkoortortaqarfia sianertunut saaffiginnillutik ammasarfeqarpoq sisamanngornikkut nall. 14-15 oqarasuaat 368000.

Naammagittaalliuuteqartarfik sinnerlugu

Innuttaasoq F

Ineqarneq pillugu Naammagittaalliuuteqartarfiup siulittaasua

Inissiaatileqatigiiffik XX allakkap mumiganik tunineqarpoq.

Lovgrundlag (GL):

Inissianik attartortitsisarneq pillugu Inatsisartut peqqussutaat nr. 2, 12. maj 2005-imeersoq

§ 84. Ineqarneq pillugu maalaaruteqartarfiup attartortut maalaarutaat makkununnga tunngasut suliarisarpai:

1) Ineqarnermut akiliutinik qaffaanissamik siumoortumik ilisimatitsisarnermi piumasarisat, tak. §

28, imm. 2.

2) Aserfallatsaaliuineq iluarsaassinerlu, tak. § 45.

3) Inissiap iserterfigineqarnerani qanoq issusia, tak. § 47.

4) Attartukkami atortut ikkussukkat pitsanngorsaanerillu (atuisinnaatitaaneq), tak. §§ 51 aamma 55.

5) Attartortup attartukkaminik atuinera (torersaarnissamik malittarisassanik unioqqutitisinerit), tak. § 50.

6) Atuisinnaatitaanerup allanut tunniunneqarnera (inissianik paalaateqatigiinneq, attartukkamik allamut utaqqiisaasumik attartortitsigallarneq aamma attartornermik nangitsineq), tak. §§ 58-62.

7) Inissiamit aninermi inissiap qanoq issusia (iluarsaassineq nalinginnaasoq), tak. § 77.

Imm. 2. Maalaarutit ineqarneq pillugu maalaaruteqartarfimmut allaganngorlugit tunniunneqartassapput, aammalu maalaaruteqartup maalaaruteqartarfiup sumik isummerfigisaqarnissaanut kissaataanik erseqqissaassummik imaqassalluni. Maalaarummut pissutsinut attartortup suliaritikkusutaanut uppernarsaatissat pisariaqartinneqartut ilaatinneqassapput.

Imm. 3. Maalaarutip ineqarneq pillugu maalaaruteqartarfimmi suliarineqarnissaanut attartortoq annerpaamik 500 kr.-inik sullissinermut akiliummik akiliuteqartinneqassaaq. Maalaaruteqartoq maalaarutigineqartoq pillugu taperserneqarpat imaluunniit suliaq ineqarnermut maalaaruteqartarfimmi suliarineqarnissaminut naleqqutinngitsutut itigartinneqarpat aningaasat sullissinermut akiliutigineqartut maalaaruteqartumut utertinneqassapput.

Imm. 4. Attartortup suliaq eqqartuussivinnut suliakkiissutigineqareersoq ineqarneq pillugu maalaaruteqartarfimmut suliakkiissutigineqarnissaa kissaatigippagu, maalaaruteqartarfik maalaarutip suliarinissaanut itigartitsissaaq.

§ 59. Namminersornerullutik Oqartussat kommunelluunniit inissiaataanni attartortittakkani attartortut nammineq kissaatigalugu nuunnissamut allattuiffimmut allatsissinnaapput.

Imm. 2. Attartortut iniminnik paarlaateqatigiinnissartik namminneerlutik isumaqatigiissutigisimappassuk, tamanna nuunnissamik kissaateqartut allattorsimaffiannut allatsinngikkaluarluni pisinnaavoq.

Imm. 3. Attartortut iniminnik paarlaateqatigiinnissamut kissaateqartut tamarmik attartornermut isumaqatigiissutinik maleruaasimanissaat piumasaqaataavoq. Inigisanik paarlaateqatigiinnermi attartornermut ataatsimut 250 kr.-inik sullissinermut akiliisitsisoqartarpoq.

Imm. 4. Attartortut inigisaminnik paarlaateqatigiissinnaapput imaaliorlutik:

1) Isumaqatigiissuteqarlutik attartornermut isumaqatigiissutertik paarlaallutik ingerlatiinnarumallugit. Inigisamik paarlaateqatigiinneq aatsaat pisinnaavoq, attartortut marluk tamarmik kingusinnerpaamik qaammatit 36-it paarlaateqatigiinnissamut qinnuteqaat sioqqullugu attartornermut isumaqatigiissuteqarsimagunik. Attartortut pisinnaatitaaffitik pisussaatitaaffitillu aammalu attartornissamik isumaqatigiissutitik paarlaatissavaat. Attartortut qularnaveeqqutissatut akiligaat assigiinngippata, tamanna attartortitsisumit susassarineqanngilaq. Attartortitsisup attartortut pisinnaatitaaffimminnik pisussaaffimminnillu paarlaannerisa attartortut inatsisitigut inissisimanerinut sunniutissai pillugit ilitsersuutissavai.

2) Inissiat paarlaateqatigiinnermi nalinginnaasumik iluarsaanneqarnissaat imaluunniit nalinginnaasumik iluarsaanneqarsimanissaat isumaqatigiissutigigalugu. Attartortitsisoq inissianik attartornermut peqqussut sukkulluunniit atuuttoq naapertorlugu attartornissamik isumaqatigiissut nutaaq sanassavaa. Attartortut allakkatigut uppernarsassavaat inissiamut iserternissamut atatillugu attartugassap nutaap nalinginnaasumik iluarsaanneqarnissaa namminneerlutik isumagissinnaallugu. Taamaattumik inissiat taakku nuunnerup nalaani §§ 77-imut aamma 78-mut tunngatillugu iserternerup nalaani nalinginnaasumik iluarsaanneqarsimasutut isigineqassapput.

Imm. 5. Imm. 4, nr. 2 naapertorlugu inissianik paarlaateqatigiinnermi attartortitsisup attartortup attartugassamini nutaami nammineerluni nalinginnaasumik iluarsaassinissamik kissaateqarnera itigartissinnaavaa, nalinginnaasumik iluarsaassinermit kingullermiit ukiut tallimat sinnerlugit qaangiussimappata.

Imm. 6. Imm. 4, nr. 2 naapertorlugu nalinginnaasumik iluarsaassinermut atatillugu inissiat paarlaateqatigiinnermi pineqartut nalinginnaasumik iluarsaassinerup nalaani inigineqarnerat pissutigalugu saniatigut aningaasartuuteqartoqassappat, saniatigut aningaasartuutit attartortumit qimatsisussamit akilerneqassapput.

Imm. 7. Atorfeqarnermut atasumik inissianik attartortut attartortitsisoq akuersiteqqaartinnagu inissianik paarlaasseqatigiissinnaanngilat.

Imm. 8. Namminerisamik kissaateqarluni nuussinnaaneq aamma inigisamik