tamannalu tunngavigalugu imatut malitseqartunik aalajangiilluni

AALAJANGIINEQ

Ineqarneq pillugu maalaaruteqartarfiup aalajangiuppaa, Inissisaatileqatigiiffiup XX-ip ini ilinnut attartortinneqartoq pitsaasumik akisussaassusilimmillu isikkoqartoq ilinnut attartugassianngorlugu tunniussimanngikkaa piffissami tassannga, isumaqatigiissusiortoqarmat nutserfigineqarsinnaasoq, tamannalu tunngavigalugu Inissiaatileqatigiiffiup XX-ip piffissami naammaginartup iluani iliuuseqarfigisimanngimmagu pitsanngorsaanissaq pisariaqartoq akornutinik amigaatinillu iluarsiinissaq isumagissallugu, nutsernermi inigisamut paasineqartunut tunngatillugu.

Ineqarneq pillugu maalaaruteqartarfik pisussaaffeqanngilaq aalajangiussissalluni annertussusiliinermik taartisiassamut tunngatillugu, ilinnut tunniunneqarsimasut Inissiatileqatigiiffik XX-iminngaaniit.

Tamannalu tunngavigalugu maalaarutiqarninnut ilaatigut taperserneqassaatit tamakkiisuunngikkaluamik.

Nalunaajaat:

Attartornissamut isumaqatigiissummi erserpoq, ini attartugassatut iserterfisissallugu tigusimagit ulloq 15. februar 2011-imi. 

Ulloq 2. marts 2011-imi nasitsivutit amigaatsit allattorsimaffigisaannik Inissiaatileqatigiiffimmut XX-imut.

Ulloq 10. september 2011-imi nukingisaarummik nassitsivutit Inissiaatileqatigiiffimmut pitsanngorsaatissanik iluarsiisuteqaqqullugit amigaataasunut. Tassanngalu atatillugu ilisimatitsissuteqarputit, ulloq 10. marts 2011-imi amigaataasut ilamerngat pitsanngorsaaffigineqarsimasut, taassumallu kinguneratigut susoqaqqissimanngitsoq suliamut atatillugu.

Ulloq 8. december 2011 maalaaruteqarputit Ineqarneq pillugu maalaaruteqartarfimmut Inissiaatileqatigiiffik XX-i pillugu, suliassap ilissinnut tunngassuteqartup ingerlanneqarsimaneranut tunngassuteqartumik. Tassanngalu

tunngatillugu ilannguppat erseqqissarlugu, oqarasuaatikkut arlalippassuariarlutit saaffiginnittarsimallutit viceværtimut, ulloq 7. juli 2011-imi kingornalu 10. september 2011-imi nukingisaarummik nassitseqqillutit Inissiaatileqatigiiffimmut XX-imut iluarsiissuteqaqqullugit amigaatinut tunngasunut.

Ulloq 12. december 2011-imi ataatsimeeqatigiippusi Inissiaatileqatigiiffik XX-i illillu akunnissinni. Ataatsimiinnermi pineqartumi isumaqatigiissusiorpusi, amigaatit annertunersaat piaarnerpaamik iluarsiniarneqassasut, sinneruttullu kingusinnerusukkut januarimi 2012-imi iluarsartunneqassallutik.

Ulloq 14. december 2011-imi piumasaqaateqarputit ineqarnermut akiliutaasartoq appartinneqassasoq tunngaveqartillugu ippingiatuutinik akornutinillu, illit ilaquttavillu atortariaqarsimasaat peqqutigalugit qaammatini taamatut amerlatigisuni.

Ulloq 16. december 2011-imi neqeroorfigineqarpusi Inissiaatileqatigiiffik XXimit taartisiassatut annertussusilerneqarsimasuni 2000 kr.-inik piffissamut pineqartumut tamakkiisumut.

Ulloq 19. december 2011 naliliivutit, taartisiaq annikippallaartoq naapertuullugu akornutinut Ilissinnut pilersinneqarsimasunut ajoqutit amigaatillu tunngavigalugit.

Ulloq 19. januar 2012-imi piumasaqaateqarputit Ineqarneq pillugu maalaaruteqartarfiup allattoqarfianut suliassaq isumageqqullugu. Kissaateqarputit Ineqarneq pillugu maalaaruteqartarfiup aalajangiiffigissagaa

Inissiaatileqatigiiffiup suliamik kigaappallaartumik akornutinut amigaatinullu ingerlataqarsimaneranut tunngassuteqartumut taamatullu taartisiaritinniarneqartup annikissusianut.

Inatsisitigut tunngavilersuutit:

Erserpoq § 84-imi Inissianik attartortitsisarneq pillugu Inatsisartut peqqussutaanni nr. 2, 12. maj 2005-imeersumi ineqarneq pillugu maalaaruteqartarfiup attartortut maalaarutaat ilaatigut makkununnga tunngasut suliarisarai, inissiap iserterfigineqarnerani qanoq issusia, § 47 naapertorlugu.

Erserpoq § 47-imi Inatsisartut peqqussutaanni, attartortitsisup attartorneqartoq piffissamit attartornissap aallartiffissaaniit pitsaasumik isumannaatasumillu pitsaassuseqartillugu attartortumut atugassanngortissavaa. Iikkat, qilaat naqqillu nalinginnaasumik iluarsaanneqarsimassapput, tak. § 77, imm. 1. Attartugassaq eqqiarneqarsimassaaq uumasuaraqassananilu, igalaat, sikaaviit matui aamma matut ilivitsuussapput atorsinnaasunillu paarnaarsaateqassallutik. Kiisalu matut silarliit tamarmik immikkut marlunnik matuersaateqassapput, teknikikkullu atortulersuutit ajoquteqassanatik.

Inissiamut iserternissamut atatillugu attartortitsisup attartortoq taannaluunniit sinnerlugu takkuttoq ilagalugu inissiaq takuniassavaat inissiamullu i Ineqarnermut Naammagittalliortarfiup aaliangiinermini tunngavilersuutigaa, amigaatit taaneqartut massakkut pitsanngorsarneqarsimasut. Ineqarneq pillugu maalaaruteqartarfik pisussaaffeqanngilaq aalajangiussissalluni annertussusiliinermik taartisiassamut tunngatillugu.

Tamannalu tunngavigalugu maalaaruteqarninnut ilaatigut taperserneqarputit tamakkiisuunngitsumik.

Aaliangiinermi peqataapput: Innuttaasoq C, Innuttaasoq D, Innuttaasoq E kiisalu Innuttaasoq F

Aaliangiussaq akerliusoqarani akuerineqarpoq.


Maalaaruteqarnissamik ilitersuut:

Ineqarneq pillugu maalaaruteqartarfiup aalajangiinera allaffissornikkut aqutsinermi pisortanut oqartussaasunut allanut suliassanngorteqqinneqarsinnaanngilaq, naapertorlugu Inatsisartut peqqussutaat nr. 2, 12. maj 2005-imeersoq ineqarneq pillugu kingusinnerusukkut allanngortinneqartoq. Kissaatigineqarpat aaqqiagiinngissut attartortitsisut aammalu attartortut akornanni ingerlateqqinneqassasoq nunatta eqqartuussiviannut, sassaqqusissut attartortumut tunniunneqassaaq eqqartuussiveqarfimmut. Tamannalu atuutsinneqarpoq naak attaveqatigiittarneq,il.il. pisimassagaluarpataluunniit attartortup allaffissornikkut suliffeqarfiutaatigut.


Ineqarneq pillugu maalaaruteqartarfiup aalajangiussai pituttuisumik atuutsinneqarput namminersorlutik oqartussanut aammalu kommuninut attartortitsisartunut inissianik, naapertorlugu § 86, imm. 6.

Nunatta eqqartuussisuuneqarfiata ilitsersuisarfia ammasarpoq oqarasuaatikkut saaffiginnittunut sisamanngornikkut nal. 14-15 akornanni oqarasuaat 368000.

På klagenævnets vegne

Innuttaasoq G

Formand for Boligklagenævnet

Lovgrundlag:

Inissianik attartortitsisarneq pillugu Inatsisartut peqqussutaat nr. 2, 12. maj 2005-imeersoq

§ 47. Attartortitsisup attartorneqartoq piffissamit attartornissap aallartiffissaaniit pitsaasumik isumannaatasumillu pitsaassuseqartillugu attartortumut atugassanngortissavaa. Iikkat, qilaat naqqillu nalinginnaasumik iluarsaanneqarsimassapput, tak. § 77, imm. 1. Attartugassaq eqqiarneqarsimassaaq uumasuaraqassananilu, igalaat, sikaaviit matui aamma matut ilivitsuussapput atorsinnaasunillu paarnaarsaateqassallutik. Kiisalu matut silarliit tamarmik immikkut marlunnik matuersaateqassapput, teknikikkullu atortulersuutit ajoquteqassanatik.
Imm. 2. Inissiamut iserternissamut atatillugu attartortitsisup attartortoq taannaluunniit sinnerlugu takkuttoq ilagalugu inissiaq takuniassavaat inissiamullu iserternermut nalunaarusiussallutik, taassumalu assilineranik attartortoq tunineqassaaq, taamaattorli tak. imm. 5. Takuniaanermi amigaatit malugineqartut inissiamut iserternermut nalunaarusiamut ilanngunneqassapput.
Imm. 3. Amigaatit allat, attartortup inissiamut iserternermi kingorna tigusinermut atatillugu tikkuarsutai inissiamut iserternermiit sapaatit akunneri marluk qaangiutsinnagit allakkatigut attartortitsisumut nalunaarutigineqassapput. Amigaatilli nalinginnaasumik misissuinermi takuneqarsinnaasimanngippata imaluunniit attartortitsisoq peqquserlussimappat tamanna atuutissanngilaq.
Imm. 4. Imm. 2-mi aamma 3-mi maleruagassat attartortumut ajoqutaasumik isumaqatigiissuteqarnikkut sanioqqunneqarsinnaanngillat.
Imm. 5. Inissiamut iserternissamut atatillugu misissuinissamut aningaasartuutissat annertuallaarpata, inissiamut iserternissamut atatillugu takuniaaneq pinngitsoorneqarsinnaavoq.

§ 84. Ineqarneq pillugu maalaaruteqartarfiup attartortut maalaarutaat makkununnga tunngasut
suliarisarpai:

1) Ineqarnermut akiliutinik qaffaanissamik siumoortumik ilisimatitsisarnermi piumasarisat, tak. § 28, imm. 2.

2) Aserfallatsaaliuineq iluarsaassinerlu, tak. § 45.

3) Inissiap iserterfigineqarnerani qanoq issusia, tak. § 47