suliarivaa imalu:

AALAJANGIIVOQ

Ineqarneq pillugu Maalaaruteqartarfik isumaqarpoq inigisimasavit Najugaq* 39XX Najugaqarfik* nalinginnaasumik iluarsartinneqarnera akilissagit. Inissianik attartortitsisarneq pillugu Inatsisartut peqqussutaat nr. 2, 12. maaji 2005- imeersoq kingusinnerusukkut allannguutai ilanngullugit naapertorlugu aalajangiisoqarpoq.

Nassuiarneqarnera:

Attartornissamut isumaqatigiissummi takuneqarsinnaavoq ulloq 15. apriili 2012-imi Najugaq* Najugaqarfik* iserterfigisimagit. Inissiaq 72 m²-iuvoq, pingasunik ineerartalik.

Inissiap attartornera taamaatippat ulloq 1. septembari 2014-imi Suliap nr.: XX Allakkat nr.: XX Forbruger- og Konkurrencestyrelsen Atuisartoqarnermut Unammilleqatigiinnermullu Aqutsisoqarfik Postboks 689 3900 Nuuk Oqarasuaat (+299) 32 80 33 Fax (+299) 32 78 50 E-mail: aua@nanoq.gl www.aua.gl Qupperneq 2quppernerniit -4 Nuunnermi nalunaarusiaq ilinniit inissiaateqatigiiffiup sinniisualu atsiorsimasarsi naapertorlugu iigaq qilaarlu ataasiarlugu qalipatassaanerarneqarpoq. Uffarfik qalipatassaasoq, nateq qillersagassaasoq naterlu lenoleumiusoq qillersagassaasoq.

Inissiaatileqatigiiffimmut mailikkut paasissutissiissutigisimavat ulloq 29. aggusti 2014-imi inissiaq qalipanneqarnissaa isumaqatiginagu, innersuutigisimavallu inigigallarakku qalipannikuullugu. Paasissutissiissutigivat inissiaq qimatsereerlugu nammineq inissiap qulinnguani ineqarsimallutit inissiamilu sanasoqanngitsoq. Qalipaasuniit akiligassaq naapertorlugu qalipanneqarnera katillugit 11.495.- koruuniuvoq.

Inissiap qimanneranut atatillugu akiligassami 3. aggusti 2016-imeersumi takuneqarsinnaavoq qularnaveeqqutit 5.293.- koruunit tigusimagitit. Aningaasat ima isikkoqalerput: qularnaveeqqutinut akiliutit 13.455.- koruunit, piffissami inissiami ineqarnerpit nalaani tapiliutigineqarsimasut 3.333,55.- koruunit, katillugit 16.888,55.- koruunit.Qalipaanermut akiligassaq 11.495,- koruuniusoq ilanngaatigereerlugit akiliutitit utertinneqartussat katillugit 5.293,55.- koruuniusussaagaluartut.

Naammagittaalliuutinni ulloq 8. novembari 2016-imi paasissutissiissutigivat akiliutitit utertitassat annertunerujussuusussaagaluartut. Innersuutigivat inissiaatileqatigiiffiup inissiaq iluarsanngimmagu illilli nammineq iluarsarsimallugu. Inissiap iluarsaatereernerata kingorna misissorneqarsimanera aammalu iserternerniit kusanarnerungaatsiarnera oqaatigaat. Aammattaaq innersuutigaat iluarsarneranut akigititaq misissuisumiit tunniunneqartumit annerusoq.

Inatsisitigut tunngavik:

Inissianik attartortitsisarneq pillugu Inatsisartut peqqussutaat nr. 2, 12. maaji 2005-imeersumi § 45 imm. 3. allassimavoq piffissami attartorfiusumi attartortup inissiami qilaat qalipallugit qaqorsarnissaat, iikkat qalipannissaat aamma/imaluunniit ungalitsersorneqarnissaat kiisalu natit lakkernissaat akisussaaffigigaa taakkununngalu aningaasartuutit akilissallugit.

Peqqussummi tassani § 77-imi allaqqavoq, inissiamit anisoqarnerani inissiaq nalinginnaasumik iluarsaanneqassasoq, tassanilu pineqarput qilaavinik qaqorsarlugit qalipaaneq, iigaanik qalipaaneq aamma/imaluunniit ungalitsersuineq kiisalu eqqiaaneq. Natii nutaamik lakkersimasutut isikkoqassapput, taamaattorli tak. imm. 3. Aalajangersakkat marluullutik inatsisitigut tunngaveqarput.

Nalilerneqarnera:

Ineqarneq pillugu Maalaartarfik isumaqarpoq nalinginnaasumik iluarsartinneqarnera akilissagit. Tamanna isumaqarpoq 5.293,-kroninit amerlanerusut utertinneqarsinnaanngitsut qularnaveeqqutit akiliutitit tigoreersimagakkit.

Aalajangernermi tunngavigineqarpoq inissiaq qimatsernerani nalinginnaasunngorlugu iluarsartinneqassammat.

Nammineq iluarsartuussisimaninnut tunngatillugu innersuussutigissavarput piffissami attartorfimmi attartortup qilaat qalipallugit qaqorsarnissaat, iikkat qalipannissaat aamma/imaluunniit ungalitsersorneqarnissaat kiisalu natit lakkernissaat akisussaaffigaa taakkununngalu aningaasartuutit akilissallugit.

Tassunga atatillugu iluarsartuunneqarneranut inissiaatileqatigiiffimmiillu akuerineqarsimaneranut paasissutissanik ersittoqanngilaq

Inissiap iluarsaatereernerata kingorna misissorneqarsimanera aammalu iserternerniit kusanarnerungaatsiarneranik oqaaseqarninnut tunngatillugu Ineqarneq pillugu Maalaaruteqartarfimmit innersuussutigineqassaaq 2012-imi attartuleravit inissiap nalinginnaasumik iluarsarneqarneqarsimannginnera pillugu attartornissamut isumaqatigiissummi taanna pillugu allassimasoqanngimmat.

Suliap taama sivisutigisumik suliarineqarnera Ineqarneq pillugu maalaaruteqartarfiup ajuusaarutigaa tamanna ilaatigut allaffissornermut tunngasunik ilaatigullu piffissami sivisuumi ataatsimiititaliamik toqqaasoqarnikuunnginnera tamatumunnga pissutaapput.

Aalajangiussaq:

Ineqarneq pillugu Maalaaruteqarfiup inissiaatileqatigiiffiup XX aalajangiussaa atatiinnarpaa.

Naammagittaalliortarfissatut periarfissaq:

Ineqarnermut naammagittaalliuuteqartarfiup aalajangiinera ingerlatsinermut oqartussaqarfimmut allamut naammagittaalliuutigineqarsinnaanngilaq tak. § 86 imm. 7 Inissianik attartortitsisarneq pillugu Inatsisartut peqqussutaat nr. 2, 12. maaji 2005-imeersoq

Ineqarneq pillugu Maalaaruteqartarfiup aalajangernera eqqartuussisunut suliassanngortinneqartarnissaanut kissaateqaruit, attartortitsisumut sassaqqusissut, tassa Namminersorlutik Oqartussannut imaluunniit kommunimut, Kalaallit Nunaanni Eqqartuussivimmut tunniunneqassapput.

Inussiarnersumik inuulluaqqusillunga

Innuttaasoq B

Siulittaasoq

Inatsisit toqqammaviit

Inissianik attartortitsisarneq pillugu Inatsisartut peqqussutaat nr. 2, 12. maj 2005-imeersoq

§45. Namminersornerullutik Oqartussat kommuunillu inissiaataanni attartortittakkani illuutit attartortitallu isumannaatsumik aserfallatsaaliorneqarnissaasa isumagineqarnissaa attartortitsisup pisussaaffigaa.

Imm. 2. Avammut kuuffinnut, kiassarnermut, innaallagissamut, gassimut imermullu teknikikkut atortulersuutit tamarmik pitsaasuutinneqassapput atorsinnaasuutinneqassallutillu. Taamatuttaaq innaallagissamut ikkuffiit, iikiussat, matserfiit, kiassaatit, ruujorit, sikaaviit alaakkaasut, illup iluani atortut il.il. aserfallatsaalissallugit attartortitsisup pisussaaffigai. Nungullarnikkut pisoqalinikkullu ajorseriaatsit kingunerisaannik ima akulikitsigisumik isumagineqartassapput nutarterinerit iluarsaassinerillu illuutit attartorneqartullu pissusissaat eqqarsaatigalugit pisariaqartitsinerit malillugit suliarineqartassallutik.
Imm. 3. Piffissami attartorfiusumi attartortup inissiami qilaat qalipallugit qaqorsarnissaat, iikkat qalipannissaat aamma/imaluunniit ungalitsersorneqarnissaat kiisalu natit lakkernissaat akisussaaffigaa taakkununngalu aningaasartuutit akilissallugit.

 

§77. Inissiamit anisoqarnerani inissiaq nalinginnaasumik iluarsaanneqassaaq, tassanilu pineqarput qilaavinik qaqorsarlugit qalipaaneq, iiganik qalipaaneq aamma/imaluunniit ungalitsersuineq kiisalu eqqiaaneq. Natii nutaamik lakkersimasutut isikkoqassapput, taamaattorli tak. imm. 3.

Imm. 2. Attartortup nammineerluni nuunnerminut atatillugu nalinginnaasumik iluarsaassinissani kissaatigippagu, iluarsaassineq assassornermik ilinniagaqarsimasutut illersorneqarsinnaasumik pitsaassuseqartillugu suliarineqassaaq. Attartornermik unitsitsinissaq imaluunnit atorunnaarsitsinissaq naapertorlugu inissiap qimanneqarnissaa, inissiap takuniarneqarnissaa sioqqullugu suliaq naammassereersimassaaq, tak. § 79.

Imm. 3. Attartortup inissiamut iserternerani inissiaq nalinginnaasumik iluarsaanneqarsimanngippat, attartortup inissiaq iserternermini pissuserisaatut itsillugu tunniutissavaa.

Imm. 4. Attartortitsisup imm. 1-imi aamma 2-mi aalajangersakkat sanioqqussinnaavai, attartornerup atorunnaarnerata nutaamillu aallartitsinerup kingorna inissiap iluarsaanneqarnissaa annertuunik ajornartorsiutitaqarpat. Attartornerup atorunnaarnerani tamatumunnga taarsiullugu attartortoq inissiamik attartornerup nalaani nungullarnernut naleqquttumik annertussusilinnik akiliuteqassaaq. Akiliutissaq qaammammut ataatsimut inimut ataatsimut 50 kr.-inik annertussuseqarpoq. Attartortitsisup nalinginnaasumik iluarsaassinermut aningaasartuutit attartortup inissiamik tigusineraniit qaammatit 100-t ingerlanerini tigujartuaassavai.

Imm. 5. Naalakkersuisut inissiamit aninermi nalinginnaasumik iluarsaassisarneq aamma attartortup tamatumunnga atatillugu aningaasartuutigisaanut ajunngitsorsiassaqartarneq pillugu maleruagassiorsinnaapput.

§78. Attartortitsisup § 77 malillugu nalinginnaasumik iluarsaassinermut aningaasartuutit attartortup inissiamik tigusineraniit qaammatit 100-t ingerlanerini tigujartuaassavai. Piffissaliussatut aalajangiunneqartup naannginnerani inissiamit anisoqarnerani attartortup taamaallaat aningaasat piffissami tassani attartortitsinerup atorunnaarfigisaani attartortitsisumit akilerneqartussanngorsimanngitsut akilissavai.

§79. Attartortitsineq atorunnaarsinneqartussanngorsimappat imaluunniit inissiaq allamik pissuteqartumik qimanneqartussanngorsimappat attartortitsisup attartortullu piffissaq qimatsivissaq inissiamillu misissuisoqarnissaa allaganngorlugu isumaqatigiissutigissavaat. Attartortoq immikkut ilisimasalimmik ilaqarluni misissuinermut peqataanissamut pisinnaatitaavoq. Attartortitsisup sivikinnerpaamik ullunik arfineq-marlunnik siumut ilisimatitsinermigut attartortoq misissuinermut peqataaqqullugu noqqaaffigissavaa.

Imm. 2. Misissuinermi attartortitsisoq misissuisimanermut nalunaarusiussaaq, tassanilu amigaataasinnaasut paarinerlutallu attartortitsisup isumaa malillugu attartortup akisussaaffigisassai allassimassapput. Attartortoq taakkununnga isumaqataanngippat, tamanna attartortup isumai taallugit nalunaarusiami allanneqassapput. Nalunaarusiaq misissuinermut atatillugu illuatungeriinnit atsiorneqassaaq. Attartortoq taannaluunniit sinnerlugu takkuttoq misissuinermut nalunaarusiap assinganik tunineqassaaq. Tamatuma kingorna attartortup tamanna piumasarippagu, pissutissaqanngitsumik uninnganertaqanngitsumik suliassat attartortitsisup isumaa malillugu attartortumit akilerneqartussanut suliassat qanoq akeqarnissaanik missingersuummik allakkatigut nalunaarfigineqassaaq.

Imm. 3. Attartortup inissiamik qimatsinissani kingusinnerpaamik ullunik arfineq-pingasunik sioqqullugu najugaq nalunaarutit nassiunneqartarfissaat nalunaarutigissavaa.