tamannalu tunngavigalugu naliliilluni.

NALILIINEQ/Naliliinissamut siunnersuut

Akiliissaatit 13.713 kr.-inik Inissiaatileqatigiiffimmut XX-mut.

Imatut oqaatigisariaqarpoq, Inissiaatileqatigiiffik XX pisussaaffeqartoq inigisamut akiligassanik piumasaqaateqarnissaminut piffissamut 15. maj 2011-imiit piffissamut 15. September 2011 tikillugu ilanngullugit sinneruttut depositumimut akiligassat inigisamiit anininnut tunngatillugu.

Taamaattumik maalaaruteqarninnut taperserneqanngilatit.

Qulaajaaneq:

Ulloq 13. maj 2011-imi attartornissamut isumaqatigiissummut atsiorsimavutit, tunngassuteqartumut Najugaq, Najugaqarfik, attartornissarlu aallartissalluni 15. maj 2011-imiit.  tunngavigalugit Inuit allattorsimaffianeersut erserpoq, ineqarsimanngitsutit tassani ineqarfimmi.

Allakkami ullulerneqartumi 2. august 2011-imi inissiaatileqatigiiffiup piumaffigaatit inigisaq iserteqqullugu ullut 14-it qaangiutsinnagit. Iserterfiginngikkukku, inigisamik attartornerit unitsinneqassammat

piumasaqaatigineqarlunilu maannakkorpiaq inimiit aninissannik.

Ulloq 16. august 2011-imi inissiaatileqatigiiffiup inimut attartuinerit unitsippaa. Inissiaatileqatigiiffik tassunga tunngatillugu paasissutissiivoq, attartuinermut

unitsitsineq malitseqartoq, inissiamiit anissasutit matuersaatillu inissiaatileqatigiiffimmut utertillugit ullut arfineq-pingasut qaangiutsinnagit, taamaattoqanngippat politiit peqquneqassammata inigisamiit anisinneqassasutit.

Tassanngalu tunngatillugu inatsisitut inissiaatileqatigiiffiup tunngavigisani innersuuppai, attartornermut peqqussut § 48 aammalu § 73-i.


Ulloq 18. august 2011-imi inigisamit attartornerit illit unitsippat. Illumiit nuunnermut naatsorsuisimaneq naapertorlugu ullulerneqartoq 23. november 2011-imi akilertussanngorsimavat nalinginnaasumik inip iluarsarneqarnissaa. Sinneruttut akiligassarisatit tassaapput depositumip sinneri inigisallu attartorneranut piffimmiit 15. maj 2011-imiit piffimmut 15. september 2011 tikillugu, annertussuseqartut katillugit 13.713 kr.-inik.


Ulloq 23. marts 2012-imi inissiaatileqatigiiffiup pisimasup ingerlasimanera ilinnut nassuiaateqarfigaa.

Naammagittaalliummi ullulerneqartumi 9. juli 2012-imi ilannguppat, matuersaammik inigisamut tunineqarsimannginnerit tunngavigalugu isertersimanngitsutit 15. maj 2011-imi. Naak inissiaq pineqartoq inigilersimanngikkaluarlugu, akiligassamik 17.000 kr.-inik nassinneqarsimavutit, kingusinnerusukkut annikillisinneqartut 13.000 kr.-inut.

Ulloq 18. juli 2012 inissiaatileqatigiiffiup ilisimatippaatit, inigisap qimanneranut naatsorsuut paasineqassasoq massumatigut: depositumimut akiligassaq annertussuseqartinneqartoq 7.011 kr.-inik. Sisamariarluni 584 kr.-inik annertussusilinnik akiliisoqarsimavoq katinneranni annertussuseqartut 2.336 kr.- inik. Sinnerutissappullu akiligassat tassunga 4.088 kr.-it. Taanna sinneruttoq ilanngunneqarpoq qaammatinut sisamanut inigisamut akiligassamut annertussuseqartunut 16. 636 kr.-inik tamakkerlugulu akiligassat annertussuseqalerpoq 20.724 kr.-inik. Taassuminnga depositumi tamaat peerneqassaaq (pissutigalugu iluarsartuussisoqassanngimmat attartortup akiligassaagut), taamaasilluni sinnerutissaaq 13.713 kr.-it.

Ilanngulluguttaaq inissiaatileqatigiiffik ilisimatitsissuteqarpoq misissuisimanerup nalunaarutaagut, amigaataasut, ilanngunneqarsimasut nalunaarummi, inissiaatileqatigiiffimmiit akilerneqartut ilinniit akilerneqaratik.


Inissiaatileqatigiiffik ulloq 30. juli 2012-imi paasissutissiivoq, immikkut imermut kiassarnermullu uutuuteqartinneqanngitsoq inissiaq, taamaattumik kiassarnermut imermullu akiliisarneq isumagineqartartoq agguataareriaatsikkut qanorluunniit ikkaluarpat inigisamut ataatsimut atuitigisimaneq.

Inatsisitigut tunngavilersuutit:

§ 84 Inatsisartut peqqussutaat nr. 2. 12. maj 2005-ernisaq naapertorlugu inigisanik attartortittakkanik, ineqarneq pillugu maalaaruteqartarfiup attartortut maalaarutaat makkununnga tunngasut ilaatigut aamma suliarisarpaat, inissiamit aninermi inissiap qanoq issusia (iluarsaassineq nalinginnaasoq), tak. § 77.

§ 48, imm. 5. attartornermut peqqussut naapertorlugu attartortup attartortitsisoq pisariaqartinneqartumik isumaqatigiissuteqarfigeqqaartinnagu inissiaq piffissaanngitsukkut qimassanngilaa.

§ 73. imm. 2, nr. 2 naapertorlugu, Inatsisartut peqqussutaanni nr. 14. 20. november 2006-imeersoq tunngaveqartoq allannguinermut inatsisartut peqqussutaannik attartortitsisup attartornissamik isumaqatigiissut atorunnaarsissinnaavaa, inissiaq piffissaanngitsukkut qimanneqarpat.

§ 76 naapertorlugu attartornermut peqqussut nr. 2 12. maj 2005-imeersumi attartorneq atorunnaarsinneqarpat, attartortoq pisussaavoq erngerluni attartukkaminit anissalluni, aammalu ineqarnermut akiliut, aammalu attartortup inissiamiit nuunnissaanut siumut nalunaarfissap nalinginnaasup naanissaata tungaanut attartukkamut akiligassat allat akilissallugit. Kiisalu attartortoq pisussaavoq sumiginnaanerup kingunerisaanik attartortitsisup annaasai taarsissallugit, matumani ilanngullugit attartukkamit anisitsinermut aningaasartuutit.

Immikkoortoq 2. Naapertorlugu peqqussummi tassannga, attartortitsisup attartukkap allamut attartorteqqinnissaa anguniassavaa. Attartortitsisup allamut attartortitsinermini isertitai piffissamiluunniit imm. 1-imi taaneqartumi isertitassaralui attartortumut piumasaqaatigisaanit ilanngaatigineqassapput.

§ 79 naapertorlugu attartortitsineq atorunnaarsinneqartussanngorsimappat imaluunniit inissiaq allamik pissuteqartumik qimanneqartussanngorsimappat  attartortitsisup attartortullu piffissaq qimatsivissaq inissiamillu misissuisoqarnissaa allaganngorlugu isumaqatigiissutigissavaat.

§ 77 naapertorlugu attartortitsinermut peqqussummi, inissiamit anisoqarnerani inissiaq nalinginnaasumik iluarsaanneqassaaq, tassanilu pineqarput qilaavinik qaqorsarlugit qalipaaneq, iiganik qalipaaneq aamma/imaluunniit ungalitsersuineq kiisalu eqqiaaneq. Natii nutaamik lakkersimasutut isikkoqassapput.

Naliliineq:

Akiliissatit 13. 713 kr.-inik, qaammatit sisamanut inigisap attartorneqarsimaneranut naapertuuttumik, tassanngalu à conto aningaasartuutit imeqarnermut kiassarnermullu, deposituminullu sinneruttunut annertussuseqartunut 4. 088 kr.-inut.

Attartornermut peqqussummi § 76 imm. 1-imi, erserpoq attartorneq unitsinneqarpat attartortoq akiliissasoq attortarnerminut allanullu akiligassanut, attartornerup malitsigisai tunngavigalugit, attartortup inigisami qimannissaata tungaanut, siumut nalunaarfissaq nalinginnaasoq naapertorlugu nalunaareernermigut. Inigisamik attartortitsisup peqqussummi aamma tassannga pineqartumi immikkoortoq 2 naapertorlugu, anguniassavaa attartortup aningaasartuutissai pakkersimaartinniarlugit inigisaq pineqartoq attartorteqqinniassallugu.

Ineqarneq pillugu maalaaruteqartarfiup pingaartillugu isiginiarpaa, inissiaatileqatigiiffiup inigisamik attartornivit unitsissimammagu, illit inigisaq  piffissaanngitsukkut qimatsersimagakku inissiaatileqatigiiffik ilisimateqqaarnagu. Kingorna nammineerlutit inigisavit attartornera unitsippat 18. August 2011-imi.

Ineqarneq pillugu maalaaruteqartarfiup aamma pingaartillugu isiginiarpaa, illit inigisamut attartortutut atsiorsimagavit attartornermut isumaqatigiissummi, atsiorneqartumi 13. maj 2011-imi. Attartorneq aallartinneqarpoq 15. maj 2011-imi depositum-ilu annertussuseqarluni 7.011 kr.-inik.

Ineqarneq pillugu maalaaruteqartarfiup una naliliinerivaa, inissiaatileqatigiiffiup sapinngisaq naapertorlugu aningaasartuutissarigaluatit pakkersimaartinniarsimagai inigisaq attartorteqqillugu qaammatip ataatsip iluani attartorunnaarlugu atsioreernivit kingorna.

Nassuiaatissaavoq una, à conto-mik aningaasartuutinut imeqarnermut kiassarnermullu akiliinissat tunngaveqarmat, taakkua aningaasartuutissartai agguataarneqartarmata allat attartortut akunnerminni, qanorluunniit namminneq annertutigisumik atuisimagaluarpata.

Taassuma pisimasup, inissiamut isertersimannginninnut tunngassuteqartumut, naliliineq una allanngortissinnaanngilaa, pissutigalugu illit nammineq inissiap attartornera piffissami siusinnerusumi unitsissinnaasimagaluarakku.

Attartortuusimavutit inissiamik inissiallu sumut atornissaanut illit nammineq

periarfissaqarfigalugulu aalajangersinnaasimallugu 18. august 2011-i

sioqqullugu, tassangami ullormi attartuinerit illit nammineq unitsikkakku.

Aalajangiineq:

Inissiap attartorneranut akiliutaasartoq illit akilissavat uani piffissameersut 15. maj 2011-imiit 15. September 2011 tikillugu aammalu depositumip sinneruttortaa akilissavat, taamaasilluni katillugu akiligassaqarlutit 13. 713 kr.- inik.

Tamannalu tunngavigalugu taamaattumik maalaartuteqarninnut taperserneqanngilatit.

Uuma suliap suliarineqarluni ingerlanneqarneranut uku peqataapput Innuttaasoq D, Innuttaasoq E, Innuttaasoq F aammalu Innuttaasoq G.

Naliliinerup inerneranut aalajangiineq assigiissumik tamanik aalajangiunneqarpoq.

Maalaaruteqarnissamik ilitersuut:

Ineqarneq pillugu maalaaruteqartarfiup aalajangiinera allaffissornikkut aqutsinermi pisortanut oqartussaasunut allanut suliassanngorteqqinneqarsinnaanngilaq, naapertorlugu § 86, imm. 7 Inatsisartut

peqqussutaat nr. 2, 12. maj 2005-imeersoq ineqarneq pillugu, kingusinnerusukkulli allanngortinneqartumik. Kissaatigineqarpat attartortitsisut aammalu attartortut akunnerminni aaqqiagiinngissutaat ingerlateqqinneqassasoq

nunatta eqqartuussivianut, sassaqqusissut attartortumut tunniunneqassaaq eqqartuussiveqarfimmut. Tamannalu atuutsinneqarpoq naak attaveqatigiittarneq,il.il. pisimassagaluarpataluunniit attartortup allaffissornikkut

suliffeqarfiutaatigut.

Ineqarneq pillugu maalaaruteqartarfiup aalajangiussai pituttuisumik atuutsinneqarput namminersorlutik oqartussanut aammalu kommuninut attartortitsisartunut inissianik, naapertorlugu § 86, imm. 6.


Nunatta eqqartuussisuuneqarfiata ilitsersuisarfia ammasarpoq oqarasuaatikkut saaffiginnittunut sisamanngornikkut nal. 14-15 akornanni oqarasuaat 368000.

På Boligklagenævnets vegne

Maalaaruteqartarfiup aalajangiisartui sinnerlugit

Innuttaasoq H Formand

siulittaasoq

Lovgrundlag (GL):

Inissianik attartortitsisarneq pillugu Inatsisartut peqqussutaat nr. 2, 12. maj 2005-imeersoq

§ 48. Attartortup attartorneqartoq isumannaatsumik paarissavaa, ajoqusikkanullu attartortup nammineq, attartortup inoqutaasa allalluunniit attartortup attartorneqartumut isersinnaatitaasa isumannanngitsumik pissusilersornerisigut ajoqusersimasaannut taarsiinissamut attartortoq akisussaavoq. Takusaanermi paarsinerluttoqarsimasoq paasineqarpat, attartortitsisup tamanna piumasarippagu attartortup ingerlaannartumik ajoqusikkat iluarsaatissavai.

Imm. 2. Attartortup attartortitsisoq akuersiseqqaarnagu inissiaq isumaqatigiissutigineqartumit allaanerusumik atussanngilaa.

Imm. 3. Inissiami ineeqqanik ataasiakkaanik inisimasunut allanut attartortitsinerup saniatigut, attartortup attartortitsisoq akuersiseqqaarnagu inoqutigisami saniatigut allanut attartorneqartoq atugassanngortissanngilaa, taamaattorli tak. § 58.

Imm. 4. Ineeqqanik attartortut attartortitsisoq akuersiteqqaarnagu ineeqamik atuinernik allanut tunniussinnaanngilaat.

Imm. 5. Attartortup attartortitsisoq pisariaqartinneqartumik isumaqatigiissuteqarfigeqqaartinnagu inissiaq piffissaanngitsukkut qimassanngilaa.

§ 76. Pissutsit §§ 73-imi aamma 75-imi taaneqartut p§ssutaallutik attartorneq atorunnaarsinneqarpat, attartortoq pisussaavoq erngerluni attartukkaminit anissalluni, aammalu ineqarnermut akiliut, aammalu attartortup inissiamiit nuunnissaanut siumut nalunaarfissap nalinginnaasup naanissaata tungaanut attartukkamut akiligassat allat akilissallugit. Kiisalu attartortoq pisussaavoq sumiginnaanerup kingunerisaanik attartortitsisup annaasai taarsissallugit, matumani ilanngullugit attartukkamit anisitsinermut aningaasartuutit.

Imm. 2. Attartortitsisup attartukkap allamut attartorteqqinnissaa anguniassavaa. Attartortitsisup allamut attartortitsinermini isertitai piffissamiluunniit imm. 1-imi taaneqartumi isertitassaralui attartortumut piumasaqaatigisaanit ilanngaatigineqassapput.

Imm. 3. Naalakkersuisut Namminersornerullutik Oqartussat kommunellu inissiaataanni attartortittakkani attartornermik atorunnaarsitsisarneq pillugu maleruagassiussapput.


§ 77
. Inissiamit anisoqarnerani inissiaq nalinginnaasumik iluarsaanneqassaaq, tassanilu pineqarput qilaavinik qaqorsarlugit qalipaaneq, iiganik qalipaaneq aamma/imaluunniit ungalitsersuineq kiisalu eqqiaaneq. Natii nutaamik lakkersimasutut isikkoqassapput, taamaattorli tak. imm. 3.

Imm. 2. Attartortup nammineerluni nuunnerminut atatillugu nalinginnaasumik iluarsaassinissani kissaatigippagu, iluarsaassineq assassornermik ilinniagaqarsimasutut illersorneqarsinnaasumik pitsaassuseqartillugu suliarineqassaaq. Attartornermik unitsitsinissaq imaluunnit atorunnaarsitsinissaq naapertorlugu inissiap qimanneqarnissaa, inissiap takuniarneqarnissaa sioqqullugu suliaq naammassereersimassaaq, tak. § 79.

Imm. 3. Attartortup inissiamut iserternerani inissiaq nalinginnaasumik iluarsaanneqarsimanngippat, attartortup inissiaq iserternermini pissuserisaatut itsillugu tunniutissavaa.

Imm. 4. Attartortitsisup imm. 1-imi aamma 2-mi aalajangersakkat sanioqqussinnaavai, attartornerup atorunnaarnerata nutaamillu aallartitsinerup kingorna inissiap iluarsaanneqarnissaa annertuunik ajornartorsiutitaqarpat. Attartornerup atorunnaarnerani tamatumunnga taarsiullugu attartortoq inissiamik attartornerup nalaani nungullarnernut naleqquttumik annertussusilinnik akiliuteqassaaq. Akiliutissaq qaammammut ataatsimut inimut ataatsimut 50 kr.-inik annertussuseqarpoq. Attartortitsisup nalinginnaasumik iluarsaassinermut aningaasartuutit attartortup inissiamik tigusineraniit qaammatit 100-t ingerlanerini tigujartuaassavai.

Imm. 5. Naalakkersuisut inissiamit aninermi nalinginnaasumik iluarsaassisarneq aamma attartortup tamatumunnga atatillugu aningaasartuutigisaanut ajunngitsorsiassaqartarneq pillugu maleruagassiorsinnaapput.

§ 79. Attartortitsineq atorunnaarsinneqartussanngorsimappat imaluunniit inissiaq allamik pissuteqartumik qimanneqartussanngorsimappat attartortitsisup attartortullu piffissaq qimatsivissaq inissiamillu misissuisoqarnissaa allaganngorlugu isumaqatigiissutigissavaat. Attartortoq immikkut ilisimasalimmik ilaqarluni misissuinermut peqataanissamut pisinnaatitaavoq. Attartortitsisup sivikinnerpaamik ullunik arfineq-marlunnik siumut ilisimatitsinermigut attartortoq misissuinermut peqataaqqullugu noqqaaffigissavaa.

Imm. 2. Misissuinermi attartortitsisoq misissuisimanermut nalunaarusiussaaq, tassanilu amigaataasinnaasut paarinerlutallu attartortitsisup isumaa malillugu attartortup akisussaaffigisassai allassimassapput. Attartortoq taakkununnga isumaqataanngippat, tamanna attartortup isumai taallugit nalunaarusiami allanneqassapput. Nalunaarusiaq misissuinermut atatillugu illuatungeriinnit atsiorneqassaaq. Attartortoq taannaluunniit sinnerlugu takkuttoq misissuinermut nalunaarusiap assinganik tunineqassaaq. Tamatuma kingorna attartortup tamanna piumasarippagu, pissutissaqanngitsumik uninnganertaqanngitsumik suliassat attartortitsisup isumaa malillugu attartortumit akilerneqartussanut suliassat qanoq akeqarnissaanik missingersuummik allakkatigut nalunaarfigineqassaaq.

Imm. 3. Attartortup inissiamik qimatsinissani kingusinnerpaamik ullunik arfineq-pingasunik sioqqullugu najugaq nalunaarutit nassiunneqartarfissaat nalunaarutigissavaa.

§ 84. Ineqarneq pillugu maalaaruteqartarfiup attartortut maalaarutaat makkununnga tunngasut

suliarisarpai:

1) Ineqarnermut akiliutinik qaffaanissamik siumoortumik ilisimatitsisarnermi piumasarisat, tak. § 28, imm. 2.

2) Aserfallatsaaliuineq iluarsaassinerlu, tak. § 45.

3) Inissiap iserterfigineqarnerani qanoq issusia, tak. § 47.

4) Attartukkami atortut ikkussukkat pitsanngorsaanerillu (atuisinnaatitaaneq), tak. §§ 51 aamma 55.

5) Attartortup attartukkaminik atuinera (torersaarnissamik malittarisassanik unioqqutitisinerit), tak. § 50.

6) Atuisinnaatitaanerup allanut tunniunneqarnera (inissianik paalaateqatigiinneq, attartukkamik allamut utaqqiisaasumik attartortitsigallarneq aamma attartornermik nangitsineq), tak. §§ 58-62.

7) Inissiamit aninermi inissiap qanoq issusia (iluarsaassineq nalinginnaasoq), tak. § 77.

Inissianik attartortitsisarneq pillugu Inatsisartut peqqussutaata allanngortinneqarnera pillugu Inatsisartut peqqussutaat nr. 14, 20. november 2006-imeersoq

12.
§ 73 imatut oqaasertalerneqassaaq:

"§ 73. Inissiani attartortittakkani pisortanit pigineqartuni attartortitsisup ineqarnermut, imermut, kiassarnermut imaluunniit qularnaveeqqutissamut akiliutissanut akiliinngitsoornerup kingunerisaanik attartornermut isumaqatigiissut atorunnaarsissava, tak. §§ 37, imm. 1, 38, imm. 1, aamma 74,
imm. 1. Inissiani attartortittakkani namminersortunit pigineqartuni attartortitsisup peqqutitut taaneqartut tunngavigalugit attartornermut isumaqatigiissut atorunnaarsissinnaavaa.

Imm. 2. Attartortitsisup attartornermut isumaqatigiissut atorunnaarsissinnaavaa:

1) Inissiaq unioqqutitsisumik atorneqarpat, tak. § 48, imm. 2 aamma 3.

2) Inissiaq ikerinnaannakkut qimanneqarpat, tak. § 48, imm. 5.

3) Inatsisini piumasarineqartut unioqqutillugit attartortitsisoq inissiamut isernissaanut itigartinneqarpat, tak. § 49, imm. 1.

4) Ileqqorissaarnissamut maleruagassat unioqqutinneqarpata, tak. § 50.

Imm. 3. Attartortitsisup aatsaat imm. 1 aamma 2 naapertorlugit attartorneq atorunnaarsissinnaavaa pissutsit attartortumut assuarliutaasut annertuumik pingaaruteqarpata.

Imm. 4. Pissutsit imm. 1-imi aamma imm. 2-mi taaneqartut attartortitsisup tunngaviginiarsinnaanngilai, pissutsit attartortitsisup attartornermut isumaqatigiissummik atorunnaarsitsinnginnerani aaqqinneqarsimappata.

Imm. 5. Attartortitsisup pissutsit imm. 2-mi taaneqartut tunngavigalugit attartornermik atorunnaarsitsinnginnerani attartortitsisup attartortoq pissutsit aaqqeqqullugit peqqussavaa.

Imm. 6. Attartortoq attartukkaminit anisinneqarpat, attartortitsisup kommunimi inunnik isumaginnittoqarfik tamanna pillugu ilisimatissavaa. Ilisimatitsinermi attartortitsisup anisitsinermut nalunaarutip assilinera nassiutissavaa.