Aalajangiineq

Ineqarneq pillugu Maalaaruteqarfik isumaqarput taakku akiligassat illit nammineq akilissagitit, illit pisassaqarnernut inatsisit malillugit pisussaafiusoq naliginnaasumik illumi iluarsaassinermi, uani ataani pineqarput asaaneq.

Ineqarneq pillugu maalaaruteqarfik piginnaaffiginngilaa pisussaaffimmik sumiginnagaanermut tunngasunik suliaqarnissaminik.

Suliamut eqqartuineq

Illit attartugassaq tiguat najugaq una pillugu R, blok xx-xx, 39xx Ø ulloq xx.august 20xx-mi, taavalu nutseqqillutit xx.marts 20xx-mi.

Inissiaateqatigiiffik allagaani xx.december 20xx-meersumi allaqqavoq, illit akiligassarigit 8.422,92 koruunit nutsernermi akiligassaq.

Allakkami ullulerneqarsimasoq xx.oktober 20xx-imi naammagittaalliorsimavutit Ineqarneq pillugu maalaaruteqarfimmut akiligassanngortitaq pillugu.

Illit oqarputit, illit nammineerlutit inissiaq torersarsimallugu, taamaattumik paasisinnaanngikkit sooq nutsernermi akiligassamik pisimanerlutit. Aammattaaq oqaatigivat

Q oqarfigisimagaatit oqarasuaatikkut, massakkut inissiaq inunnut allanut atorneqartoq iniminiit anisitaanikuniit, aammattaaq nalunngilat tamakku inissiat suliarineqaqqaarneq ajortut. Taamaattumik illit isumaqarputit eqqunngittumik iliuuseqarfigineqarlutit.

Nutsernermi misissuinermi nalunaarusiami allassimavoq inissiamiissimanak inissiaq misissorneqarnerani. Nutssernermi misissuinermi nalunaarusiami allaqqavoq amigarsimasoq taavalu

inissiamik sumiginnagaanermik ersilluni.

Akiligassanngortitsisoqarpoq suliarisimasani. Taamaattumik imak inerneqarpoq vvs-mi sulisimasut 8.632,85 kr.-nik nalingalimmik, sanasut sulisimasut 2.294,85 kr.-mik nalilimmik aammattaaq asaasut asaasimallutik 2.600 koruuninik nalilimmik. Taamaattumik akiligassaq tamakkerlugu tassaavoq 13.527,70 koruunit.

Inissiaateqatigiiffik allagaqarsimapput xx.martis 20xx-mi suliaq pillugu oqaaseqaammik.

Inissiaateqatigiiffik uani ilanngussimavaat illit allamut inissiaq attartortissimagit ulloq taanna nutsernermi. Aammattaaq allassimavoq taanna nutsersimasoq akiligassamik akiliisimanngittoq ineqarnermut akiligassanik imak annertussusilimmik 6.433,22 koruunit, illillu tamanna akisussaaffigalugu, pissutigalugu illit inissiat attartortikkakku, aamma tamanna qaavatigut asaanermut akiligassaqartoq, uffarfimmi aaqqissussinermi aammattaaq matu sequmissimanerani.

Illit allakkamik pivutit xx. juli 20xx-imi Inissiaateqatigiiffik allagaanik assilisaanik aammalu periarfissinneqarlutit illit ilassuteqarsinnaallutit tamanna pillugu. Inissiaateqatigiiffik allaffeqarfia ilinniit ilassutinik tigusaqarsimanngilaq suliaq pillugu.

Inatsisit atorneqartut:

Inissianik attartortitsisarneq pillugu Inatsisartut peqqussutaat nr. 2, 12. maj 2005-imeersoq malillugu allaqqavoq

§ 47. Attartortitsisup attartorneqartoq piffissamit attartornissap aallartiffissaaniit pitsaasumik isumannaatasumillu pitsaassuseqartillugu attartortumut atugassanngortissavaa. Iikkat, qilaat naqqillu nalinginnaasumik iluarsaanneqarsimassapput, tak. § 77, imm. 1. Attartugassaq eqqiarneqarsimassaaq uumasuaraqassananilu, igalaat, sikaaviit matui aamma matut ilivitsuussapput atorsinnaasunillu paarnaarsaateqassallutik. Kiisalu matut silarliit tamarmik immikkut marlunnik matuersaateqassapput, teknikikkullu atortulersuutit ajoquteqassanatik.

§ 79. Malillugu Attartortitsineq atorunnaarsinneqartussanngorsimappat imaluunniit inissiaq allamik pissuteqartumik qimanneqartussanngorsimappat attartortitsisup attartortullu piffissaq qimatsivissaq inissiamillu misissuisoqarnissaa allaganngorlugu isumaqatigiissutigissavaat. Attartortoq immikkut ilisimasalimmik ilaqarluni misissuinermut peqataanissamut pisinnaatitaavoq. Attartortitsisup sivikinnerpaamik ullunik arfineq-marlunnik siumut ilisimatitsinermigut attartortoq misissuinermut peqataaqqullugu noqqaaffigissavaa.

Imm. 2. Misissuinermi attartortitsisoq misissuisimanermut nalunaarusiussaaq, tassanilu amigaataasinnaasut paarinerlutallu attartortitsisup isumaa malillugu attartortup akisussaaffigisassai allassimassapput. Attartortoq taakkununnga isumaqataanngippat, tamanna attartortup isumai taallugit nalunaarusiami allanneqassapput. Nalunaarusiaq misissuinermut atatillugu illuatungeriinnit atsiorneqassaaq. Attartortoq taannaluunniit sinnerlugu takkuttoq misissuinermut nalunaarusiap assinganik tunineqassaaq. Tamatuma

kingorna attartortup tamanna piumasarippagu, pissutissaqanngitsumik uninnganertaqanngitsumik suliassat attartortitsisup isumaa malillugu attartortumit akilerneqartussanut suliassat qanoq akeqarnissaanik missingersuummik allakkatigut nalunaarfigineqassaaq.

Inatsit toqqamavingineqartoq:

Inissianik attartortitsisarneq pillugu Inatsisartut peqqussutaat nr. 2, 12. maj 2005-imeersoq malillugu allaqqavoq Ineqarneq pillugu maalaaruteqarfiup pisussaaffii § 84-imi Ineqarneq pillugu maalaaruteqarfiup piginnaaffiginngikkaa toqqaassallutik kina akilissaneraa inissiamik sumiginnaanermi.

Inissiaateqatigiiffik akiligassamik tunisisimanngimmat naliginnaasumik inissiaq suliarineqarnera pillugu, Ineqarneq pillugu maalaaruteqarfiup kisimi aaliangersinnaavaa apeqqut asaanermut akiligassaq taavalu ineqarnermut akiligassat pillugu.

Tassami akiligassaq tunngavoq inissiamut asaanermut, taamaattumik Ineqarneq pillugu maalaaruteqarfiup isumaqarput Inissiaateqatigiiffik aaliangigaa inissiaq assatsinnissaanut pisariaqarsimasoq, taamaattumik tamanna aaliangiinissamut tunngavigineqassaaq. Tamaanna imaappoq illit nutserfissanni ulloq taanna inissiamiissimanngilatit, taavalu illit nammineq isummannik tunniussisimanak Inissiaateqatigiiffiut aalajangigaanut asaanissamut akiligassaq akilerneqarnissaanut.

Ineqarneq pillugu maalaaruteqarfiup taamaattumik isumaqarput illit pisussaatitaasutit akiligassaq akilernissaanut, asaanermut tunngasoq.

Akiligassaq ineqarnermut akiliutit pillugit, Ineqarneq pillugu maalaaruteqarfiup erserqissassavaa, attartortitsisup akisussaaffigigaa ineqarnermut akiliutit. Aamma tamanna atuuppoq attartuinnartutut inissisimappat.

Ineqarneq pillugu maalaaruteqarfiup taamaattumik isumaqarput, illit pisussaatitaasutit akilernissaa ineqarnermut akiliutit akilerneqarsimanngittut.

Erseqqissarnerqarpoq aserfallatsaaliuinermi, atuinermi aammalu aatortunik sumiginnaanermi tamanna attartortitsisup taavalu attartortup iluani kisimi pissasoq. Immaqa attartortup attartortitsisuusoq susassaqanngitsoq taava attartortitsisup akisussaaffigigaa.

Naliliineq:

Ineqarneq pillugu maalaaruteqarfiup isumaqarput illit akilissagitit akiligassat asaanermut tunngasut, taavalu ineqarnermut akiliutit akilerneqarsimanngittut akilerlugit.

Naammagittaalliornermut ilitsersuut:

Inissiaateqatigiiffik aalajangigaa naammagittaalliuutigineqarsinnaanngilaq allamut oqartussaasumut, naleqq. § 86, imm. 7, Inissianik attartortitsisarneq pillugu Inatsisartut peqqussutaat nr. 2, 12. maj 2005-imeersoq malillugu, kingusiinnaa allanngortinneqarnikoq. Piumaneqarpat isumaqatigiinngissut attartortoq taavalu attartortitsisoq nalaani, tamanna eqqartuussivimmut saqqummiunneqassaaq, sassaqqusissut attartortitsisumut

tunniunneqassaaq kredsrettimut. Tamanna atuuppoq allaqatigiinnerit allallu attartortitsisup allaffeqarfik aktieselskab-iup suliarisariaqarsimappagu.

Inissiaateqatigiiffik aalajangiussaa atasumik atuuppoq namminersorlutik oqartussanut (namminersorneq) aammalu kommunemut attartortitsisutut inissianik, naleqq. § 86, imm. 6.

Ineqarneq pillugu Maalaaruteqarfimmut sinnerlugu

Naja Joelsen

Siulittaasoq Ineqarneq pillugu Maalaaruteqarfimmut

Allakkap assingi Q Inissiaateqatigiiffik -mut nassiunneqarput.

Inatsisit toqqammaviit

Inissianik attartortitsisarneq pillugu Inatsisartut peqqussutaat nr. 2, 12. maj 2005-imeersoq

Illussaqartitsineq, boligstøtte, illunik attartorneq il.il. pillugit Kalaallit Nunaannut inatsit nr. 944, 23. december 1986-imeersoq naapertorlugu aalajangersarneqarput:

§ 45. Namminersornerullutik Oqartussat kommuunillu inissiaataanni attartortittakkani illuutit attartortitallu isumannaatsumik aserfallatsaaliorneqarnissaasa isumagineqarnissaa attartortitsisup pisussaaffigaa.

Imm. 2. Avammut kuuffinnut, kiassarnermut, innaallagissamut, gassimut imermullu teknikikkut atortulersuutit tamarmik pitsaasuutinneqassapput atorsinnaasuutinneqassallutillu. Taamatuttaaq innaallagissamut ikkuffiit, iikiussat, matserfiit, kiassaatit, ruujorit, sikaaviit alaakkaasut, illup iluani atortut il.il. aserfallatsaalissallugit attartortitsisup pisussaaffigai. Nungullarnikkut pisoqalinikkullu ajorseriaatsit kingunerisaannik ima akulikitsigisumik isumagineqartassapput nutarterinerit iluarsaassinerillu illuutit attartorneqartullu pissusissaat eqqarsaatigalugit pisariaqartitsinerit malillugit suliarineqartassallutik.

Imm. 3. Piffissami attartorfiusumi attartortup inissiami qilaat qalipallugit qaqorsarnissaat, iikkat qalipannissaat aamma/imaluunniit ungalitsersorneqarnissaat kiisalu natit lakkernissaat akisussaaffigaa taakkununngalu aningaasartuutit akilissallugit.

§ 48. Attartortup attartorneqartoq isumannaatsumik paarissavaa, ajoqusikkanullu attartortup nammineq, attartortup inoqutaasa allalluunniit attartortup attartorneqartumut isersinnaatitaasa isumannanngitsumik pissusilersornerisigut ajoqusersimasaannut taarsiinissamut attartortoq akisussaavoq. Takusaanermi paarsinerluttoqarsimasoq paasineqarpat, attartortitsisup tamanna piumasarippagu attartortup ingerlaannartumik ajoqusikkat iluarsaatissavai.

§ 77. Inissiamit anisoqarnerani inissiaq nalinginnaasumik iluarsaanneqassaaq, tassanilu pineqarput qilaavinik qaqorsarlugit qalipaaneq, iiganik qalipaaneq aamma/imaluunniit ungalitsersuineq kiisalu eqqiaaneq. Natii nutaamik lakkersimasutut isikkoqassapput, taamaattorli tak. imm. 3.

Imm. 2. Attartortup nammineerluni nuunnerminut atatillugu nalinginnaasumik iluarsaassinissani kissaatigippagu, iluarsaassineq assassornermik ilinniagaqarsimasutut illersorneqarsinnaasumik pitsaassuseqartillugu suliarineqassaaq. Attartornermik unitsitsinissaq imaluunnit atorunnaarsitsinissaq naapertorlugu inissiap qimanneqarnissaa, inissiap takuniarneqarnissaa sioqqullugu suliaq naammassereersimassaaq, tak. § 79.

Imm. 3. Attartortup inissiamut iserternerani inissiaq nalinginnaasumik iluarsaanneqarsimanngippat, attartortup inissiaq iserternermini pissuserisaatut itsillugu tunniutissavaa.

Imm. 4. Attartortitsisup imm. 1-imi aamma 2-mi aalajangersakkat sanioqqussinnaavai, attartornerup atorunnaarnerata nutaamillu aallartitsinerup kingorna inissiap iluarsaanneqarnissaa annertuunik ajornartorsiutitaqarpat. Attartornerup atorunnaarnerani tamatumunnga taarsiullugu attartortoq inissiamik attartornerup nalaani nungullarnernut naleqquttumik annertussusilinnik akiliuteqassaaq. Akiliutissaq qaammammut ataatsimut inimut ataatsimut 50 kr.-inik annertussuseqarpoq. Attartortitsisup nalinginnaasumik iluarsaassinermut aningaasartuutit attartortup inissiamik tigusineraniit qaammatit 100-t ingerlanerini tigujartuaassavai.

Imm. 5. Naalakkersuisut inissiamit aninermi nalinginnaasumik iluarsaassisarneq aamma attartortup tamatumunnga atatillugu aningaasartuutigisaanut ajunngitsorsiassaqartarneq pillugu maleruagassiorsinnaapput.

§ 78. Attartortitsisup § 77 malillugu nalinginnaasumik iluarsaassinermut aningaasartuutit attartortup inissiamik tigusineraniit qaammatit 100-t ingerlanerini tigujartuaassavai. Piffissaliussatut aalajangiunneqartup naannginnerani inissiamit anisoqarnerani attartortup taamaallaat aningaasat piffissami tassani attartortitsinerup atorunnaarfigisaani attartortitsisumit akilerneqartussanngorsimanngitsut akilissavai.

§ 79. Attartortitsineq atorunnaarsinneqartussanngorsimappat imaluunniit inissiaq allamik pissuteqartumik qimanneqartussanngorsimappat attartortitsisup attartortullu piffissaq qimatsivissaq inissiamillu misissuisoqarnissaa allaganngorlugu isumaqatigiissutigissavaat. Attartortoq immikkut ilisimasalimmik ilaqarluni misissuinermut peqataanissamut pisinnaatitaavoq. Attartortitsisup sivikinnerpaamik ullunik arfineq-marlunnik siumut ilisimatitsinermigut attartortoq misissuinermut peqataaqqullugu noqqaaffigissavaa.

Imm. 2. Misissuinermi attartortitsisoq misissuisimanermut nalunaarusiussaaq, tassanilu amigaataasinnaasut paarinerlutallu attartortitsisup isumaa malillugu attartortup akisussaaffigisassai allassimassapput. Attartortoq taakkununnga isumaqataanngippat, tamanna attartortup isumai taallugit nalunaarusiami allanneqassapput. Nalunaarusiaq misissuinermut atatillugu illuatungeriinnit atsiorneqassaaq. Attartortoq taannaluunniit sinnerlugu takkuttoq misissuinermut nalunaarusiap assinganik tunineqassaaq. Tamatuma kingorna attartortup tamanna piumasarippagu, pissutissaqanngitsumik uninnganertaqanngitsumik suliassat attartortitsisup isumaa malillugu attartortumit akilerneqartussanut suliassat qanoq akeqarnissaanik missingersuummik allakkatigut nalunaarfigineqassaaq.

Imm. 3. Attartortup inissiamik qimatsinissani kingusinnerpaamik ullunik arfineq-pingasunik sioqqullugu najugaq nalunaarutit nassiunneqartarfissaat nalunaarutigissavaa.

§ 84. Ineqarneq pillugu maalaaruteqartarfiup attartortut maalaarutaat makkununnga tunngasut suliarisarpai:

1) Ineqarnermut akiliutinik qaffaanissamik siumoortumik ilisimatitsisarnermi piumasarisat, tak. § 28, imm. 2.

2) Aserfallatsaaliuineq iluarsaassinerlu, tak. § 45.

A/S Inissiaatileqatigiiffîk INI-mi suliassat suliarineqartarnerat paasitinneqarsinnaatitaanerlu pillugit Namminersornerullutik Oqartussat nalunaarutaat nr. 37, 19. december 1996-imeersoq

§ 2. Pisortat ingerlatsinerat pillugu paasitinneqarsinnaatitaaneq pillugu Inatsisartut inatsisaanni aalajangersakkat A/S Inissiaatileqatigiiffik INI-mut atuupput ingerlatseqatigiiffiup, Inissiaatileqatigiiffimmik pilersitsinissaq pillugu Inatsisartut peqqussutaat nr. 12, 28. oktober 1993-imeersut malillugit, Namminersornerullutik Oqartussat kommuniluunniit sinnerlugit aalajangiisarnissamut qanoq atsigisumik pisinnaatitaaffiligaanera naapertorlugu.