Aalajangiineq

Ineqarneq pillugu maalaaruteqarfik paasivaat akiligassat akilissagitit, illit pisassaqarnernut inatsisit malillugit pisussaafiusoq naliginnaasumik illumi iluarsaassinermi, uani ataani pineqarput asaaneq, aammalu akiitsut ineqarnermut akiligassaq 6.894,54 koruunit.

Ineqarneq pillugu maalaaruteqarfik piginnaaffiginngilaa atisanik errorsinermik tunngasunik suliaqarnissaminik.

Suliamut eqqartuineq

Attartortitaq tiguat ini una pillugu D x-xxx, 39xx E ulloq xx.juni 20xx-imi, illumut nutserputit ulloq xx.juli 20xx-imi, taavalu attartorneq unitsillugu xx.novemberi 20xx-imi.

E-mail-imi xx.juni 20xx-imi naammagittaalliorsimavutit Ineqarneq pillugu maalaaruteqarfimmut, ineqarnermut akilersuisussaatitaanerit pillugu tassani piffimi inisimaffiginerani. Taavalu piumasarisimavat akiliutsinnissat atisanik errorsinermi.

Suliami takisuumik allaqatigiissimanersinnut ilaapput ilinni taavalu illuuteqatigiit akornanni.

Takuneqarsinnaavoq illit xx.augusti 20xx-imi saaffiginnissimasutit Inissiaateqatigiiffimmut, pissutigalugu nuallutit napparsimasimagavit quersorlutillu piffimmi tassani inisimaffigisimanerni illumi. Illit

Taava piumasarisimavat misissortinnissaanut oqummut.

Inissiaq misissortippoq misiliummillu tigusisoqarluni. Misiliut takutippaa oqoqarsimasoq inissiami, suussuseq C-miillunilu misiliut. Inissiaateqatigiiffik nassuerutigaa oqoqarsimasoq illit inissianni. Neqeroorfigineqarputit inissiaq nutarterneqalersinnaasoq tassani inissiami inisimaninni, Danmark-iliartussaavutit uku qaammatini septemberi taavalu oktoberi 20xximi. Aammattaaq neqeroorfigineqarputit inissiamik taartissamik, nutarterineq piffimi allami suliarineqassappat. Aammattaaq isumaqarputit taartissaq inissiaq aamma oqoqartoq.

Qanorluunniit inisimaffiit oqoqarnermut nutarterneqarpat, iluarinngilat ingerlanera, pissutogalugu illit isumaqaravit Inissiaateqatigiiffik misissoqqaartussaagaluaraa oqoqarsimanersoq suli isumaqatigiissusiliunnginnissinni. Aamma oqarputit isumaqarlutit illit akilissanngikkit ineqarnermut ikiliut, pissutigalugu inissiaq peqqinnissamut aarlerinartuummat.

Illit nalunaarfigineqarputit periarfissaqartoq allatsinnissarnut inissiamut nuuffigerusutarnut, piumasarineqarluni suli Inissiaateqatigiiffik inisimaffiani najugaqassallutit. Tamanna iluarisimanngilat. Pissutigalugu Inissiaateqatigiiffik neqeroorfigisinnaannginnamitit illumik nutaaq ingerlaannaq, taava attartorneq unitsissimassuat.

Suliffinniit soraarputit F-ni xx.november 20xx-imi. Taamaattumik annaavat pisussaatitaanerit sulisorisat inissiaataanniissinnaaneq.

Inunnik nalunaarsuisarfiani takuneqarsinnaavoq nuussimasutit xx.november 20xx-imi.

Nutsernermi nakutilliisoqarpoq xx.november 20xx-imi. Takuneqarsinnaavoq nakkutilliinermi nalunaarusiami inissiamiissimanak nakkutilliisut alakkaammata. Nakkutilliinermi nalunaarusiami allaqqavoq kikkut qalipaasut kikkullu sanasut suliarinnissanersut, taavalu pisussaaffimmik sumiginnaanermik ersittoqarnani inissiami. Aamma allaqqavoq inissiaq asanneqarsimanngittoq. Illit ilanngussisimanngilatit nalunaarusiami.

Allakkami xx.juli 20xx-imi nassinneqarputit nutsernermi naatsorsuineq, tassanilu allaqqalluni 6.894,54 koruuninik akiligassaqarlutit.

Akiligassami ukuninnga imaqarpoq inissiamut akiligassat akilerneqanngittut: 9492 koruunit, imeqarnermut akiligassat: 209,57 koruunit, akiligassat kissartoqarnermi: 850,97 koruunit, tamakkerlugit 10.552,54 koruunit.

Ilanngaatit ilanngullugit qularnaveequtit tamakkerlugit 3.658 koruunit, aningaasat 6.894,54 koruuninik akiligassaqalerlutit.

Allakkami xx.juni 20xx-imi naammagittaalliorsimavutit Ineqarneq pillugu Maalaaruteqarfimmut, ineqarnermut akilersuisussaatitaanerit pillugu tassani piffimi inisimaffiginerani. Taavalu piumasarisimavat akiliutsinnissat atisanik errorsinermi.

Inatisit atorneqartut:

Inissianik attartortitsisarneq pillugu Inatsisartut peqqussutaat nr. 2, 12. maj 2005-imeersoq malillugu allaqqavoq

§ 47. Attartortitsisup attartorneqartoq piffissamit attartornissap aallartiffissaaniit pitsaasumik isumannaatasumillu pitsaassuseqartillugu attartortumut atugassanngortissavaa. Iikkat, qilaat naqqillu nalinginnaasumik iluarsaanneqarsimassapput, tak. § 77, imm. 1. Attartugassaq eqqiarneqarsimassaaq uumasuaraqassananilu, igalaat, sikaaviit matui aamma matut ilivitsuussapput atorsinnaasunillu paarnaarsaateqassallutik. Kiisalu matut silarliit tamarmik immikkut marlunnik matuersaateqassapput, teknikikkullu atortulersuutit ajoquteqassanatik.

Imm. 2. Inissiamut iserternissamut atatillugu attartortitsisup attartortoq taannaluunniit sinnerlugu takkuttoq ilagalugu inissiaq takuniassavaat inissiamullu iserternermut nalunaarusiussallutik, taassumalu assilineranik attartortoq tunineqassaaq, taamaattorli tak. imm. 5. Takuniaanermi amigaatit malugineqartut inissiamut iserternermut nalunaarusiamut ilanngunneqassapput. Imm. 3. Amigaatit allat, attartortup inissiamut iserternermi kingorna tigusinermut atatillugu tikkuarsutai inissiamut iserternermiit sapaatit akunneri marluk qaangiutsinnagit allakkatigut attartortitsisumut nalunaarutigineqassapput. Amigaatilli nalinginnaasumik misissuinermi takuneqarsinnaasimanngippata imaluunniit attartortitsisoq peqquserlussimappat tamanna atuutissanngilaq.

Ifølge § 77. Inissiamit anisoqarnerani inissiaq nalinginnaasumik iluarsaanneqassaaq, tassanilu pineqarput qilaavinik qaqorsarlugit qalipaaneq, iiganik qalipaaneq aamma/imaluunniit ungalitsersuineq kiisalu eqqiaaneq. Natii nutaamik lakkersimasutut isikkoqassapput, taamaattorli tak. imm. 3. Imm. 3. malillugu Attartortup inissiamut iserternerani inissiaq nalinginnaasumik iluarsaanneqarsimanngippat, attartortup inissiaq iserternermini pissuserisaatut itsillugu tunniutissavaa.

Ifølge § 78. Attartortitsisup § 77 malillugu nalinginnaasumik iluarsaassinermut aningaasartuutit attartortup inissiamik tigusineraniit qaammatit 100-t ingerlanerini tigujartuaassavai. Piffissaliussatut aalajangiunneqartup naannginnerani inissiamit anisoqarnerani attartortup taamaallaat aningaasat piffissami tassani attartortitsinerup atorunnaarfigisaani attartortitsisumit akilerneqartussanngorsimanngitsut akilissavai.

Ifølge § 79. Attartortitsineq atorunnaarsinneqartussanngorsimappat imaluunniit inissiaq allamik pissuteqartumik qimanneqartussanngorsimappat attartortitsisup attartortullu piffissaq qimatsivissaq inissiamillu misissuisoqarnissaa allaganngorlugu isumaqatigiissutigissavaat. Attartortoq immikkut ilisimasalimmik ilaqarluni misissuinermut peqataanissamut pisinnaatitaavoq. Attartortitsisup sivikinnerpaamik ullunik arfineq-marlunnik siumut ilisimatitsinermigut attartortoq misissuinermut peqataaqqullugu noqqaaffigissavaa. Ifølge Imm. 2. Misissuinermi attartortitsisoq misissuisimanermut nalunaarusiussaaq, tassanilu amigaataasinnaasut paarinerlutallu attartortitsisup isumaa malillugu attartortup akisussaaffigisassai allassimassapput. Attartortoq taakkununnga isumaqataanngippat, tamanna attartortup isumai taallugit nalunaarusiami allanneqassapput. Nalunaarusiaq misissuinermut atatillugu illuatungeriinnit atsiorneqassaaq. Attartortoq taannaluunniit sinnerlugu takkuttoq misissuinermut nalunaarusiap assinganik tunineqassaaq. Tamatuma kingorna attartortup tamanna piumasarippagu, pissutissaqanngitsumik uninnganertaqanngitsumik suliassat attartortitsisup isumaa malillugu attartortumit akilerneqartussanut suliassat qanoq akeqarnissaanik missingersuummik allakkatigut nalunaarfigineqassaaq. Ifølge § 84. Ineqarneq pillugu maalaaruteqartarfiup attartortut maalaarutaat makkununnga tunngasut suliarisarpai:

3) Inissiap iserterfigineqarnerani qanoq issusia, tak. § 47.
7) Inissiamit aninermi inissiap qanoq issusia (iluarsaassineq nalinginnaasoq), tak. § 77.

Naliliineq:

Ineqarneq pillugu Maalaaruteqarfik isumaqarput pisussaatitaasutit akiligassaq akilernissaanut, naliginnaasumik inissiaq suliarineqarnera pillugu illit pisassaqarnernut inatsisit malillugit pisussaafiusoq naliginnaasumik illumi iluarsaassinermi, uani ataani pineqarput asaanermi akiligassaq, aammalu akiitsut ineqarnermut akiligassat. Ineqarneq pillugu Maalaaruteqarfik pingaartippaa Inissiaateqatigiiffik iliorsimassasut inissiaq ajunngittumik illorsornartumillu iluarsisimassagaat periarfissat tamaasa atorlugit. Ineqarneq pillugu Maalaaruteqarfik paasivaat Inissiaateqatigiiffik pisussaatitaanngittoq suli attartornermut isumaqatigiissut atuutilinnginnerani. Taamaattumik illit ini qalipatsinnera, inimi qilaa qalipannera, nateq lakkertinnera taavalu inip asatsinnera nammineq akilissavat, soorlu ineqarnermut akiliut akilerneqarsimanngittoq aamma illit nammineq akilertussaagit. Ineqarneq pillugu Maalaaruteqarfik piginnaaffiginngilaa suliarissallugu suliaq atisanik simerneriaaneq pillugu. Suliap uppernarsaataani allassimavoq Inissiaateqatigiiffik tamanna akiligassaq taarsersimagaa.

Naammagittaalliornermut ilitsersuut:

Inissiaateqatigiiffik aalajangigaa naammagittaalliuutigineqarsinnaanngilaq allamut oqartussaasumut, naleqq. § 86, imm. 7, Inissianik attartortitsisarneq pillugu Inatsisartut peqqussutaat nr. 2, 12. maj 2005-imeersoq malillugu, kingusiinnaa allanngortinneqarnikoq. Piumaneqarpat isumaqatigiinngissut attartortoq taavalu attartortitsisoq nalaani, tamanna eqqartuussivimmut saqqummiunneqassaaq, sassaqqusissut attartortitsisumut

tunniunneqassaaq kredsrettimut. Tamanna atuuppoq allaqatigiinnerit allallu attartortitsisup allaffeqarfik aktieselskab-iup suliarisariaqarsimappagu.

Inissiaateqatigiiffik aalajangiussaa atasumik atuuppoq namminersorlutik oqartussanut (namminersorneq) aammalu kommunemut attartortitsisutut inissianik, naleqq. § 86, imm. 6.

Ineqarneq pillugu Maalaaruteqarfimmut sinnerlugu

Innuttaasoq B

Siulittaasoq Ineqarneq pillugu Maalaaruteqarfimmut

Allakkap assingi Inissiaateqatigiiffik nassiunneqarput.

Inatsisit toqqammaviit

Inissianik attartortitsisarneq pillugu Inatsisartut peqqussutaat nr. 2, 12. maj 2005imeersoq

Illussaqartitsineq, boligstøtte, illunik attartorneq il.il. pillugit Kalaallit Nunaannut inatsit nr. 944, 23. december 1986-imeersoq naapertorlugu aalajangersarneqarput:

§ 45. Namminersornerullutik Oqartussat kommuunillu inissiaataanni attartortittakkani illuutit attartortitallu isumannaatsumik aserfallatsaaliorneqarnissaasa isumagineqarnissaa attartortitsisup pisussaaffigaa. Imm. 2. Avammut kuuffinnut, kiassarnermut, innaallagissamut, gassimut imermullu teknikikkut atortulersuutit tamarmik pitsaasuutinneqassapput atorsinnaasuutinneqassallutillu. Taamatuttaaq innaallagissamut ikkuffiit, iikiussat, matserfiit, kiassaatit, ruujorit, sikaaviit alaakkaasut, illup iluani atortut il.il. aserfallatsaalissallugit attartortitsisup pisussaaffigai. Nungullarnikkut pisoqalinikkullu ajorseriaatsit kingunerisaannik ima akulikitsigisumik isumagineqartassapput nutarterinerit iluarsaassinerillu illuutit attartorneqartullu pissusissaat eqqarsaatigalugit pisariaqartitsinerit malillugit suliarineqartassallutik. Imm. 3. Piffissami attartorfiusumi attartortup inissiami qilaat qalipallugit qaqorsarnissaat, iikkat qalipannissaat aamma/imaluunniit ungalitsersorneqarnissaat kiisalu natit lakkernissaat akisussaaffigaa taakkununngalu aningaasartuutit akilissallugit.

§ 48. Attartortup attartorneqartoq isumannaatsumik paarissavaa, ajoqusikkanullu attartortup nammineq, attartortup inoqutaasa allalluunniit attartortup attartorneqartumut isersinnaatitaasa isumannanngitsumik pissusilersornerisigut ajoqusersimasaannut taarsiinissamut attartortoq akisussaavoq. Takusaanermi paarsinerluttoqarsimasoq paasineqarpat, attartortitsisup tamanna piumasarippagu attartortup ingerlaannartumik ajoqusikkat iluarsaatissavai.

§ 77. Inissiamit anisoqarnerani inissiaq nalinginnaasumik iluarsaanneqassaaq, tassanilu pineqarput qilaavinik qaqorsarlugit qalipaaneq, iiganik qalipaaneq aamma/imaluunniit ungalitsersuineq kiisalu eqqiaaneq. Natii nutaamik lakkersimasutut isikkoqassapput, taamaattorli tak. imm. 3. Imm. 2. Attartortup nammineerluni nuunnerminut atatillugu nalinginnaasumik iluarsaassinissani kissaatigippagu, iluarsaassineq assassornermik ilinniagaqarsimasutut illersorneqarsinnaasumik pitsaassuseqartillugu suliarineqassaaq. Attartornermik unitsitsinissaq imaluunnit atorunnaarsitsinissaq naapertorlugu inissiap qimanneqarnissaa, inissiap takuniarneqarnissaa sioqqullugu suliaq naammassereersimassaaq, tak. § 79. Imm. 3. Attartortup inissiamut iserternerani inissiaq nalinginnaasumik iluarsaanneqarsimanngippat, attartortup inissiaq iserternermini pissuserisaatut itsillugu tunniutissavaa. Imm. 4. Attartortitsisup imm. 1-imi aamma 2-mi aalajangersakkat sanioqqussinnaavai, attartornerup atorunnaarnerata nutaamillu aallartitsinerup kingorna inissiap iluarsaanneqarnissaa annertuunik ajornartorsiutitaqarpat. Attartornerup atorunnaarnerani tamatumunnga taarsiullugu attartortoq inissiamik attartornerup nalaani nungullarnernut naleqquttumik annertussusilinnik akiliuteqassaaq. Akiliutissaq qaammammut ataatsimut inimut ataatsimut 50 kr.-inik annertussuseqarpoq. Attartortitsisup nalinginnaasumik iluarsaassinermut aningaasartuutit attartortup inissiamik tigusineraniit qaammatit 100-t ingerlanerini tigujartuaassavai. Imm. 5. Naalakkersuisut inissiamit aninermi nalinginnaasumik iluarsaassisarneq aamma attartortup tamatumunnga atatillugu aningaasartuutigisaanut ajunngitsorsiassaqartarneq pillugu maleruagassiorsinnaapput.

§ 78. Attartortitsisup § 77 malillugu nalinginnaasumik iluarsaassinermut aningaasartuutit attartortup inissiamik tigusineraniit qaammatit 100-t ingerlanerini tigujartuaassavai. Piffissaliussatut aalajangiunneqartup naannginnerani inissiamit anisoqarnerani attartortup taamaallaat aningaasat piffissami tassani attartortitsinerup atorunnaarfigisaani attartortitsisumit akilerneqartussanngorsimanngitsut akilissavai.

§ 79. Attartortitsineq atorunnaarsinneqartussanngorsimappat imaluunniit inissiaq allamik pissuteqartumik qimanneqartussanngorsimappat attartortitsisup attartortullu piffissaq qimatsivissaq inissiamillu misissuisoqarnissaa allaganngorlugu isumaqatigiissutigissavaat. Attartortoq immikkut ilisimasalimmik ilaqarluni misissuinermut peqataanissamut pisinnaatitaavoq. Attartortitsisup sivikinnerpaamik ullunik arfineqmarlunnik siumut ilisimatitsinermigut attartortoq misissuinermut peqataaqqullugu noqqaaffigissavaa. Imm. 2. Misissuinermi attartortitsisoq misissuisimanermut nalunaarusiussaaq, tassanilu amigaataasinnaasut paarinerlutallu attartortitsisup isumaa malillugu attartortup akisussaaffigisassai allassimassapput. Attartortoq taakkununnga isumaqataanngippat, tamanna attartortup isumai taallugit nalunaarusiami allanneqassapput. Nalunaarusiaq misissuinermut atatillugu illuatungeriinnit atsiorneqassaaq. Attartortoq taannaluunniit sinnerlugu takkuttoq misissuinermut nalunaarusiap assinganik tunineqassaaq. Tamatuma kingorna attartortup tamanna piumasarippagu, pissutissaqanngitsumik uninnganertaqanngitsumik suliassat attartortitsisup isumaa malillugu attartortumit akilerneqartussanut suliassat qanoq akeqarnissaanik missingersuummik allakkatigut nalunaarfigineqassaaq. Imm. 3. Attartortup inissiamik qimatsinissani kingusinnerpaamik ullunik arfineq-pingasunik sioqqullugu najugaq nalunaarutit nassiunneqartarfissaat nalunaarutigissavaa.

§ 84. Ineqarneq pillugu maalaaruteqartarfiup attartortut maalaarutaat makkununnga tunngasut suliarisarpai: 1) Ineqarnermut akiliutinik qaffaanissamik siumoortumik ilisimatitsisarnermi piumasarisat, tak. § 28, imm. 2. 2) Aserfallatsaaliuineq iluarsaassinerlu, tak. § 45.