Meeqqanut akilersuutinik siumoortumik tunniunneqartartunik taamaatitsineq pillugu Kommunip 6. novembari 2014-imi aalajangiinera pillugu naammagittaalliuutit Isumaginninnikkut Naammagittaalliuuteqartarfiup ulloq 6. decembari 2017-imi suliaraa imalu:

Sags nr.: 2015 - 989

AALAJANGIIVOQ

Meeqqanut akilersuutinik siumoortumik tunniunneqartartunik taamaatitsineq pillugu Kommunip 24. oktobari 2014-imi aalajangiinera allanngortinneqarpoq. Tamanna imatut paasineqassaaq kommunip aalajangiinera eqqunngitsoq, taamaattumillu illit naammagittaalliutigisimasat pillugu ilalerneqartutit.

Meeqqanut akilersuutit il.il. kiisalu meeravissiartaarnermi tapiissutit tunniunneqartar-neri pillugit Inatsisartut peqqussutaat nr. 2, 3. marsi 1994-meersoq kingusinnerusuk-kut allannguuteqartoq naapertorlugu suliaq aalajangiiffigineqassaaq.

Nassuiaat:

Kommuni Kujalleq ulloq 24. oktobari 2014-imi aalajangiisimavoq, meeqqanut akilersuutinik siumoortumik tunniunneqartartunik kommuni taamaatitsisoq, tassani G-ip peqquneqarnikuuvoq taakkua E-mut (xxxxxx-xxxx) akiliutigissagai.

Kommunip innersuussutigivaa, Meeqqanut akilersuutit il.il. kiisalu qitornavissiartaarner-mi tapiissutit pillugit Inatsisartut peqqussutaanni nr. 2-mi, 3. marsi 1994-imeersumi §§ 4-mi, imm. 2 aamma 5 naapertorlugit ukiumut meeqqanut akilersuutit nalinginnaasut pisortanit tunniunneqarsinnaasut 12.000,- kr.-iusut.

Kommunip oqaatigaa, periarfissaqartutit akiliisitsiniartarfik aqqutigalugu akilersuutit aki-lersuisup aappaaniit tiguniassallugit.

Ulloq 6. novembari 2014-imi Isumaginninnikkut Naammagittaalliuuteqartarfimmut naammagittaalliuuteqarputit. Naammagittaalliuutinni oqaatigaat, kommunip 24. okto-bari 2014-imi meeqqanut akilersuutip aappaanik taamaatitsisilluni aalajangiinera naam-magittaalliuutigalugu.

Suliamut paasissutissani atuarneqarsinnaavoq, siusinnerusukkut E-p arnaalu G katisimasuusimasusi. Ulloq 28. marsi 2007-imi avippusi.

Inuit nalunaarsuiffianni atuarneqarsinnaavoq, piffissami aalajangiiffiusumi E ilinni najugaqarsimasoq.

Atuarneqarsinnaavoq, E ulloq 3. novembari 1998-imili inunngorami 28. oktobari 2002 tikillugu ilinni najugaqarsimasoq aamma 12. aggusti 2004-miit 7. juuni 2005 tikillugu najugaqaqqissimalluni. Tamatuma kingorna 1. januaari 2008-mili ilinni najugaqarsimavoq.

E-p arnaa G 28. oktobari 2002-mili najugaqatigisimanngilat.

Kommuni Isumaginninnikkut Naammagittaalliuuteqartarfimmut ilisimatitsivoq, E-mik paarsinissaq pillugu isumaqatigiissusiortoqarsimanngitsoq.

Inuit nalunaarsuiffianni atuarneqarsinnaavoq, P, E-mut ataataasoq.

Akilersuisussaatitaanermut aalajangersakkami 14. apriili 2008-mi ullulerneqarsimasumi atuarneqarsinnaavoq, G meeqqanut akilersuutinik E-mut ilinni najugaqartumut ulloq 28. marsi 2007-imiit akilersuisussaatitaalersoq.

Akilersuisussaatitaanermut aalajangersakkami 3. marsi 2009-mi ullulerneqarsimasumi atuarneqarsinnaavoq, P meeqqanut akilersuutinik E-mut ilinni najugaqartumut ulloq 3. maaji 2008-miit akilersuisussaatitaalersoq.

E piffissami aalajangiiffiusumi 15-inik ukioqarpoq.

Inatsisitigut tunngavigisaq:

Meeqqanut akilersuutit il.il. kiisalu meeravissiartaarnermi tapiissutit tunniunneqartarne-ri pillugit Inatsisartut peqqussutaat nr. 2, 3. marsi 1994-imeersoq, kingusinnerusukkut al-lannguuteqartoq naapertorlugu atuuppoq,§ 1 Peqqussut manna tunngavigalugu meeq-qanut akilersuutinik siumoortumik tunniunneqartartunik imaluunniit meeqqanut akiler-suutinik

pisortanit tapiissutitut tunniunneqartartunik pisinnaatitaaneq makkuninnga piumasa-qaateqarfiuvoq,

  1. meeraq Kalaallit Nunaanni kommunimi aalajangersimasumik najugaqavissuussasoq, tak. kommuni uninngavigisaq aamma kommuni najugarivitaq il.il. pillugit peqqussut, aki-lersuutinillu tapiissutinilluunniit tigusisinnaatitaasoq Kalaallit Nunaanni aalajangersima-sumik najugaqartuussasoq,
  2. meeraq imaluunniit akilersuutinik tapiissutinilluunniit tigusisinnaatitaasoq qallunaatut innuttaassuseqassasoq, imaluunniit Danmarkip naalagaaffinnut allanut isumaqatigiissu-teqarsimanera tunngavigalugu akilersuutinik tapiissutinilluunniit Kalaallit Nunaanni oqartussanit tunineqarnissaminut pisinnaatitaaffeqassasoq,
  3. meeqqanik inuusuttunillu ikiorsiisarneq pillugu peqqussut tunngavigalugu meeraq angerlarsimaffiup avataanut pisortanit inissinneqarsimassanngitsoq, imaluunniit allatut pisortanit tamakkiisumik pilersorneqassanngitsoq,
  4. angajoqqaatut oqartussaassuseqartut allaganngorlugu akuersereersimatillugit mee-raq meeravissiassatut ilaqutariinni tigummineqassanngitsoq,
  5. meeqqap angajoqqaavi aappariittut inooqatigiissanngitsut, imaluunniit akilersuisus-saatitaasoq inooqatigissanngikkaa.

Imm. 2. Inuit kikkut akilersuutinik siumoortumik tunniunneqartartunik aamma imm. 1-imi inuit eqqaaneqartut saniatigut tapiissutitut tunniunneqartartunik pisinnaatitaassa-nersut kiisalu tunniussinermi piumasaqaataasut pillugit Naalakkersuisut malittarisassa-nik erseqqinnerusunik aalajangersaasinnaapput.

Imm. 3. Akilersuutinik siumoortumik imaluunniit pisortanit tapiissutitut peqqussut man-na tunngavigalugu tunniunneqartartunik paaqqinniffinnut pisortalluunniit oqartussaa-soqarfiinut tunniussisoqarsinnaanngilaq.

Peqqussummi tassani § 4 naapertorlugu, meeqqap pilersorneqarnissaanut tapiliussat siumoortumik ulloq akiliiffissaq kingulleq naapertorlugu pisortanit tunniuneqarsinnaap-put, tapiissutit kingusinnerpaamik ulloq akiliiffissaq kingullikkut tapiissutinik pisinnaati-taasumut toqqaannartumik tunniunneqarsimanngippata.

§ 5-imi, imm. 2-mi atuarneqarsinnaavoq, nalinginnaasumik meeqqanut akilersuutit ani-ngaasanut inatsimmi aalajangersarneqartassasut, kiisalu § 4-mi, imm. 2 naapertorlugu meeqqanut akilersuutinut akigititat piviusut ukiut tamaasa ulloq 1. apriili aamma 1. ok-tobari Isumaginninnermut Suliffeqarnermullu tunngasunut Naalakkersuisoqarfimmit (massakkut Ilaqutariinnermut, Naligiissitaanermut Isumaginninnermullu Naalakkersuiso-qarfik) tamanut saqqummiunneqartassapput.

Meeqqat inatsisitigut inissisimanerat pillugu inatsisip nr. 197-ip 16. juuni 1962-imeersup § 13-iani atuarneqarsinnaavoq, angajoqqaat tamarmik immikkut meeqqap pilersorne-qarnissaanut pisussaaffeqartut. Meeqqap pisariaqartitai aamma angajoqqaat inuuniar-nerat eqqarsaatigalugit meeraq pilersorneqassaaq, perorsarneqassaaq aamma ilinniar-tinneqassaaq.

Naliliineq:

Isumaginninnikkut Naammagittaalliuuteqartarfik isumaqarpoq, G-ip peqquneqarluni akilersuutaanik meeqqanut akilersuutinik siumoortumik tunniunneqartartunik kommuni taamaatitsinissaminut pisinnaatitaasimanngitsoq.

Tassani tunngavilersuutigineqarpoq, Illoqarfimmi Eqqartuussiviup ulloq 14. apriili 2008-mi akilersuisussaatitaanermut aalajangersagaa malillugu G akilersuisussaatitaasoq aamma toqqaannartumik pilersuinikkut pilersuisussaatitaanini naam-massisimanngikkaa.

Ukiup affaanut akigititaq 6.000,- kr. taamaasillunilu ukiumut 12.000,- kr.-nit akilersuisus-saatitaasunut ataasiakkaanut tunngavoq, aamma akilersuisussaatitaanermut aalajanger-sagaq malillugu G P-lu meeqqanut akilersuutinik akilersuisussaatitaammata, taakkunannga E-mut akilersuutit ullormi akilerneqarfissaata kingorna pisortanit siumoortumik tunniunneqarsinnaapput, meeqqanut akilersuutit ullormi akilerneqarfissaanni ilinnut meeqqanut akilersuutinik pisinnaatitaasumut toqqaannartumik akiliutigineqarsimanngippata.

Taamaattumik kommunip ulloq tunniussisarnerminik taamaatitsiffigisaaniit E-p 18-inik ukioqalernissaata tungaanut G-mut tunngatillugu meeqqanut akilersuutit siumoortumik tunniunneqartarsimanngitsut kommunip tunniutissavai.

Allaffissornermut tunngasunik pissuteqarluni suliap sivisuallaartumik suliarineqarsima-nera Isumaginninnikkut Naammagittaalliuuteqartarfiup ajuusaarutigaat.

Aalajangiineq:

Kommunip meeqqanut akilersuutit siumoortumik tunniunneqartartut pillugit aalajangiinera allanngortinneqarpoq, taamaasilluni meeqqap 18-inik ukioqalernissaata tungaanut kommuni suli angajoqqaat akilersuisussaatitaasut marluullutik meeqqanut akilersuutaannik siumoortumik tunniussisarnissaminut pisussaatitaavoq.

Inussiarnersumik Inuulluaqqusillunga

Naja Joelsen

Siulittaasoq

Assilineqarnera uunga: Kommunimut, qullersaqarfik aamma Illoqarfimmi allaffik.

Inatsisit toqqanmaviit:

Meeqqanut akilersuutit il.il. kiisalu meeravissiartaarnermi tapiissutit tunniunneqartarneri pillugit Inatsisartut peqqussutaat nr. 2, 3. marts 1994-imeersoq

§ 1. Peqqussut manna tunngavigalugu meeqqanut akilersuutinik siumoortumik tunniunneqartartunik imaluunniit meeqqanut akilersuutinik pisortanit tapiissutitut tunniunneqartartunik pisinnaatitaaneq makkuninnga piumasaqaateqarfiuvoq,

  1. meeraq Kalaallit Nunaanni kommunimi aalajangersimasumik najugaqavissuussasoq, tak. kommuni uninngavigisaq aamma kommuni najugarivitaq il.il. pillugit peqqussut, akilersuutinillu tapiissutinilluunniit tigusisinnaatitaasoq Kalaallit Nunaanni aalajangersimasumik najugaqartuussasoq,
  2. meeraq imaluunniit akilersuutinik tapiissutinilluunniit tigusisinnaatitaasoq qallunaatut innuttaassuseqassasoq, imaluunniit Danmarkip naalagaaffinnut allanut isumaqatigiissuteqarsimanera tunngavigalugu akilersuutinik tapiissutinilluunniit Kalaallit Nunaanni oqartussanit tunineqarnissaminut pisinnaatitaaffeqassasoq,
  3. meeqqanik inuusuttunillu ikiorsiisarneq pillugu peqqussut tunngavigalugu meeraq angerlarsimaffiup avataanut pisortanit inissinneqarsimassanngitsoq, imaluunniit allatut pisortanit tamakkiisumik pilersorneqassanngitsoq,
  4. angajoqqaatut oqartussaassuseqartut allaganngorlugu akuersereersimatillugit meeraq meeravissiassatut ilaqutariinni tigummineqassanngitsoq,
  5. meeqqap angajoqqaavi aappariittut inooqatigiissanngitsut, imaluunniit akilersuisussaatitaasoq inooqatigissanngikkaa.

Imm. 2. Inuit kikkut akilersuutinik siumoortumik tunniunneqartartunik aamma tapiissutitut tunniunneqartartunik pisinnaatitaassanersut kiisalu tunniussinermi piumasaqaataasut pillugit Naalakkersuisut malittarisassanik erseqqinnerusunik aalajangersaasinnaapput.

Imm. 3. Akilersuutinik siumoortumik imaluunniit pisortanit tapiissutitut peqqussut manna tunngavigalugu tunniunneqartartunik paaqqinniffinnut pisortalluunniit oqartussaasoqarfiinut tunniussisoqarsinnaanngilaq.

§ 4. Meeqqap pilersorneqarnissaanut akilersuutinik pisinnaatitaasup meeqqat inatsisitigut illersugaanerat imaluunniit aappariinneq pillugu inatsit tunngavigalugu akilersuisussanngortitsineq naapertorlugu qinnuteqaateqarneratigut meeqqap pilersorneqarnissaanut akilersuutit pisortanit siumoortumik tunniunneqarsinnaapput, akilersuutit akilerneqarsimaffissaasa aqaguani, akilersuutit kingusinnerpaamik ullormi akilerneqarfissaanni akilersuisussaatitaasoq akiliisimanngippat.

Imm. 2. Akilersuutit pisortanit siumoortumik tunniunneqarsinnaasussat tassaapput nalinnginnaasumik akilersuutit ataani taaneqarsimasut, amerlanerusunik akilersuisussaatitaaneq aalajangersarneqarsimagaluarpalluunniit:

  1. Nalinginnaasumik akilersuutit ingerlaavartut.
  2. Anaanap erninera qaammatinik marlunnik sioqqullugu aamma qaammammik ataatsimik kingoqqullugu akilersuutit.
  3. Erninermut atatillugu aningaasartuutinut akilersuutit.
  4. Meeqqap kuisinneranut atatillugu akilersuutit.

Imm. 3. Meeqqap pilersorneqarnissaanut akilersuutit meeqqap 18-inik ukioqalernissaata tungaanut pisortanit siumoortumik tunniunneqarsinnaapput, taamaattorli sivisunerpaamik meeqqap 18-inik ukioqalernerata katinnerataluunniit tungaanut5) Meeqqap apersortinneranut tassungaluunnit assi-ngusumik pisoqarneranut akilersuutit.

§ 5. Nalinginnaasumik akilersuutit § 4, imm. 2-mitaaneqartut aningaasanut inatsimmi aalajangersarneqartassapput.

Imm. 2. § 4, imm. 2-mi meeqqanut akilersuutit taaneqartutut atuuttut Isumaginninnermut Suliffeqarnermullu Pisortaqarfiup 1. aprilimi aamma 1. oktoberimi tamanut nalunaarutigisassavai.