Isumaginnittoqarfiup aqunneqarnera aaqqissuussaaneralu pillugit Inatsisartut peqqussutaat nr. 11, 12. novembari 2001-imeersoq kingusinneru-sukkut allannguuteqartinneqartumi § 8, imm 1, naapertorlugu sapaatip akunneri 6 qaangiutsinnagit naammagittaalliuuteqartoqassaaq.

Tamanna isumaqarpoq piffissarititaq piffissamit kommunip aalajangiine-raniit naatsorsorneqassasoq.

Piffissarititaasoq aalajangiineq tiguneraniit aallaavigalugu naatsorsorne-qassanngilaq.

Isumaginninnermi Naammagittaalliuuteqartarfiup arlaleriarluni takusarpaa kommunit allagaqartartut innuttaasoq Isumaginninnermi Naammagittaalliuuteqartarfimmut naammagittaalliorsinnaasoq aalajangiinerup /allakkap tiguneranit sapaatip akunneri 6 qaangiutsinnagit. Suli sapaatip akunnerinik 4-nik naammagittaalliornissaq piffissalerneqartartoq Isuma-ginninnermi Naammagittaalliuuteqartarfiup takusarpaa. Tamarmik eqqortuunngillat.

Isumaginninnermi Naammagittaalliuuteqartarfimmut saaffiginninnermi paasissutissat kiisalu naammagittaalliornissamut piffissarititaasoq eqqortoq naammagittaalliornermi ilitsersuutip imarissavai. 

Kommunip aalajangiineq innuttaasumut oqaasiinnakkut nalunaarutigisi-mappagu Isumaginninnermi Naammagittaalliuuteqartarfiup naammagittaalliuut aalajangiinermiit sapaatip akunnerinik 6 qaangiutereersut aallaa-vigalugit suliassarilissavaa. Tamatumunnga pissutaavoq eqqortumik naammagittaalliornissamut ilitsersuisoqarsimanersoq Isumaginninnermi Naammagittaalliuuteqartarfiup takusinnaanngimmagu.