Atuisartoqarnermut Unammilleqatigiinnermullu Aqutsisoqarfik inatsisilerituumik/inuussutissarsiornermi inatsisilerituumik aningaasarsiornikkullu ilisimatusarsimasumik suleqatissarsiorpoq. Nunatsinni aningaasarsiornikkut ingerlatsiviusumi suleqatissarsiorpugut. Taamatut sulinitsinni atuisartut unammilleqatigiinnerup aqqani ajunnginnerpaamik atugassaqartinneqarnissaat aqqutissiuunniartarparput.

Taamatut suleqataaniaraani ulluinnarni ingerlatsinermi suliassanik passussisinnaaneq piginnaaneqarfigilluarlugu unammilleqatigiinnermut, kiffartuussinermut atuisartoqarnermullu tunngasunik suliassanik suliaqartartussaavutit. Pinngitsoortinniarsarivagut arlaatigut paaseqatigiilluni akinik aaqqissuussisarsinnaanerit, tamatumali saniatigut pinngitsoortinniarlugu ingerlatsiviit angisuut kisermaassinermikkut annertuallaamik sunniuteqarnerlulersinnaanerat.

Atuisartoqarnermut Unammilleqatigiinnermullu Aqutsisoqarfimmit Unammilleqatigiinnerup iluani nakkutilliisarnerit saniatigut, Naammagittaalliuteqartarfik Allattoqarfillu ingerlatarivagut. Taakkunani suliassat assigiinngitsut isumagisarpagut, immitsinnut ikorfartoqatigiittarpugut ulluinnarnilu sulinitsinni piginnaaneqarfigisagut atorluarniartarlutigit. Eqaatsumik qiimasumillu suleqatigiinnerput ingerlanniartarparput. Suliffeqarfittut ineriartorfiuvugut assullu suliassagut isumagilluarniartarlutigit, tamatumuunalu pitsaasunik malunniuteqarluartunillu angusaqarnissarput aqqutissiuuniartarlutigu.

Suliassat pillugit

Suliassatit pingaarnerit makkuupput:

 

  • Unammilleqatigiinnerup iluani suliassat saaffiginnissuteqaatillu isumagineqarnissaat
  • Kiffartuussinermut misissuineq
  • Suliffeqarfiit ingerlatseriaasiinik misissuisarnerni ataqatigiissaarinninnerit (dawnraids)
  • Unammilleqatigiinnerup atuisuunerullu silarsuaani siunnersuisarnerit isummersoqatigiittarnerillu
  • Unammilleqatigiinnerup atuisutullu inissisimaffiit iluanni inatsisiliornerit peqqussusiornerillu
  • Unammilleqatigiinnerup Siunnersuisoqatigiiffiata ukiumut ataasiarluni marloriariarluniluunniit ataatsimiittarnerini allattaaffiginninneq

 

Tamatuma saniatigut Unammilleqatigiinnerup aqutsisoqarfiani aamma makkua suliarisinnaassassavatit:

 

  • Naalakkersuisunik sullissineq tunuliaqutigineqarsinnaasunik saqqummiussassanillu suliaqarnerit
  • Inatsissanik peqqussutissanillu suliaqarnerni piareersaaqataanerit
  • Nunani Avannarlerni unammilleqatigiinnermut sammisuni suliaqarnerni peqataasarnerit

 

Illit pillutit

Naatsorsuutigaarput illit:

 

  • Cand.jura-tut imaluunniit cand.mer.jura-tut ilinniarsimasuunissat
  • Unammilleqatigiinnermut kiffartuussinermullu tunngasunik soqutigisaqartuunissat
  • Sulianik sullissinermi piginnaasaqalluassasutit
  • Aaqqissuussaalluartumik pitsaasumillu suleriaaseqassasutit
  • Politikkikkut ingerlatsiveqarfimmi suleqataaneq misilittagaqarfigissagit
  • Nammineerlutit suleqatigisatillu peqatigalugit sulianik ingerlatsisinnaassassasutit
  • Sulinermi suleqatinnut innuttaasunillu immikkut ilisimasaqanngikkaluanut pitsaasumik attaveqarniartassasutit

 

Aningaasarsiatigut atorfinitsitaanermilu atugassarititaasut:

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Ineqarneq:

Atorfimmut atatillugu pequteqanngitsumik inissaqartitsisoqarsinnaavoq malittarisassat sukkulluunniit atuuttut malillugit. Inimut innersuunneqartumut ineqarnermut akiliut qularnaveeqqusiissullu malittarisassat sukkulluunniit atuuttut malillugit akilerneqassapput. Atorfimmut atatillugu inigisaq atorfeqarnermut ilaatinneqarpoq soraarnermilu inigisaq qimanneqassalluni.


Ineqarnermut akiliut inigisallu pitsaassusaa inigisap qanoq pisoqaatiginera, kiap inaataatigineraa il.il. apeqqutaatillugit nikerarsinnaapput. Atorfimmut atatillugu inigisamik innersuunneqarneq utaqqinarsinnaavoq, taamaattumik inissiigallartoqarsinnaalluni, matumani illoqatigiinnut minnernut akunnittarfimmiluunniit, taakkulu akileraarutaasussaapput.

Paasissutissat allat:

Atorfiit pillugit suli paasisaqarnerorusukkuit ukua attaveqarfigisinnaavatit: Immikkut siunnersorti Mette Eigaard Rasmussen, +299 34 56 97, meir@nanoq.gl imal. aqutsisoqarfimmi pisortaq Freja Lisby Nielsen, +299 34 28 41, frln@nanoq.gl.

Atuisartoqarnermut Unammilleqatigiinnermullu Aqutsisoqarfik pillugu ugguuna qimerluuigit: www.aua.gl.

Kalaallit Nunaat aammalu Namminersorlutik Oqartussat sukumiinerusumik paasisaqarfigerusukkukkit ugguuna alakkerterit: www.naalakkersuisut.gl

Kingusinnerpaamik qinnuteqarfissaq: 

13. marts 2018.

Piffissami qinnuteqaateqartut oqaloqatigineqartassapput.

Qinnuteqaatit qarasaasiakkut immikkut paasissutissartalerlugu nassiuguk.

Qinnuteqaatit immikkut elektroniskinngorlugu nassiuguk, email-itigut qinnuteqaatinik tigusineq ajorpugut http://naalakkersuisut.gl/da/Naalakkersuisut/Job/Ledige-stillinger/963894 

Atorfiniffissaq: 

Ulloq 1. maj 2018-i imaluunniit immikkut paaseqatigiissuteqarnikkut.