Atuisartoqarnermut Unammilleqatigiinnermullu Aqutsisoqarfik isumaginninnermut siunnersortimik inatsisinik piginnaasalimmik Maalaartarfimmi allattoqarfimmilu sulisussamik. Pissarsiorpoq. Inunnik isumaginninnermit inatsisit pioreersut atorluarlugit suliassaqarluarputit.
 
Suliassaataasartut ilaatigut tassaanerupput suliassamik piareersaneq inaarsaanerlu, tassami maalaarutit inunnik isumaginninnikkut tunngasutigut suliassatut tigusartakkavut ukiumut 550 missaanniipput. Illit suliassat tassaanerussaaq suliassap aallartisarnerani qaammarsaavigalugu piareersarnissaa inatsisilerinermik suleqatigiinnut suliarisariaannanngorlugit. Suliassap suliarisariaannanngorlugu piareersimanissaa illit annertuumik sunniuteqarfigilissavat. Taamaammat piffissarititaasut naapertorlugit nakkutiginninnissaq, ilisimasatigut pikkorissuseq aammalu inatsisilerinermi paasisaqarluarnissaq pisariaqarpoq.
 
Sulininni immikkoortualunnut takunnissinnaanerit peqqissaarullugillu suliaqarsinnaanerit piginnaasaqarfigisariaqarpat. Allattoqarfimmit suliat Aqutsisoqarfiup sinnerata immikkoortuisa sulinissaannut tunngaviliipput, suliarlu taanna qajannaatsumik suliarisariaqarpoq. Suliassarpassuit uteqattaartuummata pisariaqarluinnarpoq suliap immikkoorutaannut takunissinnaassuseqaqqissaarnissat, naliginnarmiillu allaassutaa takutinneqareerpat, immikkoortualuit naleqqussarneqassammata.
 
Piffissaq ungasinnerusoq eqqarsaatigalugu Inunnik Isumaginnikkut maalaarutinut annertusiartortumik suliaqarnissat naatsorsuutigissavat, tamatumani ilaatigut suliassamik inerniliinissat allanneqartassammata. Maalaartarfiup inatsisilerituui qanimut suleqatigissavatit suliap ingerlaasia sapinngisamik oqinnerpaamik ingerlanneqarnissaa siunertaralugu, aammalu illit isummat naapertorlugu inunnik isumaginninnikkut maalaarutit suliarineqartarniassammata.
 
Aqutsisoqarfiup allatoqarfiata imarivai Pisisartut Pisinnaatitaaffiinik Sullissivik, tamatumani ilanngullugu Atuisoq, Unammilleqatigiinnermut Sullissivik aammalu Maalaartarnermut Sullissivik. Suliassat assigiinngeqisut ulluinnarni suliaraavut tamattalu piginnaasavut pikkoriffivullu suleqatigiinnitsinnit
atorluartarpavut. Avatangiisit suliffigisavut ammasuupput ilumoorsaaratalu sulivugut. Suliffeqarfiuvugut ineriartortoq, suliattalu ingerlaasii qitiutilluinnaqqissaarlugit suleriaaseqarpugut, suliavummi ajunnginnerpaamik sunniuteqarluartumillu inerneqarnissaat soqutigisarilluinnaratsigu.
 
Naatsoorsuutigaarput illit

  • Inunnik isumaginninnermi siunnersortitut ilinniarsimassasutit imaluunniit allatigut naleqquttumik tunulequtaqartutit.
  • Kalaallisut qallunaatullu oqalussinnaasutit
  • Suliamut tunniussimasutit aaqqissuillaqqillutillu
  • Inatsisilerillaqqissuseq aammalu misissuillaqqissuseq piginnaaneqarfigigit
  • Nutaamik ilikkagaqarusuttutit

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
 
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
 
Paasissutissat allat
Atorfik pillugu allamik paasisaqarusukkuit, allaffimmi pisortaq Nivi Frenderup-Strunz, +299 34 28 50 imaluunniit nstr@nanoq.gl saaffigiinnassavat.
 
Atuisartoqarnermut Unammilleqatigiinnermullu Aqutsisoqarfik pillugu ugguuna qimerluuigit: www.aua.gl.
 
Kalaallit Nunaat aammalu Namminersorlutik Oqartussat sukumiinerusumik paasisaqarfigerusukkukkit ugguuna alakkerterit: www.naalakkersuisut.gl.
 
Qinnuteqarneq
Kingusinnerpaamik qinnuteqarfissaq: 2. november 2018.
 
Piffissami qinnuteqaateqartut oqaloqatigineqartassapput.
Qinnuteqaatit qarasaasiakkut immikkut paasissutissartalerlugu nassiuguk.
 
Qinnuteqaatit immikkut elektronisk-inngorlugu nassiuguk, email-itigut qinnuteqaatinik tigusineq ajorpugut.
 
Atorfiniffissaq
Atorfiniffissaq: Ulloq 1. december 2018-i imaluunniit immikkut paaseqatigiissuteqarnikkut.