Inissiaatilqatigiiffiup attartortitsinermut isumaqatigiissut atorunnaartitsinera

Aalajangiineq

Ineqarneq pillugu Maalaaruteqarfik isumaqarpoq, attartortitsinermi isumaqatigiissut Inissiaatileqatigiiffiup atorunnaartinneqarsinnaanerut

pisinnaatitaasimangikkaluartoq.

Tamanna isumaqarpoq naammagittaalliutaat ilalerneqartoq, inissiaatileqatigiiffiup aalajangiinera eqqunngitsoq.

Taamaattumik Inissiaatileqatigiiffiup attartornermut isumaqatigiissut atorunnaarsinneqarsimanngittutut aaqqeqqissavaa. Una aalajangiissut malillugu ullut 14-nit qaangiutsinngittut Inissiaatileqatigiiffiup attartortutut inisseqqissavaat. Attartornerup isikkuata assinganik ajornangippat inissiaatilqatigiffiiup inisseqqissavaat.

Inissianik attartortitsisarneq pillugu Inatsisartut peqqussutaat nr. 2, 12. maj 2005-imeersoq kingusinnerusukkut allannguuteqartoq naapertorlugu aaliangiisoqarpoq.

Suliami allagaatit:

  • Ilanngussaq 1: Attartornermut isumaqatigiissut attartortuniik ataatsigut atsiorneqarnikoq 23. marts 2017-mi torersuunissamut maleruagassaq ilangunneqarsimavoq, “Bilag 4” Inissianik attartortitsisarneq pillugu Inatsisartut peqqussutaat nr. 2, 12. maj 2005-imeersoq.
  • Ilanngussaq 2: Inissiaatileqatigiiffimmut, eqqaamiuaniik, naammagittaalliuut 25.marts 2017, inaaninggaanniit nipiliorneq
  • Ilanngussaq 3: Attartortunut allakkat Inissiaatilqatigiffimmiit ullulernqarnikut 29. marts
  • Ilanngussaq 4: Inissiaatileqatigiiffimmut, eqqaamiuaniik, naammagittaalliuut 3. april 2017, inaaninngaanniik nipiliorneq.
  • Ilanngussaq 5: Attartortunut allakkat Inissiaatilqatigiffimmiit ullulerneqarnikut 5. april
  • Ilanngussaq 6: Illua-tungianiik tusarniaaneq attartortut ataatsigut atsiorneqarnikut ulloq 12. april
  • Ilanngussaq 7: Attartortuniik allakkat Inissiaatileqatigiiffimmut ullulerneqarnikut 16. maj 2017, eqqaarmiuaniik allagai attartortut nipiliornerat pillugu
  • Ilanngussaq 8: Naammagittaalliuut 17. juli 2017 Inissiaatileqatigiiffimmut, inaaninngaanniit nipiliorneq eqqarmiuisa allagaat.
  • Ilanngussaq 9: Inissiaatileqatigiiffiup attartortunut allagaa ulloq 19. juli 2017 attattornermut isumaqatigiissut atorunnaarsinneqarnera.
  • Ilanngussaq 10: Nipiliornernut naammagittaalliutit pillugit Inissiaatileqatigiimmut allagaat juulip 21-ni 2017-meersut.
  • Ilanngussaq 11: Nipiliornerannut naammagittaalliuut pillugit Inissiaatileqatigiimmut allagaat 26. juli 2017-meersut.
  • Ilanngussaq 12: Inissiaatileqatigiiffimmiit atorunnaarsinneqarnisaanut attatiinnarneqarnissaa attartortunut allagaqataa 26. juli
  • Ilanngussaq 13: Ineqarneq pillugu Maalaaruteqartarfimmut naammaagittaalliut ullulerneqarnikoq 9. august
  • ilanngussaq 14: Tusarniaanermi akissut ulloq 19. september 2018 Inissiaatileqatigiiffimmiit.

Nassuiaat:

Attartortitsinermut isumaqatigiissummik attartortut Inissiaatileqatigiiullu akornanni takuneqarsinnaavoq najugaq XXY, illoqarfimmi pineqartumi attartornera tigusimagaat ulloq 23. marts 2017-imi.

Tiguarnerata ulluani attartornermut isumaqatigiissummik attartuisussallu Inissiaatileqatigiillu atsioqatigiipput. Attartornermut isumaqatigiissut naapertorlugu §6 atsiornikkut qulakkeerpat maannakkut atuuttuni malittarisassat pisimagaat.

Eqqaarmiuisa naammagittaalliutaat tunuliaqutaralugu Inissiaatileqatigiiffiup ulloq 29. marts 2017 allakkamik nassippaat, qanga qassinullu attartorneqartumi nipiliortoqarsimanersoq, aamma malittarisassat naapertorlugit eqqissisimasumik torersumillu malittarisassat malinneqartuassasut. Inissiaatilqatigiiffimmiit mianersoqqussummik nalunaarfigineqarput malittarisassat unioqqutiinnarnerannik anisitaanermik erngertumik kinguneqarsinnaasoq, attartornermut isumaqatigiissut unioqqutinnerani.

Naammagittaalliut nutaaq tungavigalugu Inissiaatileqatigiiffiup allakami ulloq 5. april 2017 nasseqqippaat attartuisut aamma allassimalluni inaaninngaanniik nipiliortoqarsimanera naammagittaalliutigineqarsimasoq, nipiliornerlu pisimasoq 1. april 2017, 2. april 2017, 3. april 2017 aamma nalunaaqutaq qassinut pisimanersoq. Inissiaatileqatigiiffiup allakkamini innersuussutigaa allagaq siulleq ullulerneqarnikoq 29. marts 2017, malittarisassat annertunerusumik unioqqutsitteqqikkunik attartornermut isumaqatigiissut erngertumik atorunnaarsinneqassasoq. Tassani allakkani allaqqavortaaq tusarniaanermut ataatsimiigiaqqusineq Inissiaatileqatigiiffimmut, nipiliorneq pillugu ulloq 12. april 2017

Allakkamut arlaannik oqaaseqaateqarnasoralugit sapaatip akunnera qaagiutinngittoq Inissiaatileqatigiiffiup tusarusussimavaat.

Illua-tungeriilluni tusarniaanermi attartuisut Inissiaatileqatigiiffiullu akornanni ulloq 12. april 2017 atsiornikkut ilumoornerarpaat inaanni nipiliortoqarsimasoq Ilanngussami 1 aamma ilanngussaq 2-mitut allatorneqarsimasutut.

Inissiaatileqatigiiffiup allakkatigut ulloq 19. juli 2017 nalunaarfigaat, attartornermut isumaqatigiissut attartortut inissiaatileqatigiiffiullu akornanni adresse XXY illoqarfimmi pineqartumi pillugu atorunnaartoq.

Inissiaatileqatigiiffik ilisimatitsivoq inaaninngaanniit aamma nipiliorneq aamma pissusilersornermillu iluaatsumik naammagittaalliummik tigusaqaqqissimasut. Inissiaatileqatigiiffiup ilisimatippaai ullut 8-sut qaangiutsinnagit ini qimareersimassagaat.

Allagaanni ulloq 21. juli 2017 Inissiaatileqatigiiffimmut allassimapput, attartortut angerlarsimasimanngittut sapaammiit juulip 16-iani unnukkut, ataasinngornerunerup tungaanut ualimut juulip 17-ianut, sooq tamanna attartuisut ilisimasimanngikkaat inimi nipeqarsimanersoq.

Ilisimatitsipput nipi unissimasoq ualikkut angerlarmata ulloq 17 juli 2017.

Inissiaatileqatigiiffiup allagaanut akivoq 26. juli 2017, allagaat 21. juli 2017-meersunut. Uppernarsarpaat allagaat tigusimallugit, ilisimatitsillutillu attartornermut atorunnaarsitsinissaq aalajangiusimagaat. Ilisimatitsipput aalajangiusimaneq peqqutaasoq naammagittaalliutit tigusimasatik ulluni 25. marts 2017, 29. april 2017, 21.

juni 2017 aamma 17. juli 2017.

Inissiaatileqatigiffik ilisimatitsivoq attartornermut atorunnaarsitsineq aalajangiusimaneqartoq peqqutaalluni arlalinnik naammagittaalliutinik peqarsimammat ulluni taaneqartuni, kiisalu malittarisassat malinneqarsimanngimmata.

Suliami takussutissani erserpoq piffissani taaneqartuni nakkutilliisunik nipiliornermik paasiniaasoqarsimangittoq imaluunniit assigisaanniit soorlu suliffeqarfik XX imaluunniit Suliffeqarfik YY-kunniit.

Inatsisitigut tunngavigisaq:

Ineqarnermut akiliuteqartarneq pillugu malittarisassat Inissianik attartortitsisarneq pillugu Inatsisartut peqqussutaanni nr. 2, 12. maaji 2005-imeersumi kingusinnerusukkut allannguuteqartinneqartumi § 84-mi ersipput.

Aammattaaq peqqussummi tassani § 84-imi allassimavoq Ineqarneq pillugu maalaaruteqartarfiup attartortut maalaarutaat makkununnga tunngasut suliarisarpai:

  • Ineqarnermut akiliutinik qaffaanissamik siumoortumik ilisimatitsisarnermi piumasarisat, tak. 28, imm. 2.
  • Aserfallatsaaliuineq iluarsaassinerlu, tak. §
  • Inissiap iserterfigineqarnerani qanoq issusia, tak. § 47
  • Attartukkami atortut ikkussukkat pitsanngorsaanerillu (atuisinnaatitaaneq), tak. §§ 51 aamma
  • Attartortup atukkaminik atuinera (torersaanissamik malittarisassanik unioqqutitsinerit), tak. 50.
  • Atuisinnaatitaanerup allanut tunniunneqarnera (inissianik paarlaateqatigiinneq, attartukkamik allamut attartortitsigallarneq aamma attartornermik nangitsineq), tak. §§ 58-62.
  • Inissiamit aninermi inissiap qanoq ittuunera (iluarsaassineq nalinginnaasoq), tak. §
  • 50 naapertorlugu, Attartortup taassumalu inoqutaasa kiisalu inuit attartortumit attartorneqartumut isersinnaatitaasut illumi torersaarnissamut maleruagassat, ilanngussaq 4-mi taaneqartut maleruassavaat.

’’Sakkut, nipilersuutit ilaallu.

Sakkut nipiliortut, soorlu qillerutit, eqqaamiut eqqarsaatigalugit taamaallaat nal. 8-ip aamma nal. 19-ip akornanni atorneqaqqusaapput. Majuartarfinni, torsuusaasarsuarni imaluunniit naqqut iluini nipiliorluni pinnguartoqaqqusaanngilaq Radio, fjernsyni, båndoptageri, oqaluttartoq imaluunniit CD-mik nipilersuut eqqaamiunut akornutaasumik atorneqaqqusaanngillat. Nalliuttorsiornerit nipiliorfiusut eqqaamiut tamatumunnga akuersiteqqaarsimatinnagit ingerlanneqaqqusaanngillat. Nipilersortartut sungiusartarneri imaluunniit nipilersornermik ilinniartitsisarnerit attartortitsisumut isumaqatigiissutigineqaqqaarsimassapput.

Peqqussumii § 73-mi allaqqavoq, Pisortaniit attartortitsisup attartornermut, imermut, kiassanermut imaluunniit qularnaveeqqusiissutissamut akiliutissanut akiliinngitsoornerup kingunerisaanik attartornissamik isumaqatigiissut atorunnaarsissinnaavaa, tak. §§ 37, imm. 1, 38, imm. 1, aamma 74, imm. 1., Inissiani attartortittakkani namminersortunit pigisani attartortitsisup pissutissat ataani taaneqartut kingunerisaannik attartornissamik isumaqatigiissut atorunnaarsissinnaavaa tak. imm. 4 2. Attartortitsisoq attartornermut isumaqatigiissut atorunnarsisinnaavaa imaattoqartillugu::

  • Ini atorneqarpat unioqqutitsisumit,. § 48 naapertorlugu, imm. 2 aamma
  • Isumaqatigiissuteqarani inigisaminit qimaguttoqarpat. § 48 naapertorlugu, imm.
  • Attartortitsisoq inimut iseqqusaangippat, § 49 naapertorlugu, imm.
  • Maleruagassat unioqqutinneqarpata, § 50

imm. 3. Attartortitsisup attartorneqartoq atorunnaarsissinnaavaa, attartortitsisumut artukkiippat. Attartortsitisup attartugaq atorunnaarsissinnaannginnerani, attartortoq peqqussavaa pineqartut aaqqeqqullugit, aamma attartortitsisoq imm. 1 aamma imm. 2 nr. 1-4- mut pisinnaatitaaffigissangilai, aaqqeqquneqartut aaqqinneqarsimappata, attartortitsisup attartornermut isumaqatigissut atorunnaarsinnginnerani.

Naliliineq:

Ineqarneq pillugu Maalaaruteqarfik isumaqarpoq Inissiaatileqatigiiffik attartornermut isumaqatigiissut atorunnaarsissinnaatitaaffigisimanngikkaa.

Naak Inissiaatileqatigiiffik pingasoriarluni allakkatigut ilisimatikkaluaraat, inaanninngaanniit nipiliorneq pillugu naammagittaalliortoqarsimasoq, tamanna malittarisassanik unioqqutitsinerusoq aamma attartornermut pisussaaffimmik sumiginnagaanerusoq, tamannalu erngertumik attartornermut atorunnaarsitsinermik kinguneqarsinnaasoq, taava Inissiaatileqatigiiffiup imalunniit naammagittaalliortunit nipiliorneq pillugu piffissamni allanneqarsimasuni sumiluunniit avataaneersunik nipimut nalilersuitsisimangilaq. Taamaattumik nipiliorneq pillugu suuneranik aamma qanoq annertutigineranik, allanik nalilersuisoqarsimangilaq.

Taamaalilluni uppernarsarneqarsimanngilaq, inissianik attartortitsineq pillugu peqqussut naapertorlugu, pissutsit attartortumut assuarliutaasut annertuumik pingaaruteqartut §73 imm.3-mi naammassineqarsimanersut.

Kinguneqarsinaanneranik piumasaqaatit, naammagittaalliornerit amerlassusaat imaluunniit atsiortitsinerit kisimi taakku tungavigalugit naammassisaqartoqarsinnaangilaq.

Attartortup malittarisassat unioqqutinneri annertuumik eqqungitsuliortoriingimmata, taava mianersoqqussutit attartornermullu atorunnaarsitsineq tunuliaquserneqartut, attartornermut isumaqatigiissummut tunuliaqusersuutigineqarsinnaangillat.

Aalajangiinermi attartornermut isumaqatigiissutip atorunnaarsinneqarnerata attartortumut annertuumik eqqunngitsuliortoqarsimanera tunngavigineqarpoq.

Pisoq inaaninngaanniik ataasiaq nipiliortoqarsimanera nassuerutigereeraluaraat tamanna allanngortinngilaa, avataaneersunit tamanna nipiliorneq pillugu paasissutissiisoqarsimanngimmat.

Ineqarneq pillugu Naammagittaalliuteqartarfik inissiaatileqatigiiffimmut piumasarissavaa, taamaattumik pisoqartillugu avataaneersunit nipiliorneq sakkortussusaa suuneranillu misissuisinnaasumik pissarsiniaqqusarlugu.

Naammagittaalliuutaat ilaatigut december 2017 akiligassinneqarsimanerat, ilaatigullu ini qimannerani akiligassaq tungatillugit immikkut tamakku suliarineqassapput.

Ilutigalugu naammagittaalliummut aallartisarnermi Ineqarneq pillugu Maalaaruteqarfimmut akilernikuusat, utertinneqarsinnaanersoq nalilersorneqassaaq.

Suliap taama sivisutigisumik suliarineqarnera Ineqarneq pillugu maalaaruteqartarfiup ajuusaarutigaa tamanna ilaatigut allaffissornermut

tunngasunik ilaatigullu piffissami sivisuumi ataatsimiititaliamik toqqaasoqarnikuunnginnera tamatumunnga pissutaapput.

Aalajangiineq:

Ineqarneq pillugu Maalaaruteqarfik isumaqarpoq Inissiaatileqatigiiffiup attartornermut isumaqatigiissut atorunnaarsissinnaasimangikkaluaraa

Taamaattumik Inissiaatileqatigiiffiup attartortutut inisseqqissavaat. Attartornerup isikkuata assinganik ajornangippat inissiaatilqatigiffiiup inisseqqissavaat.

Ineqarneq pillugu Naammagittaalliuteqartarfiup aalajangiinera attartortumut ima kinguneqassappat, attartortoq iliuuseqarnissamut pisussaaffilerneqarluni, uanilu tamanna, Ineqarneq pillugu maalaaruteqartarfiup sulinera pillugu Namminersornerullutik Oqartussat nalunaarutaat nr. 27, 26. november 2008-meersoq § 11 naapertorlugu, pissaaq kingusinnerpaamik sapaatit akunneri marluk qaangiutinnagit Ineqarneq pillugu Naammagittaaliuteqartarfiup aalajangereerneraniit.

Naammagittaalliuuteqarnissamut ilitsersuut:

Ineqarnermut Naammagittaalliuuteqartarfiup aalajangiinera allaffissornikkut aqutsinermi pisortanut oqartussaasunut allanut suliassanngorteqqinneqarsinnaanngilaq, Inissianik attartortitsisarneq pillugu Inatsisartut peqqussutaanni nr. 2-mi, 12. maj 2005-imeersumi kingusinnerusukkullu allanngortinneqartumi, § 86, imm. 7 naapertorlugu. Attartortitsisup attartortullu akornanni aaqqiagiinnginneq eqqartuussivimmut tunniukkusunneqassappat attartortitsisumut sassaqqusissut eqqartuussivimmut tunniunneqassaaq. Tamanna pissaaq, allaqatigiinnerit il.il. , attartortitsisup allaffeqarfittut aktiaatileqatigiiffianit isumagineqarsimagaluarpataluunniit.

Ineqarneq pillugu maalaaruteqartarfiup aalajangiineri Namminersornerullutik Oqartussanut kommunenullu, inissianik attartortitsisuusunut pinngitsoorani malinneqassapput, § 86, imm. 6 naapertorlugu.

Inussiarnersumik

Naja Joelsen

Ineqarnermut Naammagittaalliuuteqartarfimmi siulittaasoq

Ilanngussaq: Inatsisitigut tunngavik

Assilinera A/S Inissiaatileqatigiiffik INI-mut. Attartornermut isumaqatigiissut nr.32-112-0460-6 innersuussutigineqarpoq

Scroll to Top