Atuisartoqarnermut Unammilleqatigiinnermullu Aqutsisoqarfik VVS & El Firmaet A/S-ip Arssarnerit A/S-imi suliaqarfinnut piginnittuulernera pillugu pisariillisamik nalunaarummik tigusaqarpoq. Peqataasut naliliinerat malillugu nuussineq tassaavoq kattussineq, unammilleqatigiinnermi inatsimmi kattussinermut nakkutiginninnermut aalajangersakkanut ilaasoq. Tamanna isumaqarpoq Atuisartoqarnermut Unammilleqatigiinnermullu Aqutsisoqarfik akuersiteqqaarnagu kattussineq naammassineqarsinnaanngitsoq. Kattussineq pisariillisamik periuseq malillugu suliarineqarsinnaanersoq pillugu piumasaqaatit eqquutsinneqarsimanersut pillugit Aqutsisoqarfik suli nalilersuinngilaq. VVS & El Firmaet A/S Ilulissani najugaqarfeqarpoq, aamma Avannaani Qeqertarsuullu nalaani vvs-imut, kiassarnermut silaannarissarfinnullu atortorissaarutinik ikkussuilluni suliaqartarpoq, kiisalu innaallagialerinermut atortunik ikkussuisarpoq, tamatumunnga ilanngullugit sarfalerinermik suliaqarneq sarfalerinermullu kiffartuussineq. Arssarnerit A/S Nuummi najugaqarfeqarpoq, Nuummilu innaallagialerinermut atortunik ikkussuisarpoq, tamatumunnga ilanngullugit sarfalerinermik suliaqarneq sarfalerinermullu kiffartuussineq, sillimaniarnermut atortorissaarutinik ikkussuineq (tillinniartoqarnermut ikuallattoqarnermullu sillimasiineq, kiisalu pigaartutut suliaqarneq sillimaniarnermilu aaqqiissutit (Matu Security)). Atuisartoqarnermut Unammilleqatigiinnermullu Aqutsisoqarfiup suliffeqarfinnik kattussineq pillugu oqaaseqaateqarusullutik soqutiginnittut pingasunngorneq ulloq 4. marsi 2026 nal. 12.00 nallertinnagu tunniussinissaat kaammattuutigaa. Oqaaseqaatit uunga nassiunneqassapput: Atuisartoqarnermut Unammilleqatigiinnermullu Aqutsisoqarfik Imaneq 29, 1. sal 3900 Nuuk E-mail: aua@nanoq.gl eller unammineq@nanoq.gl Mrk.: VVS & El Firmaet A/S’ erhvervelse af aktiviteter i Arssarnerit A/S. Annertunerusumik suliffeqarfinnik kattussineq pillugu paasisaqarusukkuit, Arnatsiaq Hermansen attavigineratigut paasisaqarnerusinnaavutit, uunga attavigisinnaavat, tlf. (+ 299) 32 80 33, e-mail: aua@nanoq.gl imaluunniit unammineq@nanoq.gl.

Semler Gruppen A/S (”Semler Gruppen”)-ip MAN Truck & Bus Danmark A/S (“MAN Danmark”)-imut tamakkiisumik aqutsisuulernera pillugu pisariillisamik Atuisartoqarnermut Unammilleqatigiinnermullu Aqutsisoqarfik Semler Gruppen A/S-imit tigusaqarpoq. Peqataasut naliliinerat malillugu nuussineq tassaavoq kattussineq, unammilleqatigiinnermi inatsimmi kattussinermut nakkutiginninnermut aalajangersakkanut ilaasoq. Tamanna isumaqarpoq Atuisartoqarnermut Unammilleqatigiinnermullu Aqutsisoqarfik akuersiteqqaarnagu kattussineq naammassineqarsinnaanngitsoq. Kattunnissamut nalunaarutigineqartoq pisariitsumik nalunaarutigineqarnissaa siunniutaavoq. Unammilleqatigiinnermut inatsimmi § 16, imm. 1, nr. 2 naapertorlugu kattussineq pineqarpoq, tassani Semler Gruppen-ip nuussinini naammassippagu Man Danmarkimut tamakkiisumik aqutsisuulernissani angussammagu. Semler Gruppen tassaavoq biilinik ingerlatseqatigiiffissuaq danskiusoq, tassannga suliffeqarfiit Skandinavisk Motor Co A/S, Semler Mobility Retail A/S, Car Holding A/S aamma Semler Agro A/S Semler Gruppen-imut ilaapput. Semler Gruppen aamma suliffeqarfimmut attartortitsisartumut Volkswagen Semler Finans A/S-imut piginneqataasuuvoq. Semler Gruppen Kalaallit Nunaanni biilinik nutaanik tuniniaanermik ingerlataqarput, kiisalu maskiinanik sanaartornermi atortunik nutaanik atornikunillu tuniniaasarlunilu taakkunannga kiffartuussisarpoq. MAN Danmark Kalaallit Nunaanni suliaqanngilaq. MAN Danmark-ip Danmarkimi ilaatigut suliai tassaapput biilinik nioqqutissanik assartuutinik, lastbilinik aamma bussinik MAN-inik meqqilinnik tikiussisarneq aamma tuniniaasarneq. MAN Danmark bussinik iluaqutaassuseqarluartunik Neoplan-imik meqqilinnik killilimmik amerlassuseqartunik tuniniaasarpoq. MAN-ip qamutaanut kingoraartissaanik aamma pisataanik amerlasuunngorlugit tuniniaaneq aamma annikitsunngorlugit tuniniaaneq, kiisalu kiffartuusinernik iluarsartuusinernillu tuniniaaneq. Atuisartoqarnermut Unammilleqatigiinnermullu Aqutsisoqarfiup suliffeqarfinnik kattussineq pillugu oqaaseqaateqarusullutik soqutiginnittut ulloq marlunngorneq 11. november 2025 nal. 12.00 nallertinnagu tunniussinissaat kaammattuutigineqarpoq. Oqaaseqaatit uunga nassiunneqassapput: Atuisartoqarnermut Unammilleqatigiinnermullu Aqutsisoqarfik Imaneq 29, 1. Sal 3900 Nuuk E-mail: aua@nanoq.gl imaluunniit unammineq@nanoq.gl Meqq.: Semler Gruppen A/S-ip MAN Truck & Bus Danmark A/S-imut tamakkiisumik aqutsisuulernermik piginnittuulernera Annertunerusumik suliffeqarfinnik kattussineq pillugu paasisaqarnerorusukkuit fuldmægtigi Arnatsiaq Hermansen attavigineratigut paasisaqarnerusinnaavutit, uunga attavigisinnaavat tlf. (+ 299) 32 80 33, e-mail: aua@nanoq.gl eller unammineq@nanoq.gl