Atuisartoqarnermut Unammilleqatigiinnermullu Aqutsisoqarfik Niclasen A/S-ip aamma BMS Group A/S-ip ataatsimut aqunneqartumik namminersortumik ingerlatseqatigiinnissamik isumaqatigiissuteqarnerat pillugu pisariillisamik nalunaarummik missingersuummik tigusaqarnikuuvoq, tassani illuatungeriit Kalaallit Nunaanni oqimaatsunik angallassinermi, kraninik atuinikkut kivitsinermi aammalu nuussinermi kranernermik suliaqarnerat tunniunneqarpoq.
Niclasen A/S Nuummiippoq, ingerlatseqatigiiffissuarlu oqimaatsunik angallassinernik, tamatumunnga ilanngullugit oqimaatsunik angallassinernik, kraninik atuinermik kivitsinernillu, steve-doring-inik (usingiaanernik), containerinik angallassinernik, nutsertunik sullissinernik, eqqagassalerinernik aammalu kantinamik ingerlatsinermik il.il. suliaqartarpoq.
BMS Group A/S Danmarkimi piginnittutut ingerlatseqatigiiffiuvoq. BMS ingerlatseqatigiiffissuaq ilaatigut Danmarkimi, Sverigemi, Norgemi Finlandimilu mobilkraninik, lastbilkraninik, angallassinernik immikkut ittunik aammalu kivitsinermik aaqqiissutinik il.il. suliaqartartuuvoq. Atuisartoqarnermut Unammilleqatigiinnermullu Aqutsisoqarfiup kattussinermut soqutiginnittut tamarmik kingusinnerpaamik ulloq 8. septembari 2026 nal. 12 oqaaseqaateqaqquai.
Oqaaseqaatit uunga nassiunneqassapput:
Atuisartoqarnermut Unammilleqatigiinnermullu Aqutsisoqarfik
Imaneq 29
3900 Nuuk
E-mail: aua@nanoq.gl
Mrk.: Niclasen A/S-ip aamma BMS Group A/S-ip namminersortumik ingerlatseqatigiinnissamik isumaqatigiissuteqarlutik inuussutissarsiuteqalernerat.
Kattussineq pillugu paasissutissat allat Jonas Dieu Morsing, tlf.: (+299) [32 80 33], [aua@nanoq.gl] pissarsiarineqarsinnaapput.