Nujalerisoq

Nujalerisumi piffissamik inniminniitinnak

Misissoruk nujalerisup qanoq akeqartinniarneraa nutsavit suliaritinnissaat, piffissamik inniminniitinnat, akiusussaq pillugu erseqqissumik isumaqatigiissusioritsi, ingammik naliginnaasumik nujaleritinnermit suliassaq annertunnerulluni akisunerussappat. Taava nalorninarnera annikillissaaq, akiusussarlu pillugu isumaqatigiinngissuteqarnersi pinaveersaarlugu.

Aallaavigineqartoq tassaavoq nujalerisup akigititaa akilertariaqarakku, akiusoq naliginnaasuuppat naapertuullunilu soorlu assersuutigalugu nujalerinermi taamaattumi naapertuunnersoq aammalu nujalerinerup sivisussusia naapertuunnersoq.


Nujalerineq pillugu paasissutissat/Misunnerit

Nujalerisup pisussaaffigaa pissutsinut nalunngisaminut imaluuunnit ilisimasariaqakkaminnut paasissutissittassallutit, nujaleritinnissannut tunngasutigut naliliisinnaanernut tunngasunik.

Soorlu paasissutissiisinnaavoq pisariaqarsinnaasoq misutsinnermi pisariaqarsinnaasoq ataaseriaannagassaanngitsut. Nujalerisup uppernarsartussaavaa illit paasissutissat pisimagitit.


Nujalerinermi kukkunerit/Misunneq

Misutsinnerit nujaleritinnerilluunniit naammaginngikkukku ajornakusooriartaarsinnaavoq nalilissallugu kukkunnerusoq imaluunnit illit nujalerisorlu akunnissinni paatsoorsimanersusi.

Soorlu assersuutigalugu kukkunnerussaaq, nujaleritinnerit suliassaminut ilinniarsimasutut eqqunngitsumik suliaappata, soorlu assersuutigalugu qalipaataa tiggunnertaqarpat, imaluunniit nujai niaqqullu qaatungaa ajoqusersimappata. Aamma kukkunerusinnaavoq nujaleritinnissannut paasissutissat pisariaqartut nujalerisumiit pisimanngikkukkit, soorlu assersuutigalugu nujalerisup paasissutissiissutigisinnaavaa misunnerit aalajangersimasumik inernilimmik qulakkeerinnissinnaanngimmat.

Amerlaasuutigut tigussaasumik nalilertariaqartarpoq, nujaleritissimaneq kukkuneqarlunilu amigaateqarsimappat isumaqatigiissutaasumut naapertorlugu.

Illit uppernarsartussaavat nujaleritinnerit kukkuneqartoq. Tamanna pillugu isumassarsialaasinnaavoq nujatit assilillugit uppernarsaatigissallugit.


Naammaginanngilaq – nujalerisimut naammagittaalliorit

Nujalerisumiinnerit takorluukkattut inerneqarsimanngippat, taava nujalerisunnut naammagittaalliussaatit. Misilillugu isumaqatigiissinnaanerlusi inerniliiniarsarigitsi. Soorlu imaassinnaavoq akiatigut akikillisaavigineqartutit, nutaamik nujaleritittutit, nujat peqqissarlugit imaluunniit aningaasat utertiinnarneqartut ajoqusiisimanerup annertussussaa takoriarlugu.


Nujalerisoq periarfissinneqassaaq ajornatorsiut aaqqiiviginiassallugu

Nujaleritinnerit kukkuneqarpat imaluunniit amigaateqarpat, taava nujalerisoq periarfissaleruk piffissap akuerineqarsinnaasup iluani nujatit misissussallugit aammalu suliareqqissallugit. Soorlu imaassinnaavoq siunertaasumiit nujatit qaammariarsimasut, imaluunniit naammattumik imusimanngitsut. Taava nujalerisup misussinnaassavai taarsinerulaarnissaat imaluunniit imunerunissaat siunertaralugu. Ajornartorsiut aaqqissinnaanngivippat taava assersuutigalugu immaqa nujatit naappallaalersimasinnaapput imaluunniit aserortivissimasinnaapput, taamaalineranilu pisinnaatitaafigivat ooriutitit utertissinnaassaallugit imaluunniit akikillisaavigissallugit.

Nujalerisoq ajornartorsiummik aaqqissuuteqartissallugu periarfissinngikkukku, nujalerisumullu allamut piffissamik inniminniiguit taava naammagittaalliornissamik suliassaqartitsiniaruit ajornakuussaaq.


Ajornartorsiut imatut aaqqissavat

  •  Kissaatigisatit erseqqissumik paasiguk, akiusoq misissoruk, nujalerisorlu nujaleritinnginnini isumaqatiginiarsariuk
  •  Nujaleritinnerit/misutsinnerit naammaginngikkukkit taava immaqa assilisinnaavaatit kukkuneq uppernarsarniarlugu
  •  Nujalerisorlu isumaqatigiissinnaanngikkussi inerniliisinnaanasilu, taava sulissaq ingerlateqqissinnaavat Atuisartoqarnermut Naammagittaalliuuteqarfimmut.
Scroll to Top