Fitness – pituttuineq aamma taamaatitsineq

Fitness-ertarfimmi pisartagaqarnerit isumaqatigiissutaavoq ingerlaavartoq atsaallu qaammatit tallimat qaangiutereerpata taamatissinnaalluni qaammammik ataatsimik sioqqutsilluni qaammatillu naalernerani.

Imatut paasineqassaaq qaammatini minnerpaamik arfinilinni arfineq marlunniluunniit isumaqatigiissutaasumut pituttugaasussaavutit, apeqqutaalluni qaammatip qanoq ilinerani isumaqatigiissut pilersinneqarsimanersoq.

Fitnesscenterit ilai pisartagaqartitsisarput ilinnut pituttuinngitsumik. Amerlasuutigut pisartagarnerit taamaatissinnaavat ilinnut pittutuinngitsumik qaammatillu ataatsip ingerlanerani taamaatissinnaallugu ukiup qaammataanni qaammatip naanerani.

Aallaavittut isigalugu isumaqatigiissummi allaqqasuni piumasaqaataasut atuutsinneqassapput.

Fitness-ertarnermi pisartagaqarnerit allannguuteqartillugu

Fitnesscenterip nangaassuteqarluni pisartagaqarnerit allanngortissinnaavaa. Tamanna isumaqatigiissutip piumasaqaataanni ersarissumik paasinartumillu allaqqasussaavoq, allannguutillu pillugit siusinaartumik kalerrineqareersimasussaavutit, allannguutit atuutilinnginnerini.

Allannguutit pineqartut annertungaatsiarpata, taava periarfissaqassaatit isumaqatigiissummiit anillassinnaassallutit, allannguutit ilinnut sunniuteqartinnagit. Tamanna soorlu assersuutigalugu atuuppoq, pisartagaqarnerpit akia annertuumik qaffappat, imaluunniit fitnesscenterip atortuni allanngortikkunigit, maskiinat ikilillugit imaluunniit holdit ikilillugit.

Fitnesscenterip siumoortumik kalerrisaarutigissavaa pisartagaqarnerup iluani annertuumik allannguuteqartoqarpat. Naammanngilaq Fitnesscenterimi allagartaliilluni imaluunniit aviisitigut neqeroorummik ikkussuilluni.

Allannguutit ilai ima annertutigisinnaapput, allaat isumaqatigiissummik nutaarluinnarmik sanasoqartariaqarluni illit aammalu Fitnesscenterip akunnissinni. Allannguutit ilinnut iluaqutissaappata – soorlu akia appartinneqassappat – taava Fitnesscenterip allanngortiterisinnaavoq ilinnut kalerriutigeqqaarnagu.

Pisartagaqarnermi akinik aalajangersimasunik neriorsuuteqarneq

Fitnesscenterip neriorsuutigisimappagu, akiusoq, illit pisartagaqarninni akiulitigisat, piffissami aalajangersimasumik atuuttoq, taava Centerip naliginnaasumik akimik qaffaasinnaanngilaq – aamma tamanna atuuppoq pisartagaqarnerit taamaatiinnarsinnaappalluunniit.

Naliginnaasumik isigalugu aamma Fitnesscenterip akiusoq qaffatsissinnaanngilaa piffisami pineqartumi pisartagaq taammaatinnarsinnaatinnagu.

Isumaqatigiissutit naassaanngitsumik atuutinngillat

Fitnesscenterip isumaqatigiissut allanngortissinnaanagulu taamaatiinnarsinnaangippaguluunniit, taava imaanngilaq Centerip naassaanngitsumik isumaqatigiissummut pituttugaasoq. Taamaattumik naatsorsuutigisariaqarpat – pissutsit atuuttut aalajangiisuutillugit – Fitnesscenteri pisinnaatitaasoq – piffissami ilinnut naapertuuttumik kalerrisaarippat – isumaqatigiissummi malittarisassaasut allanngortissinnaallugit imaluunniit pisartagaqarnerit taamaatiinnarsinnaallugu.

Fitness-imi pisartagaqarnerit taamaatinnera

Fitness-imi pisartagaqarnerit pilersilerukku, taava isumassarsiatsialaasinnaavoq misissulaassallugu, pisartagaqarnerit qanoq ilillutit taamaatiinnarsinnaanerlugu. Misssoruk aalajangersimasumik taamaatinnissamik kalerrisaarisoqartassanersoq imaluunniit allatigut piumasaqaateqarnersoq, ilinnut malittareqqusaasussanik, pisartagaqarnerit unitsinnginnerani.

Fitnesscenterip qanoq iliornissannut piumaqarsinnaanngilaq, pisartagaqarnerit taamaatinnialerukku, taamaallaat innersuussisinnaavoq qanoq iliortarsimalluni.

Ilisimassavat illiummat uppernarsaasussaq, isumaqatigiissummik taamaatitsisuusutit, kingusinnerusukkut assortuussutaalissagaluarpat. Isumassarsiatsialaasinnaavoq isumaqatgiissut allakkatigut taamaatinniarukku.

Tassami killinga tikivillugu uppernarsartussaavat isumaqatigiissut taamaatiinnarsimallugu. Aamma Uppernarsartussaavat, taammaatiinnarumanerit ilumut Fitnesscenterimut anngussimanersoq. Isumannaannerpaamik iliuusissat tassaasinnaavoq allakkanik tammatsaalisatut nassiussiguit. Naliginnaasumi pisariaqavikkunanngilaq allakkanik tammatsaalisanik nassiussissalluni aningasanimmi naleqarmat. Mail-ikkut taamaatinnerit nalunaarutigigukku Fitnesscenterimiillu akissutissarsiguit taava suna tamarmi ajorsimassanngilaq.

Atsaanuna Fitnesscenteri taamaatinninni qisuariaateqanngippat, imaluunniit suliassaq ilinnut pingaaruteqarluinnarpat, taava isumannaannerpaassaaq allakkanik tammatsaalisanik nassiussissalluni.

Taamaatitsinermi: Fitnesscenteri akiitsuussiisinnaava?

Tunngaviatigut isigalugu Fitnesscenteri akitsuusiisinnaanngilaq, illit pisartagaqarnerit taamaatinniarukku, qaamatit arfinillit qaangiutereerneratigut pissappat. Tamanna pisinnaatitaaffigivat pisisartut inatsisaat naapertorlugu.

Isumaqatigiissut Fitnesscenterip uniuutitippai

Fitnesscenterip isumaqatigiissummi nammineq isumagisassani uniuutitippagit kalerriutiginagilluunniit, taava illit, qanoq pisoqartoq naapertorlugu, isumaqatigiissummiit aniniarsinnaavutit, qanorluunniit piffissatigut taammaatiinnarnissamillu kalerrisaarinissamik pituttuisoqarsimappat.

Fitness taamaatiinarneratigut aningaasanik utertitsisinnaaneq

Piffisamut aalajangersimasumut akiliisimaguit, taannalu piffissaq eqqortlugu taamatitsereernerni pisimappat, taava Fitnesscenterip ingerlaannartumik piffissaq pineqartoq naapertorlugu aningaasatigut utertitsivigissavaatit.

Fitness-imik pisartagaqarnermi ajornartorsiortoqartillugu

Pisartagaqarnerni tunngatillugu ajornatorsiuteqalissaguit, taava aallaavittut isigalugu Fitnesscenterip uppernarsartussaavaa illit pisartagaqartutit. Illit uppernersartussaavat Fitnesscenterimiit anisimagavit.

Pisartagaqarnerit naammaginngikkukku, taava illit uppernarsartussaavat, Fitnesscenterimut naammagittaalliuteqarsimagavit.

Taamaattumik qulakkeertuartariaqarpat, allatigut uppernarsaasinnaagavit, ilumut taamaatiinnarsimanerit imaluunniit naammagittaalliutit nassiussimagakku.

Fitnesscenterip ussassaarutaani paasissutissat imaluunniit isumaqatigiissut ersernerluppata, taamaalineranilu illit Fitnesscenterillu akunnissinni isumaqatigiikkunnaarsimagussi, taava ussassaarutip/isumaqatigiissutip oqaasertai ilinnut illersuinerullutik nassuiarneqassapput.

Scroll to Top