Atuisartoqarnermut Unammilleqatigiinnermullu Aqutsisoqarfik sulisussamik oqaatsinut ilisimasalimmik pissarsiorpoq

Suliassat ilaatigut maalaarutinik suliassanngortitsineq, uppernarsaatit kommunimullu suliami paasissutissanik noqqaaneq, paasissutissanik tigusaqarnermi nalilersuineq, paasissutissanik aalajangiussanillu nutserineq, aamma aalajangiussanik nassiussuineq. Sulianik ilusilersuillaqqissumik tunniusimasumillu sulisussamik, suliat amerlasuut ataatsikkut ingerlassisinnaasumik, pissarsiorpugut, sulisussarlu ulluinnarni ulapaarfiusumi tunniusimalluni sulisassaaq.

Allatseqarfiup saaffiginnissutit tiguneri suleqatigiiffigai, tassanilu aamma oqaluttaanissaq, sullissinissaq pilersaarusiukkamillu aqutsineq, nerisaqarneq pisiniarnerlu il.il. pisariaqarsinnaasarpoq. Ulluinnarni sullissineq ESDH-systemit F2 aamma Public 360 atorlugu ingerlanneqartarpoq, nutserinernilu aamma suliamik naammassinnerni ataqatigiissaarinermik suliassaqartarluni.

Sulilertussaq annikitsunut malussajasuussaaq peqqissaartumillu suliaqartartuulluni. Allatseqarfimmi sulineq aqutsisoqarfiup immikkoortuisa suliassaanik tunngaviliilluni suliassanik ingerlatitseqqiisarpoq, tunngavigineqartullu tatiginartuunissaa pingaaruteqarpoq. Suliat amerlasuut uteqattaaartuummata, suliamut tunngasut annikitsumik nalinginnaasumiit allaanerussuteqarpata, taava annikitsortaasa tulluarsarnissai pingaaruteqarpoq.

Aqutsisoqarfik tassaavoq Atuisartoqarnermut Aqutsisoqarfik, tassaniippullu aamma Atuisoq, Atuisartoqarnermut Naammagittaalliornermullu Aqutsisoqarfik. Suliassat assigiinngitsut suliarisarpavut aamma sulisuulluta ilisimasavut piginnaanivullu ulluinnarni suleqatigiinnermi atorluartarpavut. Avatangiisivut ammasuullutillu pingaartorsiortuunngillat. Suliffeqarfiuvugut ineriartortoq suliassallu ingerlarni immikkut alapernaalluarlugit aamma pitsaasunik atorluarsinnaasunillu suliaqartarnissarput pingaartipparput.

Naatsorsuutigaarput:

  • Naleqquttumik ilinniagaqarsimasutit, immikkoortumilu suliat pillugit misilittagaqareeruit iluaqutaassaaq
  • Kalaallisut danskisullu oqalusinnaasutit, nutserinissamullu sapinngitsutit.
  • Suliannut tunniussimallutillu aaqqissuussaalluartumik sulisinnaasutit
  • Suliffeqarfimmi ataatsimooqataasinnaasutit

Atuisartoqarneq Unammilleqatigiinnermilu Aqutsisoqarfik pillugu uani atuarsinnaavutit www.aua.gl.

Qinnuteqarneq
Qinnuteqarfissap killinga 11. oktober 2021.
Piffissami qinnuteqaateqartut oqaloqatigineqartassapput.
Qinnuteqaatit qarasaasiakkut immikkut paasissutissartalerlugu nassiuguk.

Atorfiniffissaq
Atorfik ulloq 1. novembarii 2021-miit suliffigineqalissaaq imaluunniit immikkut paaseqatigiinnikkut.

Akissarsiat atorfininnissarlu
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut.

Qinnuteqaat nassiuguk

E-mail-ikkut qinnuteqaatinik tigusineq ajorpugut.

Scroll to Top