Naligiissitaanermut Assigiinngisitsinnginnissamullu Aalajangiisartut siullermeerlutik ataatsimiinnikuupput, innuttaasullu naammagittaalliuutaat suliarinissaannut qilanaarinnipput
Ulloq 1. juuli 2024 naligiissitaaneq assigiinngisitsinnginnissarlu pillugit inatsit nutaaq Kalaallit Nunaanni atuutsilerpoq.
Inatsimmi siunertaavoq, assigiinngisitsinernik akiuiniarnissaq aammalu suiaassutsip, naartunerup, meeravissiartaarnerup, erninermi sulinngiffeqarnerup, kinguaassiutitigut sammiviup, suiaassutsini kinaassuseqarnerup, suiaassutsimik takutitsinerup, suiaassutsit ilisarnaataasa, kingoqqiffiup, ammip qalipaataata, inuiaqatigiinni, inooqatigiinnermi imaluunniit inuianni pinngorfiup, innarluuteqarnerup, ukiut, politikkikkut isiginnittaatsip, upperisap imaluunniit upperisaqarneq apeqqutaatinnagit naligiimmik pisinnaatitaaffeqarnerup periarfissaqarnissallu qulakkeernissaat.
Ulloq 19. septembari 2024 Naligiissitaanermut Assigiinngisitsinnginnissamullu Aalajangiisartuni inissitsiterluni ataatsimiittoqarpoq.
“Siunissami suliassagut qilanaaraagut. Inatsimmi erseqqissumik oqaatigineqarpoq Kalaallit nunatsinni politikerit kissaatigigaat nunatsinni innuttaasut tamarmik naligiimmik pineqartarnissaat,”
Naligiimmik Pinninnissaq Pillugu Aalajangiisartuni siulittaasoq Kirsten Thomassen taama oqaaseqarpoq.
Naligiimmik Pinninnissaq Pillugu Aalajangiisartut ukuninnga ilaasortaqarpoq:
Kirsten Thomassen (siulittaasoq)
Qillaq Ilannguaq Olsen
Ditte Enemark Sølbeck
Lise Mørup Dalsgaard
Poul Erik Munk Pedersen
Ilaasortat ulloq juulip 1. 2024-imiit ulloq juunip 30. 2027-ip tungaanut atuuffeqartussanngorlugit toqqarneqarnikuupput.
Annertunerusumik paasisaqarusukkuit una attavigiuk:
Atuisartoqarnermut Unammilleqatigiinnermullu Aqutsisoqarfik, Imaneq 29, 1. sal, 3900 Nuuk, telefon: (+299) 32 80 33, email: aua@nanoq.gl.