Uani pisinnaatitaaffiitit pillugit atuarsinnaavutit, aamma ilinniagarsimasutut sulisut (håndværkeri) kinguaattoorsimappata, imaluunniit suliaminnik kukkusaqarsimappata ajoqusiillutilluunniit, qanoq iliuuseqarsinnaanerlutit atuarsinnaallugu.
Ilanngutassiami paasissutissat kisimi atorsinnaapput, tassani håndværkeri pineqarpat, illillu atuisutut nammineq isumaqatigiissuteqarfigisimallugu. Inissiaatileqatigiiffiup attartorfigisavit sulisoq sulitissimappagu, taava inissiaatileqatigiiffik attavigissavat, tassanilu ajornartorsiummik aaqqeeqqullugit.
Håndværkerip suliassani aallartissimanngikkai
Håndværkeri isumaqatigiinnertut takkussimanngikkuni, allamik håndværkerissarsiornissat siulliutissanngilat. Taamaasioruit tamaasa akilertariaqalersinnaavatit.
Suliffeqarfik suliassaminik isumaqatigiissut malillugu aallartiisimanngippat, taava nutaamik aallartiiffissamik tuavisaaruteqassaatit. Suli suliassat suliarineqalersimanngippata, taava allakkatigut tuavisaarigit, assersuutigalugu mailerlutit.
Suliffeqarfiup suliaqarnissaminut naammaginartumik piffissaqartitaanissaa pisariaqarpoq, taamaattumik “aqagu” suliaq aallartinneqassasoq pillugu piumasaqarnissaq angusaqarfiuvallaarnaviarani.
Suli suliaq aallartinneqarsimanngippat, taava allakkatigut suliffeqarfimmut nalunaarutigisinnaavat, isumaqatigiissutersi atorunnaarsimasutut isigigit allamillu håndværkerit suliffeqarfiutaanik ujarlerniartutit.
Isumaqatigiissummit pituttorsimajunnaarnissat piumasaqaatigisinnaanngilat, tassani suliassap suli aallartinneqarsimannginneranut sunneeqataasimaguit. Assersuutigalugu håndværkerip suliaqariartorluni isernissaanut isumaqatigiissutersi malillugu angerlarsimanikuunngikkuit.
Håndværkerit suliaat kinguaattoorpoq
Suliaq aallartinneqareersimappat, unittooqqallunili, taava kinguaattoorneq pineqassaaq, kinguaattoornermullu maleruagassat atuutsinneqassallutik.
Suliaq kinguaattoorsinnaavoq, tassani piffissaq isumaqatigiissutigineqarsimasoq suliap naammasineqannginerani qaangerneqarsimappat. Ulloq aaliangersimasoq isumaqatigiissutigineqarsimanngippat, suliaq piffissaq naammaginartoq atorlugu naammassineqarsimanngippat, kinguaattoorsinnaavoq. Aamma kinguaattoorneq pineqartarpoq, suliaq isumaqatigiissutigineqaqqaarnikuunani aallarteqqaammiinnaavillugu kinguninngua unittoortoqaruni. Illit pisuussutinnik suliaq suli naammassineqarsimanngippat, kinguaattoorneq pineqarneq ajorpoq.
Suliaqarnissamut piffissaliussap sivitsorneqarnissaa ilaatigut naammattarpoq, taava suliamik naammassisamik tunniussaqarnissaq kinguartinneqarluni. Det kan for eksempel være:
- suliaq naatsorsuutigisamit ajornarneruguni,
- atortussanik tikittoornissaq kinguaattoorpat,
- imaluunniit allanik suliassat saniatigut suliassaqalersimappat.
Aamma suliamik unitsitsinerit silamillu peqquteqarluni suliaqarsinnaannginneq suliamik sivitsuinissamut peqqutaasinnaasinnaapput. Sila peqqutaalluni, sumiiffik ukiullu qanoq innera apeqqutaallutik suliffeqarfiup suliamik naammassinninnissaminut naatsorsuumminut ilanngussinnaavaa.
Håndværkerit suliffeqarfiutaata pisuussutaanik suliaq kinguaattooruni, illit suliaq naammassitikkusullugu suliffeqarfimmut tuavisaarummik – “peqqussummik” taallugu – suliap naammassineqarnissaanik piumasaqaateqarsinnaavutit.
Suut suli suliassaanersut paasiniarniaraanni, “suliap killiffianut nalunaarsukkat” ingerlanneqarsinnaavoq. Tassunga eqqartuussisuserisumit ikiorneqarnissarsi pisariaqarpoq. Suliap killiffianik nalunaarsuineq ataatsimiinnerusarpoq, tassani suliffeqarfik illillu paasiniassagassiuk, suliamik killiffik sumut killinnersoq, ima paasillugu; suut suli amigaatigineqarsut. Suliamik ilisimasallip attuumassuteqanngitsup suliap killiffianik nalunaarsuineq ingerlassinnaavaa imaluunniit peqataaffigalugu.
Aamma ullormut akiliutissat isumaqatigiissutiginissai eqqumaffigissavat, tassani iluarsartuussinissamut isumaqatigiissuteqalerussi. Ullormut akiliut tassaavoq naleq, håndværkerip kinguaattoornermini akiliutissaa. Taamaasiornikkut amerlanertigut kinguaattoornermi aningaasatigut annaasaqaatit matussuserneqarsinnaasarput.
Kinguaattoornermi isumaqatigiissut atorunnaarsinneqarsinnaava?
Isumaqatigiissut kisimi atorunnaarsisinnaavat – imaluunniit ilaa kisiat atorunnaarsisinnaavat – tassani kinguaattoornerit malunnaatilimmik sunniuteqarsimasut pineqarpata. Assersuutigalugu håndværkerit suliffeqarfiat piffissamut killigititaq nutaaq sioqqullugu peqqussuteqartoqanngitsoq suliaminnik naammassinnissimappata. Tassanilu håndværkerit suliffeqarfiannut ersarissumik kinguaattoorneq ilinnut malunnaatilimmik sunniuteqartussaasoq oqaatigineqassalluni.
Suliaq aallartinneqarsimappat, taava suliaq suliarineqarsimanngitsoq pillugu isumaqatigissutersi kisimi atorunnaarsinneqarsinnaavoq. Håndværkerit suliffeqarfiat suliarereersimasaminnut akileeqqusinissaminnut piumasaqarsinnaapput.
Ilaatigut aamma isumaqatigiissut tamaat atorunnaarsinneqarsinnaavoq, kinguaattoorneq peqqutaalluni suliaq ilinnut naleerussimappat. Suliassaq pisussamut aaliangersimasut kisimi tunngassuteqarsinnaavoq, assersuutigalugu scene utaqqiisaasoq apersortittoornermi atorneqartussaq.
Isumaqatigiissutip atorunnaarsinneqarnissaanut pisinnaatitaasoriguit, imaluunniit ilaannakortaanut, erngertumik håndværkerinut nalunaarutiginissaa pingaaruteqarpoq. Tamanna allakkatigut iliuuserissavat, assersuutigalugu mailerlutit, taava kingorna uppernarsaatigisinnaaniassavat.
Immikkuullarissuni taarsiiffigitinnissarnut imaluunniit akiliummut taartissanik piumasaqaateqarsinnaavutit, tassani kinguaattoorneq ilinnut akiligassaqalersitsisimasoq håndværkerillu suliffeqarfiata tamanna pisuussutigisaanik kinguaattoornerusoq uppernarsassagukku.
Suliap ingerlanerani suliaq allangortinneqartoq
Suliaq aallartereerlugu suliami allannguuteqarnissaq pisariaqalersinnaavoq. Atortussat isumaqatigiissutigineqareersut immaqa pissarsiarineqarsinnaanngillat, imaluunniit isummat allanngortissimavat allamillu aaqqiissuteqarusulersimallutit. Takuneqariaannaanngitsut ajoqutit takuneqarsinnaanngoraangamik iluarsartuunneqarnissai pisariaqartut, imaluunniit suliassat naatsorsuutigisamiit ajornakusoornerusoq paasigaanni. Atuisut amerlasuut aamma håndværkerip suliassani aallartereeraluarai allanik suliassanik aaqqitassaaqqanillu eqqaasaqartarput.
Suliami sunnguamilluunniit allannguuteqarniaraanni – peqqutaa apeqqutaatinnagu – suna allannguutaassanersoq imaluunniit suliamut neqeroorutigineqarsimasumut ilanngunneqassanersoq pillugu håndværkerit suliffeqarfiutaanut isumaqatigiissutigineqaqqaassaaq, tassani akigititaq piffissarlu eqqarsaatiginerullugu. Isumaqatigiissutip allanngortinneqarnera allaganngorlugu pinissaa pitsaasuuvoq, assersuutigalugu mailikkut.
Immaqa nutaamik neqeroorusiortoqartariaqarpoq, suliassanullu ilassutaasunut aamma minnerpaamik akimik isumaqatigiissuteqaasiorluni.
Atuisutut suliassanut ilassutigerusutannut kissaatigisavit suliarineqarnissaannut nammineq akiliissaatit. Aamma allannguutissanik, isumaqatigiissummit akisunerusunik, siunnersuuteqaruit nammineq akilertussaavatit. Suliassat ilai unitsillugit naammassitinngikkukkit, suliffeqarfiup aningaasatigut annaasaqatiminik taarsiissasutit pillugu piumasaqaateqarsinnaavoq. Assersuutigalugu håndværkeri atortussanik immikkuullarissunik utertinneqarsinnaanngitsunik pisiaqarsimasinnaavoq. Håndværkerili akiligassarisimanngisaminut imaluunniit akiligassanngorsimasinnaaneranut avaqqunneqarsinnaasimasumut taarsiiffigineqarnissaminut piumasaqaateqarsinnaanngilaq.
Akiligassap kingorna suliaqartoqarpat, suliaq naatsorsuutigisamiit akisunerussaaq, tassungalu illit pingaarnertut akiligassamut ilassummut akiliisussanngussallutit.
Håndværkerit suliaat kukkuneqartoq
Håndværkererlu suliap amigaateqarnera pillugu isumaqatigiikkussi, taava assigiinngitsunik aaqqiissutissanik periarfissaqassaaq, assersuutigalugu ikiuutaaneq, isumaqatigiissummik atorunnaarsitsineq taarsiiffigitinnerlu.
Håndværkerit suliaasa amigaataannut tunngatillugu ikiuunneq
Håndværkerit suliffeqarfiutaat, sapinngisamik, ikiuinissaminut tunngatillugu neqerooruteqarnissaminut pisinnaatitaallunilu pisussaaffeqarpoq, taamaasilluni suliaq isumaqatigiissut malillugu naammassineqarsimassaaq. Ikiuunneq aamma piffissaq naammaginartoq atorlugu suliarineqassaaq akeqanngitsumillu ilinnut aamma ajoqutaasussaanngitsumik suliarineqassalluni.
Håndværkerit suliffeqarfiutaata ikiuunnermi suliassat aallartissimanngippagit, imaluunniit arlaatigut suliaq uninngatiinnarsimappassuk, tuavisaarummik – peqqussutitut taaneqartartumik – nassiussisinnaavutit.
Håndværkerit suliffeqarfiutaata suli amigaatigineqartut piffissaq naammaginartoq atorlugu suliarisimanngippagit, tassunga suliamut naammassineqaruni akiliutissaraluit akiliutiginngiinnarsinnaavat, nalerlu allamut håndværkerimik suliaqartitsininni akiliutigalugu. Tamannalu håndværkerit suliffeqarfiutaanut annertuumik aningaasartuuteqanngikkaluarluni suliarineqarsinnaassaaq.
Håndværkerit suliffeqarfiata suliarisami naammassinissaanut pisinnaatitaanini aatsaat ersarissumik tigummisinnaajunnaaraa qulakkeerukku, allamik håndværkerit suliffeqarfiutaanik suliakkiisinnaavutit. Aamma ikiuunnermi misiliineq iluatsikkunnanngitsoq ersarissumik qulakkeeqqappat, imaluunniit assersuutigalugu håndværkerit suliffeqarfiutaata suliaq suliarissallugu piginnaasai amigaateqartut ersarippat, håndværkerit suliffeqarfiutaanut allamut suliakkiisinnaavutit.
Tuaviorpalaartumik håndværkerit suliffeqarfiutaanik nutaamik aggersaaguit, taamasa akilernissaannut pisussaalersinnaavutit. Ajornartorsiut taama ittoq nalaanneqaruni, taava suliami ilisimasalimmik, assersuutigalugu eqqartuussisuserisumik imaluunniit sanaartornermik ilisimasalimmik ikiorteqaruit pitsaanerussaaq. Håndværkerit suliffeqarfiutai marluk sualiaasa qanoq immikkoortitaarneri ersarissarinnerulerniassammata, qanorluunniit suliami immikkut ilisimasalimmiit (sagkyndig) suliamik misisuisoqarlunilu nalilersuisoqassaaq.
Suliaq naammassineqarsimasoq iluarisimaagaq pillugu akiligassap akilernissaa pingaaruteqarpoq, tassunga tunngatillugu erniaqalersinnaammat. Ingammik amigaatit annikinnerusut eqqarsaatigalugit iluarsartuunneqarnissaannut pisinnaatitaassuteqaruit, naliullu annikitsup illit akilernissanut uninngatitsiinnarnissat kisimi pineqarluni.
Akimik appaaneq
Håndværkerit suliffeqarfiutaata ikiuunneq ingerlakkusunngippagu, imaluunniit ikiuunnissaa ajornarpat, amigaatigineqartup nalinganut akimik appaasoqarnissaanut piumasaqaateqarsinnaavutit.
Håndværkerimut isumaqatigiissut atorunnaarsillugu
Iliuutsip kingunerani aamma håndværkerimut isumaqatigiissutit, amigaatit annertuut pineqarpata, atorunnaarsissinnaavat. Suliarineqarsimasup ilaa ilinnut naleqarpat, taava tassunga tunngasut akilissavatit. Suliaq tamarmi naleqanngippat, isumaqatigiissut tamaat atorunnaarsissinnaavat.
Isumaqatigiissut atorunnaarsikkukku, taava suliami ilisimasalimmik ikiorteqartariaqarputit, assersuutigalugu eqqartuussisuserisumit.
Håndværkerit suliffeqarfiutaata suliaq eqqortumik suliarisimannginnera peqqutaalluni annaasaqaateqarsimanerit uppernarsarsinnaagukku, taava ilaatigut taarsiiffigitinnissat piumasaqaatigisinnaavat. Håndværkerilli suliffeqarfiutaanut annaasaqarnissamik sapinngisamik killiliisinnaanissannut pisussaaffeqarputit. Ajornartorsiummut ajornartitsinerulerpat, assersuutigalugu uffarfik nutaaq uffartarfigilereersimagukku, suliap naammassinissaanut uffarfiup atornissaa utaqqeqqaartariaqassavat.
Ilaatigut siornatigut nioqqutinik tuniniaasuusimasup, assersuutigalugu naqqinik nioqqusiortoq, amigaatinik aaqqiinissaminut imaluunniit amigaatinut ikiuunnissaminut pisussaaffeqartarpoq. Taamaattoqarpat, uunga aamma pineqartumut tuaviornerpaamik maalaaruteqassaatit.
Isumaqatigiissuteqassagussi – illit håndværkerillu suliffeqarfiutaallu isumaqatigiinngissuteqarlusi aaqqiisinnaanasi – suliaq Atuisartut Pisisartullu Maalaarutaannik Aalajangiisartunut imaluunniit Nunatsinni Eqqartuussivimmut suliassanngortitsisinnaavutit.
Håndværkerit suliai ajoquteqalersimappata
Naatsorsuutiginngisamik ajoqutit assersuutigalugu ima pinngortarput, suliaqarnermi sanaartugaq naatsorsuutigisamiit pitsaannginneruppat, imaluunniit atortussat suliaqarnermi ajoqusersimappata.
Ajoqusernerit sanaartugaareersup suliarineranut sunniuteqarpat, håndværkerit suliffeqarfiutaata suliaq unitsissavaa illillu suliaq pillugu oqaloqatigalugit. Håndværkerit suliffeqarfiutaat kukkussuteqarsimanngippat imaluunniit suliamik nailersuinerminni suminginnagaqarsimanngippat, taava nalinginnaasumik illit sulianut ilassutigineqartunut akiliissaatit. Taamaasisoqartillugu nutaamik isumaqatigiissusiortoqassaaq. Håndværkerit suliffeqarfiutaata ajoqutit pillugit ilinnut ersarissaasimanngippat, suliap nalinganut apparsaataassaaq, pineqartorlu taarsiinissamut akisussaasuutinneqarsinnaalluni.
Suliaqarnerup ingerlanerani najukkamiluunniit håndværkerit suliaqarnerini ajoquteqartoqalersinnaasarpoq. Taamaasisoqarpat, inissinneqassaaq, illit imaluunniit håndværkerit suliffeqarfiutaat ajoqusiinermi akisussaasuutinneqassanersoq, imaluunniit ajoquserneq peratarsinnaasimanersoq. Ajoquserneq peratarsinnaasimasuuppat, kina akisussaasuutinneqassanersoq aaliangerneqassaaq. Issimik imaluunniit imermik ajoqusernerusinnaavoq, igalaaq aserorsimasinnaavoq, cementi imaluunniit naqqit qalipanneri, naqqit kigarnillit, natsit aserornikut imaluunniit perusuersartarfik qupinikoq.
Peratarsinnaasumik ajoqusertoqarpat, taava sillimmasiisarfiit attavigissavat.
Ajoquserneq peratarsinnaasinnaasoq kinaluunniit pisuussuteqarani aamma ajoqusernerusinnaavoq. Assersuutigalugu anorersuariataartoqarnerani sikumineq sanaartukkamut nakkarsinnaavoq atortussanillu aserugaqarluni. Håndværkeriulli siallersumi assigisaaniluunniit sanaartornermi atortussat sumi tamaaniitiinnarsimappagit ajoquserneq peratarsimasinnaasutut isigineqarsinnaanani.
Sanaartornermi suliaqarnerup sillimmasernera
Sillimmasiisarfigisanni sillimmaserneqarninni illumut sillimmasiineq matussuserneqarsimanersoq misissussavat, tassani ajutoortoqarpat håndværkeriullu sillimmasiinera matussusiisinnaanngippat matussusiisinnaanerlutit ilisimaniassagakku. Aamma allanngortiterinermi tamanna atuuppoq.
Aammattaaq håndværkerit akisussaasutut sillimmasernissaat piumasaqaatigisinnaavat. Taamatut piumasaqaateqarneq allakkatigut isumaqatigiissutigineqassaaq. Håndværkeri akisussaasutut sillimmasersimaguni, kukkunernut ajoqutinullu iluarsartuussinissamut akiliisariaqarnermut illersorneqarsinnaavutit, tassani håndværkeri assersuutigalugu suliaqarnermini akiliisinnaajunnaarluni nalunaaruteqarsimaguni.