Pisineq pillugu inatsit naapertorlugu assersuutit
- Pisiaq tunineqarnermini taaguutigitineqartumut naapertuutinngilaq.
Ass.: Nalaasaarfik amermik qallikkatut tunineqarpoq kingornali akisaasartaasa kisimik amermik qalligaanerat sinneratalu amiusamik qalligaanera paasineqarpoq. - Tuniniaasoq toqqaaninnut sunniuteqartunik eqqunngitsunik paatsoorneqarsinnaa-sunilluunniit paasissutissiivoq.
Ass.: Tuniniaasup nalaasaarfiup ammip 5.000 koruunit sinnerlugit akeqarsimanngisaan-nartup 10.000 koruuniniit 4.000 koruuninut akikillisimanera ussassaarutigaa. - Nioqqutissap tunineqartinnani aqqusaartugaani ass. nioqqutissamik eqqussisup imal. nioqqutissiortup ussassaarutaani allatitsivissaaniluunniit eqqunngitsunik paatsoorneqarsinnaasunilluunniit paasissutissiisoqarpoq.
Ass.: Nalaasaarfiup nerriveerartaata niului ussassaarutaasumit allaanerusut. - Tuniniaasoq pisiassaq pillugu naapertuuttunik- toqqaaninnut sunniuteqarsinnaasunik tamaginnik- paasissutissiinngilaq.
Ass.: Nalaasaarfissiavit utertitaaneranik iluarsaagaaneranillu paasitinneqannginnerit. - Pisiavit ikkussorneqarnissaanut, aserfallatsaalinissaanut sumiitinnissaanullu tunngatillugu pisariaqartitannik paasissutissinneqanngilatit.
Ass.: qarlissiavit assammik errortassaanerat paasinarsivoq pisiarinerannili tamatuminnga ilisimatinneqanngilatit allatigullu tamanna takussutissaqarani. - Pisiat inniminnikkannut naapertuutinngilaq.
Ass.: Biilimik tungujortumik inniminniivutit kajortumilli tunineqarlutit. - Pisiat nalinginnaasumik atorfissaanut naapertuutinngilaq.
Ass.: Kamippaat arsaassutit arsaaffimmi ujaraaralimmi atorneqangaatsiarsinnaanngitsut. - Tuniniaasoq akerlianik oqaraluaq pisiat siunertannut piukkunnanngilaq.
Ass.: Tuniniaasup qarasaasiavit suunera qanorlu pisoqaatiginera ilisimanagu naqiterut/printeri aalajangersimasoq innersuuppaa. Kingorna printerip qarasaasiannut naapertuuttuunnginnami atorsinnaannginnera paasinarsivoq. - Pisiaq naatsorsuutigisattut atanertutiginngilaq.
Ass.: Qaammatit qulit qaangiutiinnartut maskiina errorsissutit atorsinnaajunnaarpoq. - Pisiavit inniminnernerani misiliummut pisiat naapertuutinngilaq.
Ass.: Natersuup takutinneqartup qalipaataasa allanngorarnerat tigusanniit allaaneruvoq.