Nalinginnaasumik iluarsartinnera nammineq akilissagit.

Inigisavit qimanneranut atatillugu akiligassat pillugu Inissiaatileqatigiiffiup X-ip aalajangiineranut tunngasumik naammagittaalliuuteqarnerit Ineqarneq pillugu Maalaaruteqarfiup ulloq 22. juuni 2021 suliarivaa imalu aalajangiivoq Ineqarneq pillugu Maalaaruteqarfik ima aalajangiivoq:

AALAJANGIINEQ

Ineqarneq pillugu Maalaaruteqarfik isumaqarpoq, illoqarfimmi Z-mi inissiap YY-imiittoq nalinginnaasumik iluarsartinnera nammineq akilissagit.

Aammattaaq Ineqarneq pillugu Maalaaruteqarfik isumaqarpoq, cylinderimik taarsiineq nammineq akilissagit.

Naggataagut Ineqarneq pillugu Maalaaruteqarfik isumaqarpoq, eqqiaanermut akunnerit atorneqartut amerlavallaartut akunnernullu 8-nut appartinneqartariaqartut, eqqiaanermi inissiaatileqatigiiffiup najukkap akunnernik 14-inik eqqiarneqartariaqarnera uppernarsarlugu takussutissaateqanngimmat. Taamaasilluni inissiaatileqatigiiffiup immikkut ittumik eqqiaasoqarnissaanut pisariaqartitsisoqarnersoq uppernarsarsimanngilaa.

Ineqarneq pillugu Maalaaruteqarfimmi eqqiaanermi akunnerit atorneqarsimasut pillugit isumaqatigiinniarneq ajornarsimasoq malugeqquneqarpoq. Ineqarneq pillugu Maalaaruteqarfimmi qinersinerit nalingiissimapput. Siulittaasup qinersinera aalajangiisuusimavoq.

Ineqarneq pillugu Maalaaruteqarfik ineqarnermut akiligassat akilerneqarnissaanut apeqqut aamma qularnaveeqqummut akiligassap sinneruttup akilernissaa pillugu suliaqarnissaminut pisinnaatitaaffeqanngilaq.

Naggataatigut Ineqarneq pillugu Maalaaruteqarfik Illoqarfimmi Z-mi najugakut YY-mut tunngasut suliarinissaanut pisinnaatitaaffeqanngilaq.

Imaappoq, ilaannakortumik ilalerneqarputit.

Inissianik attartortitsisarneq pillugu Inatsisartut peqqussutaat nr. 2, 12. maaji 2005-imeersoq kingusinnerusukkut allannguuteqartoq naapertorlugu aaliangiisoqarpoq.

Suliami allagaatit:

1. Ineqarneq pillugu Maalaaruteqarfimmut maalaarut 17. januaari 2020-meersoq.
2. Inissiaq YY, Illoqarfimmi Z-mi pillugu attartornermut isumaqatigiissut 1. aggusti 2008-meersoq.
3. Attartornermut isumaqatigiissutip atorunnaarsinneqarnera 27. oktobari 2008-meersoq.
4. Najukkamik kinguartitsinermut qinnuteqaat 11. maaji 2009-meersoq.
5. Misissuinermi nalunaarusiaq 9. decembari 2009-meersoq.
6. Najukkamit nutsernermi akiligassaq 31. januaari 2011-meersoq.
7. Nalinginnaasumik iluarsaattuussineq pillugu akiligassaq 14. januaari 2010-meersoq.
8. Nalinginnaasumik iluarsaattuussineq pillugu akiligassaq 15. januaari 2020-meersoq.
9. Cylinderimik taarsiinermut akiligassaq 10. decembari 2009-meersoq.
10. Eqqiaanermut akiligassaq 17. januaari 2010-meersoq.
11. Inissiaatileqatigiiffiup suliaq pillugu oqaaseqaataa 15. oktobari 2020-meersoq.
12. Maalaaruteqartup tusarniaaffiginera 13. novembari 2020-meersoq.

Nassuiaat:

Ulloq 17. januaari 2020 Ineqarneq pillugu Maalaaruteqarfimmut inissiaatileqatigiiffik X aqqutigalugu najugaqarfiginikuusat, Illoqarfimmi Z-mi inissiaq YY pillugu maalaaruteqarputit.

Attartornermut isumaqatigiissummi erserpoq, najugakunnut ulloq 1. aggusti 2008-mi isertersimasutit.

Ulloq 1. decembari 2008-mi aallartittumi ini attartorunnaarpat.

Ulloq 11. maaji 2009-mi najukkavit qimannissaa kinguartippat.

Nakkutilliinermut nalunaarusiaq 9. decembari 2009-meersoq malillugu, najugaq 76,40 kvadratmiiteriuvoq.

Najugakuvit najugarinerata sivisussusaa malillugu ilanngaatit 19 procentit ilanngutereerlugit, 11810,30 koruunit nalinganut najukkami iikkat qilaarlu qalipanneqarluni aamma naqqit lakkerneqarlutik nalinginnaasumik iluarsartuussisoqassaaq.

Aammattaaq nakkutilliinermi nalunaarusiami allaqqavoq, pisussaaffimmik sumiginnaaneq peqqutaalluni iluarsartuussisoqartussaq, soorluttaaq najugaq tamaat aamma pilivittaa eqqiarneqartussaasut.

Najukkamit nutsernermi akiligassaq 31. januaari 2011-meersoq malillugu, piffissami decembari 2008-miit decembari 2009 tikillugu ineqarnermut 66239 koruunit aamma qularnaveeqqummut akiligassap sinnera 935 koruuninik annertutigisoq akiligassarivatit.

XZX-imiit 10. decembari 2009-meersumi akiligassami takuneqarsinnaavoq, cylinderi 928 koruunilerlugu taarserneqartussaasoq.

Eqqiaanermut sullissisoq ZZX-imit 17. januaari 2010-meersumi akiligassami takuneqarsinnaavoq, najukkamik eqqiaaneq akunnerni 14-inik sivisussuseqartoq 3122 koruuninillu naleqartoq atorneqarsimasoq.

Ineqarneq pillugu Maalaaruteqarfimmut maalaarutit malillugu, novembari 2008-mi najukkanniit nutserputit.

Piffissami tassani najukkanni innisimasoqarlutit oqaatigaat, taannalu kingusinnerpaamik ulloq 15. decembari 2008-mi najukkamit nuuttussaalluni. Innisimasorlu isumaqatigiissimavusi, nuunnermini inissiaatileqatigiiffimmut matuersaatit tunniutissagai.

Aammattaaq maalarutinni erserpoq, innisimasoq najukkamit nuussimanngitsoq.

Innisimasoq ilinnut nalunaarsimavoq, najugaq inunnut isumaginnittoqarfik inissiaatileqatigiiffillu isumaqatigalugit najugaq tigusimallugu. Taamaattumik inunnik isumaginnittoqarfiup ineqarnermut akiligassaq akilertussaagaa isumaqarsimavutit.

Kingorna inissiaatileqatigiiffimmit akiligassamik nassinneqarsimallutit oqaatigaat.

Ulloq 29. septembari 2020 Ineqarneq pillugu Maalaaruteqarfimmut oqarasuaatikkut nalunaarputit, najukkamit nutsernermi akiligassaq maalaarutigalugu aamma qularnaveeqqutip uterteqqinnissaa kissaatigalugu.

Inissiaatileqatigiiffik X ulloq 15. oktobari 2020-mi Ineqarneq pillugu Maalaaruteqarfimmut oqaatigaa, ulloq 27. oktobari 2008-mi attartorunnaarnissamut uppernarsaammik nassiussisimasutit, isumaqatigiissulli malillugu najukkamit nuussimanngitsutit.

Aammattaaq inissiaatileqatigiiffiup oqaatigaa, najukkamit nuunnissaq peqqutaalluni nakkutilliisoqartussaammat, kingusinnerpaamik ulloq 29. apriili 2009-mi aneqqussummik nassinneqarsimasutit.

Aammattaaq inissiaatileqatigiiffiup oqaatigaa, suliamut najukkap innisimasumik tiguneqarnissaa pillugu aamma inunnik isumaginnittoqarfiup ineqarnermut akiligassaq akilissagaa pillugu paasissutissanik tigummisaqanngilaq.

Akiligassat akilerneqanngitsut suli tamakkerlugit akilerneqarnikuunngimmata, inissiaatileqatigiiffiup suliaq kinguartikkusullugu eqqartuussummik naammasititsiniaasartumut ingerlateqqippaa. Inissiaatileqatigiiffiup oqaatigaa, kingorna najukkamit nutsernermi nakkutilliisoqarsimasimasoq.

Inissiaatileqatigiiffiup oqaaseqaatai ilinnut tusarniaaffigineqarlutik nassiunneqarnikuupput, illillu ulloq 13. novembari 2020-mi tusarniaaffigineqartoq akisimavat. Tassani oqaatigaat, innisimasoq isumaqatigiissuteqarfigisimallugu, inissiaatileqatigiiffimmut matuersaatit utertissagai illillu tassani najugaqaannarnissaa akuerisimanagu.

Inatsisitigut tunngavigisaq:

Inissianik attartortitsisarneq pillugu Inatsisartut peqqussutaat nr. 2, 12. maj 2005-imeersumi kingornalu allannguuteqartumi § 48, imm. 1, pkt. 1-imi takuneqarsinnaavoq, Attartortup attartorneqartoq isumannaatsumik paarissavaa, ajoqusikkanullu attartortup nammineq, attartortup inoqutaasa allalluunniit attartortup attartorneqartumut isersinnaatitaasa isumannanngitsumik pissusilersornerisigut ajoqusersimasaannut taarsiinissamut attartortoq akisussaavoq.

Peqqussummi tassani § 77-imi allaqqavoq, inissiamit anisoqarnerani inissiaq nalinginnaasumik iluarsaanneqassaaq, tassanilu pineqarput qilaavinik qaqorsarlugit qalipaaneq, iigaanik qalipaaneq aamma/imaluunniit ungalitsersuineq kiisalu eqqiaaneq. Naqqit nutaamik lakkersimasutut isikkoqassapput, taamaattorli tak. imm. 3.

Peqqussummi tassani § 77, imm. 3 naapertorlugu, attartortup inissiamut iserternerani inissiaq nalinginnaasumik iluarsaanneqarsimanngippat, attartortup inissiaq iserternermini pissuserisaatut itsillugu tunniutissavaa.

• 78 malillugu attartortitsisup § 77 malillugu nalinginnaasumik iluarsaassinermut aningaasartuutit attartortup inissiamik tigusineraniit qaammatit 100-t ingerlanerini tigujartuaassavai. Piffissaliussatut aalajangiunneqartup naannginnerani inissiamit anisoqarnerani attartortup taamaallaat aningaasat piffissami tassani attartortitsinerup atorunnaarfigisaani attartortitsisumit akilerneqartussanngorsimanngitsut akilissavai.

Peqqussummi tassani § 79, imm. 1 aamma imm. 2 naapertorlugit, Attartortitsineq atorunnaarsinneqartussanngorsimappat imaluunniit inissiaq allamik pissuteqartumik qimanneqartussanngorsimappat attartortitsisup attartortullu piffissaq qimatsivissaq inissiamillu misissuisoqarnissaa allaganngorlugu isumaqatigiissutigissavaat. Attartortoq immikkut ilisimasalimmik ilaqarluni misissuinermut peqataanissamut pisinnaatitaavoq. Attartortitsisup sivikinnerpaamik ullunik 7-nik siumut ilisimatitsinermigut attartortoq misissuinermut peqataaqqullugu noqqaaffigissavaa.Imm.

Misissuinermi attartortitsisoq misissuisimanermut nalunaarusiussaaq, tassanilu amigaataasinnaasut paarinerlutallu attartortitsisup isumaa malillugu attartortup akisussaaffigisassai allassimassapput. Attartortoq taakkununnga isumaqataanngippat, tamanna attartortup isumai taallugit nalunaarusiami allanneqassapput. Nalunaarusiaq misissuinermut atatillugu illuatungeriinnit atsiorneqassaaq. Attartortoq taannaluunniit sinnerlugu takkuttoq misissuinermut nalunaarusiap assinganik tunineqassaaq. Tamatuma kingorna attartortup tamanna piumasarippagu, pissutissaqanngitsumik uninnganertaqanngitsumik suliassat attartortitsisup isumaa malillugu attartortumit akilerneqartussanut suliassat qanoq akeqarnissaanik missingersuummik allakkatigut nalunaarfigineqassaaq.

Peqqussummi tassani § 84, imm. 1, nr. 2 naapertorlugu, Ineqarneq pillugu Maalaaruteqarfiup naammagittaalliuutit tigusat tulliuttut ukununnga tunngasut suliarisinnaatitaavai:

1) Ineqarnermut akiliutinik qaffaanissamik siumoortumik ilisimatitsisarnermi piumasarisat, § 28, imm. 2 takuuk.

2) Aserfallatsaaliuineq iluarsaassinerlu, § 45 takuuk.

3) Inissiap iserterfigineqarnerani qanoq issusia, § 47 takuuk.

4) Attartukkami atortut ikkussukkat pitsanngorsaanerillu (atuisinnaatitaaneq), §§ 51 aamma 55 takukkit.

5) Attartortup atukkaminik atuinera (torersaanissamik malittarisassanik unioqqutitsinerit), § 50 takuuk.

6) Atuisinnaatitaanerup allanut tunniunneqarnera (inissianik paarlaateqatigiinneq, attartukkamik allamut utaqqiisaasumik attartortitsigallarneq aamma attartornermik nangitsineq) §-it 58-62 takukkit.

7) Inissiamit aninermi inissiap qanoq issusia (iluarsaassineq nalinginnaasoq) § 77 takuuk.

Aalajangersagaq tamakkiisuuvoq.

Naliliineq:

Ineqarneq pillugu Maalaaruteqarfik isumaqarpoq, Illoqarfik Z-mi inissiap YY-imiittoq nalinginnaasumik iluarsartinnera nammineq akilissagit.

Peqqussummi tassani § 77, imm. 1-imi allaqqavoq, inissiamit anisoqarnerani inissiaq nalinginnaasumik iluarsaanneqassaaq, tassanilu pineqarput qilaavinik qaqorsarlugit qalipaaneq, iigaanik qalipaaneq aamma/imaluunniit ungalitsersuineq kiisalu eqqiaaneq. Taassuma saniatigut naqqit tamarmik lakkeqqammersutut isikkoqartussaapput.

Aammattaaq Ineqarneq pillugu Maalaaruteqarfik isumaqarpoq, cylinderimik taarsiineq nammineq akilissagit.

Matumunnga tunngivigineqarpoq, attartornermut isumaqatigiissummi illit aqqit takuneqarsinnaammat. Taamaattumik najukkamut, taamaattumillu innisimasumut akisussaasuullutit.

Innisimasup najukkamit nuunnissaa pillugu aamma matuersaatit inissiaatileqatigiiffimmut utertinnissai pillugit ilussinni isumaqatigiissimanersi pillugu Ineqarneq pillugu Maalaaruteqarfiup naliliineranut allannguutaanngilaq.

Naggataatigut Ineqarneq pillugu Maalaaruteqarfik isumaqarpoq, eqqiaanermut akunnerit atorneqarsimasut amerlavallaartut akunnernullu 8-nut appartinneqartariaqartut, inissiaatileqatigiiffiup najukkamit nutsernermi najukkap qanoq inissisimanera pillugu eqqiaanermullu akunnernik 14-inik atuisariaqarneq pillugu uppernarsaasimanngimmat. Taamaasilluni inissiaatileqatigiiffiup immikkut ittumik eqqiaasoqarnissaanut pisariaqartitsisoqarnersoq uppernarsarsimanngilaa.

Ineqarneq pillugu Maalaaruteqarfik ineqarnermut akiligassat akilerneqarnissaanut apeqqut aamma qularnaveeqqummut akiligassap sinneruttup akilernissaa pillugu suliaqarnissaminut pisinnaatitaaffeqanngilaq.

Naggataatigut Ineqarneq pillugu Maalaaruteqarfik Illoqarfimmi XZ najugakut, ZZ pillugu apeqqummut suliaqarnissaminut pisinnaatitaaffeqanngilaq.

Matumunnga tunngavigineqarpoq, attartornermi pissutsit attartorneq pillugu peqqussutip suli atuutilinnginnerani pisimammat.

Aalajangiineq:

Ineqarneq pillugu Maalaaruteqarfik isumaqarpoq, Illoqarfimmi Z -mi inissiap YY-imiittoq nalinginnaasumik iluarsartinnera nammineq akilissagit.

Aammattaaq Ineqarneq pillugu Maalaaruteqarfik isumaqarpoq, cylinderimik taarsiineq nammineq akilissagit.

Naggataatigut Ineqarneq pillugu Maalaaruteqarfik isumaqarpoq, eqqiaanermut akunnerit atorneqarsimasut amerlavallaartut akunnernullu 8-nut appartinneqartariaqartut, inissiaatileqatigiiffiup najukkamit nutsernermi najukkap qanoq inissisimanera pillugu eqqiaanermullu akunnernik 14-inik atuisariaqarneq pillugu uppernarsaasimanngimmat. Taamaasilluni inissiaatileqatigiiffiup immikkut ittumik eqqiaasoqarnissaanut pisariaqartitsisoqarnersoq uppernarsarsimanngilaa.

Ineqarneq pillugu Maalaaruteqarfimmi eqqiaanermi akunnerit atorneqarsimasut pillugit isumaqatigiinniarneq ajornarsimasoq malugeqquneqarpoq. Ineqarneq pillugu Maalaaruteqarfimmi qinersinerit nalingiissimapput. Siulittaasup qinersinera aalajangiisuusimavoq, akunnerni 14-ini eqqiaaneq nammineq akilissanerit pillugu marlunnik isumaqataasoqarlunilu akerliusoqarsimammat. Taamaattumik eqqiaanermut akunnernik 8-nik akiligassaqarputit.

Ineqarneq pillugu Maalaaruteqarfik ineqarnermut akiligassat akilerneqarnissaanut apeqqut aamma qularnaveeqqummut akiligassap sinneruttup akilernissaa pillugu suliaqarnissaminut pisinnaatitaaffeqanngilaq.

Naggataatigut Ineqarneq pillugu Maalaaruteqarfik Illoqarfik Z-mi najugakut, YY pillugu apeqqummut suliaqarnissaminut pisinnaatitaaffeqanngilaq.

Imaappoq, ilaannakortumik ilalerneqarputit. Akiliutigisimasavit utertinneqarnissaannut pisinnaatitaaffeqarputit. Taamaattumik Inissiaatileqatigiiffimmut saaffiginneqquneqarputit konto normut tunniunnissaa siunertaralugu.

Ineqarneq pillugu Maalaaruteqartarfiup aalajangiineri namminersornerullutik oqartussanut (namminersorlutik oqartussanut) kommuninullu inissianik attartortitsisuusunut pituttuisumik sunniuteqarput, § 86, imm. 6 naapertorlugu.

Naammagittaalliuuteqarnissamut ilitsersuut:

Ineqarneq pillugu Maalaaruteqartarfiup aalajangiinera allaffissornikkut aqutsinermi pisortanut oqartussaasunut allanut suliassanngorteqqinneqarsinnaanngilaq, Inissianik attartortitsisarneq pillugu Inatsisartut peqqussutaanni nr. 2-mi, 12. maaji 2005-imeersumi kingusinnerusukkullu allanngortinneqartumi, § 86, imm. 7 naapertorlugu.

Ineqarnermut Naammagittaalliuteqartarfiup aalajangiinera eqqartuussisunut suliassanngortinneqarnissaa kissaatigineqarpat, attartortitsisumik sassaqqusissut, tassa Namminersorlutik Oqartussat imaluunniit kommuni Kalaallit Nunaata Eqqartuussivianut tunniunneqassapput.

Inussiarnersumik inuulluaqqusillunga

Naja Joelsen

Ineqarneq pillugu Maalaaruteqarfimmi siulittaasoq.

Ilanngussat: Inatsisitigut tunngavigisaq

Assilineqarnera uunga: Inissiaatileqatigiiffik X. Attartorluni normu innersuutigineqarpoq: XX-XXX-XXXX-XX.

lnatsisit toqqammaviit:

lnissianik attartortitsisarneq pillugu lnatsisartut peqqussutaat nr. 2, 12. maj 2005-imeersoq

§ 48. Attartortup attartorneqartoq isumannaatsumik paarissavaa, ajoqus­ikkanullu attartortup nammineq, attartortup inoqutaasa allalluunniit at­tartortup attartorneqartumut isersinnaatitaasa isumannanngitsumik pis­susilersornerisigut ajoqusersimasaannut taarsiinissamut attartortoq aki­sussaavoq. Takusaanermi paarsinerluttoqarsimasoq paasineqarpat, at­tartortitsisup tamanna piumasarippagu attartortup ingerlaannartumik ajoqusikkat iluarsaatissavai.
1mm. 2. Attartortup attartortitsisoq akuersiseqqaarnagu inissiaq isu­maqatigiissutigineqartumit allaanerusumik atussanngilaa.
1mm. 3. lnissiami ineeqqanik ataasiakkaanik inisimasunut allanut at­tartortitsinerup saniatigut, attartortup attartortitsisoq akuersis­eqqaarnagu inoqutigisami saniatigut allanut attartorneqartoq atugassan­ngortissanngilaa, taamaattorli tak. § 58.
1mm. 4. lneeqqanik attartortut attartortitsisoq akuersiteqqaarnagu ineeqamik atuinernik allanut tunniussinnaanngilaat.
1mm. 5. Attartortup attartortitsisoq pisariaqartinneqartumik isu­maqatigiissuteqarfigeqqaartinnagu inissiaq piffissaanngitsukkut qimas­sanngilaa.

§ 77. lnissiamit anisoqarnerani inissiaq nalinginnaasumik iluarsaanne­qassaaq, tassanilu pineqarput qilaavinik qaqorsarlugit qalipaaneq, iiganik qalipaaneq aamma/imaluunniit ungalitsersuineq kiisalu eqqiaaneq. Natii nutaamik lakkersimasutut isikkoqassapput, taamaattorli tak. imm. 3. 1mm. 2. Attartortup nammineerluni nuunnerminut atatillugu nalingin­naasumik iluarsaassinissani kissaatigippagu, iluarsaassineq assas­sornermik ilinniagaqarsimasutut illersorneqarsinnaasumik pitsaas­suseqartillugu suliarineqassaaq. Attartornermik unitsitsinissaq imaluunnit atorunnaarsitsinissaq naapertorlugu inissiap qimanneqarnissaa, inissiap takuniarneqarnissaa sioqqullugu suliaq naammassereersimassaaq, tak. § 79.
1mm. 3. Attartortup inissiamut iserternerani inissiaq nalinginnaasumik iluarsaanneqarsimanngippat, attartortup inissiaq iserternermini pis­suserisaatut itsillugu tunniutissavaa.
1mm. 4. Attartortitsisup imm. 1-imi aamma 2-mi aalajangersakkat sanioqqussinnaavai, attartornerup atorunnaarnerata nutaamillu aallartitsinerup kingorna inissiap iluarsaanneqarnissaa annertuunik ajor­nartorsiutitaqarpat. Attartornerup atorunnaarnerani tamatumunnga taarsiullugu attartortoq inissiamik attartornerup nalaani nungullarnernut naleqquttumik annertussusilinnik akiliuteqassaaq. Akiliutissaq qaammam­mut ataatsimut inimut ataatsimut 50 kr.-inik annertussuseqarpoq. At­tartortitsisup nalinginnaasumik iluarsaassinermut aningaasartuutit at­tartortup inissiamik tigusineraniit qaammatit 100-t ingerlanerini tigujartu­aassavai.
1mm. 5. Naalakkersuisut inissiamit aninermi nalinginnaasumik iluarsaas­sisarneq aamma attartortup tamatumunnga atatillugu aningaasartu­utigisaanut ajunngitsorsiassaqartarneq pillugu maleruagassiorsinnaapput.

§ 78. Attartortitsisup § 77 malillugu nalinginnaasumik iluarsaassinermut aningaasartuutit attartortup inissiamik tigusineraniit qaammatit 100-t ingerlanerini tigujartuaassavai. Piffissaliussatut aalajangiunneqartup naannginnerani inissiamit anisoqarnerani attartortup taamaallaat an­ingaasat piffissami tassani attartortitsinerup atorunnaarfigisaani at­tartortitsisumit akilerneqartussanngorsimanngitsut akilissavai.
§ 79. Attartortitsineq atorunnaarsinneqartussanngorsimappat imaluunniit inissiaq allamik pissuteqartumik qimanneqartussanngorsimappat at­tartortitsisup attartortullu piffissaq qimatsivissaq inissiamillu misis­suisoqarnissaa allaganngorlugu isumaqatigiissutigissavaat. Attartortoq im­mikkut ilisimasalimmik ilaqarluni misissuinermut peqataanissamut pis­innaatitaavoq. Attartortitsisup sivikinnerpaamik ullunik arfineq-marlunnik siumut ilisimatitsinermigut attartortoq misissuinermut peqataaqqullugu noqqaaffigissavaa.
/mm. 2. Misissuinermi attartortitsisoq misissuisimanermut nalunaarusiussaaq, tassanilu amigaataasinnaasut paarinerlutallu at­tartortitsisup isumaa malillugu attartortup akisussaaffigisassai allassimas­sapput. Attartortoq taakkununnga isumaqataanngippat, tamanna at­tartortup isumai taallugit nalunaarusiami allanneqassapput. Nalunaarus­iaq misissuinermut atatillugu illuatungeriinnit atsiorneqassaaq. At­tartortoq taannaluunniit sinnerlugu takkuttoq misissuinermut nalunaarus­iap assinganik tunineqassaaq. Tamatuma kingorna attartortup tamanna piumasarippagu, pissutissaqanngitsumik uninnganertaqanngitsumik su­liassat attartortitsisup isumaa malillugu attartortumit akilerneqartussanut suliassat qanoq akeqarnissaanik missingersuummik allakkatigut nalunaarfigineqassaaq.
/mm. 3. Attartortup inissiamik qimatsinissani kingusinnerpaamik ullunik arfineq-pingasunik sioqqullugu najugaq nalunaarutit nassiunneqartar­fissaat nalunaarutigissavaa.

§ 84. lneqarneq pillugu maalaaruteqartarfiup attartortut maalaarutaat makkununnga tunngasut suliarisarpai:

1) lneqarnermut akiliutinik qaffaanissamik siumoortumik ilisimatitsisar­nermi piumasarisat, tak.§ 28, imm. 2.
2) Aserfallatsaaliuineq iluarsaassinerlu, tak. § 45.
3) lnissiap iserterfigineqarnerani qanoq issusia, tak. § 47.
4) Attartukkami atortut ikkussukkat pitsanngorsaanerillu (atuisinnaati­taaneq), tak. §§ 51 aamma 55.
5) Attartortup attartukkaminik atuinera (torersaarnissamik malittarisas­sanik unioqqutitisinerit), tak.§ 50.
6) Atuisinnaatitaanerup allanut tunniunneqarnera (inissianik paalaate­qatigiinneq, attartukkamik allamut utaqqiisaasumik attartortitsigallarneq aamma attartornermik nangitsineq), tak. §§ 58-62.
7) lnissiamit aninermi inissiap qanoq issusia (iluarsaassineq nalingin­naasoq), tak. § 77.
1mm. 2. Maalaarutit ineqarneq pillugu maalaaruteqartarfimmut allag­anngorlugit tunniunneqartassapput, aammalu maalaaruteqartup maa­laaruteqartarfiup sumik isummerfigisaqarnissaanut kissaataanik erse­qqissaassummik imaqassalluni. Maalaarummut pissutsinut attartortup suliaritikkusutaanut uppernarsaatissat pisariaqartinneqartut ilaatinneqas­sapput.
1mm. 3. Maalaarutip ineqarneq pillugu maalaaruteqartarfimmi suliarineqarnissaanut attartortoq annerpaamik 500 kr.-inik sullissinermut akiliummik akiliuteqartinneqassaaq. Maalaaruteqartoq maalaarutigi­neqartoq pillugu taperserneqarpat imaluunniit suliaq ineqarnermut maa­laaruteqartarfimmi suliarineqarnissaminut naleqqutinngitsutut itigartin­neqarpat aningaasat sullissinermut akiliutigineqartut maalaarute­qartumut utertinneqassapput.
lmm.4. Attartortup suliaq eqqartuussivinnut suliakkiissutigineqareersoq ineqarneq pillugu maalaaruteqartarfimmut suliakkiissutigineqarnissaa kissaatigippagu, maalaaruteqartarfik maalaarutip suliarinissaanut itigar­titsissaaq.