AALAJANGIINEQ
Ineqarneq pillugu Maalaaruteqartarfik piginnaatitaaffeqanngilaq maalaarutit suliarissallugu, inissiaq Inissiaatileqatigiiffiup Y-ip pigimmagu, Inissiaatileqatigiifik Y -ilu pisortanik pigineqarani. Taamaattumik suliassaq unitsinneqarpoq.
Inissianik attartortitsisarneq pillugu Inatsisartut peqqussutaat nr. 2, 12. maaji 2005-imeersoq kingusinnerusukkut allannguuteqartoq naapertorlugu aaliangiisoqarpoq.
Suliami allagaatit:
- Attartornermut isumaqatigiissut, inissiaatileqatigiiffik aamma naammagittaalliortup akornanni ullulerneqarnikoq 2. januaari 2020
- Inissiaatileqatigiifik Y-imiit attartornerup atorunnaarsinneqarnera pillugu allagaq 23. apriili 2020-meersoq
- Maalaarut 27. apriili 2020-meersoq
- Inissiaatileqatigiifik Y-imit email inissiap kiap pigineraanut tunngasoq.
Nassuiaat:
Suliami allagaatini erserpoq, inissiaq XXX, illoqarfik Z-mi januaarip ulluisa aallaqqaataani 2020 aallarnerfigalugu attartulersimagit. Attartuinermut allagartami takuneqarsinnaavoq, inissiaq attartortagaq Inissiaatileqatigiifik Y-miit attartortinneqartoq.
Annertuumik aserfallatsaaliineq pissutigalugu attartukkamik unitsiinissamut Inissiaatileqatigiiffik Y-imiit allagarsisimavutit ulloq apriilip 23-iat 2020.
Aserfallatsaaliisimasutit isumaqatigisimannginnakku Ineqarneq pillugu Maalaaruteqartarfimmut maalaaruteqarsimavutit apriilip ulluisa 27-iat 2020.
Kingusinnerusukkut Inissiaatileqatigiiffik Y Ineqarneq pillugu Maalaaruteqarfimmut paasititsiisimavoq inissiaq attartortagaq inissiaq XXX, illoqarfik Z-mi Inissiaatileqatigiiffik Y-imit pigineqartoq.
Inatsisitigut tunngavigisaq:
Inissianik attartortitsisarneq pillugu Inatsisartut peqqussutaat nr. 2, 12. maaji 2005-imeersumi §82-imi allassimavoq, Naalakkersuisut ineqarneq pillugu maalaaruteqartarfimmik pilersitsisinnaapput tak. tak. § 84, suliarineqarnissaannut Naalakkersuisut ineqarneq pillugu maalaaruteqartarfimmik pilersitsisinnaapput, taannalu siulittaasoqassaaq maalaaruteqartarfimmilu pingasunik nalinginnaasunik ilaasortaqassalluni.
Tak. § 86 Imm. 6. Ineqarneq pillugu maalaaruteqartarfiup aalajangiineri Namminersornerullutik Oqartussanut kommunenullu, inissianik attartortitsisuusunut pinngitsoorani malinneqassapput. Namminersornerullutik Oqartussat kommuneluunniit avataaniit allaffissornikkut aqutsisumik isumaginnittuutitaqarpata, maalaruteqartarfiup aalajangiineri aamma taakkununnga pinngitsoorani malinneqassapput.
Maalaaruteqartarfiup aalajangiinera allaffissornikkut oqartussaaffimmut allamut ingerlateqqinneqarsinnaanngilaq.
Naliliineq:
Ineqarneq pillugu maalaaruteqartarfik isumaqarpoq, suliassiissutivit suliarinissaanut piginnaassuseqartitaanani.
Inissiaatileqatigiiffik Inissiaatileqatigiiffik Y pisortanik pigineqannginnera peqqutaavoq. Ineqarneq pillugu Maalaaruteqartarfiup Namminersorlutik Oqartussat kommunillu attartortittagaataat kisiisa suliarisinnaavaat.
Ineqarneq pillugu Maalaaruteqartarfiup pingaartippaa, Inissiaatileqatigiiffik Y namminersortutut inissisimanera kommunip suliassaata avataaniittoq. Ineqarneq pillugu Maalaaruteqartarfik inatsisitigut tunngavissaqanngilaq attartortitsinermut tunngasunik maalaarutinik suliaqarnissaminik, Inissiaatileqatigiiffik Y attartortakkat pigimmatigit.
Inissiaatileqatigiiffik Y-ip aalajangigaa pillugu maalaaruteqarniaruit, eqqartuussivimmut suliassanngortitsinissat periarfissaavoq. Attartortitsisartoq tunniunniarukku eqqartuussivimmut ingerlateqqissavat.
Aalajangiineq:
Ineqarneq pillugu Maalaaruteqartarfik suliamik suliaqarnissaminut piginnatitaaffeqanngilaq, taamaattumillu suliaq suliareqqissanngilaa.
Akiliutigisimasavit utertinneqarnissaannut pisinnaatitaaffeqarputit. Taamaammat qinnuigineqarputit kontomut sorlermut akiliutigisimasatit ikineqassasut Ineqarnermut Naammagittaalliuuteqartarfimmut ilisimatitsissutigeqqullugu.
Naammagittaalliuuteqarnissamut ilitsersuut:
Ineqarneq pillugu Maalaaruteqartarfiup aalajangiinera allaffissornikkut aqutsinermi pisortanut oqartussaasunut allanut suliassaFnngorteqqinneqarsinnaanngilaq, Inissianik attartortitsisarneq pillugu Inatsisartut peqqussutaanni nr. 2-mi, 12. maaji 2005-imeersumi kingusinnerusukkullu allanngortinneqartumi, § 86, imm. 7 naapertorlugu.
Inussiarnersumik inuulluaqqusillunga
Naja Joelsen
Ineqarnermut Maalaartarfimmi siulittaasoq