Siusinaartumik pensionisiaqarnermut maalaaruteqartarfik
Siusinaartumik pensionisiaqarnermut maalaaruteqartarfik isumaginnittoqarfiit allaffissornikkut immikkoortortaqarfiini qullersaavoq, kommunalbestyrelsit, siumoortumik pensionisiaqalernissamut itigartitsinernut, inuilluunniit sulisinnaassusaasa procent-inngorlugu naatsorsorneqarneranni, aalajangiinerni.
Tamanna isumaqarpoq Kommunip oqaasiinnakkut kiisalu allakkatigut aalajangiussaat naammagittaalliutigisinnaagitit. Aalajangiussat makku assersuutaasinnaapput
- Siusinaartumik pensioneqalernissamut itigartitaaneq
- Naliliinermi aamma sulisinnaassuseqarnermik nalilersueqqinnermi procentinngorlugu sulisinnaasuseqarnermik aalajangiineq
Siusinaartumik pensionisiaqarnermut maalaaruteqartarfik ukiumut missingersorlugu (2-4) (marlunnik sisamariarlutilluunniit) ataatsimiittarput, ilaasortanit suliat oqallisigineqarlutik, kiisalu aalajangiiffigineqarlutik.
Siusinaartumik pensioneqalernissamut ataatsimiitsitaliaata manna tikillugu suleriaatsit malillugit Siulittaasup suliani qularutissaqangittunik aalajangiisinnaavoq. Tamakku Allatseqarfimmut, pisinnaatitaaffiit tamaasa imaluunniit ilamerngi, sulittaasup aalajangigassangortissinnaavai.
Naammagittaalliuteqarusukkuit, aalajangiiffimmiit allakkat tigunerisa sapaatit akunneri sisamat qaangiuttinnagit, Siusinaartumik pensioneqalernissamut ataatsimiitsitaliamut, naammagittaalliutit apuutereersimassaaq. Tamanna kisimi atuuppoq, kommunip naammagittaalliuteqarsinnaanernut eqqortumik allakkatigut ilitsersuussimappatit.
Naammagittaalliuteqarniaruit, imaaliorsinnaavutit:
- naammagittaalliuummik immersuiffissaq immersorlugu. NemID-mik peqaruit, naammagittaalliuteqarnissamut immersuiffissaq toqqaannartumik attaveqaatitigoortumik nassiussinnaavat
- allakkamik allallutit
- e-mail-imik allallutit
- sianerlutit
Siusinaartumik pensionisiaqarnermut maalaaruteqartarfiup suliamik suliarinninnerminut iluaqutigissavai, uku ilanngullugit nassiukkukkit:
- allakkatigut aalajangiussaq
- takussutissalluunniit allat kommuniminngaanneersut
Siusinaartumik pensionisiaqarnermut maalaaruteqartarfiup aalajangigai inaarutaasumik aalajangiinerusarput, taamaattumillu allaffissornikkut ingerlatsisunut allanut ingerlateqqinneqarsinnaanatik, kisianni eqqartuussiveqarfinnut tunniunneqarsinnaalluni.
Sullissivimmi immersugassaq
Siusinaartumik pensionisiaqartitsisarneq pillugu maalaaruteqartarfik siulittaasoqassaaq inatsisilerituutut ilinniagaqarsimasumik, allanillu marlunnik ilaasortaqassalluni. Siulittaasoq aammalu ilaasortat ukiut sisamat atuuttussanngorlugit toqqarneqartassapput. Siusinaartumik pensionisiaqartitsisarneq pillugu maalaaruteqartarfiup suliffeqarnikkut, isumaginninnikkut, peqqissutsikkut, ilinniartitaanikkut aammalu nakorsaqarnikkut immikkut ilisimasaqartuussapput. Siusinaartumik pensionisiaqartitsisarneq pillugu maalaaruteqartarfimmi ilaasortat inuttut suliffeqarnikkullu immikkut ilisimasatik toqqammavigalugit toqqarneqartassapput
Siusinaartumik pensionisiaqarnermut maalaaruteqartarfik Naalakkersuisut-nik toqqakkat ukuupput:
Kristina Nordby, Siulittaasoq (31.08.2022)
Karsten Lyberth-Klausen, Ilaasortaq (31.08.2022)
Heidi Egede Noahsen, Ilaasortaq (31.08.2022)
Sinniisussat aammattaaq Naalakkersuisut-nit toqqangaapput ukuuppullu:
Naja Joelsen, Sinniisussaq Kristina Nordby-mut (31.08.2022)
Anita Hoffer, Sinniisussaq Karsten Lyberth-Klausen-mut (31.08.2022)
Malik Møller, Sinniisussaq Heidi Egede Noahsen-mut (31.08.2022)
Isumaginninnermit saqqummiussat
Meeqqanut tapiissutit – Najugaqarnissamut piumasaqaat
Y Kommuniata meeqqanut tapit pillugit ulloq 1. juuli 2022-mi qinnuteqaatinnut itigartitsilluni aalajangiinera pillugu naammagittalliuutit lsumaginninnermi Naammagittalliuuteqartarfiup
Pisortanit ikiorsiissutit utertinnissaannut aalajangiineq
Kommune X ulloq 15. februaari 2022-mi pisortanit ikiorsiissutit utertinnissaannut aalajangiinera pillugu naammagittaalliuutit lsumaginninnermi Naammagittaalliuuteqartarfiup
Aningaasartuutinut akiliinissamut pisortatigut ikiorsiissutinut itigartitsineq
Matumani ullumi lsumaginninnermi Naammagittaalliuuteqartarfiup pineqartoq X pillugu aalajangiinera ilanngunneqarpoq. Sinniisutut inissisimagavit, aalajangiinerup