Eqqartuussut: KNI akerleralugu Unammilleqatigiinnermut Nakkutilliisoqarfik, Olie pillugu isumaqatigiinniarnermi isumatigiissut

B190000G – HBJ

KANGIATA EQQARTUUSSISUUNEQARFIANI EQQARTUUSSUTIP ALLASSIMAFFIATA ASSILINEQARNERA EQQARTUUSSUT

Oqaatigineqartoq ulloq 17. oktober 2008 Kangiata Eqqartuussisuuneqarfiani immikkoortortaqarfiup pingajuani

(Nunap eqqartuussisuuneri Teilmann, B. Tegldal aammalu Ulla Staal).

3. afd. a.s. nr. B-1820-07:

Unammilleqatigiinnermi aalajangiisartut

(eqqartuussissuserisoq Kim Lundgaard Hansen)

Illuatungeralugu

KNI A/S

(eqqartuussissuserisoq Niels Hansen Damm)

Nunatta Eqqartuussissuuneqarfiani eqqartuussut ulloq 20. juni 2007-imeersoq (A 714/01) Unammilleqatigiinnerni aalajangiisartuniit suliareqqitassanngorlugu ingerlateqqinneqarpoq inaarutaasumik piumasarineqarluni sassaqqusaasoq KNI A/S pisussaaffileqarneqassasoq akuersaassallugu suliffeqarfik imarineqartoq § 2, imm. 1, § 3, § 4, imm. 2 aammalu § 5, imm. 3-mi KNI Pilersuisoq A/S-ip aammalu Sulisitsisut Peqatigiiffiata akornanni ulloq 12. november 2000-mi isumaqatigiissutigineqartoq uuliamik tuniniaanermik isumaqatigiissut kiisalu suliffeqarfik § 7, imm. 1-mi tassani uuliamik tuniniaanermik isumaqatigiissummi malittarisamut atatillugu ataasiakkaanik nioqquteqarnermi isumaqatigiissummi § 2, nr. 1, 2. pkt.-mut ilaanngitsoq taamani atuuttumi unammillernermut tunngasumut Inatsisartut Inatsisiliaat nr. 28, 30. oktober 1992-meersumi.

KNI A/S naggataarutaasumik piumasaqaateqarpoq pinngitsuutinneqarnissamik.

Suliamut ilassuteqaatitut saqqummiussineq

Kalaallit Niuertarfiata allanngortinneqarnera pillugu Inatsisartut peqqussutaat nr. 14, 30. oktober 1992-imeersoq ima aalajangiisoqarpoq:

”Pilersuineq, angalaneq, angallassineq, allakkerineq il.il. pillugit Kalaallit Nunaannut inatsimmi nr. 469-imi, 6. november 1985-imeersumi §9 naapertorlugu makku aalajangersarneqarput:

Kapitali 1.

Ingerlatseqatigiiffinnik pilersitsineq.

§ 1. Naalakkersuisut aktiaateqarluni ingerlatseqatigiiffik ataqatigiissitsiviusoq marlunnik tassunga atasunik ingerlatseqatigiiffittalik 1. januar 1993-imiit aallartittussaq pilersissavaat.

Imm. 2. Naalakkersuisut namminersortumik peqateqarlutik aktiaateqarluni umiarsuaatileqatigiiffik 1. januar 1993-imiit aallartittussaq pilersissavaat.

Imm. 3. Ingerlatseqatigiiffiit imm. 1-imi 2-milu taaneqartut ingerlatsineq maannamut Namminersornerullutik Oqartussat sullissiviannit Kalaallit Niuerfiannit, ingerlatseqatigiiffiit taaneqartut pilersinneqarnerisigut atorunnaarsussamit, ingerlanneqartoq tigussavaat ingerlateqqissallugulu.

Kapitali 2.

Aktiaateqarluni ingerlatseqatigiiffik ataqatigiissitsivik ingerlatseqatigiiffiillu tassunga atasut

(Kalaallit Niuerfiat Sullissivik A/S, Kalaallit Niuerfiat Pisiniarfeqarfik A/S)

§ 2. § 1 imm. 1-imi ingerlatseqatigiiffiit atasutut taaneqartut siulliup (Kalaallit Niuerfiat Sullissivik A/S-ip) siunertaraa makkuninnga sullissisuunissani:

1) Atortussanik, inuussutissarsiornermi sakkuutinik il. il. pisiniarfinni pisiassanik aammalu annikitsumik amerlasuukkaarilluni nunaqarfinni isorlernilu niuerneq,

2) Ilaasunik usinillu pingaartumik nunaqarfinnut isorlernullu imaatigut angallassineq,

3) nuna tamakkerlugu uuliaarniarneq aammalu

4) allakkeriveqarneq.

Imm. 2. Tamatuma saniatigut ingerlatseqatigiiffiup ingerlatsineq niuernikkut nunallu pissusiatigut suliassaqarfinnut imm. 1-imi taaneqartunut attuumassuteqartoq pilersissinnaallugulu, pissarsiarisinnaallugulu ingerlassinnaavaa.

Imm. 3. Imm. 1-imi taaneqartunik sullissinermini ingerlatseqatigiiffiup nioqqutissanik pilersuinermik angallassinermillu il. il. ingerlatsinissaminut pisussaaffeqarnini naammassiumallugit pisariaqartitsinini naapertorlugu Namminersornerullutik Oqartussat ingerlatsinermut isumaqatigiissuteqarfigisassavai.

Imm. 4. Ingerlatseqatigiiffik aamma allatigut niuertutut tunngaveqarluni ingerlanneqassaaq.

§ 3. § 1 imm. 1-imi ingerlatseqatigiiffiit atasutut taaneqartut aappaata (Kalaallit Niuerfiat Pisiniarfeqarfik A/S-ip) siunertaraa makkuninnga sullissisuunissani: Atortussanik, inuussutissarsiornermi sakkuutinik il. il. pisiniarfinni pisiassanik aammalu amerlasuukkaarilluni illoqarfinni ingerlatseqatigiiffiup § 2-mi taaneqartup (Kalaallit Niuerfiat Sullissivik A/S-ip) ingerlatsivissarinngisaani niuerneq.

Imm. 2. Tamatuma saniatigut ingerlatseqatigiiffiup ingerlatsineq niuernikkut nunallu pissusiatigut suliassaqarfinnut imm. 1-imi taaneqartunut attuumassuteqartoq pilersissinnaallugulu, pissarsiarisinnaallugulu ingerlassinnaavaa.

Imm. 3. Ingerlatseqatigiiffik niuertutut tunngaveqarluni ingerlanneqassaaq.

Kapitali 4.

Ingerlatseqatigiiffinnut atugassarititat allat.

§ 8. § 1 imm. 1-imi ingerlatseqatigiiffiit atasutut taaneqartut (Kalaallit Niuerfiat Sullissivik A/S aammalu Kalaallit Niuerfiat Pisiniarfeqarfik A/S) Kalaallit Niuerfiata pisinnaatitaaffiinik pisussaaffiinillu tigusissapput, taakku aktiaateqarluni umiarsuaatileqatigiinnut isumaqatigiissuteqarnikkut nuunneqarsimatinnagit.

…”

Naliginnarmik oqaaseqaatini Inatsisartut peqqussutaanut siunnersuummi ilaatigut taaneqarpoq:

”Tunngaviusumik Kalaallit Niuertarfiata aaqqissuunnerata sannaa pissarsiarineqassaaq uuma Inatsisartut peqqussutaatigut, taamaasillunilu ingerlatsiviit pingasut Kalaallit Niuertarfiata assigiinngitsut suliniutaat ingerlateqqissavaat. Taamaasilluni aalajangerneqarluni ingerlatsiviit siunertaat, piumasaqaatillu ingerlatsiviit Namminersornerullutik Oqartussaniit suliamik ingerlatitsinerat tigunissaat, kiisalu najoqqutassat qulliusunik pisortanik aaqqiineq aammalu suleqatigiinneq taakkunannga pingasuni (sisamaasuni) ingerlatsivinni. Ilaatigullu kinguneraa ingerlatsiviit Kalaallit Niuertarfiata sanaartornera kaaviiaartitaasalu nalii tigussagaat taanna agguaaneq aallaavigalugu ingerlatsiviit ataasiakkaarlutik ingerlataat apeqqutalluni.

Ingerlatsiviit ilaat nutaaq tassa Kalaallit Niuertarfiat Service A/S pingaarnertut siunertarivaa pisussaaffigissallugu pilersuineq Kalaallit Nunaanni unammilleqatigiinnermut tunnganngittunik, taamaasilluni kingunerissallugu nioqqutissanik ataasiakkaanik aammalu killilimmik niuertunik pilersuineq ingerlatsiviup pisussaaffigilissaagaa umiarsuakkut assartuineq pigisanik illoqarfiit pigisaanni, nuna tamakkerlugu umiarsuamik ilaasunik ingerlatsineq, nunalu tamakkerlugu uuliamik tunisassiuineq, kiisalu nuna tamakkerlugu allakkerisarneq.

Ingerlatsiviup aappaata nutaap Kalaallit Niuertarfiat Detail A/S siunertarivaa nioqqutissanik ataasiakkaanik aammalu niuertunik pilersuineq Kalaallit Nunaanni unammilleqatigiiffiusumi ingerlatsissalluni.

…”

KNI A/S pillugu inatsisartut peqqussutaat nr. 4, 6. juni 1997-imeersoq ima aalajangiisoqarpoq:

”Pilersuineq, angalaneq, angallassineq, allakkerineq il.il. pillugit Kalaallit Nunaannut inatsimmi nr. 469-imi, 6. november 1985-imeersumi §9 naapertorlugu makku aalajangersarneqarput:

KNI A/S-ip pilersinneqarnera

§ 1. Naalakkersuisut aktiaateqarluni ingerlatseqatigiiffimmik pilersitsissapput pilersinneqar-nerani 500 mio. kr.-inik aktiatigut aningaasaatilimmik.

Imm. 2. Ingerlatseqatigiiffik ateqarpoq KNI A/S.

Imm. 3. Aktiatigut aningaasaatit pissarsiarineqassapput Namminersornerullutik Oqartussat KNI Pilersuisoq A/S-imi aamma KNI Pisiffik A/S-imi aktiaataasa aningaasaliissutiginerisigut.

Imm. 4. Inatsisartut peqqussutaanni uani ingerlatseqatigiiffissuartut KNI-tut paasineqassaaq ingerlatseqatigiiffissuaq KNI A/S-ip aqutsisuuffigisaa. Ingerlatseqatigiiffiit imm. 3-mi taaneqartut ingerlatseqatigiiffíssuarmut tassunga ilaapput.

Imm. 5. IngerlatseqatigiifFissuarmi KNI-mi ingerlatseqatigiiffiit aktiaateqarluni ingerlatseqatigiiffiit pillugit inatsimmut aamma aktiaateqarluni ingerlatseqatigiiffinnut tunngatillugu inatsisiliornernut allanut Kalaallit Nunaanni atortussanngortinneqarsimasunut ilaatinneqarput. Ingerlat-seqatigiiffissuarmi KNI-mi ingerlatseqatigiiffinni aktiatigut aningaasaatit ingerlatseqatigiiffiit pillugit inatsisini maleruagassat malillugit allanngortinneqarsinnaapput.

Ingerlatseqatigiiffissuup KNI-p ingerlatsinera

§ 2. Ingerlatseqatigiiffissuarmi KNI-mi ingerlatseqatigiiffiit nalinginnaasumik niuernermik tunngaveqarlutik quersuarniit pisiniarfinniillu niuernermik aamma allanik niuernermik tunngaveqarluni ingerlatanik tamatumunnga atasunik siunertat malittarisassani allassimasut naapertorlugit ingerlatsissapput.

Imm. 2. Ingerlatseqatigiiffiit ingerlatseqatigiiffinni aqutani tamakkiisumik ilaannakuusumilluunniit pigisaminni suliffeqarfiit allat suleqatigalugit allanillu ateqartitsillutik ingerlatsinertik ingerlassinnaavaat.

Imm. 3. Naalakkersuisut ingerlatseqatigiiffiit pisussaaffilersinnaavaat nioqqutissanik ulluinnarsiutinik, inuussutissarsiornermut atortunik, ikummatissanik imerpalasunik allanillu pilersuinermi pisortat sullissinerat pillugu nalinginnaasumik niuernermik tunngaveqarnermik atugassaqartitsilluni isumaqatigiissuteqartarnissaannut.

§ 3. Ingerlatseqatigiiffissuarmi KNI-mi ingerlatseqatigiiffiit KNI Pilersuisoq A/S-ip aamma KNI Pisiffik A/S-ip ingerlataasa ingerlanneqarnerat tigussavaat.

Atuutilerfia il.il.

§ 6. Inatsisartut peqqussutaat ulloq 1. juli 1997 atuutilerpoq. Imm. 2. Tamatumunnga peqatigitillugu Kalaallit Niuerfiata allanngortinneqarnera pillugu inatsisartut peqqussutaat nr. 14, 30. oktober 1992-imeersoq atorunnaarsinneqarpoq.”

KNI A/S pillugu Inatsisartut peqqussutaata allanngortinneqarnera pillugu Inatsisartut peqqussutaat nr. 7, 14. november 2004-meersoq nalunaarummi § 2 ima oqaasertalerneqarpoq:

Ҥ 2. Ingerlatseqatigiiffissuarmi KNI-mi ingerlatseqatigiiffiit niuernermik tunngaveqarlutik makkuninnga, niuernerullu tungaatigut taakkununnga atareersunik ingerlatsissapput:

1) Quersuarniit niuertarfinniillu niuerneq.

2) Aalisakkanit qalerualinnillu tunisassiassanit, neqaarniat tunisassiaataannit inuussutissanillu allanit nioqqutissiorneq aammalu pineqartunut tunngatillugu aningaasalersuisalernissaq ilanngullugu.

3) Usinik ilaasunillu nunaqarfinnut nunaqarfinniillu imaatigut assartuineq.

Imm. 2. Ingerlatseqatigiiffiit ingerlatseqatigiiffinni aqutani tamakkiisumik ilaannakuusumilluunniit pigisaminni suliffeqarfiit allat suleqatigalugit allanillu ateqartitsillutik ingerlatsinertik ingerlassinnaavaat.

Imm. 3. Naalakkersuisut ingerlatseqatigiiffiit pisussaaffilersinnaavaat nioqqutissanik ulluinnarsiutinik, inuussutissarsiornermut atortunik, ikummatissanik imerpalasunik pilersuinermi kiisalu usinik ilaasunillu imaatigut assartuinermi pisortat sullissinerat pillugu niuernermik tunngaveqartumik atugassaqarfiusunik isumaqatigiissuteqartarnissaannut. Aammattaaq Naalakkersuisut ingerlatseqatigiiffiit pisussaaffilersinnaavaat suliassaqartitsineq annertusarniarlugu suliniutit, matumani aamma tunitsivinnik tunisassiorfinnillu pilersitsinissamik attassiinnarnissamilluunniit siunertaqartut pillugit niuernermik tunngaveqartumik atugassaqarfiusunik isumaqatigiissuteqartarnissaannut.”

Ilaatigut isumaqatigiissummi kiffartuussissutinut takussutissiami 1-3 januar 2001-meersumi Namminersornerullutik Oqartussat aammalu KNI Pilersuisoq A/S akornanni isumaqatigiissutigineqartumi imaqarpoq:

”… apeqqutaatillugit makkua,

6) nunap immikkoortuata iluani takussutissiami 2-mi nassuiaanneqartumi PIL-ip pisussaaffigissagaa pilersuisussaatitaaneq ikummatissaq imerpalasoq pillugu,

9) PIL-ip inuiaqatigiinnut suliareqqusat suliarineri taamaallaat allakkatigut isumaqatigiissusiornikkut peqataasut akornanni ingerlanneqassasut, aammalu

Makkunannga isumaqatigiissusiortoqarpoq GH aammalu PIL akornanni:

1. Kiffartuussinissamut isumaqatigiissut nukissiamik pilersuinermut tunngatillugu

1.1 2001-mut immikkut kiffartuussinissamut isumaqatigiissusiliortoqarpoq GH aammalu PIL akornanni piumasaqaatit pillugit pilersuinissamut ikummatissaq imerpalasumut. Tulliusumut ukiumut akuersissut immikkut kiffartuussinissamut isumaqatigiissusiortoqarsinnaavoq GH-ip PIL-illu akornanni piumasaqaatit ikummatissap imerpalusup pilersornissaanut tunngatillugu.

1.2 Kiffartuussinissamut isumaqatigiissut illugiilluni taamaatinneqarsinnaanngilaq ukiumut akuerissutip isumaqatigiissutigineqarfiup iluani.

Takussutissiaq 2. Nunap iluani nukissiamik pilersuinissaq

KNI Pilersuisoq A/S ikummatissamik imerpalasumik pilersuisussaatitaavoq Kalaallit Nunaanni illoqarfinnut tamanut aammalu takussutissiami 1-imi taaneqartumi nunaqarfinnut.

Saniatigut ingerlatsiviup savaateqarfiit uuliamik nappartani pilerussavai, taakkualu tunniunneqartassapput savaateqarfinnut imaluunniit orsussaarniarfinnut savaateqarfinnik atorneqartunut uuliamik isumannaannerpaamik tunniussinissaq taamaasilluni akikinnerpaaq atorlugu ingerlanneqassammat.

Ilaatigut aamma kiffartuussinissamut isumaqatigiissummi ikummatissamik imerpalasumik pilersuinermut Namminersornerullutik Oqartussat aammalu KNI Pilersuisoq A/S-ip isumaqatigiissutaat 2001-meersoq ima allaqqasoqarpoq:

”Isumaqatigiissutip annertussusaa atuuttussusaalu

1.01. Isumaqatigiissut ukioq ilivitsoq 2001-mut atortuussooq.

1.02. Isumaqatigiissutip makkua sanaat ilagaat: Gasolie, benziina, petruuliu ammalu Jet A1.

1.03. Taakkua assigiinngitsut sanaat tunniunneqartassapput takussutissiami 1-mi taakkartoqarneqartumi sumiiffinni immaqaluunniit savaateqarfinni naleqq. takussutissiaq 1.

Akissaliineq

2.01 Imm. 1.02-mi taakkartorneqartumi sanaat akii tamarmik assigiipput pilersuisussaatitaanermut killigeqqusat iluani isumaqatigiissummi aalajangerneqarnikut naapertorlugit. ”

Suliami oqaaseqaatit

Peqataasut pingaarnertut Nunatta Eqqartuussisuuneqarfiani suliami oqaaseqaatitik uteqqiinnarpaat.

Kalaallit Nunaanni unammilleqatigiinnermut inatsit

Taamanikkut atuuttoq unammilleqatigiinneq pillugu inatsisartut inatsisiliaat nr. 28, 30. oktober 1992-imeersumi § 2-mi inatsiseqarpoq inatsip atuuffianik:

” § 2. Inatsimmi pineqarput:
1) Inuussutissarsiutigalugu suliffeqarfiit aamma inuussutissarsiutinik ingerlatsisut kattuffii. §§ 11-miit 15-imut inuussutissarsiutigalugu suliffeqarfinnut, immikkut tunngavigisaq malillugu ingerlanneqarnerat pisortanit aalajangiivigineqartartunut akuersissutigineqartartunullu, tassa pineqartuni pissutsit pisortanit aqutarineqarpata, atuutinngillat.

Inatsisissatut siunnersuummi § 2, nr. 1-mi ilaatigut ima oqaaseqaateqartoqarpoq:

Ӥ2, nr. 1, oqaaseqaatip siulliup aalajangerpaa inatsisip aallaavigissagaa sunaluunniit inuussutissarsiornermik suliffeqarfik, uumalu ataani piginneqatigiiffiit aammalu suliffeqarfiit imminut ingerlatittut il.il., aammalu inuussutissarsionermik suliffeqarfiit suliarineqartut massuma akisussaaffiani naak inuussutissarsionermik suliffeqarfik pisortatigut privatitulluunnit isigineqaraluartut.

Aamma inuussutissarsiornermik suliffeqarfik tamakkiisumik ilaannakortumilluunnit pisortatigut aaqqiinerungaluartoq ilaavoq. Peqqussutip silataanut pissapput pisortatigut immaqaluunniit pisortaniit akuerineqarnikut suliffeqarfiit pisortatigut ingerlatsisunut atasut, akeqanngitsumik ingerlatsinerit, isertitanit nuussinerit assigisaallu, soorlu assersuutigalugu napparsimavimmik ingerlatsinerit, atuarfiit, utoqqarnit isumaginninneq, ikiuutit il.il. Kisianni ikiuutit tunniunneqartut assersuutigalugu Royal Greenland A/S, Kalaallit Niuerfiat Detail A/S, Kalaallit Niuerfiat Service A/S aammalu umiarsuaateqarfimmik aktienik piginneqatigiiffimmiit ilagaat.

§ 2, nr. 1, imm. 2 aalajangerpaa unammilleqatigiinnermut inatsimmut akuliunnissamut pisinnaatitaanerit atuussinnanngitsut taakkua pissutsit siornatigut pisortanit aaqqiiffigineqarnikuuppata immikkut tunngavik najoqqutaralugu. Ilanngussinnginnermut piumasaqaataassaaq taanna immikkut tunngavik atorneqassasoq. Inuussutissarsiorneq pisortatigut piginnaatitaaffeqalerfioreersumi immaqaluunniit akuersinermi ilaavoq ilanngunneqannginnermut akuliunnissamut pisinnaatitaaffinniit, taamaasillutik pissutsit kisimik toqqaannaq aalajangerneqarnikut piginnaatitaanikkut immaqaluunniit akuersinikkut.

Østre Landsrettip tunngavilersuutaa inerniliineralu

Kalaallit Niuerfiat Inatsisartut peqqussutaat malillugu allanngortinneqarpoq pilersinneqarluni Kalaallit Niuerfiat Service A/S (maannakkut KNI Pilersuisoq A/S) ilaatigut siunertaralugu suliffeqarfiup ingerlatsinissaa nuna tamakkerlugu uuliamik tuniniaaneq, aammalu pisussaaffigalugu ilaannakortumik ingerlatsinissamik Namminersornerullutik Oqartussat peqatigalugit isumaqatigiissusiornissaq pisussaaffiup eqquutsinnissaanut aammali suliffeqarfiup niertorpalaartuunissaanut ingerlatsinissaq toqqammavigalugu.

KNI Pilersuisoq A/S-ip aammalu Sulisitsisut Peqatigiiffiata akornanni uuliamik tuniniaanermik isumaqatigiissut malittarisamut ataasiakkaanik nioqquteqarnermut atatillugu ilaatigut takuneqarsinnaavoq KNI Pilersuisoq A/S pisiassanik ataasiakkaanik nioqquteqarnermut pilersuisussaatitaaneq taamaallaat tuniniaasunut tunniussinnaagaa Sulisitsisut Peqatigiiffianut ilaasortanut (isumaqatigiissummi § 2, imm. 1), tuniniaasut pisiarineqarami akit aalajangersussagaat KNI Pilersuisoq A/S-ip aammalu Sulisitsisut Peqatigiiffiata isumaqatigiissusiorneranit (isumaqatigiissummi § 3), tuniniaasut nassiussinermut akiliutaat aalajangerneqassasoq Sulisitsisut Peqatigiiffiata aammalu tuniniaasut isumaqatigiinnerannit (Isumaqatigiissummi § 4, imm. 2), tuniniaasut ukiumut ataasiarlutik pisiarinerani akit aammalu akiliutit Sulisitsisut Peqatigiiffiannut nalunaarutigisassagaat (isumaqatigiissummi § 5, imm. 3), aammalu tuniniaasut pisussaatitaaffeqartut sanaat tuniniarneranni akit qaqagukkulluunnit atussallugit KNI PIlersuisoq A/S-ip aalajagigai akit aammalu akikillilerutit makkununnga sanaanut (malittarisaq pisianut ataasiakkaanik nioqqutissanik isumaqatigiissummi § 7, imm. 1).

Inatsisartut peqqusutaaniluunniit Kalaallit Niuertarfiata allanngornerani immaqaluunniit kingusinnerusukkut taamaattumik immikkuullarissumik tunngavimmik sanasoqarnikuunngilaq pisortatigut aaqqiinissamik Kalaallit Nunaanni uuliamik pilersuinermut, suliffeqarfimmillu ingerlatsineq aalajangersakkanut taakkartorneqartunut naapertuullugu uuliamik tuniniaasinnaanermut isumaqatigiissummi aammalu malittarisaq ataasiakkaanik nioqquteqarnermut §2, nr.1, imm. 2-mut ilaasut unammillernermut tunngasumut taamanernisaq Inatsisartut Inatsisiliaat nr. 28, 30. oktober 1992-meersumut.

Østre Landsrettip taamaattumik Unammilleqatigiinnermi aalajangiisartut piumasaqaataat tusaatissatut tiguaat, taamaaillunilu suliassaq Nunatta Eqqartuussisuuneqarfiani nanginneqassaaq.

Taamaattumik eqqortuutinneqarpoq:

Nunatta Eqqartuussisuuneqarfiata eqqartuussutaa allanngortinneqarpoq imaalillugu sassaqqusaasoq KNI A/S pisussaaffilerneqassasoq akuerissallugu suliffeqarfik soorlu imarineqartoq §2, imm. 1, § 3, § 4, imm. 2 aammalu § 5, imm. 3-mi KNI Pilersuisoq A/S-ip aammalu Sulisitsisut Peqatigiiffianni uuliamik tuniniaasinnaanermut isumaqatigiissutaanni ulloq 12. november 2000-meersumi kiisalu imarineqartoq § 7, imm. 1-imi uuliamik tuniniaasinnaanermut isumaqatigiissummut atasumut malittarisaq ataasiakkaanik nioqquteqarnermut §2, nr. 1, imm. 2-mut ilaanngitsoq unammillernermut tunngasoq taamanernisaq Inatsisartut Inatsisiliaat nr. 28, 30. Oktoberi 1992-meersumut.

(Sign.)

_ _ _

Udskriftens rigtighed bekræftes. Østre Landsrets kontor, den 17.10.09

P.j.v

Scroll to Top