Royal Greenland A/S aamma Maniitsoq Skindcenter A/S

3.april 2009

Unammilleqatigiinnermi Aalajangiisartut aprilip pingajuani 2009 ataatsimiinnerminni aalajangerput Royal Greenland A/S imatut nalunaarfigissallugu:

– Royal Greenland A/S-ip Maniitsoq Skindceter A/S-illu aprilip tallimaani 2002 Maniitsumi illunik tunisassiorfittut atorsimasunik arfineq pingasunik niiveqatigiinnerannut unammilleqatigiinnermi immikkut isumaqatigiissutaat Unammilleqatigiinneq pillugu inatsisip § 6 immikkoortoq 1 malillugu unioqqutitsissutigineqarsinnaasumik malunnaatilimmik killiliinissamik siunertaqanngitsoq

 

Siunnersuisartoqatigiit Aalajangiisartullu Aqutsisoqarfiat – Unammillernermi nakkutilliisut

Aalajangiinermi oqaaseqaat

Royal Greenland A/S

Qasapi 4

Box 1079

3900 Nuuk

Uunga: Andor Thomsen

Suliamut 2008-010185/60.52.00.130-mut tunngatillugu.

 

Aalajangiineq

Unammilleqatigiinnermut aalajangiisartut aprilip pingajuani 2009 ataatsimiinnerminni aalajangerput Royal Greenland A/S imatut nalunaarfigissallugu:

Royal Greenland A/S-ip Maniitsoq Skindcenter A/S-illu aprilip tallimaani 2002 Maniitsumi tunisassiorfiit arfineq pingasunik niiveqatigiinnerannut unammilleqatigiinnermi immikkut isumaqatigiissutaat Unammilleqatigiinneq pillugu inatsisip § 6 immikkoortoq 1 malillugu unioqqutitsissutigineqarsinnaasumik malunnaatilimmik killiliinissamik siunertaqanngitsoq.

 

Tunuliaqutaa suliallu ingerlanneqarnera.

Suliami pineqarput Maniitsumi illorsuit tunisassiorfittut atorneqartartut arfineq pingasut Royal Greenland A/S-ip Maniitsoq Skindcenter A/S-imut tunisimasai pillugit.

Suliaq nalunaarutigineqaqqippoq augustip aallaqqaataani 2008 Unammilleqatigiinnermi inatsisip nutaanngitsup nutaallu atuutilertussap ikaarsaariarnerisa nalaani. Unanmilleqatigiinnermut aalajangiisartut ataatsimiinnerminni siullermi junip 17-ani 2004 suliaq aalajangiiffigereernikuusimangaluarpaat. Unammilleqatigiinnermut atatillugu immikkut isumaqatigiissutaat mannakkut Unamilleqatigiinnermi inatsit atuuttoq malillugu suliareqqitassanngorlugu nalunaarutigineqarsimavoq, suliffeqarfiit isumaqatigiissutaat inatsimmut unioqqutitsissutaasinnaammat § 8 immikkoortoq 1 aallaavingalugu inerteqqutigineqartumut ilaatinngitsinneqarnissaa anguniarlugu.

Royal Greenland A/S-ip aprilip 12-ani 2002 Unammilleqatigiinnermi aalajangiisartut nalileeqqullugit piumaffigivaat, inaarutaasumik isumaqatigiissutip piumasaqaatitallip aprilip tallimaani 2002 atsiorneqarsimasup tunisassiorfiit arfineq pingasut Maniitsumi Royal Greenland A/S-ip Maniitsoq Skindcenter A/S-imut tunisimasai Unammilleqatigiinnermi inatsisip pisoqqap nalunaaruteqarnissamut akuliunnissamullu aalajangersanganut ilaatinneqarnersut, Unammilleqatigiinnerup inatsisaanut pisoqqamut § 5 immikkortoq 1 aammalu §§ 11-15 malillugit.

Royal Greenland A/S-ip Unammilleqatigiinnermi aalajangiisartunut immikkut piumasaralugu nalileqqusimavaat inaarutaasumi isumaqatigiissutip § 6-ani ukiuni qulini unammilleqatigiinnermut atatillugu init atorneqarsinnaatitaaneranut aalajangersangaa.

Unammilleqatigiinermi aalajangiisartut Royal Greenland A/S majip 23-ani 2002 allakkatigut ilisimatippaa maannakkuugallartoq naliliinini imatut inissikkallarsimallugu:

  • Qularnaallugu oqaatigineqarsinnaanngikkallartoq, unammilleqatigiinnerup tungaatigut immikkut aalajangersakkap unammilleqatigiinnermi inatsisip § 13 malillugu atornerluisoqarsimasinnaanera, Royal Greenland A/S tunisisutut pingaaruteqarnerpaatut inissisimanera pissutingalugu,
  • Unammilleqatigiinnerup tungaatigut immikkut aalajangersagaq inaarutaasumi isuaqatigiissummut ilanngunneqassappat Unammilleqatigiinnermut aalajangiisartunut nalunaatigineqartariaqartoq,
  • Royal Greenland A/S immikkut akuerisaasumik tunngavissinneqarsimalluni ingerlatsinngitsoq, taamaalillunilu pisortanik nakkutigineqarluni inuutissarsiornermik ingerlatsisutut taaneqarsinnaanngitsoq,
  • Unammilleqatigiinnermi inatsisip §§ 11, 12 aamma 13-mi killilersuinermut pineqaatissinneqarsinnaanermullu aalajangersaangai Royal Greenland A/S-imut atuutsinneqarsinnaanngitsut,

Tamatuma kingorna Royal Greenland A/S-ip juni 27-anip 2002 allakkiami Unammilleqatigiinnermi aalajangiisartut nalunaarfigivaat, Royal Greenland A/S kiisalu Maniitsoq Skindcenter A/S-ilu piumasat allanngortinnaguit inaarutaasumik isumaqatigiissuteqarsimasut.

Unammilleqatigiinnerni aalajangiisartut junip 17-ani 2004 ataatsimiinnerminni suliami aalajangiipput, tassanilu aalajangiinerminni aprilip tallimaani 2002 Maniitsoq Skindcenter A/S-imut tunisassiorfiit arfineq pingasunik tunisinermi isumaqatigiissut tamatuma nalaani unammilleqatigiinnermut inatsisip atuuttup § 5 immikkortoq 1-imi nalunaartussaatitaaneranut ilaatinneqannginnera isummerfingalugu. Kiisalu aalajangiisartut isummerput, isumaqatigiissutip immikkut aalajangersangaannut ukiuni qulini atuutsinneqartussamut naammaginartumik pissuteqaratik akulerunnissaminnut unammilleqatigiinnermi inatsisitoqqap §§ 11 aamma 13 aalajangersangai aallaavingalugit. Tamatuma kingorna Unammilleqatigiinnermi aalajangiisartut suliaq naammassineqartut isigivaat.

April tallimaani 2002, Royal Greenland A/S tunisisutut, pisisutullu Maniitsoq Skindcenter A/S, inarutaasumik, kisianni piumasaqaatitalimmik isumaqatigiissummik atsioqatigiipput, tunisassiorfiit arfineq pngasut Maniitsumiittut tunineqarneri pillugit. Tunisat tiguneqarnissaat pisussanngortinneqarput junip 16-ani 2002. Illut tunisassiorfiit pineqartut, B 62A, B 62 C, B 62D, B 62E, B 62F, B 694, B 695 kiisalu B 748, tamarmik inuttissarsiornermut atatillugu Royal Greenland A/S-imiit Maniitsumi rejenik tunitsivittut taakkuninngalu tunisarssiorfittut atorneqarsimapput.

Pisiaritinneqartunut tamarmiusunut akigitinneqartussatut isumaqatigiissutigineqarsimavoq kr. 1,00, taannalu tunisassiorfiit taakku arfineq pingasuusut tiguneqarnerini akiligassanngorlugu aalajangiussaavoq.

Inaarutaasumik isumaqatigiissummi § 6 immikkoortoq 1 imatut oqaasertaqarpoq:

”Pisisup pisiami tigunissaanut atatillugu tunisisip immikkut piumasaqaataa pisiat tiguneraninngaaniit ukiut qulit tunisisumut unammillersinnaasumik, tigunerisa nalaani Royal Greenland A/S-ip, taassuma piginneqatiiffiisa allamik aqunneqartut, imaluunniit kattuffiisa  tunisassioriaasii aallaavingalugit suliffiuteqassanani neriorsussangaa.”

Tunisarsiorfiit illorsuaataasa tuninerannut atatillugut Royal Greenland A/S-ip pisisoq, Maniitsoq Skindcenter A/S, ukiuni quliusi unammillersinnaaneranut killiliiffingaa. Taannaana killiliineq Royal Greenland A/S-ip Unammilleqatigiinnermut aalajangiisartunut nalileqqullugu saqqummiuppaa, tassalu aamma aalajangersangaq taannarpiaq maannakkut Unammilleqatigiinnermut nakkutilliisunut 01. august 2008 nalunaarutigeqqinneqartoq.

 

Suliffeqarfiit

Royal Greenland A/S

Royal Greenland A/S suliffeqartut tamakkiisumik – 100 % – Namminersornerullutik Oqartussanik pigineqarpoq, taassumalu saniatigut aalisakkerinermi suliffeqarfittut nunarsuarmi annersaannut ilaalluni. !997-miit 2002 angullugu Royal Greenland A/S-ip sulisumi amerlassusaat 39,1 %-mik appariartippai, annerusumik NUKA A/S-imiit, pilersinneqarsimasoq 1998/1999, avissaannerata kingorna peqqutilimmik. Sulisut appariarneranut pissutaasa aappaattut annertunertuutut taaneqartarpoq, ilaatigut raajanik tunisassiorfiit Nuummi Maniitsumilu 2002-mi matuneqarimaneri.

Royal Greenland suliffeqarfissuuvoq imikkoortortalik, ukioq taanna tunisassiorfiit arfineq pingasut tuninerisa nalaani 3,6 mia. kr. missaanii kaaviiaartitaqarluni, kiisalu ukiumi naatsorsiuffimmi 2006/2007-mi kaaviiaartitai 5,1 mia. kr. missaaniissimallutik.

2002 tungaanut Royal Greenland A/S Maniitsumi kisiartaaginnarani, aammali tassaasimavoq raajanik tunisarssiortut annersaat. Taamaalilluni Royal Greenland A/S Maniitsumi tunisassiorfiit 2002-mi matunissaata tungaanut saqquminerpaasimavoq.

Maniitsoq Skindcenter A/S

Maniitsoq Skindcenter A/S pigineqarpoq Maniitsoq Kommunimik kiisalu SULISA A/S-imik, kingulleq taaneqartoq Royal Greenland A/S-mik Namminersornerusumik Oqartussanillu pigineqarluni. Royal Greenland A/S SULISA A/S-miit piginnittutut 2004 qiteqqunnerani tunuarpoq. Maniitsoq Skindcenter A/S akiliisinnaajunnaartut nalunaarutigineqarpoq julip 11-ani 2003, tamatumalu kingorna suliassartaa allartinneqarluni.

 

Tuniniaaviup allaatiginninnera

Inaarutaasumik isumaqatiissutip eqqartorpai suliffeqarfiit arlallit tunineqarneri, matuneqannginnerminni tassaasimallutik Royal Greenland A/S-ip Maniitsumi raajanik tunisassiorfigisimasai. Unammilleqatigiinnermut killiliinerup kingunerivaa, tunitsiviit taakku arfineq pingasut unammilliutaasinnaasunik, tigunerisa nalaani Royal Greenland A/S-ip, tunisassioriaasia aallaavingalugu tunisassiorfitttut atorneqarnissaat pinngitsoortinneqassasoq. Royal Greenland A/S tunisassiortunik allanik assigusumik tunisassioriaasilimmik, taamaasilluni assigusunik tunisassiortunit kissaatiginngisaminik unammillerneqarnissaminut qulakkeerinnippoq. Tamatuma unammillernissamik killiliinerup taamaallaat siunertarivaa tunisassiorfiit taakkua unammilliutaasinnaasumik atorneqarnissaata pinngitsoortinniarnissaa, kisianni tamassuma saniatigut illuatungeriit pineqartut imminnut allatut unammillersinnaanissaannut attuumassuteqanngilaq.

 

Qallunaat suleriusaat unammilleqatigiinnermi immikkut piumasaqaatinik

Ataani atuagassiarineqarpoq qallunaat suliassaataat unammilleqatigiinnermi immikkut piumasaqaatiti pillugit, taanna 2004-mi Unammilleqatigiinnermut aalajangiisartunut saqqummiunneqarnikuuvoq.

 

Københavnip umiarsualivia

Danmarkimi Unammilleqatigiinnermi siunnersuisartut 1998-mi suliami unammilleqatigiinnermi immikkut piumasaqaammik piffissaligaanngitsumik aalajangingaqarput. Københavnip umiarsualiviata containerip kranianik atornikumik tunisinerminut atatillugu pisisoq, A. Henriksen Shipping, pisussaaffilersimavaa. Tunisinernini immikkut piumasaqaatigisimavaa, A. Henriksen Shippingip unammillertitut tamatuma kingorna krani umiarsuarnut containerinit nioraanermi ikioraanermiluunniit Københavnip umiarsualiviani atussanngikka. Unammilleqatigiinnermi siunnersuisartut aalajangerpaat, tamanna unammilleqatigiinnermut killilersuisoq, taannalu aalajangerneq Københavnip umiarsualiveqarfiata Unammilleqatigiinnermi aalajangiisartunut ingerlateqippaat. Taakku Unamilleqatigiinnermi siunnersuisartut majip 27-ani 1998-mi aalajangersimasaat atuuttussaajunnaarsippaat Decemberi 1998. Tassungalu atatillugu Unammilleqatigiinnermi aalajangiisartut imatut oqaaseqaateqarput:

“A. Henriksen Shippingip Københavnip umiarsualiveqarfianit containerinut kranimik Hundestedimut inissinneqarnissaa siunertaralugu pisiaa umiarsuarnik containerinik usisartunut periarfissiivoq Københavnip umiarsualiviata avataani Sjællandimi usilersuisarfimmik pilersitsisoqarnissaanik. Pisinermut isumaqatigiissutaata A. Henriksen Shippinngi pisiami atorluaasinnaaneringalua killilersorpaa, kisianni A. Henriksen Shippingip atortuminik allami tuniniaanissaanut killilernagu. Tamatuma kingunerisaanik isumaqatigiissummi killiliineq tamakkiisumik isigineqartariaqarpoq, taamaasillunilu tunngavissaqarsorinanngilaq oqaatigissallugu tuniniaasinnaanermut isumaqatigiissut imatut killiliisimatigisoq tuniniaavimmut kalluaasimasimatingaluni, unammilleqatigiinnermut inatsisip  § 6 immikkoortoq 1-mi malillugu unammilleqatigiinnermi killiliiniartutut nalilerneqartariaqarluni.”

Takuneqarsinnaasutut pingaaartinneqarpoq unammilleqatigiinnermut atatillugu immikkut isumaqatigiissutaasup avatangiisini imatut kalluarsimassangikkai, unammilleqatigiinneq innarlerneqarsimasutut malunnaatilimmik kinguariartinneqartutullu taasariaqarluni.

 

Naliliineq

Suliap misissoqqissaarnerani, arlaatigut takussutissaqanngilaq Royal Greenland A/S-ip pisisuni pisineranut atatillugu ajornerusumik inississimaneraa imaluunniit pisinissaanut atatillugu niiverniarnermut ajornarnerusunik periarfissimaneraa, tamatumalu kingunerisaanik unammilleqatigiinnermut inatsisip § 6 immikkoortoq 1 malillugu malunnaatilimmik unammillersinnaanera kinguariartissimaneraa.

 

Inerniliineq

Unammilleqatigiinermut aalajangiisartut ulloq 17. juni 2004 Royal Greenland A/S-imut Maniitsoq Skindscenter A/S-imullu atatillugu unammilleqatigiinermut immikkut isumaqatigiissutaat unammilleqatigiissinnaanerannut akornutaasinnaanersoq aalajangiiffigisimavaat. Unammilleqatigiinnermut aalajangiisartut 2004-mi inerniliisimapput, immikkut isumqatigiissutaat imatut innarliisimatigisutut isisigineqartariaqanngitsoq, Unammilleqatigiinnermut aalajangiisartut taamaatut isumaqatigiissusiorsinnaaneq inerteqqutinngortariaqarlugu.

Unammilleqatigiinnermi immikkut isumaqatigiissut nalunaarutigineqaqqippoq Unammilleqatigiinnermi inatsisip nutaanngitsup nutaallu atuutilertussap ikaarsaariarnerisa nalaani § 8 immikkortoq 1 malillugu pisussaajunnaarsitaaneq anguniarlugu. Unammilleqatigiinnermut aalajangiisartut naliliipput, tamatut unammilleqatigiinermut immikkut isumaqatigiissusiorneq unamilleqatigiissinnaanermut malunnaatilimmik killilersuinngitsoq, tamannalu toqqaamavingalugu inerniliillutik, isumaqatiissut Unammilleqatigiinnermi inatsisip § 6 immikkortoq 1-imut unioqqutitsinerunngitsoq.

Scroll to Top