UAGUT MARGRETHE AAPPAATA, Guutip saammaassineragut Danmarkip dronningia,
nalunaarutigaarput:
Inatsimmi nr. 1098-imi 21. december 1994-imeersumii § 8, inatsimmi nr. 391-imi 14. juni
1995-imeersumiii § 26, aamma inatsimmi nr. 213-imi 22. april 2002-meersumi iii § 3
naapertorlugit aalajangersarneqarpoq:
§ 1. Pisisarneq pillugu inatsimmi allannguutit, isumaqatigiissutit aamma
pisuussutaateqarnermut tunngassutilinni neriorsueqatigiinnerit inatsisitigut pisussaaffiliisut
allat aamma inatsisit ilaat allat pillugit inatsisip allannguutai pillugit inatsimmi nr. 1098-imi
- december 1994-imeersumi § 2-kkut (Pisisartunik isumaqatigiissuteqarnerit ilaanni il.il.
atugassarititat naleqqutinngitsut), illuutinik il.il. pisinermi atuisartunik illersuinissaq pillugu
inatsimmi nr. 391-imi 14. juni 1995-imeersumi § 25-kkut aamma pisisarneq pillugu
inatsimmik allannguineq pillugu inatsisikkut nr. 213-ikkut 22. april 2002-meersukkut
(atuisartutut pisinermi il.il. malittarisassanik nutarterineq) piviusunngortinneqarsimasut
Kalaallit Nunaannut atortuulersinneqarput peqqussummi matumani § 2 naapertorlugu.
§ 2. Pisisarneq pillugu inatsimmi, tak. § 1, nr. 1, pisuussutaateqarnermut tunngassutillit ilaat
pillugit inatsisit il.il. Kalaallit Nunaannut atortuulersitsinermik inatsimmi nr. 104-mi 31. marts
1965-imeersumi, allanngortinneqartukkut inatsisikkut nr. 409-kkut 30. november 1965-
imeersukkut, peqqussutikkut nr. 586-ikkut 19. november 1973-imeersukkut, peqqussutikkut
- 12-ikkut 9. januar 1980-imeersukkut, peqqussutikkut nr. 350-ikkut 14. juni 1980-
imeersukkut, peqqussutikkut nr. 633-kkut 31. december 1980-imeersukkut aammalu
inatsisikkut nr. 271-ikkut 2. maj 1990-imeersukkut makkua allanngortinneqarput:
1.§ 1, imm. 2, imatut oqaasertalerneqarpoq:
» Imm. 2. Atuisartutut pisinerni, tak. § 4 a, § 2, imm. 1, § 4 a, § 50, §§ 55-58, §§ 74 aamma
UPA 2011/90
IAN Suliap nr. 2008-006258
1
75, § 76, imm. 1, nr. 1-3, aamma imm. 2 aamma 3, §§ 77-79, § 80, imm. 1, aamma §§ 81-87
sanioqqunneqarsinnaanngillat pisisumut ajoqutaasumik.«
- § 1 a, imm. 2 aamma 3, imatut oqaasertalerneqarput:
»Imm. 2 §§ 72-87 atuisartutut pisinermi taamaallaat atuupput.
Imm. 3. §§ 5, 10 aamma 11, § 17, imm. 2, § 42, § 43, imm. 1 aamma 2, § 44, §§ 47-49
aamma 52-54 atuisartutut pisinermi atuutinngillat.«
3.§ 2 imatut oqaasertalerneqarpoq:
Ȥ 2. Sanaqqaagassanik inniminniineq pisinertut inatsimmi uani isigineqarpoq. Atuisartutut
pisinerunngitsuni tamanna taamaallaat atuutissaaq, sananissamut atortussat pisariaqartut
amerlanersaat sanaartortuusumiit isumagineqarpata.
Imm. 2. Inatsit illuliornermut imaluunniit illuutini atortulersuutinik allanik ikkussuinermut
atuutinngilaq.
Imm. 3. Inatsimmi uani pisisarneq pillugu aalajangiussat pisianik taarsiinermi taamatulli
atuutsinneqassapput.«
4.§ 4 a, imm. 1, oqaaseqatigiit siulliit, imatut oqaasertalerneqarput:
»Atuisartutut pisineq imatut paasineqassaaq, pisisup (atuisartoq) inuussutissarsiutilimmi,
inuussutissarsiutimi ilaatut iliuuseqartumi pisineratut, pisisoq inuussutissarsiutimi avataatigut
pisiniarpat.«
5.§ 54, imm. 1-imi, ukioq ataaseq« allanngortinneqassaaq imatut: »ukiut marluk«.
6.§ 54-imi imm. 2-tut ilanngunneqassaaq:
»Imm. 2. Sanaartornermi atortussanik pisinermi piffissarititaq imm. 1-imi eqqaaneqartoq
sanaartukkap tunniunneqarneraniit ukiunik 5-inik sivisussuseqarpoq, atortussalli pisisumut
tunniunneqarneranniit sivisunerpaamik ukiunik 6-inik sivisussuseqassaaq.«
- § 75-ip kingorna ilanngunneqassaaq:
»Pisatap tuniniakkap isumaqatigiissummut naapertuunnera (amigaatit)
§ 75 a. Pisataq tuniniagaq suussutsimigut, angissutsimigut, pitsaassutsimigut
piginnaasamigullu allatigut isumaqatigiissummut naapertuutissaaq, pisisullu pisinerminut
atatillugu paasissutissat pisariaqartut pissavai ikkussuinissaq, atuinissaq, toqqortarinninnissaq
pisiamillu aserfallatsaaliuinissaq siunertaralugu.
Imm. 2. Illuatungeriit isumaqatigiissutiminni allamik ilanngussaqarsimanngippata, pisiaq
1) imatut qajannaassuseqassaaq allanillu piginnaasaqassalluni kiisalu poortorsimassaaq,
pisisup pisiap qanoq ittuunera pissutsillu allat naapertorlugit naleqquttumik pissutissaqarluni
ilimagisaatut issalluni,
2
2) atorfissaminut piukkunnartuussaaq, pisattat taassumatut ittut atorneqarfissaannut tulluartuussalluni,
3) pisisup immikkut siunertaanut piukkunnartuussaaq, tuniniaasup pisisoq tamatuminnga
ilimasunnerulersissimappagu, aammalu
4) nioqqutissap misiliutip imaluunniit ilusilersukkap, tuniniaasup pisinermi pisisumut
saqqummiussimasaata, piginnaasaasa assinginik piginnaasaqassaaq.«
- § 76 sioqqullugu qulequtaq atorunnaarpoq.
- §§ 76 aamma 77 imatut oqaasertalerneqarput:
Ȥ 76. Pisiaq amigaateqarsimassaaq
1) pisataq taaguummut tunisinermi taaguutigitinneqartumut naapertuutinngippat,
imaluunniit tuniniaasoq pisinerup naammassineqarnerani eqqunngitsunik
paatsiveerussaataasunilluunniit paasissutissiisimappat, isumaqartoqanngippat tamakku
pisisup pisattamik naliliineranut pingaaruteqanngitsuusut,
2) tuniniaasoq imaluunniit siornatigut tuniniaasuusimasoq pisattap poortuutaani,
ussassaarutini imaluunniit nalunaarutini allani, tamanut pisisumulluunniit
ilisimasassiissutitut naatsorsuussaasuni, nr. 1-imi eqqaaneqartutut
paasissutissiisimappat,
3) tuniniaasup pisisoq pissutsinik, pisisup pisattamik naliliineranut pingaaruteqartumik,
tuniniaasullu ilisimasaanik imaluunniit ilisimasariaqaragaanik
paasissutissinngitsoorsimappagu, imaluunniit
4) pisataq isumaqatigiissummi allassimasuniit aamma pissutsinit atuuttuniit allaaneruppat
imaluunniit ajornermik pitsaassuseqarpat imaluunniit atorneqarsinnaassuseqarpat,
aamma § 75 a-mi piumasaqaatit naammassineqarsimanngippata.
Imm. 2. Pisisup paasissutissaq, kingusinnerpaamik isumaqatigiissuteqartoqarnerani
aaqqinneqarsimasoq eqqunngitsutut imaluunniit paasiuminaatsutut taasinaanngilaa.
Imm. 3. Atortussat, pisisup pissarsiarisimasai, amigaateqartutut taaneqarsinnaanngillat
tuniniaasoq ilitsersuisussaatitaanerminik sumiginnaasimanngippat.
§ 77. Pisatap tuniniakkap amigaateqarneranik pisisup taakkartuisinnaannginnera pillugu
isumaqatigiissummi aalajangersakkat pissamaarusiussallu allat, assersuutigalugu tuniniagaq
taamaatsillugu tunineqarnerarlugu, pisisumut atuutsinniarneqarsinnaanngillat.
Imm. 2. Kaattaassinermi tamanut ammasumi, pisisup nammineerluni najuunnissaminut
periarfissaqarfigisaani, atornikunik pisinermi, pisisoq taamaallaat amigaateqarneraasinnaavoq
tamanna § 76, imm. 1, nr. 1-3-mut naapertuuppat imaluunniit pisiaq pisisup pissutsit
naapertorlugit naatsorsuutigisaaniit assut ajorneruppat,.«
10.§ 77-ip kingorna ilanngunneqassaaq:
Ȥ 77 a. Pisataq tuniniagaq amigaateqarnersoq aalajangiinermi, nioqqutissaq
ajortissagaluarpat kiap akiliisussaanerata nalorninartoqarnerata nalaani, nioqqutissap qanoq
issusaa aallaavigalugu aalajangiisoqartassaaq. Nioqqutissaq tamatuma nalaani amigaateqarpat
tuniniaasup tamanna akisussaaffigissavaa, tamanna kingusinnerusukkulluunniit
paasineqaraluarpat.
3
Imm. 2. Pisataq tuniniagaq §§ 75a-77 naapertorlugu piumasaqaatigineqarsinnaasunut
naapertuutinngippat, tamannalu tuniniaasup pisussaaffimminik isumaqatigiissummiittunik
naammassinnissimannginneranik pissuteqarpat, pisiaq imm. 1 apeqqutaatinnagu tamatigut
amigaateqarsimassaaq.
Imm. 3. Tunniussinermiit qaammatit arfinillit qaangiutsinnagit paasinarsippat tuniniagaq
piumasaqaatinut §§ 75 a aamma 76-imiittunut naapertuutinngitsuusoq, ilimagineqassaaq
naapertuutinnginneq piffissami imm. 1-imi eqqaaneqartumi piusimasoq, imaanngippat
taamatut ilimasunneq tuniniarneqartup imaluunniit naapertuutinnginnerup suussusaanut
atassuserneqarsinaanngitsuusoq.
§ 77 b. Pisisoq amigaammik, isumaqatigiissusiortoqarnerani ilisimasimasaminik imaluunniit
ilisimasariaqarsimasaminik, taakkartuisinnaanngilaq, tamanna isumaqatigiissummiittunik
tunngaveqanngippat imaluunniit tuniniaasoq nalinginnaasumik unneqqarissaarnermut
akerliusumik iliuuseqarsimanngippat.«
- §§ 78 aamma 79 imatut oqaasertalerneqarput:
»Pisisup amigaatinik taakkartuinissaminut pisinnaatitaanera
§ 78. Pisataq tuniniagaq amigaateqarpat pisisup periarfissarai
1) amigaataasumik iluarsiivigineqarnissaq
2) nioqqutissamik allamik tunineqarnissaq, isumaqatigiissummut naapertuuttumik
(allamik tunniussineq),
3) pisiap akianik naleqquttumik appaaffigineqarnissaq, imaluunniit
4) pisiamik utertitsinissaq, amigaat annikigisassaanngitsuuppat.
Imm. 2. Pisisup piumasarisinnaanngilaa allamik tunniussisoqassasoq imaluunniit
iluarsiisoqassasoq, pisinnaatitaaneq toqqarneqartoq naammassineqarsinnaanngippat
imaluunniit tuniniaasoq amerlavallaanik aningaasartuuteqartinneqassappat. Tamatumani
isiginiarneqartassaaq nioqqutissap tuniniakkap amigaateqanngitsup nalinga, amigaatip
pingaassusaa aammalu pisinnaatitaaneq alla pisisumut ajoqutaanngitsumik
naammassineqarsinnaanersoq.
Imm. 3. Tuniniaasoq iluarsiinissamik imaluunniit allamik tunniussinissamik
neqerooruteqarpat, pisisup piumasarisinnaanngilaa pisiap akia naleqquttumik
appaaffigineqassasoq imaluunniit pisiaq utertsinneqassasoq.
Imm. 4. Tuniniaasup iluarsiinissamik imaluunniit allamik tunniussaqarnissamik
piumasaqaatit imaluunniit neqeroorutit piffissap naleqquttup iluani naammassissavai,
pisisumut aningaasartuutaanngitsumik aammalu annertuumik ajoqutaanngitsumik, tak. § 79.
Taamatut pisoqanngippat, pisisup piumasarisinnaavaa pisiami akianik appaaffigineqassalluni,
allamik tunineqassalluni imaluunnit amigaataasumik iluarsiisitsilluni tuniniaasup akiligaanik,
taamaattoqarsinnaappat amerlavallaanik aningaasartuuteqartoqarani.
4
§ 79. Iluarsiineq imaluunniit allamik tunniussineq piffissap naleqquttup iluani pisimanersoq
aalajangiinermi, tak. § 78, imm. 4, pingaarnermik isiginiarneqartassaaq pisattap suussusaa,
amigaatip qanoq ittuunera aamma pisisup pisattamik pisariaqartitsinera, aamma
isiginiarneqassalluni tuniniaasup nammineq akilikkaminik pisisoq pisatamik taartitut
atugassissimaneraa.
Imm. 2. Pisisup pisiaminut akiliutissani uninngatissinnaavai, iluarsiinissamik imaluunniit
allamik tunniussinissamik piumasaqaatit imaluunniit neqeroorutit naammassineqarnissaasa
tungaannut. Amigaat pingaaruteqanngitsutut isigineqartariaqarpat, pisisup aningaasat,
amigaatip iluarsiivigineqarneranut akiliutigineqartussat qaangerlugit
amerlassuseqassangatinneqartut uninngatissinnaanngilai.«
- § 81 imatut oqaasertalerneqarpoq:
Ȥ 81. Pisisoq amigaammik taakkartuiniaruni, amigaat paasiguniuk tuniniaasoq tamatuminnga
nalunaarfigissavaa piffissap naleqquttup iluani. Taamaaliortoqanngippat pisisup amigaammik
taakkartuisinnaanini annaassavaa. Pisisup amigaammik paasinninneraniit qaammatit marluk
qaangiutsinnagit nalunaaruteqarneq piffissaq eqqorlugu pisutut tamatigut isigineqartassaaq.«
- § 83, imm. 1-imi »ukioq 1« allanngortinneqassaaq ima »ukiut 2«.
- § 83-imi imm. 2-tut ilanngunneqassaaq:
»Imm. 2. § 54, imm. 2, taamatulli atuutissaaq.«
- § 85 imatut oqaasertalerneqarpoq:
Ȥ 85. Pisisoq amigaammik nioqqutissiortumut imaluunniit inuussutissarsiutilimmut allamut,
pisinermut atatillugu amigaataasinnaasunik iluarsiiumasimasumut taakkartuiguni, pisisup
amigaat paasiguniuk tamanna tuniniaasumut imaluunniit inuussutissarsiutilimmut allamut
piffissap naleqquttup iluani nalunaarutigissavaa. Taamaaliortoqanngippat pisisup
amigaammik taakkartuisinnaanini annaassavaa. Pisisup amigaammik paasinninneraniit
qaammatit marluk qaangiutsinnagit nalunaaruteqarneq piffissaq eqqorlugu pisutut tamatigut
isigineqartassaaq.«
- § 86-ip kingorna ikkunneqassaaq:
»Inatsisit toqqarneqarsinnaasut pillugit isumaqatigiissutit ilaat
§ 87. Isumaqatigiissummi aalajangerneqarsimappat, nunami Kalaallit Nunaata aamma Det
Europæiske Økonomiske Samarbejdsområdip avataaniittumi inatsisit isumaqatigiissummut
atuutsinneqassasut, atuisoq Kalaallit Nunaanni amigaatit pillugit inatsisini aalajangersakkanik
sanioqqunneqarsinnaanngitsunik taakkartuisinnaavortaaq, inatsisit toqqarneqarsinnaasut
pillugit isumaqatigiissuteqanngitsuuppat taakku Kalaallit Nunaanni
inatsisaasimassagaluarpata isumaqatigiissummut atuutsinneqartut, imaluunniit nunami Det
Europæiske Samarbejdsområdip iluani inatsisit toqqarneqarsinnaasut pillugit
isumaqatigiissuteqanngitsuuppat nunami tassani inatsisaasimassagaluarpata
isumaqatigiissummut atuutsinneqartut.«
5
§ 3. Peqqussut atortuulersinneqarpoq ulloq 1. august 2011, pisianullu, peqqussutip
atortuulersinneqarnerata kingorna pisiarineqartunut, atuutsinneqarluni.
Christiansborg Slotimi tunniunneqarpoq, ulloq…
Kunngiussutsitsinnik atsiorpugut naqissusiillutalu
MARGRETHE R.
/Lars Barfoed