Sags nr. 2012-072293
Isumaginninnermi Naammagittaalliuuteqarfik naammagittaalliuutit suliarisimavaat ulloq xx. Decembari 2013 A kommuni aalajagigaa ulloq xx. aggusti 2012 pisortanik ikiorsiissutinik pisartagassatit annertussusaa pillugu, imatullu aalajangiisimallutik:
Naliliineq
A kommune aalajangigaa attatiinnarneqarpoq. Imak isumaqarpoq kommunip aalajangiussaa ilumoortoq, illillu isumaqatigineqanngittutit naammagittaalliorninnut.
Suliaq aalajangerneqarpoq Pisortanit ikiorsiissutit pillugit Inatsisartut peqqussutaat nr. 15, 20. novembari 2006-imeersoq malillugu.
Paasissutissiineq:
Paasitinneqarpugut B –tut sulisartutit fritidshjemimi (klub), aasakkut feriarnerani matoqqasartumi: Paasissutissat malillugit apriilip naalerneraniit august aallaqqaataanut.
Suliffissarsiuussisarfimmut saaffiginnissimavutit, paasillugulu pisortanik ikiorsiissutinik qinnuteqassallutit. Taamaattumik kommunemut pisortanik ikiorsiissutinik qinnuteqarputit juli qaammammut 2012-imi. xx. Aggusti 2012 kommunip kisissimavai aningaasaqarnerit, paasisimavaallu pisortanik ikiorsiissutinik pisartalersinnaasimallutit tamakkerlugit 2.545 koruunit akiligassat aaliangersimasunut atuuttussanut. Taamaattumik kisimi 1.157,66 koruuninik kisimi illit nammineq tigusassavatit. Kommuni innersuussivoq issuaallunilu § 13 Pisortanit ikiorsiissutit pillugit Inatsisartut peqqussutaat nr. 15, 20. novembari 2006-imeersoq. Kommuni ajunngittumik naammagittaalliorfissamik ilitsersuummik ilanngussisimavoq.
Isumaginninnermi Naammagittaalliuuteqarfimmut naammagittaalliorsimavutit xx. Aggusti 2012-imi. Naammagittaalliuullu tunngaveqartippat illit isumaqartutit naammanngittumik pisortanik ikiorsiissutinik tunisisimallutit, nerisassanullu narisassanut naammannatik qaammammut.
Kommuni nassiussimavaa aningaasaqarnikkut kisitsinermi tassani piffissami, aammalu allamik paasissutissat illit pillutit aningaasaqarnerillu pillugu.
Kommunip kisitaani paasineqarpoq, kisitsisimasut aaliangersimasumik aningaasanik meeraq ataatsimut inersimasumullu ataatsimut illup iluani najugallit imminut pilersorsinnaanissaanut, nerisassat aamma akiligassat aaliangersimasunut. Kommunip kisitaani takuneqarsinnaavoq, pisinnaatitaasutit pisortanik ikiorsiissutinik 2.545 koruuninik pisinnaallutit juli qaammammut 2012-imi.
Inatsit atorneqartut:
Pisortanit ikiorsiissutit pillugit Inatsisartut peqqussutaat nr. 15, 20. novembari 2006-imeersoq § 7 malillugu Kommunalbestyrelsi tassanngaannartumik pisariaqavissumik pissaaleqilernermi pisortanit ikiorsiissuteqarsinnaavoq qinnuteqartoq
1) inooqatigiinnermi pisimasumik, soorlu nappaammik, erninermik, suliffissaarunnermik inooqatigiikkunnaarnermilluunniit nalaataqarsimappat, aamma
2) imminut ilaquttaminillu pilersuinermut akiligassanullu aalajangersimasunut pisariaqartitaminik pissarsisinnaanngippat.
Peqqussummi § 8 imm. 1 nr. 1 malillugu suliffissaqanngikkuni suliffissaminillu naammaginartumik neqeroorfigineqarsimanngikkuni pimoorullugulu suliassarsiortuunngikkuni.
Peqqussummi § 13 malillugu Pilersuinermut akiligassanullu aalajangersimasunut pisortanit ikiorsiissutisiat annertussusaat missiliuussinikkut aalajangerneqartarpoq qinnuteqartup maannamut inuuniarnikkut atugarisimasai, pilersuisutut pisussaaffii, il.il.
Peqqussummi § 13 Imm. 3. malillugu Aningaasartuutiviusut tunngavigalugit kiisalu najugaqatigiissinnaanermi iluaqutissat aallaavigalugit aningaasat aalajangersarneqassapput. Pilersuinermut aningaasartuutinullu aalajangersimasunut pisortanit ikiorsiissutit annerpaamik SIK-p Naalakkersuisullu akornanni isumaqatigiissutit naapertorlugit ilinniarsimanngitsumut aningaasarsiarititat ikinnerpaaffiisa 65%-erisinnaavaat, taamaattorli imm. 4 takuuk.
Peqqussummi § 14 Qinnuteqartoq piffissap pilersuinermut akiligassanullu aalajangersimasunut pisortanit ikiorsiissutisisarfiusup iluani ulluni ataasiakkaani aningaasarsisarsimappat pilersuinermut akiligassanullu aalajangersimasunut pisortanit ikiorsiissutisiat annikillineqassapput. Qinnuteqartumut suna pitsaanerutinneraa naapertorlugu pilersuinermut akiligassanullu aalajangersimasunut pisortanit ikiorsiissutisiat annikillineqarsinnaapput
Aalajangiineq:
Isumaginninnermi Naammagittaalliuuteqarfik isumaqarput pisortanik ikiorsiissutinik pisartagaqarnissannut pisinnaatitaasutit tassani piffissami, fritidshjem(klub) matoqqanerani.
Isumaginninnermi Naammagittaalliuuteqarfik pingaartippaat klubbimi B-tut sulisuusutit fritidshjemmimi, matoqqasussami qaammatit pingasut sinnerlugit. Feriarninni aningaasassannik katersisaraluarlutit, Isumaginninnermi Naammagittaalliuuteqarfik isumaqarput piffissaq takivallaarmat piumasarineqarsinnaanngittoq feeriarninni aningaasat katsersat qaammatit pingasut sinnerlugit atorsinnaassagitit.
Aallartiffittut illit pisussaatitaavutit isumagissallugu katersatit tamakkerlugit ukiup tamaanut naammassasut, taava sulinngiffeqarninni klubbi matoqqanerani ooriiteqarsinnaaniassagavit, periarfissaqarpat suliffissarsiuussisarfimmi piareeqqasinnaanissarnut sulilernissamut aasakkut feriarnippit nalaani. Isumaginninnermi Naammagittaalliuuteqarfik isumaqarput, inooqatigiinnermi pisimasoqarsimasoq, taamaattumik pisortanik ikiorsiisstuinik pisinnaatitaallutit.
Aalajangiussaq:
Isumaginninnermi Naammagittaalliuuteqarfik attatiinnarpaa A kommune aalajangiussaa pisortanik ikiorsiissutit annertussusaanik, juli qaammataanut 2012-imut atuuttussamut.
Inussiarnersumik inuulluaqqusillunga
Naja Joelsen
Siulittaasoq
Inatsisit toqqammaviit:
Pisortanit ikiorsiissutit pillugit Inatsisartut peqqussutaat nr. 15, 20. novembari 2006-imeersoq
§7.Kommunalbestyrelsi tassanngaannartumik pisariaqavissumik pissaaleqilernermi pisortanit ikiorsiissuteqarsinnaavoq qinnuteqartoq
1) inooqatigiinnermi pisimasumik, soorlu nappaammik, erninermik, suliffissaarunnermik inooqatigiikkunnaarnermilluunniit nalaataqarsimappat, aamma
2) imminut ilaquttaminillu pilersuinermut akiligassanullu aalajangersimasunut pisariaqartitaminik pissarsisinnaanngippat.
§8.Kommunalbestyrelsi pilersuinermut akiligassanullu aalajangersimasunut kiisalu ataasiartumik aningaasartuutinut pisortanit ikiorsiissuteqarsinnaavoq, qinnuteqartup § 7-imi piumasaqaatit naammassisimappagit kiisalu
1) suliffissaqanngikkuni suliffissaminillu naammaginartumik neqeroorfigineqarsimanngikkuni pimoorullugulu suliassarsiortuunngikkuni
2) sungiussiniarnermigut ajornartorsiornini, peqqinnginnini assigisaallu pissutigalugit sulisinnaanngitsutut nalilerneqaruni imaluunniit
3) napparsimaguni imaluunniit erninermut atatillugu sulinngiffeqaruni taamalu sulisinnaanani.
Imm. 2. Naalakkersuisut pilersuinermut akiligassanullu aalajangersimasunut kiisalu ataasiaannartumik aningaasartuutissanut pisortanit ikiorsiissutisisinnaanermut piumasaqaatit pillugit maleruagassanik aalajangersaasinnaapput, tassunga ilanngullugu sulilernissamut piareersimanissamut piumasaqaatinik qaqugukkullu qinnuteqartoq sulisinnaanngitsutut nalilerneqartassanersoq.
§13.Pilersuinermut akiligassanullu aalajangersimasunut pisortanit ikiorsiissutisiat annertussusaat missiliuussinikkut aalajangerneqartarpoq qinnuteqartup maannamut inuuniarnikkut atugarisimasai, pilersuisutut pisussaaffii, katissimallugu aapparisap, nalunaarsorneqarsimasumik aapparisap imaluunniit naligisatut inooqatigisap isertitai, akiligassat aalajangersimasut najukkamilu pissutsit tunngavigalugit.
Imm. 2. Taamaallaat pisartagaqartumut taassumalu ilaqutaanut pisariaqavissutigut pilersornissaannut ikiorsiissutinik tunniussisoqarsinnaavoq aammalu ineqarnermut akiliummut, atuinermut aningaasartuutinut aningaasartuutinullu aalajangersimasunut allanut matussutissanik naleqquttunik.
Imm. 3. Aningaasartuutiviusut tunngavigalugit kiisalu najugaqatigiissinnaanermi iluaqutissat aallaavigalugit aningaasat aalajangersarneqassapput. Pilersuinermut aningaasartuutinullu aalajangersimasunut pisortanit ikiorsiissutit annerpaamik SIK-p Naalakkersuisullu akornanni isumaqatigiissutit naapertorlugit ilinniarsimanngitsumut aningaasarsiarititat ikinnerpaaffiisa 65%-erisinnaavaat, taamaattorli imm. 4 takuuk.
Imm. 4. Pisuni immikkut ittuni SIK-p Naalakkersuisullu isumaqatigiissutaat naapertorlugu suliamik ilinniagaqarsimanngitsut aningaasarsiaasa minnerpaat 65%-iat sinnerlugu ikiorsiissutinik tunniussisoqarsinnaavoq, tamanna pisariaqavissappat qinnuteqartup ilaqutaasalu pilersorneqarnissaannut akiligassanullu aalajangersimasunut, naleqquttumillu ineqarniarnermikkut atugaqaannarnissaannut.
Imm. 4. Pissaaleqilerneq nammineq pisuussutigisamik pinngorsimappat, pilersuinermut akiligassanullu aalajangersimasunut pisortanit ikiorsiissutisiaasussat affaannaat kisimik tunniunneqarsinnaapput. Ikiorsiissutit aningaasanngornagit tunniunneqassapput.
Imm. 5. Nammineq pisuussutigisamik pissaaleqisoqarpat aallaavittut taamaallaat tunniunneqarsinnaapput pilersuinermut akiligassanullu aalajangersimasunut pisortanit ikiorsiissutissat affaannai. Pilersuinermut ikiorsiissutit aningaasanngornagit tunniunneqassapput. Kommunalbestyrelsip naliliinermini immikkut isiginiartussaavai meerartaasinnaasut pisariaqartitaat isiginiarneqarsimanersut.
Imm. 6. Naligalugu inooqatigisaq peqqussummi matumani paasineqassaaq katissimanagu inooqatigisatut, pisortanit ikiorsiissutinik qinnuteqarnermi pisartagaqartup inooqatigisaa, tamannalu sioqqullugu sivikinnerpaamik ukiumi ataatsimi inuit nalunaarsorneqartarfianni najugaqatitut nalunaarsorneqarsimasussaq.
Imm. 7. Pilersuinermut akiligassanullu aalajangersimasunut kiisalu immikkut ittumik pisortanit ikiorserneqarsinnaanermut Naalakkersuisut malittarisassanik aalajangersaasinnaapput.
§ 14. Qinnuteqartoq piffissap pilersuinermut akiligassanullu aalajangersimasunut pisortanit ikiorsiissutisisarfiusup iluani ulluni ataasiakkaani aningaasarsisarsimappat pilersuinermut akiligassanullu aalajangersimasunut pisortanit ikiorsiissutisiat annikillineqassapput. Qinnuteqartumut suna pitsaanerutinneraa naapertorlugu pilersuinermut akiligassanullu aalajangersimasunut pisortanit ikiorsiissutisiat annikillineqarsinnaapput
1) ullut aningaasarsiaqarfiusut ilanngaatigalugit, imaluunniit
2) aningaasat tunniunneqarsimasut ilanngaatigalugit.