Ineqarnermi Maalaaruteqartarfiup aalajangiisartut ukiumoortumik nalunaarutaat 2013

Siulequt

Ineqarneq pillugu maalaaruteqartarfiup ukiumoortumik nalunaarut saqqummiuppaa Inissianik attartortitsisarneq pillugu Inatsisartut peqqussutaat nr. 2, 12. maj 2005-imeersoq § 83, imm. 4 naapertorlugu.
Nalunaarutip ukioq naallugu nalunaarsuut najoqqutarivaa imaqarlunilu naatsumik nassuiaammik Ineqarneq pillugu maalaaruteqartarfiup suliassarisaanik, naatsorsuutinik maalaarutit pillugit
suliarineqarsimasunik aammalu sulianik naammassineqarsimasunik.
Nalunaarut aamma nassaassaavoq Ineqarneq pillugu maalaaruteqartarfiup quppersagaani:
www.maalaarut.gl
Ineqarneq pillugu maalaaruteqartarfiup allatseqarfia isumaqatiginninnikkut tunniussisinnaavoq imaluunniit nassiussilluni ukiumoortumik nalunaarutip assinganik pappialanngorlugu.
Ineqarneq pillugu maalaaruteqartarfiup allatseqarfia attavigineqarsinnaavoq uunga:
Najugaqarfik: Hans Egedesvej 3 (B48), postboks 689, 3900 Nuuk
Mail: maalaarut@nanoq.gl
Oqarasuaat: 32 80 33
Fax nr.: 32 78 50
Nuuk, oktobari 2013
Naja Joelsen
Ineqarneq pillugu Maalaaruteqartarfiup
Siulittaasua

Paasissutissat nalinginnaasut

Ineqarneq pillugu maalaaruteqartarfik pilersinneqarsimavoq Inissianik attartortitsisarneq pillugu

Inatsisartut peqqussutaat nr. 2, 12. maj 2005-imeersoq § 82, imm. 1 tunuliaqutaralugu.

Ineqarneq pillugu maalaaruteqartarfik nunatsinni allaffissornikkut qullersaavoq maalaaruteqartarfittut inissianut attartortittakkanut tunngassuteqartunut.

Allaffissornikkut assingusuuvoq eqqartuussiveqarnerup suleriaasaanut, attuumassuteqarani aqunneqaranilu iliuusissatsigut oqaaseqaateqarnissakkulluunniit pisortaqarfinniit imaluuniit allatigut, qanoq suliassat ataasiakkat ingerlanneqassanersut aalajangiiffigineqassanersullu.

Aalajangiisartoqatigiit aalajangiisarput attartortut attartortitsisullu akunnerminni aaqqiagiinngissutaannut Namminersorlutik kommunillu attartortittakkatut ineqarfiutaannut tunngassuteqartunut.

Aalajangiinerit atuuttussaatinneqartarput allanngortinneqarsinnaanatik inaarutaasumillu aalajangiinerusarlutik. Ineqarneq pillugu maalaaruteqartarfiup aalajangiussai taamaasillutik allaffissornikkut qullersaqarfinnut allanut ingerlateqqinneqarsinnaanngillat. Aalajangiussat taamaallaat ingerlatinneqarsinnaapput eqqartuussiveqarfinnut maleruagassat naliginnaasut naapertorlugit.

Ineqarneq pillugu maalaaruteqartarfiup siunertaa aamma unaavoq aalajangiussai ersarissumik pingaarutilimmillu sunniuteqartinneqassasut siunnersuinikkut- aammalu suleriaaseq tunngavigalugu innuttaasunut, inissiaatileqatigiiffinnut allanullu taamatut sammisalinnut soqutiginnittunut.

Tamannalu tunngavigalugu Ineqarneq pillugu maalaaruteqartarfik qulakkeerinneqataavoq tunngavilersorluakkanik eqqortunillu aalajangiisoqartarneranik, sumiluuniit illoqarfinni inissiat inissisimagaluarpata.

Maalaaruteqartarfiup atuutsinneqarnera erseqqinnerusumik naleqqussarneqarnikuuvoq attartortitsisarneq pillugu peqqussummi § 82-86-ip tungaanut.

Ineqarneq pillugu Maalaaruteqartarfiup pisinnaatitaaffii

Ineqarneq pillugu maalaaruteqartarfiup pisinnaatitaaffii erserput attartortitsisarneq pillugu

peqqussutip § 84, imm. 1-ianni.

Ineqarneq pillugu maalaaruteqartarfiup suliassaq maalaarut suliarisinnaavaa sammisanut

makkununnga attuumassuteqarpat:

a. Ineqarnermut akiliutip qaffanneqarnissaanik kalerriisoqarpat piumasaqaatit nalinginnaasut

naammassinissaat.

b. Aserfallatsaaliinernut iluarsartuussinernullu tunngassuteqartunut.

c. Inigisap iserterfigineqarnerani isikkuanut tunngasut.

d. Attartukkami ikkussugassanut pitsanngorsagassanullu tunngasut (aalajangiisinnaatitaaneq).

e. Attartortup attartukkaminik atuinera (ineqarfiup maleruaqqusaanik unioqqutitsinerit).

f. Attartuisinnaatitaanerup allamut tunniunnera (inigisanik paarlaanneq, attartukkamik

attartuisitsineq attartornerullu nanginneqarnera).

g. Inigisap qimannerani isikkuanut tunngasut (nalinginnaasumik iluarsartuineq)

Nalinginnaasumik suleriaaseq imaappoq, Ineqarneq pillugu maalaaruteqartarfiup maalaarutit

amerlanersaat suliarisinnaagai inissiaatileqatigiiffinninngaanniit aalajangiussaasimasut.

Ineqarneq pillugu Maalaaruteqartarfimmut maalaaruteqarnissaq150 kr.-imik akeqartinneqarpoq.

Maalaaruteqartoq taamaallaat akiliuteqassaaq, suliap ingerlateqqinneqarnissaa suliarineqalerpat.

Akiliut uterteqqinneqassaaq, paasinarsippat, attartortoq tamakkiisumik ilaannakortumilluuniit

maalaarumminut taperserneqarsimappat.

Ineqarneq pillugu maalaaruteqartarfiup aaqqissuuneqarnera

(ilaasortaqarnikkut):

Ineqarneq pillugu Maalaaruteqartarfik aaqqissuussaavoq siulittaasoqarluni nalinginnaasunillu

pingasunik siunnersuinermut ilaasortaqarluni.

Siulittaasoq taassumalu tullersortaa toqqarneqartarput Naalakkersuisumiit

siunnersuusiorfigineqarnikkut Naalakkersuisunut ilaasortaaniit, ineqarnernut tunngasuusunut

akisussaassuseqarfeqartuusumiit. Toqqarneqartut tamarmik immikkut inissiaatileqatigiiffinnut

tunngassuteqartunut ilisimasaqartuussapput imaluuniit inatsisilerituutut naamassisaqarsimassalluni

kandidatitut soraarummeersimanermut uppernarsaateqassalluni.

Maalaaruteqartarfiup ilaasortaa ataaseq taassumalu sinniisussaa toqqarneqassaaq Naalakkersuisuniit

siunnersuusiorfigineqarnikkut Inissiaatileqatigiiffik A/S INI-miit.

Maalaaruteqartarfiup ilaasortaa ataaseq taassumalu sinniisussaa toqqarneqassaaq Naalakkersuisuniit

siunnersuusiorfigineqarnikkut KANUKOKA-miit maalaaruteqartarfiullu ilaasortaa ataaseq

taassumalu sinniisussaa toqqarneqassaaq Naalakkersuisuniit siunnersuusiorfigineqarnikkut

Attartortut Nuna tamakkerlugu kattuffianiit IPK imaluunniit SIK, IMAK aamma PPK.

Taakku pingasut nalinginnaasumik ilaasortaasut sinniisuilu inissiaateqarnernut tunngassuteqartunut

ilisimasaqartuussapput.

Ineqarneq pillugu Maalaaruteqartarfiup aaqqissuussaanera taamaattumik kinguneqarpoq, attartortut

attartortitsisullu soqutigisaqarfianniit sinniisoqartinneqarlutik.

Siulittaasoq:

Naja Joelsen, inatsisileritooq.

Sinniisussaq: Signe Krog Nielsen (ilannguppoq september 2013)

Maalaaruteqartarfimmut ilaasortat:

1. Josef Therkildsen, SIK (ilannguppoq December 2013)

Sinniisoq: Sofie Fleischer, SIK

2. Bjarne Petersen, KANUKOKA

Sinniisoq: Pétur Haukur Gudmundsson, KANUKOKA

3. Kenneth Bøjler, A/S Boligselskabet INI

Sinniisoq: Erik Ravn, ISERIT A/S (anivoq 2. august 2013), Najànguaq Johansen, ISERIT A/S (2.

august 2013-imiit)

Ineqarneq pillugu Maalaaruteqartarfik minnerpaamik ukiumut pingasoriarluni ataatsimiittarpoq.

Ukioq 2013-imi ataatsimiinnerit ingerlanneqarsimapput 18. april, 11. september aammalu 12.

december.

Suliassat ataasiakkaarlugit siulittaasumiit misissorneqartarput, ataatsimiititaliallu tamarmiusup

aalajangiiffigisarlugit. Suliassat aalajangiiffigineqartarput taasinerni amerlanerussuteqarnikkut,

tassannga siulittaasoq ilaasortaatitaasullu tamarmik taasinermik ataatsimik naleqartinneqartarlutik.

Taasinerni naligiissoqartillugu siulittaasup taasinera aalajangiisuutinneqartarpoq.

Ineqarneq pillugu maalaaruteqartarfiup ukioq 2013-imi sulinera

Siulittaasup nalunaarusiaa:

Ukioq 2013-mi Ineqarneq pillugu maalaaruteqartarfik-up atuuttuunini erseqqissaassutigalugu

suliniuteqartarsimavoq, soorlu KNR-i aqqutigalugu takutitassiaaqqatigut aammalu Inatsisigut

Siunnersuisarfik-p IKIU-p suleqatigineratigut. Aammattaarlu Ineqarneq pillugu Maalaaruteqartarfik

september 2013-imi paasisitsiniaalluni angalanermi peqataasimalluni, tassani nunatta sineriaani

illoqarfiit nunaqarfiillu Nuummiit avannamut Diskobugt-i tikillugu tikinneqarsimallutik. Ukioq

taanna suliat ukiunut siuliinut naleqqiullugit amerleriarsimapput, immaqa angalanerup taassuma

kingunerisaanik.

Siunnersuisooqatigiinnut Aalajangiisartunullu Aqutsisoqarfiup Ineqarneq pillugu

Maalaaruteqartarfiup allaffissornikkut ingerlanera aquppaa. Maalaaruteqartarfik 2013-imi

inatsisilerituunik pingasunik allaffimmiunillu marlunnik inuttaqarpoq, taakkulu

maalaaruteqartarfiup ataatsimiinnissaanut suliassanik piareersaasarput. Suliamut attuumassuteqartut

sulisorineqarnerini amerlasuujunissaat pisariaqarpoq, sulisup Aqutsisoqarfiup qimariataarnerani

ilisimasat tammarneqannginnissaat piniarlugu.

Qulaani takuneqarsinnaasutut Ineqarneq pillugu Maalaaruteqartarfiup siulittaasua ilaasortaalu 2013-

ip ingerlanerani taarserneqarput, tassa ilai ilanngummata, ilaalu Naalakkersuisunit toqqarneqarlutik.

2013-imi suliat assigiinngitsunik imaqarput, ilai inissiani oqoqarneq pillugu imaqarput, ilai inigisap

qimanneqarnerani naatsorsuutinut tunngasuupput, ilai nutarsaanermut tunngassuteqarlutik allallu

inigisani maleruaqqusanik unioqqutitsinermut tunngassuteqarlutik. Oquk pillugu –

naatsorsuutigisatut – annerpaamik sammineqanngilaq.

Naja Joelsen

Ineqarneq pillugu Maalaaruteqartarfimmi siulittaasoq

Ineqarneq pillugu Maalaaruteqartarfik ukioq 2013-imi nuna tamakkerlugu inigisanut attartortuniit

maalaarutinik katillugit 50-inik tigusaqarpoq, 2012-imi maalaarutit 48-simallutik.

Suliat 44-ut naammassineqarput, taakkunannga qulit ataatsimiititaliap ataatsimiinnerani

naammassineqarsimallutik, sinneruttut itigartitsivigineqarsimapput, akitsuutip

akilinngitsoorneratigut, amigartumik piginnaasaqarneq pissutigalugu, imaluunniit

suliakkiissutaagaluamik utertitsiinnarneq pissutigalugu. Suliaq ataaseq isumaqatigiissuteqalernikkut

naammassineqarpoq.

Agguataarneqarneri suliat itigartitsissutaasut:

5 – itigartitsissutaapput akiligassamik akiliinngitsoorsimaneq tunngavigalugu.

19 – itigartitsissutaapput oqartussaaffeqarnerup killeqarneranik tunngaveqartumik

2 – tunuartiinnarneqarput maalaarutitut.

1 – isumaqatigiissuteqalerneq pissutigalugu

Scroll to Top