Unammilleqatigiinnissamut Nakkutilliisoqarfiup misissuinissaminut atatillugu suliffeqarfinnit pineqartunit paasissutissat assinginik katersinikuusimavoq, taakkuli Unammilleqatigiinnissamut Nakkutilliisoqarfiup allaffiini misissugassanngorlugit eqqussuuneqarsimallutik. Tamatumuuna misissuiffiginiarneqarsimapput ilumut suliffeqarfiit akigititatik pillugit isumaqatigiissuteqarsimanersut.
Unammilleqatigiinnermut Nakkutilliisoqarfiup misissuisimanini naamassisimalerpaa nuannaarutigalugulu nalunaarutigisimallugu, ilumut vvs-itigut sillimmatissat akigititaasartut pillugit isumaqatigiittoqarsimasinnaaneranik malugisaqarsimanatik. Taamaattumik Unammilleqatigiinnermut Nakkutilliisoqarfik pisut pillugit suliamik ingerlatitseqqiinianngilaq, tamannali aatsaat pisinnaasalluni kingusinnerusukkut pasitsaassaqartoqassagaluarpat ilumut taamatut iliuuseqartoqarsimasinnaaneranik.
Taamaakkaluartoq misissuinertigut paasineqarsimavoq pisariaqartoq Unammilleqatigiinnermut Nakkutilliisut suli misissuiffigisariaqagaanik peqartoqartoq. Taakkorpiaat suunersut pillugit Unammilleqatigiinnermut Nakkutilliissut oqaaseqarsinnaanngikkallarput, taamaakkaluartorlu naqissusiivigerusullugu misissuiffigineqarsimasut inuussutissarsiutitigut ingerlatseriaasiat matumani pineqanngimmat, akerlianilli nunarput tamakkerlugu inuussutissarsiornermi atugassarititaasut pillugit tunngassuteqartuullutik.
Unammilleqatigiinnermut Nakkutilliisoqarfiup misissuinerminnut atatillugu pasitsaassaqarnissamut tunngavissaqarsorilersimapput, sanaartornernut tunngatillugu sulinerni mesterit nal.akunnermut akigitittagaat toqqammavigalugit akilersuisoqartitsisartoq. Tamanna Unammilleqatigiinnermut Nakkutilliisut ilungersunartutut naliliiffigisimavaa, tassami Unammilleqatigiinnissamut Isumasioqatigiit 2001-mili aalajangiiffigisimammassuk, mesterit nal.akunnermut akeqartitseriaasiat atorunnaarsinneqassasoq, tamatumunngalu pissutaasoq naqisimaneqanngitsumik unammilleqatigiinnissamut tunngaviusut innarlerneqartarnerat.
Suliffeqarfiit misissuiffigineqarsimasut ilisimatinneqareersimapput Unammilleqatigiinnermut Nakkutilliisoqarfiup misissuisitsinera naamassineqarsimammat, tamatumuunalu maluginiarneqarsimanngimmat ilumut misissueqqinnissamut ingerlariaqqinnissamut tunngavissaliisinnaasunik nassaartoqarsimaneranik.