Arnap qarasaasakkut suliamik meeqqami pinnguaatissaanik akeqanngitsorisaminik qarasaasiakkut aallerpoq. Meerarli pinnguaat taanna aqqutigalugu pisiniarsinnaammat arnaq koruuninik tuusitilinnik arlalinnik akiligassinneqarpoq. Arnaq aningaaserivimmut nioqquteqartumullu meeqqap inersimasuunnginnera namminerlu akiliunni atorlugu pisinerup atuutsinneqarsinnaannginnera tunngavilersuutigalugit maalaaruteqarpoq. Kontoli nioqquteqartumi pisiniarfigisamiittoq arnap taassuma pigimmagu arnarlu nammineq taama pisoqarsinnaanera pitsaaliniarlugu iliuuseqarsimanngimmat, allatut ajornartumik akiliisinneqarpoq.
Meeqqat apps-inik in-apps-inillu pisisarnerat
Apps-inik in-appsinillu pisineq akiliummik akiliinikkut pigajummat isissummik paasinarunnaarsakkamik atueqqaarluni apps-inik pisisoqarsinnaanersoq immikkut eqqumaffigissavat. Meeqqat apps-inik in-apps-inilluunniit pisippat tamanna tunngaviusumik illit akisussaaffigissavat. Taamaalillutillu meeqqavit pisiai akilertussaassallugit.
Meeqqavit qassinik ukioqarnera apeqqutaavoq
Meeqqat apps-inik in-apps-inilluunniit pisippat, ilaatigut meeqqavit atuinerata tamakkerlugu akisussaaffiginissaa pinngitsoorsinnaavaat. Qanorli annertutigisup akisussaaffiginissaani meeqqap ukiui qanorlu pisoqarsimanera apeqqutaapput. Sisamanik ukiullip aningaasanik qanoq annertutigisumik atuisinnaanera, aqqaneq marlunnik ukiulimmiit annikinneruqaaq. Meeqqap pisinerminut atatillugu paasinnissinnaassusaanut tamanna attuumassuteqarpoq.
Oqarasuaatit tablet-illuunniit tillitat
Oqarasuaatit annaagukku tillinneqarpalluunniit akiliutit oqarasuaammiittut tablettimiittulluunniit allanit atornerlunneqannginnissaasa qulakkeernissaa illit akisussaaffigaat. Akiliutivit aningaaserivik aqqutigalugu matuneqarneragut tamanna pitsaalisinnaavat. Atornerlunneqarsinnaanera ilisimagaluarlugu akiliutit matutinngikkukku, allanit pisiniutaasimanera illit nammineq akisussaaffigilersinnaavat.