Inigisavit qimanneranut atatillugu akiligassat

Aalajangiineq

Ineqarneq pillugu Maalaaruteqartarfik isumaqarpoq inigisimasavit YX, illoqarfimmi ZZ-mi naliginnaasumik iluarsartuunnera akilissagit.

Inissianik attartortitsisarneq pillugu Inatsisartut peqqussutaat nr. 2, 12. maj 2005-imeersoq kingusinnerusukkut allannguuteqartoq naapertorlugu aaliangiisoqarpoq.

Suliami allagaatit:

  1. Attartuinermut isumaqatigiissut 14. juli 2009-meersoq
  2. Najukkap qimanneqarneranut atatillugu misissuinermit nalunaarusiaq 9. juni 2015-imeersoq.
  3. Qalipaasuniit akiligassaq 24. juni 2015-imeersoq
  4. Naatsorsuusiorneq 21. juli 2015-imeersoq
  5. Attartortumiit maalaarut 17. februar 2017-imeersoq.
  6. Inissiaatileqatigiiffimmiit naammagittaalliuut ulloq 12. april 2016-imeersoq pillugu oqaaseqaat

Ullulerneqanngitsoq illuatungeriinnik tusarniaanermi attartortumiit akissut 28. januar 2018-imi tiguneqartoq.

Nassuiaat:

Attartuinermut isumaqatigiissummi allaqqavoq inissiaq YX, illoqarfimmi ZZ-mi tigusimagit 15. juli 2009-imi. Inissiaq 71,70 m²-iuvoq pingasunut ininut agguarneqarluni.

Inissiamiit nuussimavutit 9. juni 2015-imi. Ulloq taanna inissiaq inissiaatileqatigiiffiup sinniisaanik misissorneqarpoq.

Najukkap qimanneqarneranut atatillugu misissuinermit nalunaarusiaq malillugu inissiami iikkat qilaarlu qalipatassaasimapput, aammalu uffarfik initut masattartutut qalipatassaasimalluni. Naqqit moreerneqartariaqarsimavoq aammalu lakkerneqarluni.

Najukkap qimanneqarneranut atatillugu misissuinermit nalunaarusiaq ulloq taanna inissiaatileqatigiiffiup sinniisaaniik ilinniillu atsiorneqarsimavoq.

Qalipaasuniit akiligassaq 24. juni 2015-imeersoq naapertorlugu qalipanneqarnera katillugit 15.034,20 koruuniuvoq.

Inissiap qimanneranut atatillugu akiligassami 21. juli 2015-imeersumi takuneqarsinnaavoq qularnaveeqqutit 6.584,42,- koruunit tigusimagitit.

Naatsorsuineq naapertorlugu aningaasat ima isikkoqalersimapput:

Aningaasat ima isikkoqalersimapput:

Qularnaveeqqutit 10.794,- koruunit akilersimavatit. Qalipaasuniit akiligassaq 15.034,- koruuniuvoq.  Qaammatini 72-ini inissiami najugaqarsimanerit peqqutaalluni inissiaatileqatigiiffiup 72 %-ii iluarsartuussinerup akiligassartaa akilissavaa, taamaasillunilu illit akiligassap 28%-ia akilissallugu.

Tamanna isumaqarpoq inissiaatileqatigiiffiup iluarsartuussinerup akiligassartaata 72%-ia 10.823,62,- koruuninik annertussusilik akilissagaa aammalu illit akiligassap 28%-ia 4.209,52,- koruuniusoq akilissagit.

Naammagittaalliuuteqarnerni 17. februar 2017-imeersumi allassimavat inissiami qaammatit 72-it najugaqarsimallutit. Matuersaat tunniukkakku oqarfigineqarsimavutit iluarsartuussinermut akiliissanngitsutit, aammalu qularnaveeqqut tamaat ilinnut utertinneqarumaartoq.

Inissiaatileqatigiiffiup allakkamini 12. april 2017-imeersumi ilaatigut allassimavaa suliamik suliarinnittup aammalu nakkutilliiartortup attartorunnaarnerup kingorna suliassaq misissorsimagaat. Inissiap tigunnginnerani attartortup tassani najugaqarnikuusup Inissiaatileqatigiiffik Y-miit kingusinnerusukkut akuerineqarluni naliginnaasumik attartuineq iluarsartissimavaa, taamaaattumillu suliassaq naapertorlugu illit inissiamut nuunnerni iluarsarneqareersimalluni.

Ilanngullugu allanneqarpoq naliginnaasumik iluarsartuussinissaq pillugu nuunnermi isumaqatigiissuteqanngitsoq. Tamanna attartornermut isumaqatigiissummi imaluunniit nuunnermi nalunaarusiami allaqqasimassagaluarpoq.

Inissiaatileqatigiiffiup allagaanut akissuterni allassimavat nuunnerni attartornermut aserfallatsaaliinerit naliginnaasut akilissanngikkitit, pissutigalugu qaammatini 72-ini tassani najugaqarsimagavit. Aammattaaq inissiaatileqatigiiffillu arlaatigulluunniit isumaqatigiissuteqarfigisimanngilat qalipaanermut suliat ilaa akilissagit.

Inatsisitigut tunngavigisaq:

Inissianik attartortitsisarneq pillugu Inatsisartut peqqussutaat nr. 2, 12. maaji 2005-imeersumi § 45 imm. 3. allassimavoq piffissami attartorfiusumi attartortup inissiami qilaat qalipallugit qaqorsarnissaat, iikkat qalipannissaat aamma/imaluunniit ungalitsersorneqarnissaat kiisalu natit lakkernissaat akisussaaffigigaa taakkununngalu aningaasartuutit akilissallugit.

Peqqussummi tassani § 77-imi allaqqavoq, inissiamit anisoqarnerani inissiaq nalinginnaasumik iluarsaanneqassaaq, tassanilu pineqarput qilaavinik qaqorsarlugit qalipaaneq, iigaanik qalipaaneq aamma/imaluunniit ungalitsersuineq kiisalu eqqiaaneq. Naqqit nutaamik lakkersimasutut isikkoqassapput, taamaattorli tak. imm. 3.

  • 78 malillugu attartortitsisup § 77 malillugu nalinginnaasumik iluarsaassinermut aningaasartuutit attartortup inissiamik tigusineraniit qaammatit 100-t ingerlanerini tigujartuaassavai. Piffissaliussatut aalajangiunneqartup naannginnerani inissiamit anisoqarnerani attartortup taamaallaat aningaasat piffissami tassani attartortitsinerup atorunnaarfigisaani attartortitsisumit akilerneqartussanngorsimanngitsut akilissavai.

Aalajangersakkat inatsisitigut tunngavigisani ataani tamakkerlugit ilanngunneqarsimapput.

Naliliineq:

Ineqarnermut Maalaartarfik isumaqarpoq nalinginnaasumik iluarsartinneqarnera akilissagit. Tamanna isumaqarpoq 6.584,42,-koruuninit amerlanerusut utertinneqarsinnaanngitsut, soorlu takuneqarsinnaasoq nuunnermi akiligassami.

Aalajangernermi tunngavigineqarpoq inissiaq qimatsernerani

nalinginnaasunngorlugu iluarsartinneqassammat.

Ineqarneq pillugu Maalaaruteqarfiup tunngaviliussimavaa attartornermut isumaqatigiissummi takuneqarsinnaanngimmat illit aammalu inissiaatileqatigiiffiup akornanni isumaqatigiittoqarsimasoq inissiaq naliginnaasumik iluarsartuunneqassasoq illit nuunnerni.

Allakkatit tunngatillugit oqaaseqaatigisarnut inissiami qaammatini 72-ini najugaqarsimanerit pillugu, aammalu taamaattumik iluarsartuussinermut isumaqarlutit akiliisussaanak, maluginiaqquneqarpoq aatsaat attartornermi qaammaatini 100-ini sivisussuseqartuni piumasaqaat inissiamut naliginnaasumik iluarsartuussinissamut atorunnaarsinneqartartoq.

Ineqarneq pillugu Maalaaruteqartarfiup inissiaatileqatigiiffimmulli peqqusissaaq suliani tamani regningit immikkoortitikkat aaneqartassammata.

Suliap taama sivisutigisumik suliarineqarnera Ineqarneq pillugu maalaaruteqartarfiup ajuusaarutigaa tamanna ilaatigut allaffissornermut tunngasunik ilaatigullu piffissami sivisuumi ataatsimiititaliamik toqqaasoqarnikuunnginnera tamatumunnga pissutaapput.

Ineqarnermut Naammagittaalliuuteqartarfiup inissiatileqatigiiffimmut maluginiaqqussavaa sanasunit suliaasimasut nassuiaanneqarnissaat, akiligassami nassuiaassutaasimanngitsut ilanngullugit taamaasillutik takusaasimanermut uppernarsaammi allassimasunut assigiissuteqarnersut takuneqarsinnaanerussammat nalilersorneqarlunilu. Taamaasilluni akiligassani takuneqarsinnaassaaq sulisunut ataasiakkaanut tiimit qassit atorneqarsimanersut, sanasut tiimimusiaat, kiisalu akianut tunngatillugu paasissutissat aammalu iluarsartuussinermi atorneqarsimasut atortussat annertussusaat.

Aalajangiineq:

Ineqarneq pillugu Maalaaruteqarfiup inissiaatileqatigiiffiup Y-ip aalajangiussaa atatiinnarpaa. 

Naammagittaalliuuteqarnissamut ilitsersuut:

Ineqarnermut naammagittaalliuuteqartarfiup aalajangiinera ingerlatsinermut oqartussaqarfimmut allamut naammagittaalliuutigineqarsinnaanngilaq tak. § 86 imm. 7 Inissianik attartortitsisarneq pillugu Inatsisartut peqqussutaat nr. 2, 12. maj 2005-imeersoq.

Ineqarnermut Maalaartarfiup aalajangiinera eqqartuussivinnut ingerlateqqinneqarniarpat, sassaqqusissut

inimik atukkiisumut, tassa Namminersorlutik Oqartussat imaluunniit kommuni, Kalaallit Nunaanni Eqqartuussiveqarfimmut tunniunneqassapput.

Inussiarnersumik/Venlig hilsen

Naja Joelsen

Siulittaasoq

Ilanngussat: Inatsisitigut tunngavigisaq

Assilinera Inissiaatileqatigiiffik Y-mut. Attartornermut isumaqatigiissut nr. XXXX innersuussutigineqarpoq

Scroll to Top