Akiligassat – akilissavigit?

Akileeqqusissummi piffissarititaasoq eqqortissavat. Taamaanngippat kingusinaartussaavutit. Tamanna ilinnut akisoorujussuusinnaavoq saniatigummi akiligassarsisinnaagavit, kingusinaarlutit akiliiguit. Aamma ilinnut atsaat akitsussaaq eqqartuussivikkoorlugu ingerlanneqalissappat, suliassarlu ajorsarfigigukku.

Akiligassaq akilersimanngilaq, illillu isumaqarlutit akiligassarinagu

Isumaqarsimaguit akiligassarinagu, soorlu assersuutigalugu nioqqutissaq tunniuneqartoq imaluunniit sullissineq amigaateqartoq – imaluunniit nioqqutissaq sullissinertaalunniit tigunngitsoorsimagukku, taava allakkatigut, soorlu mail-ikkut, akiligassaqarfinnut nalunaarutigissavat, imaappoq suliffeqarfimmut akiitsoqarfigisannut – nalunaarutigissavat, nassuiarlugullu, sooq isumaqarnersutit ilumut akiligassarinagu.

Taava akiligassaqarfiit aalajangertariaqassavaa, suliassaq taamaatiinnassanerlugu, imaluunniit ingerlateqqiniarneraa soorlu eqqartuussivikkoortillugulunniit. Akiliiniarnak aalajangertinnagu, aamma Atuisumut siunnersortikkumasinnaavutit imaluunniit eqqartuussinikkut ikiuisarfimmut akeqanngitsumik ikiortikkumasinnaavutit.

Akiligassarsivutit uffalu piumanikuunagu

Aallaavittut isigalugu nioqqutissamik sullissinermilluunniit piumanikuunngikkuit akilissanngilat.

Akileeqqusisup uppernarsatussaavaa isumaqatigiissuteqarnikuugassi. Taamaallaat illit nalunaassaatit nioqqutissamik sullissinermilluunniit taassuminnga piumanikuunnginnavit, qulakkeerumallugu paatsuuineq taanna, akiligassaq akiliisitsiniartarfimmut nassiunneqassanngitsoq. Suliffeqarfimmut mail-erit, taakkumi akiligassamik nassitsisuummata. Eqqaamajuk mail-ikkut attaveqaqatigiinnersi muminga toqqortissagakku. Akiligassaq akiliisitsiniartarfimmut nassiutereerpat, taava mail assingusoq aamma akiliisitsiniartarfimmut nassiutissavat.

Akiligassarsivutit naak akilereernikuullugu

Uppernarsarsinnaasariaqarpat, akileereernikuullutit soorlu assersuutigalugu akiliisimanermut uppernarsaammik takutitsinikkut. Inuit amerlanerit tupassutigisarpaat akiliisimanermut uppernarsaatitik ukiuni arlallinni toqqortertariaqaritsik, sillimmasertariaqarmata akilereernikuusartik aappassaannik akileeqqunaga.

Akiligassaq aningaaserivikkoorlugu akilernikuuppat taava kontop allattorsimaffia atorsinnaavoq imaluunniit nittartagakkut netbank-ikkut takutitsinikkut uppernarsarsinnaavat akilereernikuullugu. Akileriikkatit uppernarsaataat ukiuni tallimani toqqortertassavatit.

Scroll to Top