Pisoqalisoornermik ullorititaasut

Suliffeqafiup aningaasaqarnikkut ilinnut piumasaqaatai aallaavittut tunngaviatigut ukiut tallimat qaangiutereeraangata, imatut paasillugu suliffeqarfiup siullermik piumasaqarmalli akilissagit.

Pisoqalisoornermut killigititaq qaangerneqareeraangat, taava suliffeqarfiup piumasarisinnaajunnaarpaa, akiligassaq akilissagit. Taamaattoq immikkut ittumik pisoqarsinnaasarpoq, sivisunerusumik pisoqalisoornissamik killigititaq atuuffeqarsinnaalluni, soorlu assersuutigalugu pineqarsinnaavoq aningaaservimmi aningaasanik atorniartarsimagaanni.

Pisoqalissoornermik killigititaasoq ullormi akiliiffissaraluarninngaanniit ingerlanneqartarpoq. Suliffeqarfiup ilisimanngippagu aningaasanik akiligassaqartutit, taava ullorititaasussaq imaluunniit killigititaasussaq ullormi tassani suliffeqarfiup pineqartoq paasimmagu, ullormi tassanngaanniit ingerlanneqalissaaq. Assigilluinarpaa aamma suliffeqarfik ujarlutit nassaarisinnaasimanngippatit, soorlu assersuutigalugu nunanut allanut nuussimmasinnaavutit nuuffissatullu adresse-iusussaq nalunaarutiginagu.

Ukiuni tallimani pisoqalissoornissamik killigititaasoq taamaatiinnarneqartarpoq, illit akiligassaq akuerigukku, soorlu erniaasut akilersulerlugit imaluunniit akilersuillutit aallartikkuit, imaluunniit suliffeqarfik eqqartuussisunut sassartinniarpatit.

Ukiuni 20-ini pisoqalisooraangat

Naliginnarmik pisoqalisoornissamik killigititaasut sivitsorneqartarput:

  •  Allakkatigut nassuerutigigukku aningaasat akiligassaralugit, soorlu assersuutigalugu akiligassaqarlutit allakkanut atsioruit imaluunniit isumaqatigiissuteqarussi
  •  Suliffeqarfik eqqartuussinikkut allatigulluunniit eqqartuussinikkut ilinnut piumasaqarluni inerniliisumik aalajangersaavigineqarpat

Taamatut pisoqartillugu killigititaasut ukiunut 20-inut sivitsorneqartarpoq piffissami eqqartuussinikkut tunngavissamik aalajangiisoqarneraniit. Ukiunik 20-inik piffissarititaasut taamaatiinnarneqartarput akiligassatit akueralugit nassueruit, soorlu erniai akilersugassartaalu akilersulerukkit, imaluunniit suliffeqarfik eqqaasinniarlutit piumasaminik nassitsivigippatit.

Tuniniaasup qanoq iliuuseqannginnera

Ilaatigooriarluni akiligassamik piumasaqaat taamaatiinnarneqarsinnaasarpoq naak ukiut tallimat suli qaangiutinngitsut. Tamanna ilaatigut pisinnaavoq suliffeqarfik qanoq iliuuseqarsimanngippat ilinnullu paasissutissiisarsimanngippat akiligassaqartutit.

Imaassinnaavoq, saniatigut akiligassarsisutit atuisimaninni naak ukiorpassuit matumap siorna pisimasuusoq, naak suliffeqarfiup oqaluttuutereeraatit akiligassaqanngitsutit. Aamma imaassinnaavoq suliffeqarfik pineqartoq nalunaarfigisimagit, isummat naapertorlugu akiligassaq naapertuutinngitsoq aamma ukiuni arlalinni qisuariaateqanngisaannarsimasoq.

Tamatigut tigussaasumik naliliinerussaaq, paaserusukkaanni suliffeqarfik qanoq iliuuseqarpallaarsimanngippat. Taava tassunga tunngatillugu tunngavilersuutigineqarsinnaavoq, suliffeqarfiup pissusaa naapertorlugu akuerineqarsinnaasumik naatsorsuutigisimagit akiligassatit qangali akilertareersimallugit. Imaluunniit akuerineqarsinnaasumik naatsorsuutigisimagit, suliffeqarfiup piumasani taamaatiinnarsimagai.

Scroll to Top