Aqutsisoqarfik allaffissornermi sulisussanik marlunnik pissarsiorpoq

Atuisartoqarnermut Unammilleqatigiinnermullu Aqutsisoqarfik allaffissornermi sulisussanik marlunnik pissarsiorpoq, allaffissornikkut suleqatigiinni suleqataasussanik, Aqutsisoqarfiup suliassaatai tamakkiisumik tassani suliarineqartarput suliassamik isumaginninneq ilanngullugu.

Aqutsisoqarfik tassaavoq Atuisartoqarnermut Aqutsisoqarfik, tassaniippullu aamma Atuisoq, Atuisartoqarnermut Naammagittaalliornermullu Aqutsisoqarfik. Suliassat assigiinngitsut suliarisarpavut aamma sulisuulluta ilisimasavut piginnaanivullu ulluinnarni suleqatigiinnermi atorluartarpavut. Avatangiisivut ammasuullutillu pingaartorsiortuunngillat. Suliffeqarfiuvugut ineriartortoq suliassallu ingerlarni immikkut alapernaalluarlugit aamma pitsaasunik atorluarsinnaasunillu suliaqartarnissarput pingaartipparput.

Allaffimmi silarlermi sulisussatut saaffiginnittarfik suleqataaffigissavat, tassanilu allakkat isertut agguataarneqartarput, oqarasuaatikkut saaffiginnittut toqqaannartumillu attaveqartut oqaloqatigineqartarput. Allaffimmi silarlermi aamma ataatsimiinnissanut piareersaatit inini ataatsimoorfiusuni Aqutsisoqarfimmi isumagisarpaat. Aqutsisoqarfimmi sulisunut aalajangiisartullu ilaasortaanut angalanissamut inniminniisoqatarpoq billetsersisarlutillu, akiligassat aammalu akissarsiassat aamma suliarisarpaat.

Allaffimmi silarlermi suliassat pingaartut ilaat tassaapput nutserisoqarnermut Aqutsisoqarfimmi allaffissornikkut isumagisassat.
Aqutsisoqarfimmi aalajangigassarpassuaqarpoq, taakkualu ilaatigut nutserisunit suliassaapput, nutserisut immikkut aaqqissugaapput kiisalu Aqutsivimmi sulisunit aamma suliarineqartarlutik.

Suliassat taaneqareersut saniatigut aamma IRIS-imi naatsorsuusiorneqassapput, aaqqissuussinerillu tamakkerlugit naliginnaasumik tapersersorneqarput. Allakkanik nakkartitsiviit pisortatigoortut pingasuupput taakkualu suleqatigiinnut agguataarneqartarput, tamarmillu sinniisuuffeqarlutik, allakkanik tigusisussaqartuarnissaa siunertaralugu.

Naliginnaasumik sapinngisamillu ilinniarsimassuseq tunngavigalugu suliassat agguataarneqaannaavipput. Taamaalilluni periarfissaavoq allaffimmi silarlermi suliassanik agguataarinninnermi peqataassalluni.

Pingaaruteqarpoq aaqqissuussillaqqissutsit ulluinnarnilu ulapaarfimmi suna tamaat qulangersinnaallugu.
Makkuninna ilisimasaqaraanni pitsaaqutaassaaq:

  • ESDH-kkut aaqqissuussinermi suliassat
  • TMS-kkut nutserineq, nutsigassallu ManTra-mut nuutsillugit
  • IRIS-ikkut naatsorsuusiorneq
  • Sulilluni angalanissanik inniminniisinnaaneq NAIA atorlugu
  • Ilinniarnissamik ilisimasaqarneq piumassuseqarnerlu, Content Management System C1-imut paasissutissanik nuutsitsineq.

Ilinnut piumasaqaataavoq

  • Kalaallisut qallunaatullu oqaaseqartutit
  • Office-pakken atorluarsinnaagit
  • tulleriiaarluakkamik sulisinnaasutit, aaqqissuussillaqqittutit aalajaatutsillu

Pitsaaqutaassaaq

  • nutserinermut misilittagaqaruit
  • suliassamik suliaqarlutit isumaginnittarsimaguit
  • Aaqqissukkamik atukkavut (system-it) qulaani taaneqartut ilisimasaqarfigissagitit
  • Ataqatigiissaarinermik suliaqarsimasutit aamma/imaluunniit iluarsartuullugu pilersaarusiorsimasutit

Akuttunngitsumik makkua attaveqarfigisarpavut

  • Kommunit
  • DcR
  • Akissarsialerivik
  • Digitaliseringsstyrelsen
  • Illup nakkutilliisui
  • Sullissivik

Qulaani taaneqartunut ilisimasaqarnissaq imaluunniit suleqataaffigisimagaanni misilittakkanut ilapittuutaapput.

Paasissutissat amerlanerusut Nivi Frenderup-Strunz-imut nstr@nanoq.gl -mut saaffiginninnikkut pissarsiarineqarsinnaapput. Aammattaaq nittartagaqarput takuneqarsinnaavoq: www.aua.gl

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut “qinnuteqaat nassiuguk” toorlugu nassiutikkit.
E-mail-ikkut qinnuteqaatinik tigusineq ajorpugut.

Scroll to Top