Timmisartut aallartarnerisa allannguutaat

Timmisartorlutit aallarfissat allannguuteqarpat?

Timmisartorlutit aallarfissat allanngussappat, pisinnaatitaaffigivat immikkut nalunaarfigitinnissat. Imatut paasineqassaaq timmisartuutileqatigiiffiit imaluunniit angalatitsiviup illit attavigissagaatit, taamani billetimik pisigavit imaluunniit inniminniigavit paasissutissat tunniussimasatit atorlugit. (soorlu SMS imaluunniit e-mail atorneqarsinnaavoq)

Illit attaveqarfigineqarnissarnut paasissutissat eqqortuunissaat akisussaaffigivat. Illit aamma namminneerlutit nakkutigisassarivat nalunaarutit ilinnut nassiussorneqartut nakkutigissallugit, imaluunniit sianerfigitinnitit nammineq isumagissallugit.

Soorlu assersuutigalugu illit nammineq akisussaaffigivat, nalunaarfigitissinnaanngikkuit e-mail kukkusoq tunniussimagukku, attaveqaatikkut atassuteqanngippat imaluunniit ilinnut nalunaarutigineqartoq spamfilter-ikkoorpat.

Timmisartuutileqatigiit akisussaaffigaa allannguuteqarpat ilinnut nalunaaruteqassalluni. Timmisartuutileqatigiit piffissaagallartillugu allannguuteqartoqarneranik nalunaanngippat, taava ingerlatseqatigiiffik akisussaavoq arlaatigut annaasaqartoqassappat, tamatumani paasissutissamik pinngitsoorsimaguit taakkua pisuussutigisaannik. Taamaattoq pisariaqarpoq nalunaarfigitinnginnerit ilinnut tunngasutigut pisuussutigineqarsinnaannginnissaa.

Timmisartuutileqatigiit aallarnissamik piffissaasut taamaallaat nammineq nittartakkaminni nalunaarutigippassuk naammanngilaq, ilaasullu kajumissaarlugit nittartakkaminni nammineq nakkutigiinnassagaat. Allannguutit pingaarutillit isumaqatigiissutaasumit – imatut paasillugu billetip pisiarinerani isumaqatigiissutaasut – allannguutit tamatigut siumutoormik ilinnut toqqaannartumik kalerriutigisassavaat.

Aammattaaq piffissamik sioqqutsilluarlutit nalunaarfigineqartassaatit, piffissaqarluarlutit aaqqissuisinnaaniassagavit.

Timmisartuutileqatigiit assersuutigalugu aallarnissat ima siuarsarsimappatigik allaat, aallarnissarnut nassatanik tunniussinissat ajornakusuulerluni, taava timmisartuutileqatigiit tamanna akisussaaffigissavaat.

Allatigut pisoqartillugu tigussaasumik nalilersuisoqartariaqarpoq, aallarnissaq siuarsimasoq kalerriutigineqarpat piffissaagallartillugu, illillu perisarfissineqarsimallutik qisuariassallutit.
Ulloq unnuarlu sioqqullugu kingusinnerpaamik kalerriisoqarsimappat aallarfissaq siuartoq taava tamanna piffissakkut naliginnaasumik kalerriineruvoq, allatigut immikkut ittumillu pisoqanngippat.

Naliginnaasuuvoq timmisartuutileqatigiit uppernarsaatitaasussaasut, ilumut kalerrissallutit misiliisimanerminni.

Angalanissat angalatitseqatigiiffimmi pisiarisimagukku?
Angalanissat angalatitseqatigiiffimmi pisiarisimagukku, taava angalatitseqatigiiffiup angalanissap iluatsinnissaa akisussaaffigaa. Tamannarpiaq patsisaalluni angalatitseqatigiiffik kalerrittassavat angalanerit arlaatigut innarlerneqarpat.

Angalatitseqatigiiffiup timmisartuutileqatigiit pisinnaatitaaffimmik tunisinnaavaa timmisartup aallarfissai il.il. pillugit nalunaaruteqaqqullugu, kisianni angalatitseqatigiiffiup akisussaaffigivaa, timmisartuutileqatigiit ilinnut paasissutissaasut pigissagai, ingerlatitseqatigiiffiup atugassarippagit. Timmisartuutileqatigiit pisuussutaannik kukkusoqarpat, taava angalatitseqatigiiffiup tuniniaasimasutut ilinnut akisussaatitaassussaavoq.

Timmisartumik aallarnissat taamaatiinnarneqarpat?
Timmisartumik aallarnissat taamaativippat, taava naliginnaasumik pisinnaatitaaffigivat aallarnissamut nutaamut innimminniisoqarnissaa, imaluunniit aningaasat utertissinnaallugit, nutaamik innimminniisoqarnissaa kissaatigissanngikkukku. Soorlu assersuutigalugu imaassinnaavoq angalanissap siunertaa maanngaannartinneqartoq.

Taamatittutut taaneqarsinnaavoq, timmisartuutileqatigiit timmisartuussinissartik taamaatiinnarpassuk taarsiullugulu aallarfissanut allanut innersuunneqarpata, aallarfissallu nutaat siullermik aallarfissaasumut allaassuteqarpat. Taamatut naliginnaasumik pisoqartillullugu naliginnaasumik kingunerisarpaa timmisartup normuata allanngortinneqarnera timmisartumut normumut allamut nuutsillugu, siullermik innimminniiffigisarnik allaanerusumik.

Angalanissat EU/EØS-imi aallartissimappat, imaluunniit timmisartumut ilaasimaguit timmisartuutileqaleqatigiiffimmut EU/EØS-imeersumik (soorlu ass. Island), taava taartisissutiginissaannut pisinnaatitaaffeqarputit, angalanissap taamaatiinnarneqarnera piffissaagallartillugu nalunaarutigineqarsimanngippat.

Timmisisartuutileqatigiit aallarnissat qanoq siumoortigisumik kingumoortigisumilluunniit nuutitseqqusaava?

Aalajangersimasumik killeqanngilaq aallarfissat qanoq siumoortigisumik kingumoortigisumilluunniit nuutitseqqusaanersoq. Aallaavittut isigalugu pisinnaatitaaffitit angalanissamik inniminniigavit piumasaqaataasut atuuttut naapertorlugit inissisimapput, taakkualu akuersaarpatit angalanissat pisiariakku.

Naliginnaasumik timmisartumik billetsi pisiarisimasat atorunnaarsissinnaavat, tunngaveqarluartumik allannguineruppat. Allannguut tunngaveqarluarsimanersoq nalilersorniaraanni, angalanissap piffissaatigut katillugu sivisussusia aammalu angalanissap ungasissusia isigineqartarpoq. Angalaneq ungasilliartortillugu angalasup aamma allannguutaasinnaasut annerusut akuerisariaqarpai.

Isumaqatigiissutip piumasaqaataanni amerlasuutigut timmisartumut billetsit eqqarsaatigalugit aalajangersorneqareertarpoq aallarfissat qanoq annertutigisumik kinguarsarlugillu siuarsarneqarsinnaanersut, allannguut tunngaveqarluartutut taaneqarsinnaassappat pisiarisareerneratigut utertinnialerpat. Piumasaqaatit taamaattut pituttugaapput, erseqqiffaarissumik naapertuutinngippata.

Angalanissat EU/EØS-imi aallartissimappat, imaluunniit timmisartumut ilaasimaguit timmisartuutileqaleqatigiiffimmut EU/EØS-imeersumik (soorlu ass. Island), taava taartisissutiginissaannut pisinnaatitaaffeqarputit, angalanissap taamaatiinnarneqarnera piffissaagallartillugu nalunaarutigineqarsimanngippat.

Isummersuut: Periarfissaqassaguit isumassarsialatsiaasinaavoq, ullormik aallarfissat sioqqullugu unnukkut aallannginninni inniminniissimanerit aamma/imaluunniit timmisartup ilaaffigisassat aallarfissaa ajunnginnersoq misissorukku. Timmisartuutileqatigiit nittartagaata hjemmeside-ani assersuutigiinnarlugu takusinnaavat.

Scroll to Top