Maalaaruteqartarfik inatsisilerituumik Naammagittaalliuuteqartarnermi Allatseqarfiup Pisortassaanik, isumaginninnermi inatsisinik immikkut ilisimasalimmik inuttassarsiorpoq

Maalaaruteqartarfiup sulianik ilisimasassaat tamakkiisut Naammagittaalliuuteqartarnermi Allatseqarfiup Pisortaata akisussaaffigai, aammalu sulianik suliarinnittariaatsip pitsaasuunissaa, aammattaaq siulittaasutut aalajangiissutit, Ataatsimiititalianilu aalangiissutit qaffasissuunissaata qulaajartornissaa akisussaaffigalugu.

Naammagittaalliuuteqartarnermi Allatseqarfiup Pisortaata sulianik ilisimasamassat ineriartortuarnissaat, kiisalu suliarinnittariaatsip ingerlaavartuarnissaat isumagisussaavaa.

Aammattaaq, Naammagittaalliuuteqartarnermi Allatseqarfiup Pisortaa Isumaginninnermi Naammagittaalliuuteqartarfimmi siulittaasuuvoq, Isumaginnittoqarfiup aqunneqarnera aaqqissuussaaneralu pillugit Inatsisartut peqqussutaat nr. 11, 12. novembari 2001-imeersumi kingusinnerusukkut allannguuteqartumi §§ 9-11a takuuk.

Maalaaruteqarfik
Maalaaruteqartarfik ukunani naammagittaalliuutinik sullissinermi ataatsimoortumik allattoqarfiuvoq; Isumaginninnermi Naammagittaalliuuteqartarfimmi, Siusinaartumik Pensionisiaqarnermut Maalaaruteqartarfimmi, Ineqarneq pillugu Maalaaruteqartarfimmi, Avatangiisit innarlitsaaliorneqarnissaannik Maalaaruteqarnermi Ataatsimiititaliami, Avatangiisit Pinngortitarlu pillugit Maalaaruteqarnermi Ataatsimiititaliaanilu.
Isumaginninnermi Naammagittaalliuuteqartarfiup, kommunip aammalu Isumaginninnermut, Ilaqutariinnut Inatsisinillu Atuutsitsinermut Naalakkersuisoqarfiup aalajangiissutaai, isumaginninnermut tunngasunik naammagittaalliuutit suliarisarpai.

Maalaaruteqartarfiup suliarisartagai annertoqaat, taamaammat sullissinermi inatsisilerinerup suliarinnilluarsinnaanerullu pitsaasuunissaa pingaaruteqarpoq.

Maalaaruteqartarfimmi suliassatit pingaarnerit tassaapput:

  • isumaginninnermi Naammagittaalliuuteqartarfimmi siulittaasutut suliassat nakkutiginissai.
  • Maalaaruteqartarfimmi suliamik ilisimasalittut akisussaaffik, sulianik ataasiakkaanik pitsaassusaanik isumannaarinninneq. Suliamik ilisimasalittut akisussaaffik, tamatumanilu Maalaaruteqartarfimmi suliat pitsaassusaanik qulakkeerinninneq, kiisalu suliassanik suliarinninnermi aaqqissuussineq naapertuulluarnissaanik isumannaarinneq
  • Maalaaruteqartarfiup (nævn og udvalg) allattoqarfiani aqutsinermi suliamik ilisimasalittut akisussaaffik
  • Maalaaruteqartarfiup anguniagaanik, soorlu piffissaq sullissinermi atorneqarnera pillugu, anguniarnerata isumannaarnissaa pillugu isumaginnittoq
  • Aqutsisut suleqatillu siunnersorlugillu siunnersiueqatigisarnissaat
  • Sulianik sullissineq
  • Innuttaasut saaffiginnissutaasa akissuteqarfigisarnissaat
  • Ilitsersuutinik ukiumut nalunaarutinillu nittartakkamut atorneqartussanik allannissaq, aammattaaq aalajangiinerit tunngaviliisut tamanut saqqummiunneqartarnerinik suliarinninneq
  • Oqaaseqaasiorneq, saqqummiussineq, allaffimmi atugassanik ilitsersuutiliorneq, tamatumanilu suleriaasissanik ilitsersuutinillu sananeq.
  • Inatsisiliornermi piareersaatinik sananermi peqataaneq, tusarniaanermilu akissutinik suliaqarneq
  • Allaffiup avataani suleqataasunik ataatsimiinnissanik ataqatigiissaarineq
  • Suliassat tamalaat

Ilinnut
Naatsorsuutigaarput, illit:

  • Inatsisilerituutut kandidatitut qaffasitsigisumik ilinniagartuusussaagavit
  • Kalaallit nunaanni isumaginninnermi inatsisilerineq ukiut arlallit misilittagaqarfigisimassagit, tamatumani sullissisutut misilittakkat aamma atorneqarsinnaapput
  • Maalaaruteqartarfiup suliarisartagaanik soqutigisaqarnissaq, aammattaaq pisortat ingerlatsineranni suliassat suliarineqartarnerat pillugu inatsimmut soqutigisaqarnissaq
  • Sullissermi piginnaaneqarluartuunissat
  • Sulianik aaqqissuussilluartumik pitsaassunillu suliaqarsinnaaneq
  • Suliffeqarfimmi Naalakkersuinikkut aqunneqartumi ilisimasaqarluartoq
  • Namminersorlutit sulianik suliaqarsinnaaneq, aammattaaq suleqatitit suliamik ilisimasalittut suleqatigiinnissamut aqutsilluarsinnaanissat
  • Suliamik ilisimasalittut atortussanik tamanut – ilisimasalinnuinnaanngitsoq – nassuiaalluarsinnaanissat
  • Oqaluttariarsornikku allattariarsornikkullu oqaatsinik ilisimasaqarluarnissat
  • Kalaallit oqaasii kulturiat, inuiaqatigiinnermilu pisut ilisimasaqarfigineri iluaqutaassaaq

Atuisartoqarnermut Unammilleqatigiinnermullu Aqutsisoqarfik pillugu
Atuisartoqarnermut Unammilleqatigiinnermullu Aqutsisoqarfik suliffeqarfiuvoq pissanganartoq ineriartorluartorlu.

Sulianik sullissinerput ingerlariaaserpullu sammisarilluarpagut, tamatumanilu sunneeqataasinnaaneq periarfissaalluarluni.

Ulluinnarni suliffeqarfik suleqatigiilluartumik kiinnerfiuvoq, ammasuulluni oqitsuullunilu suliffeqarfiuvoq.

Atuisartoqarnermut Unammilleqatigiinnermullu Aqutsisoqarfik, Maalaaruteqartarfiup saniatigut, immikkoortoqarfii ukuupput; Unammilleqatigiinnermut Aqutsisoqarfik, Atuisartoqarnermut Aqutsisoqarfik, Allattoqarfillu.

Aqutsisoqarfiup iluani saliassat assigiinngitsit suleqatigiissutigineqartarput, ulluinnarnilu nammineq ilisimagagut piginnaanigullu atorlugit, tamattaalluta suleqatigiilluta avitseqatigiittarpugut.

Akissarsiat atorfininnermilu atugassarititaasut
Akissarsiat atorfininnermilu atugassarititaasut, tamatumunngalu atorfinitsitaanermi soraarnermilu angalanissamut pigisallu nuunneqarnissaannut akiliunneqarsinnaanissaq pillgu inatsisit malillugit periarfissat, Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap, akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Qinnuteqartoq piukkussaq, pissutsit naapertorlugit immikkut ittumik tapimik imaluunniit siunnersortit pisortaattut tapimik tunniussisoqarsinnaavoq.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni, sulisutut ineqarsinnaatitaanini tigummiinnarsinnaavaa.

Atorfimmut atatillugu najugarisaq atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat allat
Atorfik pillugu suli paasisaqarnerorusukkuit una attaveqarfigisinnaavat: Immikkoortortaqarfimmi pisortaq, Rannvá Clementsen, +299 34 54 23, racl@nanoq.gl.

Atuisartoqarnermut Unammilleqatigiinnermullu Aqutsisoqarfik pillugu paasissutissat allat uani atuarneqarsinnaapput: www.aua.gl. Aammattaaq Namminersorlutik Oqartussat pillugu uani atuarneqarsinnaavoq: www.naalakkersuisut.gl.

Qinnuteqarneq
Qinnuteqarnissamik killigititaasoq tassaavoq januar-ip 11 2021.

Qinnuteqaateqartut ingerlaavartumik oqaloqatigineqassapput.

Qinnuteqaatit toqqorteruk, paasissutissat attuummassutillit ilanngullugit, linki atorlugu.

Atorfiniffissaq
Atorfinitsiffissaq sukkanerpaamik pissasoq kissaatiginarpoq, qinnuteqartorlu piukkunnarnerusoq soorunami utaqqimaarusupparput.

Qinnuteqaat nassiuguk

Scroll to Top