Isumaginninnermi naammagittaalliuteqartarfik
Forbruger– og Konkurrencestyrelsen
Menu
Isumaginninnermi naammagittaalliuteqartarfik Pillugu
Kikkuuvugut?
Uagut tassaavugut oqartussat, inatsisinik maleruagassanillu ilisimasaqarluartut. Kommunip aalajangigaanik meeqqat inuusuttullu naammaginninngikkunik ikiuisinnaavugut.
Uagutsinnut nammagittaalliuuteqaruit, suliaq ilinnut tunngasoq kommunip eqqortumik suliarisimaneraa misissussavarput.
Uagut:
- kommuni isumaqatigisinnaavarput.
- kommuni isumaqatiginngissinnaavarput – taamaasillutalu aalajangigaq allanngortissinnaallugu.
- Kommunip suliaq misissoqqissagaat oqarfigisinnaavarput.
Suliami ilinnut tunngasumi aalajangigaqarutta, kommunip aalajangigarput malittussaavaa.
Qaqugukkut naammagittaalliuuteqarsinnaavunga?
Qanorluunniit ukioqaraluaruit uagutsinnut naammagittaalliuuteqarsinnaavutit.
Kisiannili naammagittaalliuutinnut paasisimasaqarnersutit qulakkiissavarput.
Isumaqarutta suliaq sumut tunnganersoq paaseqqissaarsimanngikkit, naammagittaalliuutit suliarissanagu aalajangersinnaavugut.
Nipangersimasussaatitaavugut
Oqaatigisimasatit kommunimut aamma angajoqqaannut kisimi oqaatigisinnaavagut.
Kisianni aatsaat suliap ilinnut tunngasup suliarinissaanut tamanna pisariaqaraangat taamaasiortarpugut.
Ilinnut ernumanngitsilluta – allanut oqarneq ajorpugut.
Nalunaaruteqartussaatitaavugut – uku ingerlateqqittussaavagut
Ernumanarsinnaasumik oqaaseqarsimaguit kommunimut ingerlateqqissavarput – soorlu:
- annersinneqarsimaguit
- imminut toqunnissamut eqqarsaateqaruit
- angajoqqaavit imaluunniit isumassiuisuit paaqqutarinngippatit
- angajoqqaatit imaluunniit isumassiuisutit imigassartorpallaarsimappata
Oqaatigisatit ilungersunangaatsiartillugit politiit aamma attavigisinnaavagut. Sianiginiarlutit taamaasiorsinnaavugut.
Kinaassusera isertuussinnaavara? – Kinaanersunga nalussanngilisiuk?
Kinaassutsit isertuussinnaanngilat. Uagutsinnut naammagittaalliuuteqarniaruit qanoq ateqarnersutit, qassinik ukioqarnersutit, illoqarfimmilu sorlermi najugaqarnersutit paasissavarput.
Kisiannili nipangiusimasussaatitaavugut. Tamanna isumaqarpoq, oqaatigisimasatit kommunimut aamma angajoqqaannut kisimi oqaatigisinnaagigut.
Kisianni suliap ilinnut tunngasup suliarinissaanut tamanna aatsaat pisariaqaraangat taamaasiortarpugut.