Angerlartitsinerup kingorna nakkutilliisarneq tassaavoq, siornatigut inissinneqarnikuusimaguit, 18-inileereernivillu kingorna ikiorserneqarsinnaanerit.

Soorlu:

• Ilaqutariinni ilinnut paarsisartuni imaluunniit paaqqinniffimmi najugaqaannarnissamut
• Inissarsinissamut
• Ilinnialernissamut ilinniaannarnissamullu imaluunniit sulilernissamut suliinnarnissamullu
• Tapersersorteqarnissamut attaveqaateqarnissamut
• Aningaasatigut tapersiissutinut ikiorneqarneq.

Angerlarsitsinerup kingorna nakkutigineqarsinnaavutit:

• Tapersersorneqarnissamut pisariaqartitsiguit
• Ikiorneqarnissannut nammineq akuersiguit

24-nik ukioqalernissavit tungaanut angerlartitsinerup kingorna nakkutigineqarsinnaavutit.

Suut pisariaqartinneritit pillugu kommunip aperisinnaavaatit – tusarnaarlutillu. Angerlartitsinerup kingorna nakkutigineqarnissap qinnutiginissaanut pisinnaatitaaffeqartuaannarputit – qanorluunniit siornatigut naaggaarnikuusimagaluaruit aamma.

Kommunip aalajangigaa pillugu isumaqataanngikkuit uagutsinnut naammagittaalliuuteqarnissamut pisinnaatitaaffeqartuaanarputit.