Suliami pineqartut saqqummiussassamut siunnersuutaat:
Atuisartoqarnermut Unammilleqatigiinnermullu Aqutsisoqarfik Polar Seafood Greenland A/S-ip (“PSG”) Polar Seafood Denmark A/S-imut (“PSD”) tamakkiisumik aqutsisuulernissaa pillugu pisariillisamik nalunaarummik missingersuummik tigusaqarnikuuvoq. Ingerlatsineq sioqqullugu PSG PSD-mi aktianik 50%-nik piginnittuuvoq, S-13 Holding ApS-ilu aqqutigalugu Brim hf peqatigalugu PSD-mi aqutseqataalluni.
Ingerlatsinermi PSG-ip PSD-mi aktiat 50%-it sinneruttut pigilissavai taamaasillunilu kisermaassilluni PSD-mut piginnittuulissalluni.
PSG kalaallinit aalisarnermik ingerlatseqatigiiffiuvoq Nunatsinni aalisakkanik qalerualinnillu piniarnermik suliarinninnermillu suliaqartarput.
PSD danskinit ingerlatseqatigiiffiuvoq aalisakkanik qalerualinnillu suliarinninnermik, nassiussuinermik, tuniniaanermillu suliaqartartoq.
Peqataasut isumaat naapertorlugu ingerlatsineq suliffeqarfiit kattunnerannik nakkutiginninneq pillugu unammilleqatigiinnermi aalajangersakkat pillugit Inatsisartut inatsisaat malillugu ingerlatsisoqassasoq, tamannalu isumaqarpoq Atuisartoqarnermut Unammilleqatigiinnermullu Aqutsisoqarfimmit akuersissuteqareersimanngippat suliffeqarfinnik kattussineq pisinnaanngitsoq.
Atuisartoqarnermut Unammilleqatigiinnermullu Aqutsisoqarfiup innersuuppaa attuumassutillit tamarmik suliffeqarfinnik kattussinermut oqaaseqaateqassasut kingusinnerpaamik ulloq 17 2026, nal. 12. Oqaaseqaatit uunga nassiunneqassapput:
Atuisartoqarnermut Unammilleqatigiinnermullu Aqutsisoqarfik
Imaneq 29
3900 Nuuk
E-mail: aua@nanoq.gl