Ineqarneq pillugu Maalaaruteqarfik ulloq 11. juuni 2021-mi inissiaatileqatigiiffik Y-ip najukkat XX pillugu aalajangiussaa 8. juuli 2020-meersoq suliaraa imalu aalajangiivoq:
AALAJANGIINEQ
Ineqarneq pillugu Maalaaruteqarfiup maalaarutit suliarissallugu piginnaaneqartinneqanngilaq, najukkat pillugu maalaarutit ZX-imiit pigineqarmat, taannalu pisortanit pigineqarani. Taamaattumik suliassaq unitsinneqarpoq.
Inissianik attartortitsisarneq pillugu Inatsisartut peqqussutaat nr. 2, 12. maaji 2005-imeersoq kingusinnerusukkut allannguuteqartoq naapertorlugu aaliangiisoqarpoq.
Suliami allagaatit:
- Attartornermut isumaqatigiissut, inissiaatileqatigiiffik aamma naammagittaalliortup akornanni isumaqatigiissut ullulerneqarnikoq januaari 2020.
- Maalaartup Inissiaatileqatigiiffik-illu akornanni e-mailit qinnuteqaammut itigartitsissummullu tunngasut
- Maalaarut juuli 2020-meersoq
- Inissiaatileqatigiiffik-imit nassuiaat
- Inissiaatileqatigiiffik-imit najukkap piginnittua pillugu e-maili
Nassuiaat:
Suliami takuneqarsinnaavoq, attartukkat XX, ulloq 15. juuli 2016-imi tigusimagit. Attartornermut isumaqatigiissummi takuneqarsinnaavoq, attartukkat Inissiaatileqatigiiffik-imit piginnittoq sinnerlugu attartortinneqartoq. Attartornermut isumaqatigiissummi kina piginnittuunersoq takuneqarsinnnaanngilaq.
Ulloq 7. juuli 2020-mi Inissiaatileqatigiiffik-imut qinnuteqarputit, najukkami allami attartortup attartukkaminik unitsiinissaa iluatsillugu paarlaaqatigerusullugu. Ulloq 8. juuli 2020-mi Inissiaatileqatigiiffik itigartitsivoq, attartortup aappaa attartukkaminik unitsiisussaammat, taamaattumik tamanna paarlaaqatigiinnertut isigineqarsinnaanngitsoq tunngaviliullugu.
Ineqarneq pillugu Maalaaruteqarfimmut ulloq 22. juuli 2020-mi Inissiaatileqatigiiffip paarlaaqateqarnissamut itigartitsinera pillugu maalaaruteqarputit.
Inissiaatileqatigiiffip suliamut nassuiaammini nalunaarutigaa, inissiaatileqatigiiffiup najukkamik paarlaaqatigiinnissamut aalajangiussani maleruagassat namminneq inississinnaagaat, Inissiaatileqatigiiffik 1. januaari 2020 aallarnerfigalugu namminersortutut inissiaatileqatigiiffinngornikuummat.
Kingorna Inissiaatileqatigiiffik-ip Ineqarneq pillugu Maalaaruteqarfimmut nalunaarutiginikuuaa, ZX-ip najukkat pillugit immikkoortortaqarfik tamaat pigilernikuugaa, attartukkallu XX tassani ilaasoq. Attartorneq Inissiaatileqatigiiffik-imit allaffissornikkut isumagineqarpoq.
Inatsisitigut tunngavigisaq:
Inissianik attartortitsisarneq pillugu Inatsisartut peqqussutaat nr. 2, 12. maaji 2005-imeersoq § 82-imi erserpoq, Namminersornerullutik Oqartussat kommunellu inissiaataanni attartortittakkani attartortut attartortitsisullu akornanni aaqqiagiinngissutit, tak. § 84, suliarineqarnissaannut Naalakkersuisut ineqarneq pillugu maalaaruteqartarfimmik pilersitsisinnaapput, taannalu siulittaasoqassaaq maalaaruteqartarfimmilu pingasunik nalinginnaasunik ilaasortaqassalluni.
Inatsisartut peqqussutaanni § 86 imm. 6-imi erserpoq, Ineqarneq pillugu maalaaruteqartarfiup aalajangiineri Namminersornerullutik Oqartussanut kommunenullu, inissianik attartortitsisuusunut pinngitsoorani malinneqassapput. Namminersornerullutik Oqartussat kommuneluunniit avataaniit allaffissornikkut aqutsisumik isumaginnittuutitaqarpata,
maalaruteqartarfiup aalajangiineri aamma taakkununnga pinngitsoorani malinneqassapput.
Imm. 7. Maalaarummik itigartitsineq allaffissornikkut aqutsinermi pisortanut oqartussaasunut allanut suliassanngorteqqinneqarsinnaanngilaq.
Naliliineq:
Ineqarneq pillugu Maalaaruteqarfik isumaqarpoq, ataatsimiisitaliaq suliassiissutivit suliarinissaanut piginnaassuseqartitaanani.
Tassunga tunngavigineqarpoq, najukkat ZX-imiit pigineqarmat, taannalu pisortanit pigineqarani. Ineqarneq pillugu Maalaaruteqartarfik Namminersorlutik Oqartussat kommunillu attartortittagaanni maalaarutigineqartut kisiisa suliarisinnaavai.
Ineqarneq pillugu Maalaaruteqarfiup tunngaviliuppaa, ZX kommunip avataatigut namminersortutut ingerlasoq. Attartortup ZX-illu akornanni isumaqatigiinngissuteqartoqarpat, inatsisitigut tunngavilimmik Ineqarneq pillugu Maalaaruteqarfiup suliarisinnaanngilaa.
Inissiaatileqatigiiffiup aalajangiussa pillugu maalaaruteqarusukkuit, Kalaallit Nunaanni eqqartuussiveqarfinnut maalaaruteqarsinnaavutit Attartortitsisumik sassaqqusissut Eqqartuussivimmut tunniunneqassaaq.
Aalajangiineq:
Ineqarneq pillugu Maalaaruteqarfik suliamik suliaqarnissaminut piginnatitaaffeqanngilaq, taamaattumillu suliaq suliareqqissanngilaa.
Akiliutigisimasavit utertinneqarnissaannut pisinnaatitaaffeqarputit. Taamaammat qinnuigineqarputit kontomut sorlermut akiliutigisimasatit ikineqassasut Ineqarnermut Naammagittaalliuuteqartarfimmut ilisimatitsissutigeqqullugu.
Naammagittaalliuuteqarnissamut ilitsersuut:
Ineqarneq pillugu Maalaaruteqartarfiup aalajangiinera allaffissornikkut aqutsinermi pisortanut oqartussaasunut allanut suliassanngorteqqinneqarsinnaanngilaq, Inissianik attartortitsisarneq
pillugu Inatsisartut peqqussutaanni nr. 2-mi, 12. maaji 2005-imeersumi kingusinnerusukkullu allanngortinneqartumi, § 86, imm. 7 naapertorlugu.
Inussiarnersumik inuulluaqqusillunga
Naja Joelsen
Ineqarnermut Maalaartarfimmi siulittaasoq
Assilineqarnera uunga: Inissiaatileqatigiiffik. Allakkat nr. innersuussutigineqarpoq XX-XXX-XXXX