Greenland Venture akerleralugu Unammilleqatigiinnermut Nakkutilliisoqarfik

15. juni 2012

2008-011541

Unammilleqatigiinnermi aalajangiisartut ulloq 30. september 2008-imi Greenland Venture A/S-imik (maannamiit ”Venture”) misissuinini aallartippaa erseqqissarnissaa siunertaralugu qanoq ingerlatsivik aningaasaliinimikkut unammilleqatigiinnermut inatsimmi § 12 unioqqutissimaneraat piviusumik unammilleqatigiinnermut ajoqusiisumik pisortatigut ikiorsiinikkut aningaasaliinissani taarsiullugu inuutissarsiorneq niuernermik tunngavilik aningaasaliinikkut pissuseq malillugu.

Venture 100%-imik pigineqarpoq Inuit service Company A/S-imiit, taannalu 100%-imik Namminersornerullutik Oqartussaniit pigineqarluni. Taanna aningaasaliinissaq Venture-p atorsinnaasaa Namminersornerullutik Oqartussaniit tunniunneqarpoq, taamaattumillu Venture-miit aningaasaliinerit nalilerneqarsinnaallutik unammilleqatigiinnermut inatsimmi malittarisassaq § 12 pisortatigut tapiisarnerit pillugit malillugu.

Eqqartorneqanngilaq ataaseq immikkut ittoq niuerfik sunnerneqartoq unammilleqatigiinnermut ajoqusiisumik tapiissummik, kisiannili nalorninartoq unammilleqatigiinnerup ataatsimi imaluunniit arlalinni niuerfinni sunnerneqarsinnaanerat peqataasoq niuerfimmi pisortatigut tapiissummik tigusaqarpat.

Suliaq suliarineqarnerata ingerlanerani unammilleqatigiinnermut inatsimmi §§ 12 aamma 21 angusinnaasaat sammisaasimapput Nunatta Eqqartuussiveqarfiata aalajangiinerani. Pissutigalugu Venture toqqaannanngitsumik 100%-imik Namminersornerullutik Oqartussaniit pigineqarmat aammalu ukiuni 2005-imiit 2007-imut ukiumut aningaasaliisoqarsimammat 15. millioner kr.-inik ingerlatsivimmut Namminersornerullutik Oqartussaniit, taamaasilluni Nunatta Eqqartuussisuuneqarfiata nassaarinngilaa itigartitsissutigineqarsinnaasoq Venture peqqussumik tunineqassasoq unammilleqatigiinnermut inatsimmi § 12 naapertorlugu.

Nunatta Eqqartuussisuuneqarfiata aammattaaq aalajangiuppaa Unammilleqatigiinnermut inatsimmi § 21-ip Unammilleqatigiinnermut Nakkutilliisoqarfik piginnaatikkaa siammasissumik nalilersuitissallugu naliliinermi suut paasissutissat pingaaruteqarnersut suliffeqarfiannut.

Unammilleqatigiinnermi Nakkutilliisoqarfiup naliliinissaminut pisariaqartippai paasissutissanik aallertoqarnissaa Venture-ip atorfinitsitaanut taakkunani suliffeqarfinni aningaasaliiffiusimasuni, taassumalu ataani aalajangiinermi aningaasaliinissamut suut tunngaviusimanersut. Pisortatigut aningaasaliinerit nalilerneqassapput inuutissarsiorneq niuernermik tunngavilik aningaasaliinermut tunngaviusoq malillugu, tassa imappoq qanoq privatimik aningaasaliisup pisimasoq nalilissaneraa.

Venture-mik aningaasaliinerit ilisarnaateqartarput ajutooratarsinnaasunik aningaasaliinerullutik, imannak paasillugu aningaasaliineq aningaasaatinik amerlanertigut annertuumik navianartoqartarmat, kisiannili tamanna akineqassasoq annertunermik iluanaarummit allap aningaasaliinerup sanasinnaasaanut sanilliullugu. Venture-p aningaasaliinerinut naliliinermi taamaattumik isiginiarneqarsimapput inuutissarsiorneq niuernermik tunngavilik aningaasaliinermut tunngaviusoq, aammalu misileraalluni aningaasaliinerup tunngaviusumik navianartuunera.

Misileraalluni aningaasaliinerup navianartuusinnaanera eqqarsaatigalugu nalilerneqarpoq uppernarsarneqarsinnaanngitsoq Venture aningaasaliisarsimasoq allat pissutsit aallaavigalugit uani pineqartumi naatsorsuutigineqartut privatimik aningaasaliisup iliuusissaanik allaanerussasut.

KALAALLIT NUNAATA EQQARTUUSSIVIA
GRØNLANDS LANDSRET
Postboks 1040, 3900 Nuuk

Nuuk, ulloq/den 7. december 2009
Suliassap/journal nr. A 605/08
-/ka

Advokat Jacob Pinborg
Vester Farimagsgade 23
1606 København V

MODTAGET 10 DEC. 2009

Pillugu: Ilissi j.nr. 89-12497 – Greenland Venture A/S illuatungeralugu Unammilleqatigiinnermut Nakkutilliisoqarfik.

Ilanngullugu nassiunneqarpoq Nunatta Eqqartuussisuuneqarfiani eqqartuussutip allassimaffiata assilineqarnera.

Kristine Alaufesen
Eqqartuussivimmi allatsi

NUNATTA EQQARTUUSISUUNEQARFIANI

EQQARTUUSSUTIP ALLASSIMAFFIATA

ASSILINERA

Ulloq 24. november 2009 Nunatta Eqqartuussisuuneqarfiani ammasumik eqqartuussipput eqqartuussivimmi Jens Kreutzmannip Aqqutaa 1, Nuummi. Eqqartuussisoq Linda Hangaard-iuvoq.

Eqqartuussisut suliaraat
Sul.nr. A 605/08

Greenland Venture A/S

Illuatungeralugu

Siunnersuisoqatigiinnut Aalajangiisartunullu Aqutsisoqarfik

Unammilleqatigiinnermut Nakkutilliisoqarfik

Takkuttoqarnikuunngilaq aammalu aggersaasoqarani.

Eqqartuussisut oqaatigaat imaattoq aammalu eqqartuusseqataasunik isummiunneqartoq

EQQARTUUSSUT:

(eqqartuutsip allassimaffia takuuk)

Suliassaq naammassineqarpoq.

Linda Hangaard

Assilineqarnerata eqqortuunera uppernarsarneqarpoq.
NUNATTA EQQARTUUSSISUUNEQARFIA, ulloq 7. december 2009

Kristine Alaufesen

NUNATTA EQQARTUUSISUUNEQARFIANI

EQQARTUUSSUTIP ALLASSIMAFFIATA

ASSILINERA

Ulloq 24. november 2009 Nunatta Eqqartuussisuuneqarfiani suliami

Sul.nr. A 605/08

Greenland Venture A/S

Illuatungeralugu

Siunnersuisoqatigiinnut Aalajangiisartunullu Aqutsisoqarfik

Unammilleqatigiinnermut Nakkutilliisoqarfik

Oqaatigineqarpoq imaattoq

EQQARTUUSSUT:

Suliassap tunuliaqutaa aammalu peqataasut piumasaqaataat

Allakkami ulloq 1. oktober 2008-imeersumi Greenland Venture A/S-imut Unammilleqatigiinnermut Nakkutilliisoqarfik piumasaqarpoq unammilleqatigiinnermi inatsimmi § 21 naapertorlugu ingerlatsivik sukumiinerusumik paasissutissanik tunniussequllugu, uumalu ataani ilaatigut sorliit suliffeqarfiit nammineerlutik akisussaaffeqarlutik aningaasaliiffigisimaneraat, aningaasaliinissamut atornissat kikkunnut akisussaaffilersimaneraat imaluunniit qularnaveeqqusersimaneraat. Allakkami takuneqarsinnaavoq paasissutissat taakkua oqaatigineqartut kissaatigineranut peqqutaasoq Unammilleqatigiinnermut Nakkutilliisoqarfik qularnaarniassammassuk Greenland Venture A/S-ip unammilleqatigiinnermut inatsit unioqqutinngikkaat, pingaartumik inatsimmi § 12.

Allakkami ulloq 30. oktober 2008-imeersumi Unammilleqatigiinnermut Nakkutilliisoqarfimmut Greenland Venture A/S-ip itigartitsipput paasissutissat piumaneqartut tunniunnissaannut aammalu tassunga peqqusiussimallugu isumaqartoqannginnera ingerlatsivik unammilleqatigiinnermut inatsimmi § 12-imut ilaasoq. Allakkami pissutaa ima allanneqarsimavoq:

”…Greenland Venture A/S namminersortuuvoq aktianik piginneqatigiiffik, ingerlanneqartoq niuertorpalaartumik iliuuseqarluni ingerlatsiviup aqutsisuanit akisussaaffilerneqartumik. Avissaartitsisoqarnikuuvoq pisortat, Namminersornerullutik Oqartussat, aammalu Greenland Venture A/S-ip akornanni ingerlatsiviup pilersinneranit atulersinneqartumik. Aammattaaq Namminersornerullutik Oqartussat aalajangiineq ajorput sorliit Greenland Venture A/S-ip aningaasaliiffigissanerai, aammalu Greenland Venture A/S-ip aningaasaliineri pigitinneqarsinnaasut Namminersornerullutik Oqartussanut.

…”

Allakkami ulloq 31. oktober 2008-imeersumi Greenland Venture A/S-imut Unammilleqatigiinnermut Nakkutilliisoqarfiup aalajangiuteqqallugu piumasaqarpoq paasissutissat piumaneqartut tunniunneqarnissaat, aammalu oqaatigineqarluni Greenland Venture A/S taamaasiunngippat pinngitsaaliissumik akilingassinneqassasoq unammilleqatigiinnermi inatsimmi § 28 naapertorlugu, ingerlatsiviup paasissutissat tunniutinngippagit ullut arfineq-marluk allakkap ullulerneqarneraniit qaangiutsinnagit.

Uani suliassami Nunatta Eqqartuussisuuneqarfiani suliarineqartumi ulloq 4. november 2008 suliassiisup, Greenland Venture A/S-ip, pingaarnertut piumasarisimavaat suliassanngortitaq, Siunnersuisoqatigiinnut Aalajangiisartunullu Aqutsisoqarfik, Unammilleqatigiinnermut Nakkutilliisoqarfik, (tulliuttumi taaneqartoq Unammilleqatigiinnermut Nakkutilliisoqarfik), pisussaaffilerneqassasoq akuerissallugu Unammilleqatigiinnermut Nakkutilliisoqarfiup piumasaa paasissutissanik tigusinissaq Greenland Venture A/S-imiit aammalu Unammilleqatigiinnermut Nakkutilliisoqarfiup peqqussutaa ullormut akiliisitaaneq Greenland Venture A/S-imut atortussaanngitsoq.

Tamanna pisinnaanngippat siullertut nr. 1 Greenland Venture A/S-ip piumasarisimavaa Unammilleqatigiinnermut Nakkutilliisoqarfik pisussaaffilerneqassasoq akuerissallugu Unammilleqatigiinnermut Nakkutilliisoqarfik tunngavissaqanngitsoq peqqussummik piumasaqassalluni Greenland Venture A/S-imut unammilleqatigiinneq pillugu Inatsisartut inatsisaat nr. 16, 19. november 2007-imeersoq (unammilleqatigiinnermut inatsit) naapertorlugu.

Tamanna pisinnaanngippat tulliattut nr. 2 Greenland Venture A/S-ip piumasarisimavaa Unammilleqatigiinnermut Nakkutilliisoqarfik pisussaaffilerneqassasoq akuerissallugu Unammilleqatigiinnermut Nakkutilliisoqarfiup piumasaqarnera paasissutissanik pissalluni inuussutissarsiutinut suliffeqarfinni Greenland Venture A/S-ip atorfeqarnera piginnaassuteqarfiginngikkaa, tak. unamilleqatigiinnermi inatsimmi § 21.

Unammilleqatigiinnermut Nakkutilliisoqarfik piumasaqarsimavoq pinngitsuutinneqarnissamik pingaarnertut piumasamut aammalu tamanna pisinnaanngippat tullianut nr. 2-imut.

Unammilleqatigiinnermut Nakkutilliisoqarfiup pingaarnertut piumasarisimavaa itigartitsineq, tamannalu pisinnaanngippat pinngitsuutinneqarneq piumasaqaammut nr. 1-imut.

Suliamut allat paasissutissat

Allakkami ulloq 10. november 2008-imeersumi Unammilleqatigiinnermut Nakkutilliisoqarfiup Greenland Venture A/S pisussaaffilerpaa sapaatip akunneranut pinngitsaaliissummik akilingassiinernik 10.000 kr.-inik paasissutissat piumaneqartut tunniunneqarnissaata tungaanut. Allakkami oqaatigineqarpoq akilingassiineq siulleq akilertussanngortinneqarsimasoq ulloq 15. november 2008.

Greenland Venture A/S-i maalaaruteqarpoq pisussaaffiligaanermut pinngitsaaliissummik akilingassitsinnissamik, aammalu aalajangiinikkut ulloq 12. november 2008-imi Nunatta Eqqartuussisuuneqarfiata pigitinneqarpoq suliassanngortitsineq kinguartitsinneqassasoq, taamaasilluni Unammilleqatigiinnermut Nakkutilliisoqarfiup aalajangiinera pinngitsaaliissummik akilingassiinerit unitsikkallarneqarlutik eqqartuussutsip naammassineqarnissaata tungaanut.

Greenland Venture A/S-imut malittarisassani ilaatigut takuneqarsinnaavoq:

”…
§ 3
Ingerlatsiviup siunertaraa niuernerpalaartumik atungaqarluni aningaasaliissalluni aammalu suliffeqarfinnut siunnersuissalluni ineriartornissamut periarfissagissaartunut aamma pisariaqartitsisunut aningaasalersortinnissamut atorluaaniarluni aammalu periarfissanik piviusunngortitsiniarluni, kiisalu akunniliussinermik sullissinissamik ingerlataqarniarluni maannakkut pisunik aammalu takkuttussanik tapersiutitut aaqqissuunneqarnernut aammalu programminik suliaqarnissaq siunertat aaqqissuunneqartut anguniagaat naapertorlugu.§ 4
Ingerlatsiviup aktiekapitalia 24.950.000,00 kr.-iuvoq agguarneqarluni aktianut 1.000,00 kr.-inikkaarlugu imaluunniit amerlisaanerup inerneranik.
……
§ 8
Ingerlatsiviup siulersuisui 4-6 ilaasortaqarput toqqarneqartunik ataatsimeersuartunik.
….”

Januar 2005-imi Namminersornerullutik Oqartussat aammalu Greenland Venture A/S kiffartuussinissamut isumaqatigiissummik atsioqatigiipput 2005-2007-imut atuuttussamik. Isumaqatigiissummi ilaatigut takuneqarsinnaavoq:

”…
VS-ip malittarisassai aallaavigalugit aammalu inuussutissarsiutigalugu aaqqissugaanermik nutaamik atuutsitsilernikkut ullumikkumiit imaattumik isumaqatigiissusiortoqarpoq NO aamma VS-ip akornanni tapisiatut akunniliullugu sullissinermik nunat assigiinngitsut akornanni pilersaaruteqarnikkut suleqatigiinnermik aammalu siunnersuussiorneq aningaasaliinissamut iluaqusiisinnaasunut aaqqiissutinut, tak. Inatsisartut 2005-mut Aningaasanut inatsit, Kontumut pingaarnermut 64.10.16-imut Aningaasalersuinikkut tapersiisarneq aamma 64.10.17-imut nunami inuussutissarsiutinut takornariarnermullu ineriartortitsissamut tapiissutit.§ 3 Siunnersuussineq aningaasaliinissamut iluaqusiisinnaasunut aaqqiissutinut

3.1 VS NO-t piumasaqarneranik naliliisinnaassaaq aalajangersimasut qinnuteqaatinut tunngatillugu aammalu siunnersuussisinnaassalluni qularnaveeqqusiinissamut tunngatillugu suliffeqarfimmik pilersitsinermi aammalu ajorsaatilinnik kinguaariit nikinnerannit ingerlatitseqqittarluni inuussutissarsiutit siuarsarneqarnissaat pillugit Inatsisartut inatsisaat naapertorlugu.

3.2 VS-ip NO-niit piumaffigineqarnermigut qinnuteqaatinik naliliisinnaassaaq aammalu siunnersuussilluni, kiisalu kingusinnerusukkut nalunaarusiorluni tapiissutinut tunngatillugu sanaanut ineriartornermut inuussutissarsiutit siuarsarneqarnissaat pillugit Inatsisartut inatsisaat naapertorlugu. Suliap ingerlanera sukumiinerusumik peqataasut akornanni isumaqatigiissutigineqassaaq.

3.3 VS-i pilersaarusiaq pillugu aningaasaqarnikkut soqutigisaqarpat imaluunniit qinnuteqartoq, uumalu ataani unammilleqatigiinnermut pissutsini inissisimalluni ingerlatsiviup NO ilisimatissavaa. Taamaattoqartillugu VS naliliinermi ilaatinneqassanngilaq imaluunniit arlaatigulluunniit suliamik piareersaaneq. Tamanna pissaaq NO-ni.
…..
9.1 Isumaqatigiissut atuuttussanngortinneqarpoq isumaqatigiissuteqarfianiit aammalu atuuttussanngorluni ulloq 31. december 2007 tikillugu. Isumaqatigiissummik nutarterineq pisinnaavoq isumaqatigiinniaqqinnikkut.
…”

Paasitinneqarpoq Kiffartuussinissamut isumaqatigiissut peqataasut akornanni nutarterneqaqqissimanngittoq.

Nassuiaaneq

Jørgen Wæver Johansen nassuiaavoq Greenland Venture A/S-imut pisortaalluni. Eqqartorneqarpoq ingerlatsivik aningaasaliisartoq, aningaasaliineq siunissami periarfissaagaangat pinngitsoorneqarsinnaangitsoq, suliffeqarfinnullu siunissami periarfissalik aningaasanik pisariaqartitsigaangat imminut nammissinnaasoq. Ingerlatsivik maannakkuungallartoq 33-inut ingerlaartunut ingerlatsivinnut aningaasaliisuuvoq. Namminersornerullutik Oqartussaniit ingerlatsivik 100%-imik pigineqarpoq, aammalu pilersinneqarluni maannakkut ingerlatsinermisut ulloq 1. januar 2005-imi. Ingerlatsiviup suliarinngilaa akunniliulluni sullissineq maannakkut atuuttunik aammalu takkuttussanik tapersiutinik aaqqiinernik. Tamanna sulineq nuutsinneqarnikuuvoq nunami inuussutissarsiutinut takornariarnermullu ineriartortitsinissamut. Kingulleq suliniut Namminersornerullutik Oqartussanut suliarineqartoq nuunneqarpoq ulloq 1. januar 2007 aallarnerfigalugu. Namminersornerullutik Oqartussanut siunnersuineq ingerlatsiviup ingerlammagu, ingerlatsiviup ingerlataraa siunnersuineq aammalu isummersuineq namminersornerullutik oqartussanut. Ingerlatsivik nammineerluni aningaasannik tunisineq ajorpoq. Ullumikkut ingerlatsiviup kisimi siunertarivaa suliffeqarfinnut aningaasaliissalluni Kalaallit Nunanni. Ingerlatsivik pilersinneqarpoq Royal Greenland-imiit 1993-imi, pissutigalugu Kalaallit Nunaanni inuussutissarsiutigalugu ineriartornermut siuarsaaqataaniarluni. Pisiffik aamma Sulisitsisut Peqatigiiffiat ilaatigut aamma piginneqataasuupput. 2003-imi Namminersornerullutik Oqartussat kisiartaallutik piginnittuulerput ingerlatsivimmut, tamannalu suli maannamut atuuppoq. Ukiuni 2005-2007 inatsisartut ingerlatsivimmut aningaasaleeqataapput ukiumut 15 mio. kr.-inik. Aningaasanik ilanngussaqarnikuunngilaq ataasiakkaanut pilersaarusianut, aammalu namminersornerullutik oqartussat piumasarinikuunngilaat aalajangersimasunut suliffeqarfinnut aningaasaliisoqassasoq. Namminersornerullutik Oqartussat ingerlatsivimmut piginnittutut periarfissaqarput ataatsimeersuaarnermi kissaatiminnik takutitsissallutik ingerlatsvimmut, soorlu piginnittut aamma siulersuisunik toqqartuisartut. Siulersuisut aalajangertarpaat sorliit suliffeqarfiit aningaasaliiffigissanersut, aammalu siulersuisut Namminersornerullutik Oqartussat tamanna atatillugu eqqarsaatigissanngilaat. Greenland Venture A/S arlalinni suliffeqarfinni peqataaffeqarpoq annerpaani aammalu mikisuaqqani. Aammattaaq periarfissaavoq ajutoornermik eqqugaanikunik suliffeqarfinnut aningaasaliinissaq, siulersuisut nalilerpassuk tamanna attassinnaasoq. Kisiannili inuttaata ilimaginngilaa ajutoornermik eqqugaanikunik ingerlatsivinnik aningaasaliinikuunerlutik.

Greenland Venture A/S-ip kissaatigisimanngilaa paasissutissanik Unammilleqatigiinnermut Nakkutilliisoqarfimmut tunniussissalluni, pissutigalugu isumaqannginnamik ingerlatsivik unammilleqatigiinnermut inatsimmut § 12-imut ilaasoq. Aningaasaliisarput niuertorpalaartumik atugaqarlutik, aammalu tamatigut ikinnerussuteqarlutik piginneqataasuusarlutik ingerlatsivinnut aningaasaliiffigisaminnut. Annerpaamik aningaasaliissusiisarput 49%-imik. Aammattaaq periarfissaqarput qularnaveeqqusiinissaminnut aningaaserivinnut attavinnut imaluunniit akisussaasumik aningaasaliinermik atortitsisinnaalluni. Isumaqarput pissusissamisuunngitsoq paasissutissanik oqaatigeqqunngisanik niuernermut isertuussanik tunniussissallutik suleqatigisatik pillugit. Pissutigalugu tamassuma kingunerissammagu suleqatigilersinnaasat suleqatiginninniarnermik tunuarsimaalersinnaammata, taamaattunik paasissutissanik tunniussisimappata. Iluanaarutinut piumasanut tunngatillugu najoqqutakkuminartoqarput, kisiannili tamatigut immikkut naliliinermik taamannak pisoqartillugu pisarput. Namminersornerullutik Oqartussanut iluanaarutinik tunniussisoqarnikuunngilaq.

Peqataasut isumaat

Greenland Venture A/S-ip pingaarnertut piumasamminut tapiutit atulersippaat Unammilleqatigiinnermut Nakkutilliisoqarfiup allaffeqarfittut Unammilleqatigiinnermut aalajangiisartunut tunngavissaqanngitsut nammineerlutik paasissutissanik aallarnissaminnut, pissutigalugu tunngaviliuttariaqarmat Unammilleqatigiinermut aalajangiisartut suliffeqarfimmut misissuinermik ingerlataqanngimmata. Unammilleqatigiinnermut Nakkutilliisoqarfik tunngavissaqanngimmat paasissutissanik aallernissaminut, taamaattumik eqqartorneqarpoq atortussaannginneq. Aammattaaq atulersinneqarpoq annertuumik suliami ingerlatsinermi amingaateqartoqartoq maalaaruteqarnissamut siunnersuut kukkusuusoq, pissutigalugu oqaatigineqarsimammat periarfissaqanngitsoq suliaq eqqartuussivimmut ingerlatinnissaanut.

Pingaarnertut piumasaq pisinnaanngippat tulliattut piumasaq nr. 1-imut tapiutitut Greenland Venture A/S-ip atulersippaa naalakkiutinik atulersitsinerup unammilleqatigiinnermi inatsimmi § 12 naapertorlugu piumasarigaa eqqartorneqassasoq pisortaniit aningaasat atorneri, tamannalu maani eqqartorneqanngittoq, pissutigalugu Greenland Venture A/S-i privatimik ingerlatsiviummat. Ingerlatsivik kiffartuussinissamut isumaqatigiissutinut Namminersornerullutik Oqartussallu ilaagallarmat, ingerlatsiviup kisimi suliassarivaa isummersuissalluni Namminersornerullutik Oqartussanut. Greenland Venture A/S-i nammineersluni tapiineq ajorpoq, kisiannili aningaasaliisarluni, soorlu suliami eqqaaneqareersoq, ingerlatsivimmi piginnittunit sunniuteqarfiginngisaannik.

Pingaarnertut piumasaq pisinnaanngippat tulliattut piumasaq nr. 2-imut tapiutitut Greenland Venture A/S-ip atulersippaa naatsorsuutiginninneq sorlernut paasissutissanut pingaaruteqartuunersoq killeqanngitsuunngitsoq. Naapertuuttumik tunngaveqarnersoq taamaattumik atuuppoq aammalu kingunerivaa paasissutissat taamaallaat siunertamut pisariallit piumaneqarsinnaasut. Paasissutissat kissaatigineqartut oqaatgeqqusaanngillat, aammalu tamanna ataqatigiisikkaanni pisortat ingerlatsineranni suliassat suliarineqartarnerat pillugu inatsimmi § 33-imut kinguneraa paassissutissat pisarialiunngittut, aalajangerneqartinnagu ilumut Greenland Venture A/S-i unammilleqatigiinnermut inatsimmi § 12-imut ilaanersoq. Aammaattaaq tunuliaqutaasoq siulleq allisinneqarsinnaanngilaq paasissutissanik perusulluni, Unammilleqatigiinnermut Nakkutilliisoqarfillu uani suliassami taamaasiorsimalluni. Unammilleqatigiinnermut Nakkutilliisoqarfik taamaattumik piumasarisinnaanngilaa paasissutissanik amerlanernik pinissani, pereernikuusaat eqqaassanngikkaanni.

Unammilleqatigiinnermut Nakkutilliisoqarfik tapiutitut pinngitsuutinneqarnissaminut piumasaminut atulersitsisimavoq takuneqarsinnaasoq § 3-imi nalunaarummi nr. 3-imi Unammilleqatigiinnermut Nakkutilliisoqarfik aalajangiisartoq Unammilleqatigiinnermut aalajangiisartut sinnerlugit, aammalu § 8-ip Unammilleqatigiinnermut Nakkutilliisoqarfik tunngaveqartikkaa paasissutissanik piumanissamik Unammilleqatigiinnermut aalajangiisartut sinnerlugit. Taamaattumik eqqartorneqanngilaq Unammilleqatigiinnermut Nakkutilliisoqarfik amingaateqartoq piginnaaneqarnermik paasissutissanik piumanissamik soorlu tamanna pisimasoq. Aalajangiineq passissutissanik piumanissaq atuutsinneqassanngippat pisariaqarpoq annertuumik suliap ingerlannerani kukkorujussuartoqarsimanissaa, tamannali pinikuunngilaq.

Unammilleqatigiinnermut Nakkutilliisoqarfiup aammattaaq atulersippaat suliffeqarfiup qanoq ittuunera pingaartuunngitsoq pisoq unammilleqatigiinnermut inatsimmut § 12-mut ilaanissaanut. Sunaluunniit aningaasatigut pitsaaqutissarsineq aningaasanik pilersinneqartoq, pisortanillu ingerlanneqartoq, taamaattumik ilaavoq. Tamannalu takuneqarsinnaavoq inatsit suliarineranni aammalu oqaaseqaatini, aamma EU-imi suleriaatsimi danskit inatsisaat assigusoq pillugu, aammalu taanna kalaallit inatsisaat nassuiarneqassaaq taamanna assigalugu. Ilumoorpoq tapiineq eqqartorneqanngitsoq niuertoqarpat naliginnaasumik niuerfimmi atuuttumi, kisiannili pisariaqarpoq paasissutissat suliffeqarfimmiit pinissaat tamanna nalilerniarlugu taamaannersoq. Naliginnaasumik naliliisoqarsinnaanngilaq suliffeqarfik inatsimmut ilaanersoq ilaannginnersorluunniit. Unammilleqatigiinnermut inatsimmi § 21-ip Unammilleqatigiinnermut Nakkutilliisoqarfik tunngavilerpaa paasissutissat kissaatigineqartut piumanissaannik, pissutigalugu taanna inatsit qularnanngitsumik tunngaviliutsitsimmat paasissutissat tamaasa piumanissaannik, taakkualu pingaaruteqartut naliliinissamut pisoq unammilleqatigiinnermut inatsisinut ilaanersoq. Tamaanilu atuupput aamma oqaatigeqqunngisat paasissutissat, pissutigalugu inatsit isumaqassanngimmat, taamaallaat paasissutissat piumaneqassappata, tamanut ammasuusut. Inatsimmi aammattaaq pingaartumik Unammilleqatigiinnermut Nakkutilliisoqarfik nalilersuinissamik peqartippaa, aammalu tamanna pissutissaqanngilaq nalilersuineq itigartissallugu. Aammattaaq pisortat ingerlatsineranni suliassat suliarineqartarnerat pillugu inatsimmi § 33 suliassamut sunniuteqanngilaq.

Itigartitsinissamut piumasamut tapiutit suliassiisup piumasarisaq pingaarneq pisinnaanngippat piumasaa nr. 2 Unammilleqatigiinnermut Nakkutilliisoqarfiup atuutsilersippaa aalajangiisoqarnikuunngitsoq ilumut Greenland Venture A/S ingerlatsisimanersoq tunngaviliussinnaasumik peqqussummut unammilleqatigiinnermut inatsimmi § 12 naapertorlugu. Taamaallaat paasissutissat piumaneqarput tassunga tunngatillugu atorniarlugit naliliinissamut tamanna pisimanersoq.

Eqqartuussisuuneqarfiup tunngavilersuutaat inerniliinerallu

Nalunaarummi ulloq 1. februar 2008-imeersumi nr. 3-imi § 1-imi takuneqarsinnaavoq Unammilleqatigiinnermut Nakkutilliisoqarfik allatsitut ingerlatsisuusoq Unammilleqatigiinnermut aalajangiisartunut, aammalu § 8-imi takuneqarsinnaavoq Unammilleqatigiinnermut Nakkutilliisoqarfik Unammilleqatigiinnermut aalajangiisartut sinnerlugit paasissutissanik piumasinnaasoq unammilleqatigiinnermi inatsimmi § 21 naapertorlugu. Taanna pissuseq, tassa Unammilleqatigiinnermut Nakkutilliisoqarfiup aammalu Unammilleqatigiinnermut aalajangiisartuunngitsoq aalajangersimanera Greenland Venture A/S-imut taamaattumik kingunerinngilaa aalajangiineq tassunga tunngatillugu atortussaanngitsoq.

Paasitinneqarpoq Greenland Venture A/S 100%-imik Namminersornerullutik Oqartussaniit pigineqartoq, aammalu ukiuni 2005-07-imi ingerlatsivimmut piginnittuniit aningaasaliisoqarsimasoq ukiumut 15 millioner kr.-init. Ingerlatsiviup malittarisassaani takuneqarsinnaavoq, aammalu pisortap Wæver Johansen-ip nassuiaaneratigut ingerlatsiviup siunertarigaa nalorninartumut aammalu ”naammagittarluni” aningaasaliisinnaasoq nammineq nammassinnaasunut suliffeqarfinnut aammalu suliniutinut. Tamanna tunngavigalugu eqqartuussisut aalajangerpaat pisinnaanngitsoq Greenland Venture A/S-ip suliniutai ilaatinneqassanngitsut tunngaviliussinisssamut peqqussummik unammilleqatigiinnermut tunngasumut Inatsisartut inatsisiliaannut § 12 naapertorlugu, aammalu tamanna peqqutigalugu aalajangiineq paasissutissanik aallerniarlugu Greenland Venture A/S-imut atortussaanngitsoq. Maannamiit aammalu maluginiarneqarmat kukkusumik maalaaruteqarnissamik ilitsersuuteqarneq kingunerinngimmagu aalajangiinerup atortussaajunnaarnera, eqqartuussisut Greenland Venture A/S-ip pngaarnertut piumasaa aalajangiuppaat malinniarnagu.

Soorlu qulaani oqaatigineqartoq eqqartuussisut aalajangiutinngilaat naliginnaasumik ilaatissinnaangitsoq Greenland Venture A/S-i ilaasinnaasoq peqqussummut unammilleqatigiinneq pillugu Inatsisartut inatsisiliaannut § 12 naapertorlugu. Unammilleqatigiinnermut Nakkutilliisoqarfiup kisianni aalajangiisimanngilaq peqqussummik tunisisissalluni Greenland Venture A/S-imut unammilleqatigiinneq pillugu Inatsisartut inatsisiliaanni § 12 naapertorlugu, kisiannili taamaallaat piumasaqarsimalluni paasissutissanik pinissaminik, taakkualu ilaatigut naliliinissamut tunngaviliunneqassallutik peqqutissaqarnersoq peqqussummik taamaattumik tunisinissamik. Eqqartuussisut taamaattumik taakkua tunngavigalugit periarfissaqanngillat aalajangiissallutik ilumut Greenland Venture A/S-i peqqussummut ilaatinneqarsinnaanersoq unammilleqatigiinneq pillugu Inatsisartut inatsisiliaanni § 12 naapertorlugu, tamassuma piumasarimmagu piviusumik pissutsinik naliliinissaq taakkunani ataasiakkaani pisuni. Eqqartuussisut taamaattuumik Unammilleqatigiinnermut Nakkutilliisoqarfiup pinngitsuutinneqarnissamut piumasaa Greenland Venture A/S-ip pingaarnertut piumasani pisinnaanngippat piumasaa nr. 1 taperserpaa.

Naliliinermut tunngatillugu paasissutissat ilumut pingaaruteqarnersut Unammilleqatigiinnermut aalajangiisartut suliffeqarfiannut imaluunniit aalajangiinissamut pisoq unammilleqatigiinnermut inatsisinut ilaanersoq pigitinneqarpoq Unammilleqatigiinnermut aalajangiisartuniit aammalu taakkua sinnerlugit Unammilleqatigiinnermut Nakkutilliisoqarfimmiit siammasissumik nalilersuineq. Paasissutissat pigineqartut naapertorlugit Greenland Venture A/S-ip suliffeqarfianut aammalu peqatigiiffianut eqqartuussisut aalajangiuppaat tunngavissaqanngitsoq naliliineq qaangiinnassallugu, aammalu qularnarunnaarsinneqanngilaq aalajangiineq Greenland Venture A/S-imut paasissutissat kissaatigineqartut piumanissaat malittarisassanut akerlertuuttoq naleqqatigiikkunnaarnermut tunngavimmut imaluunniit pisortat ingerlatsineranni suliassat suliarineqartarnerat pillugu inatsimmi § 33-imut. Greenland Venture A/S-ip piumasani pingaarneq pisinnaanngippat piumasaa nr. 2 taamaattumik aamma taperserneqanngilaq.

Oqaatigineqartut pissutigalugit eqqartuussisut Unammilleqatigiinnermut Nakkutilliisoqarfiup pinngitsuutinneqarnissamut piumasaa taperserpaa.

Greenland Venture A/S-ip suliassamut ajorsarnerat peqqutigalugu suliamut aningaasartuutit Unammilleqatigiinnermut Nakkutilliisoqarfimmut akilissavaat. Suliap qanoq ittuussusaa aamma annertussusaa innersuutigalugit, tassanilu suliap ingerlanneqarnera eqqartuussinerup ullup affaanik sivisussuseqarsimammat aalajangerneqarput suliamut aningaasartuutit 15.000 kr.-imut, taakkualu Unammilleqatigiinnermut Nakkutilliisoqarfiup illersuisumut aningaasartuutaat suliami matussusissavaat.

Taamaattumik eqqortuutinneqarpoq:

Siunnersuisoqatigiinnut Aalajangiisartunullu Aqutsisoqarfik, Unammilleqatigiinnermut Nakkutilliisoqarfik pinngitsuutinneqarpoq.

Ullut 14-t qaangiutsinnagit Greenland Venture A/S-ip suliamut aningaasartuutit Siunnersuisoqatigiinnut Aalajangiisartunullu Aqutsisoqarfik, Unammilleqatigiinnermut Nakkutilliisoqarfimmut 15.000 kr.-init akilissavaat.

Linda Hangaard

Assilineqarnerata eqqortuunera uppernarsarneqarpoq.
NUNATTA EQQARTUUSSISUUNEQARFIA, ulloq 7. december 2009

Kristine Alaufesen

Scroll to Top