Eqqartuussut: Unnerluussisussaatitaasut illuatungeralugu BJ Entreprise

04. april 2012

Nunatta Eqqartuussiviani eqqartuussut oqaatigineqartoq

Unnerluussisussaatitaasut B.J. Entreprise-mut suliassanngortitsipput, pissutigalugu suliariumannittussarsiuussineq atatillugu RamBøll Grønland-imiit tuniniarneqartoq ”Aatsitassalerinermik ilinniarfissaq Sisimiuni” isumaqatigiinnikkut aammalu akinik paarlaaqatigiinnikkut isumannaaramikku B.J. Entreprise akikinnerpaamik neqerooruteqartunngortillugu.

Kalaallit Nunaata Eqqartuussiviata aalajangiuppaa naammattumik tunngavissaqartoq B.J. Entreprise eqqartuutissallugu unammilleqatigiinnermut inatsimmi § 6, imm. 1 unioqqutissimagaa.

B.J Entreprise pisussaaffilerneqarpoq akilingassiissummik akiliissalluni katillugu 670.000 kr.

KALAALLIT NUNAATA EQQARTUUSSIVIANI

EQQARTUUSSUTSIP ALLASSIMAFFIATA

ASSILINEQARNERA 

Ulloq 4. april 2012-imi Kalaallit Nunaanni Eqqartuussiviup suliassami

KS 162, 163 aamma 164/2011

Unnerluussisussaatitaasut

Illuatungeralugu

B.J. Entreprise A/S

Reg.nr. A/S 335883

ddddddd

dddddddd

dddddd

Imaattumik oqaatiginnippoq

EQQARTUUSSUT:

Unnerluussummi ulloq 24. juni 2011-imeersumi Statsadvokaten for Økonomisk Kriminalitetimi B.J. Entreprise A/S unnerluutigineqarpoq unioqqutitsinermut:

1a

B.J. Entreprise A/S

Unammilleqatigiinneq pillugu Inatsisartut inatsisaat nr. 16, 19. november 2007-imeersoq §29, imm. 1, nr. 1), tak. Imm. 3, tak. §6, imm. 1, junimi 2008-imi immikkut suliaa ingerlanneqartoq Permagreen Grønland A/S peqatigalugu

1b

B.J. Entreprise A/S

Unammilleqatigiinneq pillugu Inatsisartut inatsisaat nr. 16, 19. november 2007-imeersoq §29, imm. 1, nr. 1), tak. Imm. 3, tak. §6, imm. 1, Kalaallit Nunaanni ulloq 1. juni 2008-imi immikkut suliaa ingerlanneqartoq Kang Total Byg ApS peqatigalugu isumaqatigiissuteqarsimammata toqqaannartumik toqqaannangitsumilluunniit unammilleqatigiinnerup killilernissaanik taamatulluunniit kinguneqartussanik, pissutigalugu suliariumannittussarsiornermi ulloq 2. juni 2008-imi Mittarfeqarminniit ”Kangerlussuaq Tilbygning Transithal” pillugu tunniunneqartumi isumaqatigiinnikkut aammalu akinik paarlaateqatigiinnikkut isumannaaramikku Kang-Total-Byg ApS akikinnerpaamik neqerooruteqartunngortillugu, taamalu sanatitsisup sanasussallu akissaanik isumaqatigiissutaat isumannaaramikku neqerooruteqarnermik 17.271.000 kr.-init.

2b

Unammilleqatigiinneq pillugu Inatsisartut inatsisaat nr. 16, 19. november 2007-imeersoq §29, imm. 1, nr. 3), tak. § 6, imm. 1, piffissami unnerluummi 1a-mi taaneqartumi pissutsimikkut ddddddddd

B.J. Entreprise A/S ingerlatsivik peqataatissimammassuk 2a-mi allaaserineqartumi isumaqatigiissummi.

3a

B.J. Entreprise A/S

Unammilleqatigiinneq pillugu Inatsisartut inatsisaat nr. 16, 19. november 2007-imeersoq §29, imm. 1, nr. 1), tak. Imm. 3, tak. §6, imm. 1, Kalaallit Nunaanni junimi 2009-imi immikkut suliaa ingerlanneqartoq Permagreen Grønland A/S peqatigalugu isumaqatigiissuteqarsimammata toqqaannartumik toqqaannangitsumilluunniit unammilleqatigiinnerup killilernissaanik taamatulluunniit kinguneqartussanik, pissutigalugu suliariuammnittussarsiornermi Sanati A/S-imit tuniniarneqartumi betonngimik suliarinninnissaq illup ilanissaanut B-1473-imut Piareersarfimmut (STI-imut atuarfimmut) atatillugu isumaqatigiinnikkut aammalu akinik paarlaateqatigiinnikkut isumannaaramikku Permagreen Grønland A/S-i akikinnerpaamik neqerooruteqartunngortillugu, taamalu sanatitsisup sanasussallu akissaanik isumaqatigiissutaat isumannaaramikku neqerooruteqarnermik 1.625.000 kr.-ininit. Suliariumannittussarsiuussinerli sanatitsisumiit taamaatiinnarneqarpoq suliamik ingerlatsinermi kukkuneq peqqutigalugu.

1b

Unammilleqatigiinneq pillugu Inatsisartut inatsisaat nr. 16, 19. november 2007-imeersoq §29, imm. 1, nr. 3), tak. § 6, imm. 1, piffissami unnerluummi 1a-mi taaneqartumi pissutsimikkut ddddddddd

B.J. Entreprise A/S ingerlatsivik peqataatissimammassuk 1a-mi allaaserineqartumi isumaqatigiissummi.

2a

3b

Unammilleqatigiinneq pillugu Inatsisartut inatsisaat nr. 16, 19. november 2007-imeersoq §29, imm. 1, nr. 3), tak. § 6, imm. 1, piffissami unnerluummi 1a-mi taaneqartumi pissutsimikkut ddddddddd

B.J. Entreprise A/S ingerlatsivik peqataatissimammassuk 3a-mi allaaserineqartumi isumaqatigiissummi.

4a

B.J. Entreprise A/S

Unammilleqatigiinneq pillugu Inatsisartut inatsisaat nr. 16, 19. november 2007-imeersoq §29, imm. 1, nr. 1), tak. Imm. 3, tak. §6, imm. 1, Kalaallit Nunaanni juli-mi 2009-imi, immikkut suliaat ingerlanneqartut, Polar Entreprise A/S aamma Permagreen Grønland A/S peqatigalugit isumaqatigiissuteqarsimammata toqqaannartumik toqqaannangitsumilluunniit unammilleqatigiinnerup killilernissaanik taamatulluunniit kinguneqartussanik, pissutigalugu suliariuammnittussarsiornermi Carl Bro A/S-imit tuniniarneqartumi kollegianik sanaartornermi Sisimiuni atatillugu (sag nr. 30.5560.03) isumaqatigiinnikkut aammalu akinik paarlaateqatigiinnikkut isumannaaramikku B.J. Entreprise A/S-i akikinnerpaamik neqerooruteqartunngortillugu. Peqataasulli tamarmik kisianni suliariumannittussarsiuussineq ajugaanngilaat pissutigalugu Polar Entreprise A/S-ip, aamma B.J. Entreprise-p isumaqatigiissuteqarfigisimasaanut, isumaqatigiissut atorunnaarsikkamikku taamaasillutik akikinnerpaamik neqerooruteqarlutik, aammalu pissutigalugu suliariunnattussarsiuussineq unitsiinnarneqarmat akit qaffasippallaarnerat peqqutaalluni.

4b

Unammilleqatigiinneq pillugu Inatsisartut inatsisaat nr. 16, 19. november 2007-imeersoq §29, imm. 1, nr. 3), tak. § 6, imm. 1, piffissami unnerluummi 1a-mi taaneqartumi pissutsimikkut ddddddddd

B.J. Entreprise A/S ingerlatsivik peqataatissimammassuk 4a-mi allaaserineqartumi isumaqatigiissummi.

Unnerluussummi takuneqarsinnaavoq pisimasut 2a aamma 2b immikkut suliarineqarnissaanut utaqqisinneqarsinnaasut suliami kingusinnerusukkut taamaatiinnarniarlugit unnerluussutit unitsiinnarneranik, tamanna pissaaq unnerluutigineqartut uppernarsaassinerup naammassinerani suli piumasaqaatit unammilleqatigiinnermi inatsimmi § 30-imi naammassisinnaappagit, tak. unnerluussisussaatitaasut ersersitsinerani.

Sumi suliarineqartussaassusia aammalu suliap Nunatta Eqqartuussiviani suliarineqarnera

Suliaq suliarineqarnikuuvoq allat aamma suliat unammilleqatigiinnermut inatsit pillugu unioqqutitsinerit ilagalugit ingerlatsivinnut Permagreen Grønland A/S aamma Kang Total Byg ApS kiisalu ddddddddd ddddddddd pissutigalugu uppernarsaaneq suliani tamani assigiissimammat.

Eqqartuussut imaqarpoq peqataasut isiginninnerannik oqaaseqaatinik aammalu eqqartuussisut tunngavilersornerannik suliassanut tamanut tunngassutilimmik.

Unnerluussissut Sisimiuni eqqartuussivimmut tunniunneqarnikuuvoq ulloq 30. juni 2011-imi, unnerluussisussaatitaasut piumasaqaataannillu suliassat nuunneqarput Nunatta Eqqartuussivianut, taannalu aalajangerpoq suliassat tamarmik suliariniarlugit tak. eqqartuussisarnermi inatsit § 56.

Suliat naammassineqarput eqqartuussisooqataasut peqatigalugit.

Piumasaqaatit

Unnerluussisussaatitaasut piumasaqarnikuupput akilingassiinissamik naatsorsorneqarnikumik isumaqatigiissutip 10%-ianik unnerluussummi pisimasoq 3-imi aamma 4-imi suliariumannitussarsiuussinermi innersuutigineqartumi imaluunniit 3.921.578 kr.-init.

Akilingassiineq 25.000 kr.-inik tamanut.

Unnerluussisussaatitaasut suliap ingerlanneqarnerani unnerluussutit taamaatiinnarsimavaat pisimasoq 2a aamma 2b, tak. unammilleqatigiinnermi inatsit § 30.

Unnerluutigineqartut pisimasut 1a-b miserratigivaat aammalu nassuerutigisimallugit pisimasut 2a-b, 3a-b aammalu 4a-b.

Unnerluutigineqartut illersuisussanngortitaasa piumasaraat – eqqartuussisut aalajangerpata tunngavissaqartoq eqqartuussinermi aalajangiineq – unnerluussisussaatitaasut akilingassiineranni naatsorsuineq atuutsinneqassanngitsoq. Ingerlatsivik pillugu illersuisup piumasaraa annerpaamik katillugu akilingassaq 117.00 kr.-init aammalu unnerluutigineqartunut akilingassiineq 10.000 kr. tamanut.

Uppernarsaaneq, nassuiaatit

Suliassami unnerluutigineqartut Total Kang Byg ApS, B.J. Entreprise A/S kiisalu Permagreen Grønland A/S nassuiaateqarnikuupput.

Nassuiaatit oqaatigineqarput eqqartuussutsip allassimaffiini ulluni 20. aammalu 21. marts 2012-imut.

Suliap ingerlanneqarnerani appisimaarneqarnikuupput oqaloqatigiinnerit marluk. Oqaloqatigiinnerit imarisaat malillugu pisimapput piffissami suliariumannittussarsiuussineq tikillugu pisimasoq 4-imi. Oqaloqatigiinnerit immiunneqarsimapput.

Uppernarsaaneq, allagartat uppernarsaataat

B.J. Entreprise-p ukiumut nalunaarusiaani 2008/09 aamma 2010/11 (bilag 12-04) takuneqarsinnaavoq ingerlatsiviup ilanngaassereerluni iluanaarutai aammalu kaaviiaartitsinerat ima paasitinneqartut:

Ilanngaassereerluni iluanaarutai:

2007/082008/092009/102010/11
52,5 mio. kr.49.6 mio. kr.36,6 mio. kr.29,6 mio. kr.

Ilanngaassereerluni kaaviiaartitai 1 mio. kr. 66,8 mio. kr.

Takussutissiami suliariumannittussarsiuussinerup inernerani siullermi suliariumannittussarsiuussinermi ulloq 18. juni 2008-imi (bilag 52-06, qup. 3) takuneqarsinnaavoq B.J. Entreprise neqeroorsimasoq sanatitsinermut suliassat suliarinissaamut 13.772.105 kr.-inik, aammalu Permagreen-ip neqeroorutaa suliassamut tassunga 14.517.000 kr.-iniusimalluni. Allanik innersuussisoqarsimanngilaq sanatitsinermut suliarinninnissamut, aammalu B.J Entreprisep-p kisiartaalluni innersuussisuusimavoq tamakkerlugu nunamut aammalu betonngimut sulinissamut innersuussinermik 8.812.200 kr.-ininik.

Takussutissiami takuneqarsinnaavoq suliariumannittussarsiuussinerup aappaa ulloq 25. juni 2008-imeersoq (bilag 52-06, qup. 5), tassanilu oqaatigineqarpoq Permagreen innersuussisimanngitsoq, kisiannili B.J. Entreprise assiganik innersuussisimasoq sanatitsinermut suliassartaanut aammalu nunamut aammalu betonngimut suliarinninnissamut soorlu qulaani oqaatigineqartoq, aammalu ingerlatsivik Arctic Sanasut Aps innersuussisimasoq 14.056.250 kr.-inik sanatitsinermut suliarinninnissamut.

Takussutissiami ullulerneqarsimasumi 20.06.2008 (52-03, qup. 29) takuneqarsinnaavoq Permagreen-ip naatsorsorsimagaa betonngimut suliassat 5.088.000 kr.-iniussasut.

Isumaqatigiissut peqataasut akornanni ullulerneqarsimasumi 31. juli 2008-mi bilag (52-02-03) takutippaa B.J Entreprise-p isumaqartoq Permagreen-ip betonngimut suliassat suliarissagaat 5.505.000 kr.-inimut. Pisimasoq 3

Suliariumannittussarsiuussinerup eqikkarnerani (bilag 52-08, qup. 21 f) takuneqarsinnaavoq B.J. Entreprise innersuussisimasoq 1.740.500 kr.-inik, aammalu Permagreen innersuussisimasoq 1.625.00 kr.-inik betonngimut suliassanut.

Kisianni Permagreen-ip nangaassutigisimasaa neqerooruteqarnermini taarsiissutigineqarput 140.000 kr.-init, taakkualu ilanngunneqarput innersuussummi, taamaasillunilu B.J. Entreprise-p innersuussuteqarnera appasinnerpaanngorluni. Pisimasoq 4

Suliariumannittussarsiuussinermi nalunaarummi (bilag 52-6) takuneqarsinnaavoq suliariumannittussarsiuussineq ingerlanneqarsimasoq ulloq 28. juli 2008 nal. 14.00 Sisimiuni. Najuuttut innersuussisut sanaartugassanik suliassinneqartartut tassaapput Polar Entreprise A/S, B.J. Entreprise A/S, aammalu Permagreen Grønland A/S. Innersuuussinerit ukua tunniunneqarput:

Polar Entreprise A/S 16.706.486 kr.

B.J. Entreprise A/S 16.735.474 kr.

Permagreen Grønland A/S 17.458.158 kr.

Naggartaarutaasumik oqaaseqaatit Unnerluussissussaatitaasut isumaat

Unnerluussisussaatitaasut pingaarnertut innersuussutigisimavaat kalaallit akileraartartuinnut illersuineq unammilleqatigiinnermi inatsit nakkutigisassaat.

Suliariumannittussarsiuussinissamut inatsit malittarisassat kisimik paasineqassapput immikkuullarissutut malittarisassatut innersuuteqarnermut tunngatillugu sanaartornermi suliaqarfiup iluani. Suliariumannittussarsiuussinissamut inatsit atuutsinneqarnikuupput unammilleqatigiinnermi inatsit malittaralugit ilaatigut pinngitsoortinniarlugu unammilleqatigiinnermi inatsimmi § 8 sanaartornermi suliaqarfiup iluani atuutsinnginnissaa.

Aammattaaq pisortatiguunngitsumik isumaqatigiissutit neqeroorusiornermi pinerlunnertut isigineqarput. Uunga suliamut isumaqatigiissutit tamarmik periarfissaqarsimapput unamilleqatigiinnermi pissutsit sunnernissaanut. Eqqartuussisut assigiinngisitaarsissanngikkaluarpaa pineqaatissiissut suliffeqarfik tapiissutitut innersuummik tunniussaqarsimanersoq apeqqutaalluni, imaluuniit tapiissutitut innersuummik tigusaqarsimanersoq. Soqutiginnilersitsinissamut innersuutit siunertaraat isumannaassallugu neqeroortup suli qaaqqusaanissaa suliariumannittussarsiuussinissanut. Tamaasilluni neqeroortup pisortatigut sanatitsisumut atassutini paariinnassavaa, tamannalu ajoqusiissalluni allanut peqataasinnaasunut aammalu unammillernermut. Pineqaatissiissutaasinnaanermut pingaaruteqanngilaq suliami paasineqarpat suliffeqarfimmut iluanaaruteqartoqarsimasoq.

Paasissutissat taakku ddddddddd oqaatigisimasaat pingaaruteqarluinnarput. dddddddd eqqartuussivimmi nassuiaaneratigut aammalu immiunneqarsimasut oqaluunnerit tusarnaartinnerisugut ddddddddd eqqartuussisut paasisimavaat qanoq sanaartortitsineq isumaqatigeereernermik, akisuallaanik akilersuinermik aammalu annertuumik suliniuteqarsimatigisimasoq allat nutaat peqataasinnaasut anisimatinnissaannut.

Pineqaatissiissusissap qaffasissusaanut unnerluussisussaatitaasut piumasaraat suliassat immikkoortiterneqassasut ingasattumik unioqqutitsinertut; sakkortuumik ilungersortumik unioqqutitsinerit annertuumik unammilleqatigiinnermik ajoqusiisut. Taamaattumik akilingassiinerit naatsorsorneqartariaqarput sunniutaat anusinngorsaatissaallutik. Akilingassap qaffasissusaa Danmark-imi, tassanilu akilingassat aalajangerneqartarlutik 10%-iinik innersuutigineqartut nalinganik/isumaqatigiissutit ilaannut toqqammaveqarlutik, taamaattumillu aamma Kalaallit Nunaanni atorneqartariaqarluni illersuinissamut soqutiginninneq assigiimmat. Inatsit sananeqarneri Danmark-imi Kalaallit Nunaannilu tamaginnik assigiissuseqarput, aammalu kalaallit inatsisaat atulersinneqarput Folketinget paatsoorneqarsinnaanngitsumik kalerreernerata kingorna pineqaatissiinermik sukannerulersitsinermik.

Eqqartuussiviit qullersaanni eqqartuussutsit sanaartornermi peqatigiinni suliassani 2010-imiit akilingassap qaffasissusaanut toqqaannartumik malittarisassiinngillat suliffeqarfinnut taakkunani kalaallini suliassani. Eqqartuussiviit qullersaata aalajangingaani suliassat suussusermiipput ”ilungersunartut” aammalu ”assorujuk ilungersunartut”-tuunngitsut. Akilingassat qaffasissusaat 25.000 kr.-iniusoq Eqqartuussiviit qullersaata pisortanut atugaat unnerluussisussaatitaasut isumaat malillugu kisianni sulisaasermut paasineqarsinnaallutik atuuttussaasut.

Piviusoq B.J. Entreprise A/S tunngatillugu – pisimasoq 1

Permagreen-ip neqeroorusiaa sanatitsinissamut akimut tapiutitut neqeroorutaavoq, aammalu nassuiaanera tunngaviliunneqarsinnaavoq. Ilimananngilaq ilisimassanngikkaa tapiutitut neqeroorut, kisiannili pinngitsoornani B.J. Entreprise peqataasimavoq, taamaasillunilu piumasaqaat unammilleqatigiinnermi inatsimmi § 29, imm. 1-imi piaarineq naammassivaa.

Akilingassap naatsorsornera pillugu unnerluussisussaatitaasut innersuussisimapput B.J. Entreprise-p nuimasutut inissisimanera suliaqarfimmi qanoq sunniisimanersoq.

Illersuisup isumai

Suliassat unammilleqatigiinnermik millisitsinermut ilaanngillat innersuussisunut annertuumik, isertortumik suliffeqarfinnik tunuartitsisunut, tassanilu ilaallutik agguaassinerit ingasattumik akilersuisitsinerit unammilleqatigiinnermik millisitsisut akornanni. Suliassani taakkunani – unnerluutigineqartut nassuerutigisaat malillugu – eqqartorneqarpoq pisarialik aammalu unammilleqatigiinnermik equsitsinermik suleqatigiinneq pineqartut akornanni nunap aalajangersimasup killilikkap niuerfiup iluani. Suleqatigiinnerup sunartaaluunniit isertuussaasimanngilaq.

Suliariumannittussarsiuussinermut inatsit atortinneqarpoq unammilleqatigiinnermi inatsit ilagalugu 1. marts 2008-imiit 31. december 2009-iip tungaanut. Soorlu takuneqarsinnaasoq unammilleqatigiinnermi inatsit sananeqarneranut suliariumannittussasiuussinermut inatsit pingaarnersaqarpoq lex specialis-imik, aammalu akilingassaasinnaasut unammilleqatigiinnermi inatsit unioqqutinneranit – innersuussinikkut tunngaviusumut pinerluttulerinermi inatsimmi § 3-imi – naatsorneqassallutik qajassuartumik malittarisat malillugit, uanilu ilimagineqarlutik atuuttut una inatsit malillugu.

Illersuisut assortorpaat unammilleqatigiinnermi inatsit Danmark-imi atuuffia periuutsimik atasoqarnera akilingassat naatsorsornerat pillugu aalajangersimasumik proceninngortarnerat, aammalu assortorlugu periuseqassappat Kalaallit Nunaanni sunniuteqarnissaa.

Illersuisut aammalu oqaatigaat unammilleqatigiinneq sunnerneqarsimanngittoq suleqatigiinnermiit peqataasut nassuiaaffigisimasaattut. Peqataasut naak – aatsaat nassuerutiginnittoqarpat – namminneq akigisatik nalunngissimagaluarlugu pinngitsoortissinnaanngilaat allat peqataasut innersuutiginninnerat. Peqataasut taamaasillutik isumannaarsinnaangilaat aalajangersimasoq peqataasoq appasinnerpaamik neqerooruteqartunngortillugu.

Eqqartuussisut eqqarsaatigisariaqarpaat killeqaqisut periarfissat suliffeqarfiit Kalaallit Nunaanni unammilleqatigiinnermi pissutsit sunniisinnaaneri. Piffinni amerlasuuni unammilleqatigiinneq pinngilaq, pissutigalugu niuerfik mikimmat aamma iluani peqataasunik arlalinnit ilaasoqartarluni.

Peqataasut tamarmik siunertarisimanngilaat eqqunngitsumik pisuunnguallannissartik, aammalu uppernarsaasoqarnikuunngilaq akinik qaffaasoqarsimasoq.

Piviusoq B.J. Entreprise A/S tunngatillugu

Pisimasoq 1: Uppernarsaataasutuaq tassaasimavoq nassuiaaneq inuttaata tusarsimasai allaminngaanniit. Tamannalu naammanngilaq eqqartuussinermi aalajangiinissamut pinerlunnermut suliassami.

Tamarmik marluullutik assigiimmik nassuiaasimapput naliginnaasoq aammalu ajortuliorneqartaqanngitsoq suleqatigiinneq suliffeqarfiit ingerlassimasaat nunamut aammalu betonngimut akit pillugit. Taamaakkaluartorli tamanna unnerluussisut naatsorsuineranni akilingassamik ilaasimavoq.

Pisimasoq 3

Illersuisup sakkukillisaatitut erseqqissarsimavaa sanatitsisup 10 %-ip miss. sipaaruteqarsimanera kukkuneq pissutigalugu, pilersimasoq tapiutitut neqeroorutip oqaasertaliunnerani B.J. Entreprise-p sanasimasaani innersuussinermini, aammalu Permagreen-imut pisoq sunnerneqarani. Taamaattumik pineqaatissiissut taamaatiinnarneqartariaqarpoq.

Pisimasoq 4:

Katillugu suliarinninnissap innersuutaata eqqartornerata takutippa Polar Entreprise-p innersuutaa ilimananngitsoq, kisiannili aamma B.J. Entreprise-p ilumut akikinnerusimasoq Polar Entreprise-miit arlalinni suliarisani. Unammilleqatigiinneq taamaattumik sunnerneqarnikuunngilaq. B.J. Entreprise-p siunertarisimanngilaa arlaatigut iluanaaruteqarnikkut iluaquteqassalluni, kisiannili taamaallaat kissaatigisimallugu Istak Sisimiuniit illuarteqqassallugu.

Eqqartuussisut tunngavilersuutaat inerniliineralu

Unammilleqatigiinnermi inatsit sananeqarnerisa innersuutigisai suliariumannittussarsiussinermut inatsimmut lex specilis-itut paasineqartariaqarput erseqqissaatitut suliariumannittussarsiussinermut inatsit malittarisassiuussineratut sanaartornermi pissutsinut. Unammilleqatigiinnermi inatsit naliginnaasut inerteqqutaat eqqaassanngikkaani unammilleqatigiinnerup ajoqusernissaanut piffissami inatsisit tamarmik ataatsikkut atuuffianni suliarimannittussarsiussinermut inatsit kinguneraa akuersissutit unammilleqatigiinnermi inatsimmi § 8 naapertorlugu nalunaarutigineqarsinnaanngitsut sanaartornerup iluani.

Niuernikkut kattuteqatigiilluni neqeroorusiat – soorlu qulaani allaaserineqartut – inatsit sananeqarneri malillugit ”hardcore”-iupput isumaqatigiissutit akerlianik isigalugit malittarisanit immikkut ittumik peerneqarsinnaasut (bagatelaftaler),

Taanna pillugu unammilleqatigiinnermut ajalusoortitsinermut sunniinerata isumaa pinerlunnermik imarisaanut pineqaatissiissutaasinnaasup unioqqutinnera eqqartuussisut innersuutigivaat unammilleqatigiinnermi inatsit sananeqarneranut § 6-i:

”Unammilleqatigiinnermik killiliineq sunaluunniit §6-imi inerteqqummit eqqorneqassaaq. Aalajangersakkami ilaapput unammilleqatigiinnerup akornuserneqarnera, killilerneqarnera equtinneqarneralu, aammalu ilaallutik isumaqatigiissutit, tak. § 6, imm. 3, akuersissutit periaatsillu ataqatigiissut ”toqqaannartumik toqqaannanngitsumilluunniit siunertaqartut kinguneqartussalluunniit” unammilleqatigiinnerup killiligaaneranik. Oqariaaseq ”siunertaqartoq kinguneqartussarluunniit” tunngavimmikkut assigiinngitsuupput. Tassalu inerteqqutip eqqortarpai isumaqatigiissutit il.il. killiliinermik siunertaqartut taamatut sunniuteqanngikkaluarlutik, aamma isumaqatigiissutit il.il. taamatut sunniuteqartut siunertaasut apeqqutaatinnagit. Tassalu § 6-imi piumasarineqanngilaq ilumut sunniuteqartoqarsimanersoq.”

Uppernarsaanernut naliliineq

Naliginnaasumik eqqartuussisut erseqqissassavaat nassuiaanerit tamarmik eqqartuussisut suliassami tusarsimasaat ingerlanneqarsippat pillagaasinnaanermut akisussaanertaqanngitsumik. Nassuiaanerit arlalinnut pissutsinut tunngatillugu ingerlanneqarsimapput neriorsuutigineqarluni unnerluussutsip taamaatiinnarneranik, tak. unammilleqatigiinnermi inatsimmi § 30.

Pisimasoq 1

Eqqartuussisut aalajangiuppaat unnerluussisussaatitaasut uppernarsarsimanngikkaat suleqatigiinneq Permagreen aammalu B.J. Entreprise-llu akornanni nunamut aammalu betonngimut akit pillugit unammilleqatigiinnermut malittarisanut unioqqutitsisimasut.

Eqqartuussisut innersuutigaat inatsit suliarineqarnerani toqqarlugu oqaatigineqarsimammat imatut:

”Unammilleqatigiinnermik killiliinerunngilaq suliffeqarfiit arlallit kaaviiaartitseqatigiinnermi assigiimmi suliaqarfinni ataatsimut innersuummik tunnissippata aalajangersimasumut suliassamut, suliffeqarfiit immikkut kisimiillutik suliassaq nammineeraluarunik suliarisinnaanngippassuk, tak. assersuut piumasaqaatinut knowhow-imut, imarisinnaasamut imaluunniit aningaasaqarnikkut isumalluuteqarnikkut. ”

  Aammattaaq eqqartuussisut innersuutigaat pissutissaqanngittoq paasissutissat qaangiinnarnissaat, paasissutissammi imaqarmata suliffeqarfiit peqataasut imarisinnaasaannut tunngammata nunamut aammalu betonngimut tunngassutillit.

Nassuiaaneq nunamut aammalu betonngimut akit pillugit ersersippaat suliffeqarfiit akornanni annertuumik attaveqatigiittoqarsimasoq suliarinnittussarsiuussinissaq sioqqullugu.

Sanatitsinissamut akit pillugit eqqartuussisut aalajangiuppaat nassuiaaneq tunngaviliussinnaallugu Permagreen-ip neqeroorutaa kisimi tapersiutitut neqeroorutaasoq tunniunneqarsimasoq B.J. Entreprise-p inassuteqarneraniit.

Tamannalu aamma takutinneqarpoq neqeroorut aappassaaneersimanngimmat suliariumannittussarsiuussinerup aappassaani aamma nassuiaanerup nammineq takusimagai neqeroorutit tamarmik 1 mio. kr.-init sinnerlugit. Taamaattumik ilimagisimassagaa naatsorsuutigineqarpoq nammineerluni nalunngisaqarsimanera neqeroorummut, tamassumalu saniatigut nassuiaateqarsimalluni B.J. Entreprise-miit attavigineqarsimalluni.

Nammineq inuttut naliliinermi uani pisimasumi piaaraluni pinerlussimanermik takutitsinera eqqartuussisut tunngaviliuttariaqarpaat nassuiaaneq tapiutitut innersuutip eqqartoqatigisimannginneranut allanut immikkoortortaqarfiup pisortaa eqqaassanngikkaanni. Eqqartuussisut aamma tunngaviliuppaat nassuiaaneq aallaqqasimaneq pillugu piffissami tassani, aammalu eqqartuussisut periarfissaqarsimannginnerat nassuiaanermik tusarnissaminnik.

Unnerluutigineqartoq taamaattumik uani pisimasumi pinngitsuutinneqarpoq.

Eqqartuussisut kisianni aalajangiuppaat nassuiaanerata qularnarunnaarsikkaa B.J. Entreprise aqqutigalugu inuttaa annertuumik pisinnaatitaaffeqarsimasoq ingerlatsivik sinnerlugu nammineerluni sulissalluni.

Matuma kingornagut aammalu qulaani oqaatigineqartoq naapertorlugu Permagreen-ip neqeroorutaa isiginiarneqassasoq tapiutitut innersuussaasoq B.J. Entreprise-p piumasarineranit pisoq eqqartuussisut aalajangiuppaat naammattumik toqqammavissaqartoq B.J. Entreprise eqqartuutissaluugu unammilleqatigiinnermut inatsimmi § 6, imm. 1 unioqqutissimagaa.

Eqqartuussisut maluginiarpaat suliffeqarfiit sioqqutsisumik akinit paarlaaqatigiissimanerat siunertaqarsimasoq B.J. Entreprise-p inissisimasunngortillugu appasinnerpaamik innersuussisunngorlugu taakkua akornanni.

Pisimasoq 2a-b

Unnerluussisut unnerluussut taamaatiinnarsimanerat taakkunani pisuni suliassap ingerlannerani pissutigalugu unnerluutigineqartut pinngitsuutinneqarput, tak. eqqartuussisarnermi inatsimmi § 318, 2. pkt. aamma § 476. Pissutigalugu unnerluussisussaatitaasut piumasarisimammassuk pisut immikkut suliarinissaat kingusinnerusukkut unnerluussutsit taamaatiinnarniarlugit eqqartuussisut maluginiarpaat pinngitsuutinneqarnermut suleriuseq eqqortuusoq, tak. oqaasiliunneqarsimasoq danskit eqqartuussisarnermi inatsisaat § 883, imm. 2, nr. 2 aammalu inatsisinut oqaaseqaatit kalaallit malittarisaannut § 476-imi, tassani danskit malittarisaannut § 883-imut innersuussimmat.

Pisimasoq 3

Unnerluutigineqartut pisimasoq nassuerutigivaat aammalu nassuiaatigalugu qanoq akimit aallersimanerlugu B.J. Entreprise-p Permagreen-imiit pisimasaanniit, aammalu B.J. Entreprise kisimi suliariumannittussarsiuussinermut tunniussissasoq soqutiginninnermik takutitsiniarluni sanatitsisumut. Unnerluutigineqartut taamaattumik pisuutinneqarput unammilleqatigiinnermi inatsimmi § 6, imm. 1 unnerluussut malillugu unioqqutitsisimanermik.

Pisimasoq 4

Eqqartuussisut aalajangiuppaat nassuiaatit eqqartuussivimmi nassuiaatigineqartut paasineri malillugit isiginiarneqartariaqartut oqaloqatigiinnerit imarisai ddddddddd akornanni eqqartuussisut tusarsimasaat.

Eqqartuussisut aalajangiuppaat pingaartumik nassuiaatit malillugit qularnarunnaarsinneqartoq B.J. Entreprise pingaarutilimmik inissisimasimasoq neqeroorutit ataqatigiissaarnerannut suliariumannittussarsiuussinermi, taamaasillunilu isumannaarlugu Permagreen-ip B.J. Entreprise-p innersuutaa tapersermassuk aammalu isumannaariaraluarmassuk Polar Entreprise innersuuteqanngitsoortillugu, imaluunniit minnerpaamik innersuuteqaramik B.J. Entreprise qaangerlugu suliariumannittussarsiuussinermi. Nassuiaatigineqartut malillugit aamma aalajangiunneqarpoq qularnarunnaarsinneqarsimasoq B.J. Entreprise-ip akuerisimagaa Polar Entreprise akilissallugu ingasattumik akilersillugu 150.000 kr.-ininik. nunap suliarineranut neqeroorutit ataqatigiissaarineq tunngatillugu.

Unnerluutigineqartut nassuerutiginninnerat malillugu aalajangiunneqarpoq Permagreen aamma B.J. Entreprise isumannaariaraluarsimagaat B.J. Entreprise-p innersuutaa suliariumannittussarsiuussinermi appasinnerpaajunissaa, aammalu taakku oqaatsit malillugit unnerluutigineqartut pisuutinneqarput unammilleqatigiinnermi inatsimmi § 6, imm. 1 unioqqutissimallugu.

Akilingassap qaffasissusaa aalajangerneqassaaq paasissutissat nalilernerisa kingorna, tamannalu paasineqarsinnaalluni unammilleqatigiinnermi inatsit sanaavanni § 39-imi oqaatigineqartumi (erseqqissaanerit eqqartuussisuniit suliarineqarput):

”Inatsimmi § 6, imm. 1-imi isumaqatigiissutit, suliffeqarfiit kattuteqatigiit iluanni akuersissutit imaluunniit periutsit ataqatiissut unammilleqatigiinnermik killiliisut inerteqqutaanerisa pitsaasuunissaat qulakkeerumallugu imm. 1, nr.1 malillugu inatsimmi § 6, imm. 1-imik piaaraluni mianersuaalliorujussuarluniluunniit unioqqutitsineq akiliissutissanngortinneqarsinnaavoq, tak. § 6, imm. 3.”

Akiliutissat annertussusilerniarneranni nalinginnaasumik aallaavigineqartarpoq aningaasatigut iluanaarutaasimasoq iluanaarutaaniartorluunniit naatsorsorneqarsinnaappat, kiisalu unioqqutitsinerup annertussusia sivisussusialu Kisianni nalinginnaasumik unioqqutitsinermi iluanaarutit uppernarsarniarnerat assut ajornakusoortarpoq.”…

Iluanaarutigineqarsimasup annertussusia aalajangerneqarsinnaanngippat akiliutissap naatsorsornerani unioqqutitsinerup annertussusia sivisussusialu kisimik aallaavigineqassapput. Akliutissap unioqqutitsinerup annertussusia sivisussusialu tunngavigalugit naatsorsorneqarnerata inernerissavaa akiliisitsissut imatut annertutigissasoq tamatumuuna akiliisitsilluni pineqaatissiineq pitsaasutut sunniutilittullu oqaatigineqarsinnaalluni, unioqqutitsinermut naapertuuttussaalluni unioqqutitsinnginnissamullu sunniuteqarluni.

Unammilleqatigiinneq pillugu Inatsisartut inatsisaata atuuffissaata iluani iluanaarutip naatsorsornissaa qaqutiguinnaq ajornassanngilaq, tassami iluanaarutip naatsorsornerani missingertariaqarmata niuernermi pissutsit unammilleqatigiinnermilu pissutsit pingaarnerusussaagaluartut unammilleqatigiinnermi malittarisassat unioqqutinneqarsimanngitsuuppata. Taamatut eqqoriaaneq ajornakusoorpoq amerlanertigullu ima nalorninartoqartigissalluni, akiliutissap naatsorsornerani atorneqarnissaanut piukkunnarani.

Tamanna tunngavigalugu ilimagisariaqarpoq suliani ataasiakkaani akiliutissap naatsorsorneqarnera, pingaartumik § 29, nr. 1-3-p aamma nr. 5-10-p unioqqutinneqarneranut tunngatillugu, aallaaveqassammat unioqqutitsinerup annertussusia sivisussusialu tunngavigalugit aningaasanik tunngaviusunik kiisalu pissutsinik sakkortusaataasunik sakkukillisaataasunilluunniit.

 Unioqqutitsinerup annertussusiata nalilernerani pissusissamisuussaaq naliliinermi isiginiarneqassasut nioqqutissat sullissinerillu unioqqutitsinermut ilaasut amerlassusiat nalingallu, kiisalu suliffeqarfiit peqataasut amerlassusiat angissusiallu tamatumalu kinguneranik isumaqatigiissutip, akuersissutip imaluunniit periutsip ataqatigiissup unammilleqatigiinnermik killiliisup imaluunniit salliulluni inissisimanerup atornerlugaanerata niuerfimmut aningaasatigut kingunerisimasai. Unioqqutitsinerup annertussusiata nalilernerani aammattaaq pisussissamisuussaaq aalajangiineq unioqqutitsinermik annikitsuunersoq, unioqqutitsineq annertooq imaluunniit unioqqutitsineq annertoqisoq pineqarnersut.

  Unioqqutitsinerup sivisussusia pineqartillugu pissusissamisuussaaq immikkoortinneqarpata unioqqutitsinerit sivikitsut, ukioq ataaseq, ukiut 1-5 sivisussusillit, imaluunniit sivisuut, ukiut tallimat sinnerlugit.

  Pissutsinut sakkortusaaaasunut assersuutaasinnaapput suliffeqarfiup ataatsip arlallilluunniit arlaleriarlutik assigiimmik unioqqutitsineri, misissuinermik akornusiiniarnerit aamma Unammilleqatigiinnermut Ataatsimiititaliamik aamma Unammilleqatigiinnermik Nakkutilliisoqarfimmik suleqateqarumannginneq, unioqqutitsinermik pilersitsisuuneq peqataanerluunniit, suliffeqarfinnik allanik pinngitsaaliiniarneq imaluunniit inatsisit unioqqutillugit iluanaaruteqarneruneq.

  Sakkukillisaataasut ilaatigut tassaapput soorlu unioqqutitsinermut akerliliinani peqataaginnarneq, isumaqatiissutip, akuersissutip, akuersissutip imaluunniit periutsip ataqatigiissup unammilleqatigiinnermik killiliisup unioqqutitsinerusup malinneqannginnera, unioqqutitsineq unitsinneqarsimasoq suliffeqarfiup nalornissutigimmagu unioqqutitsisoqarsimanersoq, mianersuaalliorneq imaluunniit suliffeqarfiup unammilleqatigiinnermut oqartussaasut suleqatigisimappagit, tak. siunnersuummi § 30 aamma 31.

  Anguniartariaqarpoq, aaqqeeriaaseq matuma siuliiniittoq malillugu akiliutissap naatsorsornerata naggataatigut inernera suliffeqarfiup nunarsuaq tamakkerlugu kaaviiaartitaasa 10 procentiannit annerunnginnissaa.

  Aningaasat tunngaviusut akiitsullip akiliisinnaassusia pillugu pinerlunnermut inatsimmi § 90, imm. 2 akuliullugu atortinnissaat siunertaralugu anguniartariaqarpoq qanoq atsigisumik akileeqqusinerup nalilernerani, aamma tassani ilaasariaqarmat suliffeqarfiup pineqartup akilersinnaaneraa. Tamatumunnga tunngatillugu ilimagisariaqarpoq suliffeqarfiup akiliisinnaasusia nalilerneqassasoq, tassuunakkut aalajangerumallugu suliffeqarfiup ataannarsinnaanera navianartorsiortinneqarnersoq. Akiliisitsinissamik pillatissiinermi malugineqarsinnaanissaa aallaaviussaaq.

Soorlu qulaani oqaatigineqartoq kattuteqatigiilluni neqeroorusiorluni unioqqutitsineq § 6, imm. 1-imik uani suliassami unioqqutitsineq annertoqisoq pineqarpoq.

Unammilleqatigiinnermi inatsisit atuuffii pillugit Kalaallit Nunaanni eqqartuussinikkut periuseqartoqanngilaq. Danmark-imi eqqartuussinikkut periuutsit taamaattumik nalilerneqartariaqarput.

Eqqartuussisut aallaqqaasiutitut maluginiarpaat suli aalajangiisumik eqqartuussinikkut periuseqalertoqarsimannginnera Danmark-imi, pissutigalugu qullersat eqqartuussisut suli isummerfigisimanngimmassuk unammilleqatigiinnermi inatsit unioqqutinneri pillugit inissisimanermi ”annertoqisoq pineqarpoq”. Aammattaaq eqqartuussinikkut periutsini kalaallit danskillu akornanni ataqatigiinnerat toqqammavigalugu atuuttoqartariaqarpoq assigusumik atassuteqaammik, soorlu pissutsini ataqatigiinneq danskit periusaanni aammalu EU-imi periutsini, allaaserineqartut inatsisit sanaavanni danskit inatsisaanni allannguummi 2002-imi: ”Unammilleqatigiinnermi inatsit unioqqutinnerani aallaaviussaaq danskit niuerfiat imaluunniit ilamerna. Tassunga tunngatillugu aningaasat annertussusaat unammilleqatigiinnermi inatsimmi unioqqutitsinermut annikinnerulaartumik qaffasissuseqassapput EU-imi unammilleqatigiinnermi malittarisassat unioqqutinneranut sanilliullugit”.

Eqqartuussisut erseqqissarpaat kalaallit danskillu niuerfiata assigiinngissusaat: niuerfiup annertussusaa, nunap iluani pissutsit sunniinerat niuerfimmut killiliinermik, privatimik sanaartornerup peqannginnerata sunniuteqarnera, europamiunit peqataasoqannginnera aammalu peqataasut suliffeqarfiit annertussusaat.

Kiisalu unammilleqatigiinnermi inatsit sanaavisa 2007-imeersut oqaaseqaaterpassuit akornanni ilanngussimanngilaat akilingassap sukannerulersitsinera, qaffaanera il.il. Danmark-imiilli sanaat 2002-imeersut taakkunannga imaqarlutik. Tassani innersuutigineqarpoq ilaatigut kalaallit inatsisissatut siunnersuutip aallaqqaasiutaani annertujaartumik sanilliunneqarsinnaasumi sanaani 1997-imeersuni Unammilleqatigiinnermi inatsimmi Danmark-imi. Inatsisissatut siunnersuummi anguniagaq sakkussallu pillugit oqaatigineqarpoq:

unammilleqatigiinneq pillugu Inatsisartut inatsisaanni sapinngisamik annertunerpaamik kiffaanngissuseqartumik sunniuteqarluartumillu unammilleqatigiinneq qulakkeerneqassasoq pingaarnertut anguniagaatillugu suliarineqarpoq…”

Unammilleqatigiinneq pillugu Inatsisartut inatsisaata anguniagaata pingaarnerup angunissaanut sakkussaq pingaarnerpaaq tassaavoq inerteqquteqarnermik tunngaveqarnerup eqqunneqarnera. Tamatuma peqatigisaanik siunnersuummi anguniagaasimavoq kalaallit niuerfianni pissutsit immikkut ittut isigiumallugit Inatsisartut inatsisaata Europami nunani allani unammilleqatigiinnermut malittarisassanut naleqqussarnissaa, tamatumani pingaartumik ilanngullugit nunat avannarliit. Siunnertuutikkut nakkutilliinermik tunngaveqarneq atorunnaarpoq”

 Eqqartuussisut nalilerpaat aningaasat annertussusaat unammilleqatigiinnermut inatsit unioqqutinnerannut ukunani suliassani unioqqutitsinertut annertoqisutut pineqartuni 250.000 kr.-iniusariaqartoq, Aningaasat annertussusaat tamanut peqataasunut malunnartussaassaaq kalaallini niuerfiusumiittuni, kisiannili aamma ersersiilluni akilingassamik qaffasissusermik naleqquttumik,  nioqquteqarfimmi peqataasut tamarmik milliard-inik kaaviiaartitaqanngitsumi.

Aningaasat annertussusaat qaffanneqarsinnaavoq neqeroorutit tunniunneqartut annertussusaannut naleqqiullugu, tassunga aalajangersimasumut unioqqutitsinermut tunngassuteqartoq. Eqqartuussisut taamaatiinnarpaat naatsorsuissallutik iluanaarutissaasinnaasumut, aammalu aalajangiullugu neqeroorut, kisimi neqerooruteqartumit suliffeqarfimmiit sunniuteqarfiginilik pingaartuusariaqartoq. Eqqartuussisut taamaattumik itigartippaat isumaqatigiissutsip katinnera atussallugu akilingassiinermut naatsorsuutitut. Taamaasillugu pinngitsoortinneqassaaq annertuumik assigiinngitsunik akilingassiinermik tunisinerit  suliffeqarfimmut tassunga tapiissutitut neqeroorusiortunut, aammalu tassunga suliffeqarfimmut taperserneqartumut, kisianni kingusinnerusukkut sipaarutissanut isumaqatigiissusiortumut sanatitsisumut. Qaffaat tulluartuusorineqarpoq aalajangerneqassalluni neqeroorutigineqartup 1%-ia aallaavigalugu.

Akilingassap qaffasissusaa taakkununnga inunnut iliuutsimikkut suliffitsik sinnerlugu unammilleqatigiinnermi inatsinut unioqqutitsisunut eqqartuussisut aalajangiuppaat – danskit eqqartuussinikkut periusaat assigalugu – atuutsinneqartariaqartoq naliginnaasoq akilingassaq. Taanna akilingassaq suliassani makkunani assigiinngisitaartuutinneqassanngilaq suliffeqarfik ataasiinnarmi arlalinniluunniit unioqqutitsilluni iliuuseqarnersoq apeqqutaatillugu, pissutigalugu nammineq taanna akilingassaq saqqummiunneqartariaqarmat piumasaq siulleq pisinnaanngippat tulliattut akilingassamut naleqqiullugu naatsorsorneqartumut suliffeqarfiup pissaanut. Taakkua suliffeqarfiit namminneq peqataasut piumasaminnik ingerlaarsinnaanerat peqqutaalluni kalaallit aammalu danskit niuerfiata akornanni eqqartuussisut aalajangiuppaat pissutissaqanngitsoq akilingassanik annikinnernik pineqaatissiissalluni kalaallinut suliffeqarfinnut peqataasunut,  akilingassanut Eqqartuussiviit qullersaata atorsimasaannut eqqartuussutsinut niuerfinnut peqatigiinnut suliassanut tunngatillugu 2010-imeersunut.

Piviusoq B.J. Entreprise A/S pillugu

Qulaani pineqartut akilingassanut naatsorsuutit naapertorlugit aammalu unammilleqatigiinnermi inatsimmi § 29, imm. 1, nr. 1 aamma imm. 3, tak. § 6, imm. 1 innersuutigalugit eqqartuussisut aalajangerpaat akilingassaq aallaavilimmik 570.000 kr.-ininit. Uani suliassami B.J. Entreprise arlalerliarluni unammilleqatigiinnermut inatsimmut unioqqutitsisimanera pissutigalugu eqqartuussisut aalajangiuppaat naatsorsuisoqartariaqartoq tapiliussamik 50.000 kr.-inimit pisimasut ataasimik ilaqqinneri tamaasa. Katillugu aklingassiinermik pineqaatissiineq taamaattumik 670.000 kr.-iniuvoq.

Unnerluutigineqartunut tamanut naatsorsorneqarpoq akilingassiineq 25.000 kr., tak. unamilleqatigiinnermi inatsimmi § 29, imm. 1, nr. 1, tak. § 6, imm. 1. Eqqartuussisut aalajangiuppaat sakkukillissaatinik pisimasoq 3-imi peqanngittoq, pissutigalugu suliffeqarfiup piviusumik annaasaqaatai imaluunniit annaasaqaataasinnaasai naatsorsuutitut ilaanngimmata akilingassap naatsorsornerani inatsit sanaavini.

Suliamut aningaasartuutit

Taakku suliniutit suliami eqqortuunneqartut taamaallaat pisimapput unnerluunneqartut inuussutissarsiutigalugu sulineratigut. Suliniutit aallaaveqarsimapput annertuumik nalilinnut. Eqqartuussisut taamaattunik immikkuullarissunik pissuseqartoq aalajangiussimavaat unnerluutigineqartut tamaat pisortatigut aningaasartuutit taarsissagaat illersuisussanngortitat akissarsiassaat, tak. eqqartuussisarnermi inatsimmi § 480, imm. 2.

Illersuisussanngortitat angalanerannut aningaasartuutit, nerisaqarnerat aammalu uninnganeri suliamut atatillugu eqqartuussisut aalajangiuppaat malittarisaq pingaarneq eqqartuussisarnermi inatsimmi § 480, imm. 1 atorneqartariaqartoq.

TAAMAATTUMIK EQQORTUUTINNEQARPOQ

B.J. Entreprise A/S pineqaatissinneqarpoq akilingassiinermik 670.000 kr.-inik.

Unnerluutigineqartoq pineqaatissinneqarpoq akilingassiinermik 25.000 kr.-inik.

Unnerluutigineqartoq pineqaatissinneqarpoq akilingassiinermik 25.000 kr.-inik.

Akilingassat Landskarsimut pissapput.

Unnerluutigineqartut akilissavaat assigiimmik pisussaaffeqarlutik illersuisussanngortitamut, illersuioq Pernille Backhausen, København. Akissarsiassat aalajangerneqarput 130.000 kr.-ininut, aammalu Naalagaaffiup aningaasivianik akilerneqarallassallutik.

Naalagaaffiup aningaasivanik akilerneqassapput allat suliamut aningaasartuutit, uani pineqarlutik angalanermut aningaasartuutit, nerisaqarnerit aammalu uninnganerit illersuisunngortitamut.

Birgit Skriver

Assilineqarnerata eqqortuunera uppernarsarneqarpoq.

Kalaallit Nunaanni Eqqartuussivik, ulloq 4. april 2012

Scroll to Top