Inissiamik nalinginnaasumik iluarsaassineq inatsisitigut pisussaaffiuvoq

Aalajangiineq

Ineqarnermut Naammagittalliortarfiup ataatsimiitsitaliaata aaliangerpaa, aningaasartuutissat akilissagitit, nalinginnaasumik iluarsartuussinermi inatsisit malillugit pisussaaffigisatit inissiami Najugaq B-XX, 39XX Najugaqarfik

Attartortunngorsimavutit inissiami adresseqartumi Najugaq B-XX 39XX Najugaqarfik ulloq 15 september 2010, attartukkanniillu nuullutit juni-mi 2013.

Inissiaatileqatigiiffiup allagaani ulloq 11.juli 2013 paasinarpoq, illit akilissagitit koruunit 237, 13 nutsernermi naatsorsuutini.

Allakkani 30. september 2013 Ineqarnermut Naammagittalliortarfimmut naammagittaalliorsimavutit akiligassiutigineqartut pillugit.

Illillu oqaatigaat, inissiap tigunerani inissiami arlariinnik amigaateqarsimasoq. Aammattaaq oqaatigaat, nutsernermi nakkutilliisuninngaanniit nalunaarfigineqarsimallutit, inissiaq kusanaqisoq.

Misissuinermi nalunaarutini paasinarpoq inigisarni nutsernermi misissuisoqarnerani najuussimasutit, misissuinermilu nalunaarut atsiorsimagit.

Ilanngunneqarpoq qalipatassanik suliaqarnermut akiligassiissuut. Tassanilu takuneqarsinnaalluni qalipaasoqarsimasoq 17.026,40 koruunit nalinganut. Inissiamiit nutsernerni suliassanik allanik inissiami suliaqartoqarsimanngilaq, akiligassanngortussanik ilinnut. Taammaattumik sanasumut suliassisoqarsimanngilaq.

Inissiaatileqatigiiffiup allakkamini ullulerneqartuni 7.august 2013 erseqqissaavigivaatit, inissiap qimannerani akiligassiinerup iserternermi amigaatinut taasarnut attuumassuteqarnngitsoq. Inissiaatileqatigiiffiuttaaq erseqqissaatigivaa, qalipaanermi akiligassiissutigineqartoq, akiusoq aaliangersimasoq sinerissami annermi atorneqartoq, arlaleriarluni qalipaasoqassatillugu, nutsernermi nalunaarsuummi nalunaarutigineqarsimavoq qalipaanertut B-tut. Inissiaatileqatigiiffiuttaaq oqaatigaa kiassarnermut naatsorsuinermi akiligassaqartutit. Tamannalu nutsernermi naatsorsuutini allanneqarsimavoq 570,71 koruuninik.

Inissiami qaammatini 34-ni najugaqarsimagavit, taamaalilluni iluarsartuussinermi aningaasartuutit 34%-at inissiaatileqatigiiffimmut aningaasartuutissanngussapput, tamannalu nutsernermi naatsorsuutini annertuumik isigineqartarpoq.

Inatsisit tunngavigineqartut:

Inissianik attartortitsisarneq pillugu Inatsisartut peqqussutaat nr. 2, 12. maj 2005-imeersoq § 79 Attartortitsineq atorunnaarsinneqartussanngorsimappat imaluunniit inissiaq allamik pissuteqartumik qimanneqartussanngorsimappat attartortitsisup attartortullu piffissaq qimatsivissaq inissiamillu misissuisoqarnissaa allaganngorlugu isumaqatigiissutigissavaat. Attartortoq immikkut ilisimasalimmik ilaqarluni misissuinermut peqataanissamut pisinnaatitaavoq. Attartortitsisup sivikinnerpaamik ullunik arfineq-marlunnik siumut ilisimatitsinermigut attartortoq misissuinermut peqataaqqullugu noqqaaffigissavaa

Imm. 2 malillugu. Misissuinermi attartortitsisoq misissuisimanermut nalunaarusiussaaq, tassanilu amigaataasinnaasut paarinerlutallu attartortitsisup isumaa malillugu attartortup akisussaaffigisassai allassimassapput. Attartortoq taakkununnga isumaqataanngippat, tamanna attartortup isumai taallugit nalunaarusiami allanneqassapput. Nalunaarusiaq misissuinermut atatillugu illuatungeriinnit atsiorneqassaaq. Attartortoq taannaluunniit sinnerlugu takkuttoq misissuinermut nalunaarusiap assinganik tunineqassaaq. Tamatuma kingorna attartortup tamanna piumasarippagu, pissutissaqanngitsumik uninnganertaqanngitsumik suliassat attartortitsisup isumaa malillugu attartortumit akilerneqartussanut suliassat qanoq akeqarnissaanik missingersuummik allakkatigut nalunaarfigineqassaaq.

Nalilersuineq:

Inissiaatileqatigiiffiup nalilerpaa, pisussaasutit akiliinissarnut nalinginnaasumik iluarsartuussinermi akiligassanut kiisalu kiassanermut atuinermut.

Inissiaatileqatigiiffiup matumuuna pingaartippaa, misissuinermi nalunaarutinut nutserninnut tunngatillugu akuersisutut atsiorsimanerit, qalipaanissamut pineqartumut naak akerliullutit oqaraluartutit iserternernut amigaatitalimmut tunngatillugu.

Inissiaatileqatigiiffiuttaaq taassumap saniatigut pingaartippaa, aningaarsartuutit qalipaanermut lakkerinermullu nalillit 17.026,20 koruuninit, taakkunannga 66 % illit akiligassarigakku, imaluunniit 11.237,42 koruuninngorlugu. Taakkulu avataatigut akiligassaraatit 570,71 koruunit kiassarnermut akiligassat. Taakku marluk katillugit naleqarput 11.808,13 koruunit. Qularnaveeqqutinut akiliinikuuvutit 11.571 koruunit. Isumaqarporlu akileeqqissasutit 237,13 koruuninik.

Inissiaatileqatigiiffiup naatsorsuinera eqqortuuvoq.

Aaliangiussaq:

Inissiaatileqatigiiffiup nutsernermi naatsorsuutit naapertorlugit akiliisussaatippaatit.

Naammagittalliorsinnaanermut siunnersuut:

Imm. 7. Maalaarummik itigartitsineq allaffissornikkut aqutsinermi pisortanut oqartussaasunut allanut suliassanngorteqqinneqarsinnaanngilaq Inissianik attartortitsisarneq pillugu Inatsisartut peqqussutaat nr. 2, 12. maj 2005-imeersoq naapertorlugu. Attartortitsisoq attartortorlu isumaqatigiinngissutertik eqqartuussisunut ingerlatissallugu kiisaatigigunikku, attartortitsisoq aggeqquneqassaaq eqqartuussivimmut, tamanna atuuppoq allaffigeqatigiinneq allallu attartortitsisumilluunniit allaffisornikkut ingerlanneqaraluarpat.

Namminersornerullutik Oqartussat kommuneluunniit avataaniit allaffissornikkut aqutsisumik isumaginnittuutitaqarpata, maalaruteqartarfiup aalajangiineri aamma taakkununnga pinngitsoorani malinneqassapput jf§ 86, stk 6.

Ineqarnermut Naammagittaalliuteqartarfik sinnerlugu

Innuttaasoq B

Siulittaasoq ineqarnermut naammgittaalliortarfiup ataatsimiitsitaliaani

Inatsisit toqqammaviit

Inissianik attartortitsisarneq pillugu Inatsisartut peqqussutaat nr. 2, 12. maj 2005-imeersoq

Illussaqartitsineq, boligstøtte, illunik attartorneq il.il. pillugit Kalaallit Nunaannut inatsit nr. 944, 23. december 1986-imeersoq naapertorlugu aalajangersarneqarput:

§ 77. Inissiamit anisoqarnerani inissiaq nalinginnaasumik iluarsaanneqassaaq, tassanilu pineqarput qilaavinik qaqorsarlugit qalipaaneq, iiganik qalipaaneq aamma/imaluunniit ungalitsersuineq kiisalu eqqiaaneq. Natii nutaamik lakkersimasutut isikkoqassapput, taamaattorli tak. imm. 3.

Imm. 2. Attartortup nammineerluni nuunnerminut atatillugu nalinginnaasumik iluarsaassinissani kissaatigippagu, iluarsaassineq assassornermik ilinniagaqarsimasutut illersorneqarsinnaasumik pitsaassuseqartillugu suliarineqassaaq. Attartornermik unitsitsinissaq imaluunnit atorunnaarsitsinissaq naapertorlugu inissiap qimanneqarnissaa, inissiap takuniarneqarnissaa sioqqullugu suliaq naammassereersimassaaq, tak. § 79.

Imm. 3. Attartortup inissiamut iserternerani inissiaq nalinginnaasumik iluarsaanneqarsimanngippat, attartortup inissiaq iserternermini pissuserisaatut itsillugu tunniutissavaa.

Imm. 4. Attartortitsisup imm. 1-imi aamma 2-mi aalajangersakkat sanioqqussinnaavai, attartornerup atorunnaarnerata nutaamillu aallartitsinerup kingorna inissiap iluarsaanneqarnissaa annertuunik ajornartorsiutitaqarpat. Attartornerup atorunnaarnerani tamatumunnga taarsiullugu attartortoq inissiamik attartornerup nalaani nungullarnernut naleqquttumik annertussusilinnik akiliuteqassaaq. Akiliutissaq qaammammut ataatsimut inimut ataatsimut 50 kr.-inik annertussuseqarpoq. Attartortitsisup nalinginnaasumik iluarsaassinermut aningaasartuutit attartortup inissiamik tigusineraniit qaammatit 100-t ingerlanerini tigujartuaassavai.

Imm. 5. Naalakkersuisut inissiamit aninermi nalinginnaasumik iluarsaassisarneq aamma attartortup tamatumunnga atatillugu aningaasartuutigisaanut ajunngitsorsiassaqartarneq pillugu maleruagassiorsinnaapput.

§ 78. Attartortitsisup § 77 malillugu nalinginnaasumik iluarsaassinermut aningaasartuutit attartortup inissiamik tigusineraniit qaammatit 100-t ingerlanerini tigujartuaassavai. Piffissaliussatut aalajangiunneqartup naannginnerani inissiamit anisoqarnerani attartortup taamaallaat aningaasat piffissami tassani attartortitsinerup atorunnaarfigisaani attartortitsisumit akilerneqartussanngorsimanngitsut akilissavai.

§ 79. Attartortitsineq atorunnaarsinneqartussanngorsimappat imaluunniit inissiaq allamik pissuteqartumik qimanneqartussanngorsimappat attartortitsisup attartortullu piffissaq qimatsivissaq inissiamillu misissuisoqarnissaa allaganngorlugu isumaqatigiissutigissavaat. Attartortoq immikkut ilisimasalimmik ilaqarluni misissuinermut peqataanissamut pisinnaatitaavoq. Attartortitsisup sivikinnerpaamik ullunik arfineq-marlunnik siumut ilisimatitsinermigut attartortoq misissuinermut peqataaqqullugu noqqaaffigissavaa.

Imm. 2. Misissuinermi attartortitsisoq misissuisimanermut nalunaarusiussaaq, tassanilu amigaataasinnaasut paarinerlutallu attartortitsisup isumaa malillugu attartortup akisussaaffigisassai allassimassapput. Attartortoq taakkununnga isumaqataanngippat, tamanna attartortup isumai taallugit nalunaarusiami allanneqassapput. Nalunaarusiaq misissuinermut atatillugu illuatungeriinnit atsiorneqassaaq. Attartortoq taannaluunniit sinnerlugu takkuttoq misissuinermut nalunaarusiap assinganik tunineqassaaq. Tamatuma kingorna attartortup tamanna piumasarippagu, pissutissaqanngitsumik uninnganertaqanngitsumik suliassat attartortitsisup isumaa malillugu attartortumit akilerneqartussanut suliassat qanoq akeqarnissaanik missingersuummik allakkatigut nalunaarfigineqassaaq.

Imm. 3. Attartortup inissiamik qimatsinissani kingusinnerpaamik ullunik arfineq-pingasunik sioqqullugu najugaq nalunaarutit nassiunneqartarfissaat nalunaarutigissavaa.

§ 84. Ineqarneq pillugu maalaaruteqartarfiup attartortut maalaarutaat makkununnga tunngasut suliarisarpai:

1) Ineqarnermut akiliutinik qaffaanissamik siumoortumik ilisimatitsisarnermi piumasarisat, tak. § 28, imm. 2.

2) Aserfallatsaaliuineq iluarsaassinerlu, tak. § 45.

Scroll to Top