Ineqarneq pillugu Maalaaruteqartarfiup Inigisavit qimanneranut atatillugu akiligassat pillugu Inissiaatileqatigiiffiup XY-ip aalajangiineranut tunngasumik naammagittaalliuuteqarnerit Ineqarnermut naammagittaalliuuteqartarfiup ulloq 29. novembarip 2019 suliarivaa imalu aalajangiivoq.
AALAJANGIINEQ
Ineqarneq pillugu Maalaaruteqarfik aalajangerpoq najukkap XXY, illoqarfik YYX, nalinginnaasumik iluarsartuunnera akilissagit.
Aalajangiineq aalajangerneqarsimavoq Inissianik attartortitsisarneq pillugu Inatsisartut peqqussutaat nr. 2, 12. maj 2005-imeersoq kingusinnerusukkullu allannguutilik naapertorlugu.
Suliami allagaatit:
Ineqarneq pillugu Maalaaruteqartarfimmut naammagittaalliuut X-imik tiguneqartut 16. januaari 2018 + nutserneqarneri.
Naatsorsuusiorneq 20. november 2017-imeersoq.
Nuunnermi nalunaarsukkat ulloq 14. september 2017-imeersoq.
Qalipaanermut akiligassaq ullulik 6. oktober 2017.
Attortornermut isumaqatigiissut ullulerneqarnikoq 20. aamma 24. januar 2017.
Inissiaatileqatigiiffiup naammagittaalliuummut oqaaseqaataat 24. september 2018-imeersut.
Naammagittaalliortup oqaaseqaatai inissiatileqatigiiffiup oqaaseqaataanut 24. septembari 2018 – nutserneqarnerilu
Inissiaatileqatigiiffiup akissuteqaataa 12. september 2019-imeersoq akiligassap fakturap itisilerlugu nassuiarneqarnissaa pillugu
Oqarasuaatikkut naammagittaalliortorlu nalunaarsukkat 18. oktober 2019-imeersut.
Nassuiaat:
Attartornermut isumaqatigiissut naapertorlugu aappallu ini tigusimavarsi, inissisimaffia XXY, illoqarfik YYX ulloq 24. januar 2017 Inissiaq 80,60 m²-iuvoq 3-nillu ineeraqarluni.
Ini qimappat 6. september 2017. Inissiaatileqatigiiffiup nakkutilliisuanik ini misissorneqarpoq aamma marluullusi mississorsimanera atsiorsimavarsi ulloq 14. september 2017.
Inip misissorsimanerata allattorsimaffianni iikkat qilaallu marloriarlugit amertussaasimapput, uffarfik qalipallugu kiisalu nateq isaariaami isersimaartarfimmilu marloriarlugu siliiserlugu lakkerlugulu.
Tamatuma saniatigut allaqqavoq iggavimmi nateq kiisalu qulaani qulliit marluk taarserneqassasut, aamma tamanna inissiaatileqatigiiffimmik 100 %-imik akilerneqassasut.
Qalipaasut suliffiata faktura-liaa naapertorlugu akiligassaq 6. oktober 2017-imeersoq killissarititaasut isumaqatigiissutaasut malillugit naleqarsimavoq katillugit 16213 kroninut. Akiligassaq annertunerusumik nassuiarneqarsimanngilaq.
Nuunnermi naatsorsuisoqarnera naapertorlugu 20. november 2017-imeersoq, allaqqavoq 277,07 kronit ilinnut tunniunneqarsimasut qularnaveeqqutinniit.
Naatsorsuineq naapertorlugu ima kisitsik pinngorsimavoq:
Qularnaveeqqut 15213 kroner akilersimavatit. Qalipaasimanermut akiligassaq 16213 kroniuvoq. Inimi najugaqarsimagavit qammatini 8-ni taava ini iluarsaattuunneranut inissiaatilgeqatigiiffiup 8 % akilissavaa tassa 1297,04 kroni nalinga, illillu akiligassap 92 % ii akilissavatit, taassuma naligaa 14915,96 kronit.
Naatsorsuinermi erserpoq inimut akiligassani akiligassaqartutit 19,97 kroninik. Taamaattumik 277,07 qularnaveeqqummiit ajungittorsiarisussaasimavatit.
Naammagittaalliutinni allassimavat Ineqarneq pillugu Maalaaruteqarfimmi tiguneqartoq 16. januar 2018, ilaquttatillu XXY, illoqarfik YYX nuussimallusi, inigisarsi nutarsarneqassammat. Isumarsi naapertorlugu initaarsi pisoqaavoq tipeqarluni aamma igalaat pisoqalisimapput oqunnikuullutillu. Sanasut igalaat aaqqissoriartorlugit takkukkamik ilissunnut oqarsimapput illumi taamaattumi najugaqartoqarsinnaanngitsoq.
Kiisalu allassimavat igaffik ajorluinnartoq. Nateq aamma nerriviup qaava equngasimapput. Skuffit nakkartarput, aamma igalaat saavi igaffimmi isersimaartarfimmilu oqulluinnarput. Uffarfimmi imeq kuuffimmut kuunneq ajorput. Tamakku pillugit inissiaatileqatigiiffimmut nooqqammitsiaannarlusi saaffiginnissutigisimavarsi.
Kiisalu allappat inimut allamut neqeroorfigineqarsimallusi, tassungalu isertersimallusi ulloq 6. september 2017-imi. Taamaalillusi qaammatini 8-naarni XXY-mi, illoqarfik YYX najugaqarsimavusi. Taamaattumik naammagittaalliutigerusussimavat qaammatini 8-naarni najugaqarfigisimasarsi, kissaatigisimanngisarsi iserterfigissallugu, kiisalu ajorluinnartoq nutarsarneqarnera akilissagassiuk.
Inissiaatileqatigiiffiup allakkami ulloq 24. september 2018-imeersumi ilaatigut allassimavaa najukkap qanoq issusaa naammagittaalliuutigisimagit, aammalu inissiaatileqatigiiffiup taamaasilluni nutaamik najukkamik nassaarukkaasi. Taassuma kingorna ajoqutit aaqqissorneqarneri aallartipput – igaffiup natia taarserneqarluni aammalu igalaat qulaanit qaammaqqutit marluk taarseqarneqarlutik. Taakkununnga aningaasartuutit inissiaatileqatigiiffimmiit akilerneqarput.
Inissiaatileqatigiiffik nuunnermi nalunaarsukkamut illit atsiornikuusannut innersuussivoq. Tassani erserpoq nalinginnaasumik iluarsartuussisoqarnissaa pisariaqalersimasoq anartarfiup qalipanneqarneranik aammalu gang-ip inillu slibernissaat. Inissiaatileqatigiiffiup qalipaanermut naqqillu slibernissaanut akiligassat nalinginnaasutut isigai.
Inissiaatileqatigiiffiup allagaanut akissutitut allassimavat inissiamut nuutsinneqarsimallusi, pissutigalugu najugarinikuusarsi ingutserneqartussanngormat. Nutserassi igalaat aammalu igalaat-saavi aaqqissorneqarsimanngillat, oqummillu ulikkaarlutik. Najukkamiit nuunnissi kingorna aapparisat peqqissisimavoq. Taamaattumik 16000 koruuninik inissiamut akiliinissamut tunngasoq naammagittaalliuutit aalajangiusimavat, inissiarmi qaammatit 8 taamaallaat inigisimagassiuk, taannalu pitsaajunnaareernikuulluni.
Inissiaatileqatigiiffiup Ineqarneq pillugu Maalaaruteqarfimmiit saaffigineqarnermi kingorna, nalunaarutigisimavaa nalinginnaasumik iluarsartuussinerit sinaakkutaasut isumaqatigiissut malillugu aalajangerneqarsimasut. Inissiaatileqatigiiffiup ilanngullugu nalunaarutigisimavaa inissiaq iserterfiginnginnerani nutarsarneqarsimasoq.
Oqarasuaatikkut ulloq 18. oktober 2019-imi aperineqaravit kalerriutigivat nalunaarsuisoqarmat ulloq 14. september 2017-imi paasisimanngikkit aammalu nassuiaaffigitissimanak taakku skemamiittut assigiinngitsut qanoq isumaqarnersut, aammalu suna atsiorsimanerit, aammalu nakkutilliisoq nassuiaassinissamut piffissaqarsimanngitsoq.
Inatsisitigut tunngavigisaq:
Inissianik attartortitsisarneq pillugu Inatsisartut peqqussutaat nr. 2, 12. maj 2005-imeersumi Aalajangersakkami imm. 3-mi allaqqavoq, piffissami attartorfiusumi attartortup inissiami qilaat qalipallugit qaqorsarnissaat, iikkat qalipannissaat aamma/imaluunniit ungalitsersorneqarnissaat kiisalu naqqit lakkernissaat akisussaaffigigaa taakkununngalu aningaasartuutit akilissagai.
Peqqussummi tassani § 77-imi allaqqavoq, inissiamit anisoqarnerani inissiaq nalinginnaasumik iluarsaanneqassaaq, tassanilu pineqarput qilaavinik qaqorsarlugit qalipaaneq, iigaanik qalipaaneq aamma/imaluunniit ungalitsersuineq kiisalu eqqiaaneq. Naqqit nutaamik lakkersimasutut isikkoqassapput, taamaattorli tak. imm. 3.
- 78 naapertorlugu Attartortitsisup § 77 malillugu nalinginnaasumik iluarsaassinermut aningaasartuutit attartortup inissiamik tigusineraniit qaammatit 100-t ingerlanerini tigujartuaassavai. Piffissaliussatut aalajangiunneqartup naannginnerani inissiamit anisoqarnerani attartortup taamaallaat aningaasat piffissami tassani attartortitsinerup atorunnaarfigisaani attartortitsisumit akilerneqartussanngorsimanngitsut akilissavai.
Aalajangersakkat inatsisitigut tunngavigisani ataani tamakkerlugit ilanngunneqarsimapput.
Naliliineq:
Ineqarnermut Maalaartarfik isumaqarpoq nalinginnaasumik iluarsartinneqarnera akilissagit.
Peqqussummi tassani § 77-imi allaqqavoq, inissiamit anisoqarnerani inissiaq nalinginnaasumik iluarsaanneqassaaq, tassanilu pineqarput qilaavinik qaqorsarlugit qalipaaneq, iigaanik qalipaaneq aamma/imaluunniit ungalitsersuineq kiisalu eqqiaaneq. Natit nutaamik lakkersimassapput.
Ineqarnermut Maalaartarfiup tunngaviliussimavaa iikkat qilaallu qalipanneqarnerat, anartarfiup init masattuleriffiusarfittut qalipannissaa, kiisalu gang-imi inimilu naqqit marloriaq lakkernissaat aammalu slibernissaat taamaallaat akilertussaasimagitit. Iggaviup aammalu igalaat nutarnernissaat akilertussaasimanngilatit, pissutigalugu illit nammineq allannertuut nuukkassi pitsaajunnaareersimammata.
Aammattaaq Ineqarnermut Maalaartarfiup tunngaviliussimavaa nuunnermi nalunaarsugaq atsiorsimagakku arlaatigut oqaaseqaateqarfiginagu.
Ineqarnermut Maalaartarfilli isumaqarpoq inissiaatileqatigiiffiup nuunnermi nalunaarsuinermi immersugassaq marlunnik oqaaseqartoq atorsimannginnera isornartoq, aammalu nakkutilliisup immersugassap imarisai nassuiaateqarfiginissaanut piffissaqarsimannginnera.
Tamannali inerneranut allanngortitsinngilaq, pissutigalugu inatsisitigut piumasarineqarmat najugaq qimanneqarnermini nalinginnaasumik iluarsaanneqassasoq.
Ineqarnermut Naammagittaalliuuteqartarfiup inissiatileqatigiiffimmut maluginiaqqussavaa sanasunit suliaasimasut nassuiaanneqarnissaat, akiligassami nassuiaassutaasimanngitsut ilanngullugit taamaasillutik takusaasimanermut uppernarsaammi allassimasunut assigiissuteqarnersoq takuneqarsinnaanerussammat nalilersorneqarlunilu.
Allaffissornermut tunngasunik pissuteqarluni suliap sivisuallaartumik suliarineqarsimanera Ineqarneq pillugu Naammagittaalliuuteqartarfiup ajuusaarutigaa.
Aalajangiineq:
Ineqarnermut Naammagittaalliuteqartarfiup inissiaateqarfiup aalajangiinera atuutsiinnartippa.
Naammagittaalliuuteqarnissamut ilitsersuut:
Ineqarnermut naammagittaalliuuteqartarfiup aalajangiinera ingerlatsinermut oqartussaqarfimmut allamut naammagittaalliuutigineqarsinnaanngilaq tak. § 86 imm. nr. 2, 12. maj 2005-imeersumi kingusinnerusukkullu allannguutilik naapertorlugu.
Ineqarnermut Naammagittaalliuteqartarfiup aalajangiinera eqqartuussisunut suliassanngortinneqarnissaa kissaatigineqarpat, attartortitsisumik sassaqqusissut, tassa Namminersorlutik Oqartussat imaluunniit kommuni Kalaallit Nunaanni Eqqartuussivimmut tunniunneqassapput.
Inussiarnersumik Inuulluaqqusillunga
Naja Joelsen
Ineqarnermut Maalaartarfimmi siulittaasoq
Ilanngussaq: Inatsisitigut tunngavik
Assilinera: Inissiaatileqatigiiffik XY-mut. Inimut attartornermut nr. innersuussutigineqarpoq XX-XXX-XXXX-XXX