Biilileriffimmi isumaqatigiissutit

Ilaatigooriarlutit ersarissumik ilisimaqqissaartarpat bilitit suna ajoqutigineraat aammalu suna iluarsartuunneqassanersoq. Imaassinnaavoq uuliaa taarsigassaassoq, aalajangersimasumik ingerlareerluni sullissinermik misissorneqassasoq, imaluunniit aalajangersimaqqissaartumik iluarsaassiniartut. Uani allakkatigut ersarissarsinnaavat, suna suliassaanersoq aammalu biilileriffik akimik tunniusseqqullugu.

Allatigut immaqa nalussavat bilitit suna ajoqutigineraat. Tassami biilileriffimmi ajoqutaa nassaaritinnagu atortut arlaqartut avissaarteqqaarlugit oqaatigisinnaasarpaat qanoq akeqassanersoq.

Bilit annertuumik ajoquteqarlutik iluarsaanneqassappata, iminnut akilersinnaavoq biilileriffiit arlallit neqerooruteqartillugit, tiimimut akissarsiat aammalu akinik aaqqissuussisarnerat assigiinngitsuusinnaammat.

Biliitit ullormut aalajangersimasumut naammassitikkusullugit ilinnut pingaaruteqarpat, taava allakkatigut isumaqatigiittareeritsi, biilileriffik isumaqatigiissusiorfigilerukku.

Bilit iluarsartuunneranut akigititaasoq

Bilit biilileriffimmut tunniutereeraanngakkit, pingaaruteqarpoq, isumaqatigiissut naapertorlugu ersarissumik allaqqassasoq, biilit iluarsartuuteqqusaanngitsut, illit akiusussaq akuereqqaartinnagu. Illit atuisutut akisussaaffigalugu uppernarsartussaavat, biilileriffimmut isumasioqatigiissimasutit.

Biilit iluarsartuunniarlugit kissaatigiunnaarakku, taava biilileriffik aallaavittut isigalugu taamaallaat akileeqqusisinnaavoq neqeroorutinut tunniussimasaminnut, tamanna siumoortumik isumaqatigiissutaasimappat. Taamaattoq tigussaasumik pisoqartillugu neqeroorut akilertariaqartassavat, tamannaluunniit isumaqatigiissutaasimanngippat, soorlu assersuutigalugu ilinnut ersarippat, biilileriffiup tungaaniit annertuumik suliaqutaasussaasoq ajoqutaaa nassaariniarlugu. Biilileriffiup uppernarsartussaavaa, isumaqatigiissutaareersoq imaluunniit ersarissimasoq biilitit misissorneqarnerat illit akilertussaagit.

Aalajangersimasumik akilimmik neqeroorfigitissinnaanngikkuit, taava missingersuummik imaluunniit akisunerpaaffissaannik piumasinnaavutit, biilileriffillu piumaffigalugu attaveqarfigissagaatit, missingersuut imaluunniit akisunerpaaffissaa qaangerneqarpat aningaasat aalajangersimasut imaluunniit procentinngorlugu angissuseq aalajangersimasoq.

Tamatigut pitsaaqutaavoq biilit iluarsartuunnerannut isumaqatigiissut allakkatigoortillugu, taamaalilluni kingusinnerusukkut nalornissutaaqqunagu, sunarpiaq isumaqatigiissutaasimanersoq.

Akimik imaluunniit akisunerpaaffissaanik isumaqatigiittoqarsimanngippat, taava aningaasat akiligassatut innersuunneqartut akilertariaqassavatit biilileriffiup piumasaa naapertorlugu, imaassimassanngippat uppernarsarneqarsinnaasoq, akiusoq suliassamut naliginnaasumut taamaattumut naleqqutinngitsoq.

Biilileriffiit arlallit neqeroortarput, nittarsakkakkut iluarsartuussinissamut inniminniisoqarsinnaasoq. Tamatumani ersarissarneqarsinnaavoq, suna iluarsartuunniarnerlugu kissaatiginerit aammalu kingunerisaanik biilileriffimmut akiusussamik isumaqatigiissusiortoqassasoq.

Siumoortumik akiliiniaruit, taava allakkatigut nalunaarsortiguk sunarpiaq akilersimanerit.

Akiusoq allanngoraangat

Akiusumut isumaqatigiissutaasimasumut allannguisoqartillugu missingersuummik imaluunnit akisunerpaaffissaa eqqarsaatigalugu, taava akiusussamik isumaqatgiissutaasussaq tamatigut akuerineqaqqaartassaaq soorlu mail-ikkut.

Allakkatigut isumaqatigiissut aalajangersimasumik akilik imaluunniit akisunerpaaffissaanik isumaqatigiissutaasoq pigilerukku taava biilileriffiup uppernarsartussanngorpaa, ilinnut isumaqatiissuteqarsimalluni, akiusoq isumaqatigiissutaasumiit annerulissagaluarpat.

Akiliineq, biilit aaneri aammalu biilit atortui taarserneqarsimasut

Biilit iluarsartinniarlugit biilileriffimmut isumaqatigiissutit suliap annertussusianut aamma akiusussamut taamaallaat atuuttariaqanngilaq. Ilanngulluguttaaq isumaqatigiissutaasinnaavoq qanoq ilinikkut akiliinissamut tunngasut, biilip aanissaanut tunngasut aamma biilip atortuinik taarsersukkat qanoq pineqassanersut.

Ajunnginnerpaavoq atortut taarsersukkat biilileriffiup toqqorpagit. Kingusinnerusukkut assortuussutaalissappat, ilumut atortunik taarsiineq pisariaqarsimanersoq, taava atortut taarsersukkat aalajangiinissamut pingaaruteqaleriataarsinnaapput.

Naatsorsuutigisinnaanngilat, biileriffiup biilit atortukuinik sivisuumik toqqorterissasoq, aammalu pisariaqarsinnaalluni, atortut taarsersukkat angerlaattariaqaritit, arlaatigut naammagittaalliuteqarnissamik ingerlataqarniaruit. Biilit atortui pisariaqartikkunnaarukkit, taava atornikuerniarfimmut tunniutissavatit.

Scroll to Top