Biilit atornikut – maalaarsinnaatitaaneq aamma qularnaveeqqusiineq

Biilit tuniniaasartumi pisiaapput imaluunniit biilileriffimmi

Pisisartut inatsisaat naapertorlugu illersugaavutit atuisartutut pisisarnerni malittarisassaqarami, soorlu biilersiguit atornikunik imaluunniit biilileriffimmi pisiarigukku. Soorlu assersuutigalugu biilit pisiarisareerukkit ukiuni marlunni maalaarsinnaatitaavutit, ulloq tiguffia najoqqutaralugu.

Bilit atornikut amigaateqassappata, taava pisinnaatitaaffigivat amigaataasoq aaqqinneqassasoq imaluunniit aningaasat utertissinnaavatit. Pisisartut inatsisaata malittarisassartai aamma amigaatinut atuupput, pisinerup nalaanni amigaataasimappata, imaluunniit patsisaasoq amigaataaneranut ilisimaneqarsimappat. Tamanna aamma atuuppoq amigaataasoq kingusinnerusukkut atsaat saqqummerpat. Biilinut piumasarisinnaasatit soorunami biilit pisoqaassusaannut akianullu apeqqutaapput.

Qulanarveeqqummik neriorsortissimaguit, taava qularnaveeqqusiineq maalaartitaasinnaanerit taarsersinnaanngilaa, kisianni ingerlaqatigiissinnaapput.

Biilinut atornikunut qularnaveeqqutit amerlanertigut piffissakkut naanerusarput, pisisartut inatsisaata malittarisassartaannut sanilliullugit, maalaartitaanermut naleqqiullugu. Qularnaveeqqut aamma annikillisarsimasinnaavoq biilit atortuinut ilaannaannut atuulluni soorlu motoria aammalu gear-ilersorfia.

Tuniniaasorlu akunnissinni isumaqatgiinngissuteqassagussi, taava Atuisumi siunnersortissinnaallutillu maalaarsinnaavutit Atuisartoqarnermut Naammagittaalliortarfimmut.

Biilit inummik privatiusumit pisiaappata

Biilit inummik privatiusumit pisiarigukkit, taava pisisartut inatsisaata aalajangersagaannut illersorneqarunnaartarputit. Tuniniaasoq privatiusoq pisinnaatitaavoq biilit atornikut naliginnaasumik nangaassuteqarluni soorlu assersuutigalugu: ”pisiarineqassapput takuneqarneratuut” aammalu maalaarsinnaatitaanani.

Tuniniaasoq privatiusoq ilisimalittut isigineqarsinnaanngilaq – ukiulluunniit qanoq amerlatigisut biilit atorlugit piginnittuusimappat. Tamannarpiaq pillugu piumasaqarsinnaanngilatit kukkunerit arlaat iluarsartinniarlugit, tuniniaasullu biilit tuninerani arajutsisimallugit.

Biilit atornikut inummik privatiusumit pisiariniarukkit immikkut sissuertariaqarpat kukkuneqarsimasinnaanersoq:

  • Biilit pisiaritinnagit misissorluakkit. Mississornissaa biilileriffimmut suliaritiinnassavat imaluunniit suliffeqarfiit arlaat biilinik atornikunik misissuissallutik neqeroortarsimappata, illit nammineq ilisimasaqanngikkuit.
  •  Biilit sivisuumik atorlugit misilikkit, suna tamaat misilittaqattaarlugu ajunnginnersut. Biilit misittarnerani ilaqarsinnaavutit, marluullusi nalilersueqatigiinniassaasi.
  •  Biilit atornikut akiligassaqarnersut imaluunniit qularnaveeqqutaanersut
  •  Biilip pappiliaatai misissorluakkit. Ilumut tuniniaasoq biilit piginerai misissoruk. Biilit piginngippagit biilit tuniniarnissaannut piginnittumiik pisinnaatitsissoqassaaq.
  •  Biilit nalunaarsortinneranut uppernarsaat biilit tigugukkit ilaassaaq(registreringsattest). Akuerinngisaannassavat kingusinnerusukkut nassiunneqarumaarmat.
  •  Siumoortumik akiliinngisaannarit.

Inuinnarnut privatinut niuertillutit Atuisumit imaluunniit Atuisartoqarnermut Naammagittaalliortarfimmit ikiorneqarsinnaanngilatit, taamaalillutit naammagittaallioriataarnissat ajornakusoorsinnaavoq, biilit atornikut pisiatit ajoquteqarpata.

Tuniniaasorlu arlaatigut inernilimmik nassaarsinnaanngikkussi, taava eqqartuussivinnut saaffiginnittariaqassaatit.

Scroll to Top