Nioqqutissap atornissaannut ilitsersuutit atuakkallu najoqqutassat

Soorlu assersuutigalugu ilitsersuutigineqarsinnaavoq, pequt katersorsimanngitsoq qanoq katersortariaanersoq, mobileq qanoq atorneqassanersoq, inuussutissat qanoq nillertigisumi paarineqassanersut imaluunniit atisat errorsivikkoortillugit qanoq errorneqaqqusaanersoq.

Atornissaanut ilitsersuut ima annertussuseqassaaq, atuisumut naliginnaasumut atorsinnaallugulu iluaqutigisinnaallugu. Ilitsersuut qanoq errornissaannut takussutissaannaasinnaavoq imaluunniit atuagaasinnaavoq tigusariaannaalluni. Ilitsersuut nioqqutissap pisiarnerani ilaatinneqassaaq.

Atornissaannut ilitsersuut tamatigut pisariaqartanngilaq

Atornissaannut ilitsersuut tamatigut pisariaqanngilaq. Soorlu tujuuluararsiguit annoraassiassamit sanaaq aappaluttoq qaamasoq, taannalu errorsinnaalluni soorlulusooq annoraassiassamit sanaat allat errortaritit, taava ilitsersuutitaqartariaqanngilaq. Tujuuluaraq naatsorsuutigisamit allatut errortariaqassappat, soorlu immaqa 20 graderiinnarmut errorsinnaavoq, imaluunniit immikkoortillugu errortariaqarluni, taava errornissaannut ilitsersuutitaqassaaq.

Oqaatsit

Ilitsersuut allattariarsuut oqaatsit naatsorsuutigineqarsinnaasutut allatat atorlugit allataassaaq. Nioqqutissaq ussassaarneqartillugu oqaaserineqartut naliginnaasumik atorneqassapput, imaluunniit nioqqutissap poortuutaa malillugu. Ilitsersuutit aamma titartaganngorlugit takutinneqarsinnaapput, tamanna paasinarpat.

Ilitsersuutip avataaneersuuppat naatsorsuutigineqarsinnaanngilaq kalaallisut allataassassoq, soorlu qarasaasiaq nassartagaq, avataanniit eqqussugaavoq. Taammaattoq nioqqutissap pisiarinerani pisinnaatitaaffigivat illersorneqarsinnaasumik nutserisoqarnissat nammineq oqaatsisitit atorlugit, tamannalu s.a. kalaallisut ingerlanneqassappat oqaluinnarluni saqqummiunneqarsinnaavoq.

Soorlu assersuutigalugu nioqqutissaq aseroriaannaallugu, imaluunniit eqqunngitsumik ulorianartumilluunniit atoriaannaalluni, taava illit nammineq oqaatsisit atorlugit mianersoqquneqassaatit.

Atuagaq najoqqutassaq nittartakkatigut aanneqassava?

Tuniniaasup naliginnarmik isigalugu naatsorsuutigiinnarsinnaanngilaa nittartakkamut attaveqareertutit ilissinni, aammalu tassannga aasariaannaagit.

Qaqutikkut pisariaqartanngilaq atuagaq najoqqutassaq nioqqutissaq malissagaa pappialanngorlugu pisiaringaagakku.

Ilaatigut ajunngilaq tuniniiaasup nittartakkamut hjemmesideminut innersuuppatit, tassanimi illit nammineq paasissutissanik pisariaqartitannik internettimit tigusisinnaavutit. Soorlu tamanna atuuttussaasoq qarasaasiamut programminik najoqquttanillu pisiniaruit imaluunniit WiFi-router-imik pisiniaruit.

Allatut isumaqatigiissiinnaavusi

Tuniniaasorlu isumaqatigiissinnaavusi, atuakkat nojoqqutassat nioqqutissamut ilaatinneqassanngitsoq, imaluunniit oqaatsit naatsorsuutiginngisat atorlugit allataappat, soorlu tysk-isut. Tamanna ersariffaarissumik isumaqatigiissutaareertariaqarput nioqqutissap pisiarineratigut, tuniniaasullu uppernarsassavaa, atuakkat najoqqutassat amigaataasoq imaluunniit allanertat oqaasii atorlugit allataasoq.

Atuakkat najoqqutassat aamma amigaatit

Nioqqutissaq pisiarisimasat atornissaannut ilitsersuutitaqanngippat amigaataavoq, ilitsersuut pinngitsoorneqarsinnaanngilaq, aamma tuniniaasorlu isumaqatigiissimanngikkussi ilaassanngitsoq.

Pisiat ajoqusertoorukku ilitsersuutitaqanngimmat taava amigaataavoq atuakkamik najoqqutassaqanngimmat nioqqutissap pisiarinerani, imaluunniit ilitsersuummi kukkusumik allaqqammat, imaluunniit ilitsersuummi allanertat oqaasii atorlugit allaqqammat illillu tamanna sioqqullugu akuerisimanngikkukku.

Scroll to Top