Aaqqissortinnissaanik imaluunniit taarsernissaanik toqqaanissaq

Siullertut pisiniartup toqqassavaa nioqqutissaq taarsertinneqassanersoq imaluunniit aaqqissortinneqassanersoq. Pisiniartup toqqagaa itigartissinnaavat ilinnut akisuallaarpat.

Pingaaruteqarpoq eqqumaffigissallugu illit inuutissarsiutigalugu ingerlatsisutut uppernarsassagit pisiniartup toqqagaa assersuutigalugu taarsertinnissaa ilinnut naleqqutinngitsumik aningaasartuuteqartitsisoq.

Illit nalililerukku aningaasartuutit naleqqutinngitsuunersut missingersortariaqarpat qanoq akeqassanersoq nioqqutissap taarsertinnissaa, aammalu qanoq akeqassanersoq aaqqissornissaa.

Aaqqissorneranut akia tassaavoq sulinermut aningaasarsiat, kingoraartissat aammalu allat aningaasartuutit.

Akitigut assigiinngissuseqanngippat pisiniartup nammineq toqqarsinnaavaa taarsertissanersoq aammalu aaqqissortissanersoq. Akitigut assigiinngissuseqaraluarpat taava soorlu assersuutigalugu ilinnut akisunerulluni taarsertinnissaa aaqqissorneranut sanilliullugu ilimananngilaq pisiniartup piumasaqarnera nioqqutissap taarsertinnissaanut itigartissinnaassagit.

Aammaattaaq isiginiartariaqarpat qanoq akornutaatiginersoq pisiniartumut nioqqutissap aaqqissortinnerani pinngitsoornissaanut. Akornutaa minnerulersissinnaavat atugassiamik tunniussiguit.

Pisiniartut amerlanerit toqqassavaat nioqqutissap taarsertinnissaa aaqqissuussinermut utaqqinissamut sanilliullugu. Kisiannili tamatigut pisiniartumut akornutaasinnaasaraluartoq nioqqutissap aaqqissortinneranut amerlanertigut inernera pitsaanerpaaq toqqartassavat ilinnut akikinnerpaajuppat. Siullertut misiliinermi.

Scroll to Top