Nioqqutissami ajoqusernerit, tammarnerit aammalu tillinnerit

Pingaartuuvoq nioqqutissat paarisatit imaluunniit aaqqissortitatit nakkutigilluarnissaat. Illit pisuussutigigukku nioqqutissap tammarnera imaluunniit ajoqusernera taarsiisussanngortitaasinnaavutit.

 Tunniussinermut uppernarsaat

Nioqqutissaq aaqqisssortinniarlugu tunniussisoqarpat uppernarsaammik tunniussisariaqarputit nioqqutissaq illit paarisarigit. Tunniussinermut uppernarsaatip isumannaassavaa pisiniartup nioqqutissiaq eqqortoq tigussagaa aaqqissortinnera naammassippat, aammalu kingusinnerusukkut saqitsaatsoqannginnissaa anguniarlugu tammaraluarpat, tillinniartoqaraluarpat assigisaallu.

Tunnissinermut uppernarsaammik tunniussiguit itigartitsissutigisinnaavat nioqqutissap tunniunnissaa tunniussinermut uppernarsaat tammarsimappat, pisiniartoq allatut uppernarsarsinnaanngippat nammineq nioqqutissaatigalugu.

Tamatigut isumassarsiatsialaavoq pisiniartup atia, najugaa aammalu telefonip normuata paasinissaa nioqqutissaq aaqqissortinniarluni tunniunneqarpat. Taamaasilluni ilinnut periarfissaalissaaq pisiniartup attaviginissaa arlaatigut ajornartorsiuteqalissangaluarpat.

Tunniussinermut uppernarsaammi aammattaaq allaqqasinnaavoq kukkunera suunersoq, aammalu qaqagu naatsorsuutigineqarnersoq aaqqissortilluni naammassineqassanersoq. Eqqaamallugu akia neqeroorusiortoqarsimappat, akisunaarussisoqarsimappat imaluunniit annerpaamik akissaanik isumaqatigiissusiortoqarsimappat.

Nioqqutissami ajoqusernerit, tammarnerit aammalu tillinnerit

 Nioqqutissaq ajoquserneqarpat imaluunniit tammarpat aaqqissortinniarluni tunniunneqareerluni aallaavittut illit taarsiisussaatitaavutit.

Aallaqqaammut pisiniartulli uppernarsassavaa nioqqutissaq tunniunneqarsimanngitsoq, imaluunniit ajoquserneqarsimasoq ilinniitilluni. Illit isumaqaruit taarsiisussaatitaanermik akisussaaffeqarnak illit uppernarsassavat nioqqutissap tammarnera imaluunniit ajoqusernera pissutsinik peqquteqanngittoq ilinnut assuaataasinnaasumik imaluunniit illit sulisornut. Taamaattumik isumassarsiatsialaasinnaavoq nioqqutissap tingunerani ajoqusernerit takussaasut tamarmik aammalu kingarnerit tamarmik tunniussinermut uppernarsaammi allattorukkit.

Pisiniartoq taarsiivigineqartussaavoq

Illit taarsiisussatut akisussaasuuvutit ajoquserneq illit pisuussutigigukku. Soorlu assersuutigalugu cykelinik iluarsaasartuuguit aammalu cykelit paarnaanngitsoorsimallugit, imaluunniit kuultinik saffiortutut assammioq diamantimik isilik naliginnaasutut allakkatigut nassiukkukku allakkatut nalilittut nassiuttussaangaluarlugu, aammalu cykelit imaluunniit assammioq tammarsimappat. Pisiniartup qaatiguui akiliisitsillutit atisaasiverni toqqoqqagukkit aammattaaq taarsiinissamut akisussaasunngorsinnaavutit atisat tammarpata, pissutigalugu illit paarilluarsimannginnakkit.

Illit taarsiiffiginnittussatut akisussaasuuguit pisiniartup nioqqutissap nalinganut assigusumik akilerneqarnissani piumasarisinnaavaa ajoqusernerup piffssaani, imaluunniit aaqqissortinnissaanut akissaa. Taamannak pisoqartillugu illit piumasarisinnaanngilat nammineq nioqqutissap aaqqissornissaa. Nioqqutissaq ajoqusersimappat pisinnaatitaaffiginngilat taanna aserornikoq nioqqutissaq paariinnarnissaa, naak pisiniartoq taarsiivigitereeraluartoq.

Pisiniartoq taarsiivigineqartussaanngilaq

Pisiniartup taarsiivigineqarnissani piumasarisinnaanngilaa ajoqusernernut illit pisuussutiginngisarnut. Soorlu assersuutigalugu ajoqusernerit pisimasut tillinniartoqartillugu imaluunniit ikuallattoqartillugu. Taakkunani pisuni naliginnaasuussaaq pisiniartup nammineq sillimmasiinerata annaasaqarneq matussuserpagu. Assersuutigalugu cykeliusinnaapput tillinneqartut illit inigisarniiittut paarnaaqqasumi aaqqissortussaangaluakkatit.

Scroll to Top