Kiffartuussineq – sunaava?

Kiffartuussineq tassaavoq sulineq imaluunniit allatut ikiuut nioqqutissamik pisinerunngittoq soorlu assersuutigalugu nuunneq, saliineq imaluunniit pigisanik nuunneqarsinnaasunik atorneq.

Kiffartuussinernik niuertaruit aammalu nioqqutissaniunngitsoq allanik inatsisinik atuuttoqarpoq pisiniartarneq pillugu inatsisit saniatigut. Inatsiseqanngilaq pisiniartarneq pillugu inatsimmut assigusumik imaqartumik malittarisassanik pisiniartup pisinnaaatitaaffiinik, taassumalu ataani qaqagukkut kiffartuussineq amigartarnersoq.

Kiffartuussineq amigarnersoq nalilerniarlugu periuutsit ilaatigut atorneqartarput pisiniartarneq pillugu inatsimmi nioqqutissanik amigaateqarnermut allaqqasut.

Akerleriittoqalerpat isiginiartariaqarpoq suna isumaqatigiissutaasimanersoq taanna ikiuut tunniunneqartoq naliginnaasumik pitsaassuseqarnersoq, aammalu pisiniartup ingasanngitsumik suut naatsorsuutigisinnaanerai taakkunani pissutsini atungaasuni.

Kiffartuussinerit pisoqalisoorneq pillugu inatsisini ilaapput, aammalu tamanna isumaqarpoq pisiniartoq ikiuutit pillugit maalaaruteqarsinnaavoq ukiut 20-it tikillugit. Kisiannili annerpaamik ukiut tallimat amigaateqarnerup paasineraniit imaluunniit paasineqarsimaffissaraluaniit.

Kiffartuussineq imaluunniit nioqqutissanik pisineq?

Sulinerit tamarmik kiffartuussinerunngillat. Pisiniartumut nioqqutissamik sanaguit soorlu assersuutigalugu kjolemik mersoruit pisinerussaaq aammalu taamaalilluni pisiniartarneq pillugu inatsimmi malittarisassanut ilaassalluni. Pisiniartulli kjoleq aggiuppagu illit mersungassat, tamanna kiffartuussineruvoq.

Pisiniartumut nioqqutissamik tunisaqaruit aammalu tamanna atatillugu kiffartuussiguit pisineruvoq, nioqqutissaq isumaqatigiissummi pingaaruteqarnerpaappat. Soorlu assersuutigalugu pisiniartumut erruissut tunisinnaavat aammalu ikkussorlugu. Uani ikkussuineq pisinermut ilaavoq aammalu pisiniartarneq pillugu inatsimmi malittarisassanut ilaalluni.

Atuisartunut illersuineq kiffartuussisoqartillugu

Isumaqatigiissuteqartarneq pillugu inatsisit malittarisassaliuuppaat qaqagukkut isumaqatigiissuteqartoqarsimanersoq, aammalu illit eqqumaffigissavat inatsit aamma imaqarmat atuisartunut illersuineq pillugu malittarisassanik.

Tamanna isumaqarpoq isumaqatigiissut soorlu assersuutigalugu atungassanik erseqqissuunngitsunik imaqarpat paasineqarsinnaasut pisiniartumut iluaqutissatut.

Isumaqatigiissut imaqarpat naleqqutinngitsunik atungassanik tamakkiisumik imaluunniit ilaannakortumik isumaqatigiissummiit peerneqarsinnaapput. Tamanna pisinnaavoq naak illit isumaqatigiissutigineqartut allakkat pisniartumut tunniussimagukkilluunniit soorlu assersuutigalugu ”naliginnaasumik piumasaqaaterni”.

Isumaqatigiissutit nutartertartut, ilaasortaanerit assigisaallu

Kiffartuussinerit isumaqatigiissummut nutartertartumut tunngappata soorlu assersuutigalugu attartornermut isumaqatigiissut imaluunniit ilaasortaanermut, taamaasillutik malittarisassat atalernermut piffissarititat aammalu taamaatitsinermut atungassat atuisartunik isumaqatigiissuteqartarnerit pillugit inatsimmi allaqqapput.

Kiffartuussinerit pillugit nittartakkatigut akilerneqartunut immikkuullarissut inatsisit

Kiffartuussinernik nittartakkatigut tuniniaaguit imaluunniit allatsitsinikkut eqqumaffigissavat taamannak pisisoqartillugu allanik immikkuullarissunik peqqissimineq pillugu malittarisassanik atuuttoqarmat. Uani pisiniartoq naliginnaasumik ullut 14-it peqqissimisinnaatitaavoq isumaqatigiissuteqarfiusumiit ullormiit atuuttumik.

Scroll to Top